海景粥店茶餐廳

營業中

休息中

今日早餐嚟到海景粥店茶餐廳 我點咗餐肉麵 配雙太陽蛋同凍檸茶 😋雖然麵係出前一丁 但唔知點解份量真係好大 餐肉煎得香脆 味道非常好 雙太陽蛋煎得啱啱好 蛋黃半熟 同麵條一齊食 口感一流 凍檸茶味道正常🥤呢間餐廳環境舒服 雖然唔算好大 但座位安排得好 唔會覺得逼人 服務員態度友善 點餐同上餐速度快 餐廳員工都非常好 做嘢又爽快 🏮另外佢哋除咗早餐之外，仲有好多唔同種類嘅選擇下一次真係要試吓佢哋嘅粥我見其他好多人都點粥同埋油炸鬼整體嚟講 呢次早餐體驗非常滿意 食物味道好 服務態度好 👍

Sisters and friends from overseas wanted to have local breakfast. One wanted to try the Hong King style tea with condensed milk and French toast stuffed with peanut butter, whilst my sisters wanted steamed rice rolls with deep fried dough sticks and local coffee with milk, and my husband and I wanted plain steamed rice rolls with lots of sweet sauce, peanut sauce as well as sesame plus instant noodles with fried egg and beef in satay sauce. Finding a table for 6 in a local coffee shop is not tha

九龍城的茶餐廳再多，也沒多少間有提供自家製的油條、牛脷酥、咸煎餅和煎堆等油器。而粥的配料方面選擇繁多，除了一般的及第粥和艇仔粥外，這裡有自製豬紅，又或清清的玉米粥，配上各式油器，真的錦上添花。另外腸粉也是即叫即製的，堂食顧客可以點個齋腸或蝦米腸，隨個人喜好加醬油、甜醬、麻醬、辣醬和芝麻，又或來個炸兩或金銀腸（腸粉卷油條或牛脷酥），如果义燒腸、鮮蝦和鮮牛肉腸都不合閣下口味，這裡老闆還可以按你的口味為你特製比如雞蛋腸粉。喜歡粉麵的可以考慮這裡的沙爹牛肉或肉丁公仔麵，或蘿蔔豬紅米等。喜歡西式的也可以來個腸仔或火腿奄列甚至三文治或西多。午餐的款式也是中西任選，個人喜歡的有香脆的銀芽肉絲炒麵和雪菜火鴨絲炆米，而扒類食品配飯更可就顧客口味選擇咖喱、茄汁或醬油等。值得一提的是這裡卡位多，座位寬敞，清潔且光猛，所以很自然成為本區較受歡迎的茶餐廳。

港式茶餐廳的厲害之一，係食物款式多元化。地方細細，都可以煮出上百種食品。之前來九龍城海景通常食粥，今日想試吓佢嘅麵和飯。阿姐好好人，主動幫我哋拼枱，又有禮貌咁有問必答、等我哋落單。我哋叫咗三樣嘢，每碟份量都好大，男仔都夠哂飽。蝦球叉燒炒蛋飯，我最着緊係啲蛋，要炒得夠香夠滑，呢間做到。啲蝦都好大隻，質感和味道都OK，唔係透明塑膠look嗰種；叉燒偏瘦又唔鞋，好味；而餐廳細心位係，將甜豉油另上，客人可按自己喜好加色。沙嗲豬扒公仔麵跟油多加火腿蛋、焗豬扒飯都正常發揮。六、七十蚊一餐食到飽一飽，算唔錯。

開始知道呢間鋪係因為經過見到有油條賣，賣翻屋企送粥食，好好味，又脆又夠味。後來晚飯來試下滴粥，碎牛粥真係好味，從未食過甘煮法，裡面有粉絲碎牛肉，味道好五錯，加滴胡椒粉仲香。其他豉油王炒麵都OK，無咩胃口可以再來食粥。

通常茶餐廳的服務都不怎麼樣。但九龍城這間餐廳就不一樣，這裏的員工非常有善，見到客人都會好好招呼。看見客人在分食物會主動問要不要小碗子。雖然隔著口罩也感覺到員工對你説話是充滿笑容。$55 一份精選套餐連飲品，食物大大份，十分推薦豬扒炸帶子火腿葱花炒蛋意粉！豬扒比手掌更大，好味！如以後再經過九龍城必定會再次在此就餐！

海景從來唔算勁好食，但性價比係好合理。今次用外賣app嗌餐，叫咗兩碗粥、齋腸粉、炸襾、炒麵、咸肉粽、蘿蔔糕⋯⋯埋單$181連運費。送到嚟，係每樣一個盒，每款醬汁又一個一個小杯仔⋯⋯冇錯係唔太環保，但作為外賣送餐，我覺得佢keep到九成原貌。味道同在店裡食嘅都九成一樣。（有啲食肆外賣改用已預先包裝的醬汁，但和店裡唔同牌子，亦未必食得番同一風味）最讚係個炸襾，其實仲有微脆㗎，喺店裡食如果叫10分脆，送嚟呢盒都仲有7分，我好收貨囉！整體來講，可以encore的！

店裡裝修乾淨，比一般茶餐廳好，比較衛生的感覺，不過食物一般，我叫左一碗碎牛豬紅粥同齋腸，粥好稀，冇乜味，料都足不過豬紅唔得結實，同埋碎牛冇味。腸粉可以，亦有齊所有醬料同芝麻任用，值得一提係門口收錢姐姐好有禮貌！

