海景軒

營業中

休息中

走進餐廳，就看到排列整齊的各種獎狀，有蟹組，牛組，豆腐，蔬菜等等，可見廚師非常認真進取，享受美食的期待升到高位，味蕾已進入高戒備狀態。😘第一道--百花炸釀蟹鉗一隻金黃大蟹鉗，剛炸好上台，熱氣散發著蝦蟹的鮮香，海味佳作。第二道--蘆薈珍菌竹笙湯用上湯煨各式珍菌加蘆薈竹笙，清香怡然，山珍奇葩。👍第三道--蠔皇花膠鮑魚兩只鮑魚，一只厚花膠，脆綠的小唐菜陪伴在側，淡淡的蠔油帶出乾海味的特有美味。第四道--燒汁煎封銀雪魚蜜糖脆粉裹著銀雪魚，煎得香香的，皮脆肉嫩，兩條粗蘆筍平衡了魚油的厚重感。第五道--頭抽和牛炒飯粒粒晶瑩剔透的米飯，配和牛🐮青菜蛋粒炒得香鮮味美，協調食材的味道，發揮至最高境界。第六道--蛋白杏仁露這是上任大廚的得獎作品，含在嘴👄裡有鬆化的感覺，中等的甜度更突出杏仁的味道。海景軒雖然沒有海景，有的是廚師的創意和心❤思，感謝廚師們的靈巧出品。😀🙏🙏

🚩海景軒今日同朋友嚟酒店staycation，平時西餐就食得多，今次就試下中菜〰️〰️〰️〰️〰️〰️〰️〰️〰️〰️〰️〰️〰️〰️〰️🌈百花炸釀蟹鉗每人一隻拳頭咁大嘅蟹鉗🤤蟹鉗出面包實左厚厚一層嘅蝦滑，香口彈牙～搭配埋佢地咁甜酸醬消除左炸野嘅油膩味🌈蘆薈珍菌竹笙湯蘆薈煲湯真係第一次飲，入口好有膠質，feel到飲完應該會靚女左🤤超級足料，全部都食得落口，啲菇都幫你去曬根部，好細心🫶🏻最中意食竹笙吸滿曬湯汁🌈蠔皇花膠鮑魚鮑魚好軟，一定唔係罐頭鮑🥹同埋食埋花膠，好補，仲要唔係少分量咖！鮑魚都有兩粒🫶🏻花膠成條黎😍又係吸哂啲汁，成條花膠好入味der🌈燒汁煎封銀鱈魚香煎銀鱈魚真係可以列為我最喜愛菜式之一，魚嘅油脂好豐富，而且用油香煎過，面頭微微焦脆，啲細骨都可以食埋！份量都好多有三大舊🌈頭抽和牛炒飯炒飯唔夠鑊氣，而且用嘅係牛肉碎，牛肉粒都唔係🫠但好在炒得都算粒粒分明，夠曬味～🌈蛋白杏仁露唔會好甜嘅杏仁露，磨得好滑唔會覺得喉嚨唔舒服，仲食到粒粒嘅蛋白～

多謝朋友安排食呢餐復活節午餐，簡簡單單三度菜：片皮鴨、脆鱔、鴛鴦炒米粉，頭兩款均需要預訂，三款都水準都非常高。大廚表示他們的片皮鴨選用米鴨，size較細而肉質較嫩，片出來一半淨皮另一半皮連肉，各適其適。值得一提是除了傳統的配料：青瓜條、京蔥絲、甜醬外，師傅特別條配的立美配料更勝一籌，包括菠蘿條、柚子肉及蕎頭，配上秘製辣醬，好吃，同片皮鴨很夾。脆鱔也不錯，鱔肉厚而彈牙，鱔皮真的造得很脆，外面好像很少吃得到。鴛鴦炒米粉其實就是雪菜肉絲炆米的進化版，除了雪菜肉絲，另外加入了魚肉，而米粉外亦混入粉絲，口感和味道都唔錯，估唔到米粉同粉絲都幾夾，唯一缺點是雪菜味唔夠香，但整體都好食。