九龍城一向都多好野食，今次就同屋企人試下海景粥店茶餐廳。餐廳裡面座位都幾舒適，而且卡位都好寬闊,所以都坐得好舒服。今次叫左魚片碎牛粥，炒麵，炸兩同雞翼酸辣米線。 另外這裡除左粥麵之外，都有飯類可以選擇。魚片碎牛粥方面，個牛肉稍嫌太生，所以就叫左廚房再煮熟d,侍應都服務態度好好咁幫我地迅速換左。 另外個粥底好綿，而且材料方面都好充足。 至於個炒麵份量十足，麵條彈牙，再加上韭菜既香味簡直係絕配。 檯上也有提供芝麻，加落去炒麵令到食落更香口。炸兩個皮夠薄夠軟，而入面依然能保持脆口。酸辣麵線其實有好多配料可以選擇，包括雞扒，雞翼，肥牛，煙肉等等，辣味方面都可以選擇小辣，中辣，大辣（但其實係成罐辣椒油比你自己落）。 雞翼好貼心地同米線分開上，令到雞翼既皮可以保持到好脆。 另外湯低方面，酸味比較重，湯底裡面都有大量酸菜和肉碎，令到米線好入味。 總括而言，今次所有菜式都好滿意。魚片碎牛肉粥可以叫廚房煮熟d, 炒麵，炸兩，酸辣米線都可以一試種

天星期日，中午同囡囡到海景粥店午膳，呢間粥店都係常到的店舖之一，因為一想食粥食炸兩，係九龍城一定會想到呢間。今日一行四人，兩大兩小，原本只叫咗一個午餐既萄汁雞飯、炸兩、碎牛粥、豬紅碎牛粥，但細囡實在大太胃口她食了兩碗仔飯，又好鍾意食炸兩，所以叫多咗碟炸兩，另外因為萄汁太多，唔夠送飯(基本已有一大碗)，結果免費的加了一個飯(姨姨好好人)，好似今次賺咗。總括來說，呢度既粥的確好味，食物多元化，雖然有其他嘢食可選擇，但本人黎到呢度食嘢既首選係粥----碎牛粥，其次係炸兩，這兩個是必吃之選。

呢度几多卡位，冷气足够又阔落。及第粥材料新鲜粥底靓，炸両肠粉外滑内脆，一流水准，油条够大而香脆，必吃之选，咸肉棕香热软滑，咸蛋黄甘香够味，不知不觉已全数吃完，再配以香滑奶茶，真是值得回味，超正!

蜜桃小丸子下挑戰書，立志吃勻九龍城的食肆。今天，便選擇吃大家必有機會吃的新式粥店，粥店當然有粥吃，但食品十分多元化，像茶餐廳一樣有常餐和各式麪餐，包羅萬有，價錢亦很大眾化，十分實惠。小時候最愛吃的炸兩，近幾年已很少吃，難得粥店有，當然要試試。炸兩份量頗大，如果有些蔥花舖上面，相信會更吸引。本身，蜜桃小丸子對味道沒有抱太大期望，但一吃下去卻有驚喜，外軟內脆，吃得出內裏的油炸鬼是新鮮的，雖不至於熱辣辣，但卜卜脆，值得一讚。由於蜜桃小丸子突然很想吃米線，便叫了一碗雞扒酸辣湯米線。當然，粥店的米線不能與專門店相比，但我覺得它誠意可算是十足。就如圖片所見，有很豐富的酸菜、肉碎和蔥在米線上，所以酸味很夠，辣味就是來自辣椒醬。雞扒煎得香口，皮很脆，肉就比較乾身，不算很大塊，味道不錯。

經過附近搵地方食午餐， 今次就不如試下海景粥店啦！ 點了餐廳的蝦米腸粉，豬潤粥，茄汁煎雙蛋雞扒飯，熱奶茶。 蝦米腸粉好大碟，但是唔夠熱，腸粉皮厚身唔夠滑！ 但係要讚下佢哋的豬潤粥，食粥最緊要就係睇個粥底，海景嘅粥底做得夠綿， 豬潤份量十足，質地爽口唔硬身， 仲要好大碗一個人食唔曬！ 另外茄汁煎雙蛋雞扒飯， 味道正常可以接受， 奶茶亦算唔錯！見到餐牌上有很多唔同種類的粥選擇， 還有各式各樣的粉麵和小食！ 座位亦光猛舒適， 食具都算乾淨整潔。

去過呢間野買幾次外賣，份量OK, 但服務就一般般。通常都係買粥，粥明顯有落味精，但味道唔錯。服務就認真麻麻，我係一個喜歡胡椒粉嘅人，通常會叫佢比多幾包胡椒粉我，但係佢哋就好孤寒，成日都好似我想呃左佢副身家咁。最嬲嘅就係，最近一次買外賣，我加左錢買個窩蛋碎牛粥，佢哋竟然唔記得左落隻蛋落去，我買到返屋企先發現，連鬧都鬧佢哋唔到。所以好難比好評，又唔可以話佢哋係好差，只不過大家唔需要特登去幫襯呢間餐廳，或者唔好抱太大期望。

你九龍城返工食咗個早餐先去啦！本來係食粥嘅！坐低見到人哋有公仔麵餐，好似好好食咁！終於忍唔住都係order 公仔麵食!可以order兩個餸，我order 咗沙嗲牛肉配紅腸，跟配以個火腿奄列！再加個凍檸茶！就係一個完美嘅早餐！沙嗲牛肉嘅份量好多個沙嗲汁都好好味！不過我就覺得個湯多咗啲囉！令到個沙嗲汁淡咗d!下次order 少湯先紅腸有少少煎過！好味！我鍾意隻杯飲嘅凍檸茶！感覺夠晒凍！就算你都唔食粥都可以好多選擇！