🌹中菜一向都喜歡，尤其是酒店內的中菜廳，聽電台節目推介《海景軒》，去睇睇食評後決定訂位。🌹食店位於尖沙咀海景嘉酒店內，今次又到訪一間酒店，在酒店內留影一番。我們訂了檯11:30，人不算多，環境較暗，佈置典雅，檯距離足夠，寧靜舒適。下單點了抗疫午餐，尚算豐富，價格可以接受。姬松茸菜膽燉鱈魚膠⭐️⭐️⭐️⭐️⭐️燉湯味香濃，用料十足碧綠蟹肉四寶餃⭐️⭐️⭐️上桌太早，進食時是暖，影響口感菌香和牛蒸棵⭐️⭐️⭐️上桌太早，進食時是暖，影響咩感黑蒜香煎花蝦斑球⭐️⭐️⭐️⭐️⭐️香口組合上湯蟲草花北菇芥蘭遠⭐️⭐️⭐️味道較淡口迷你鮑魚配紫薯菜飯⭐️⭐️⭐️⭐️⭐️鮑魚彈口，紫薯菜飯配鮑汁，提升味道招牌蛋白杏仁露⭐️⭐️⭐️杏仁香，但稍甜加評：上菜安排欠佳，剛進食一道菜，另一道菜已送上，導致熱度不足，有點急趕。個人評分食物味道服務環境衛生抵吃回頭率

話說疫情下很多著名食肆都比從前易book位，可惜不是這一間。聽說這家的點心很好，打電話book基本上無人聽，幸好找到網上訂位，已book到半個月後了。點心選了海景蝦餃皇、松茸燒賣、碧綠蟹肉四寶餃、狀元茶果及叉燒酥。蝦餃皇出色，如一般高級酒店的蝦餃，鄙薄餡靚，蝦肉當然新鮮啦。松茸燒賣就是將燒賣錦上添花，加上一小片的松茸，松茸的香味配上燒賣真的很好。碧綠蟹肉四寶餃精緻又好味，綠色的餃皮滲出淡淡清香，加上新鮮配料食落好fresh。狀元茶果煎香咗，比平時蒸嘅茶果更好食，亦是五款之中最有驚喜的點心。最後一樣是叉燒酥，皮做得很鬆，叉燒唔會一pat，好食。

今天到海景嘉福酒店海景軒試了一個抗疫套餐， 由於正常午餐時間一早爆滿所以改在兩點後吃， 第一度鱈魚膠湯味道清甜，點心亦精緻不會滿口味精，蛋白杏仁茶甜味適中，四周環境優雅，服務達標。

晚市冇堂食咪食豐富嘅午餐代替囉想食嘅嘢次次都叫唔晒焗蟹蓋係signature之一脹卜卜全部都係蟹肉灌湯餃都係我最愛之一皮薄湯濃又足料砂窩銀鱈魚都好正啲魚脆卜卜再加汁（煎封）啲魚仲好滑蠔煲好似係季節性啲蠔都好大隻 其他料都好足豆苗夠嫰 好味叉燒就真係唔係好穩定時好時壞 要靠運😂海蜇爽口 好味脆皮雞真係脆皮 雞肉都嫰而且唔乾呢個甜品幾特別用紅棗整千層酥啲酥皮好脆 加上淡淡嘅紅棗味唔會太甜總括嚟講好好食😋食晏食咁多嘢係飽嘅

喺Klook買了連海景軒套餐既staycation package後，就上openrice看看食評，發覺大多數都比負評，後悔都來唔切，但錢已預付，唯有如期去用餐，用餐前我已給同行朋友打底，叫佢哋不要有太大期望。點知每個餸都熱辣辣，好好味，喜出望外，食到我哋個個舔舔脷，最後既甜品～蛋白杏仁茶都好有水準。此外，海景軒環境好好，枱與枱之間距離寛濶，而且每個服務員都好好禮貌，招呼周到，呢餐冇揀錯，亦要為【海景軒】平反一下，日後必定會再幫襯

久不久屋企人都會要求去海景軒無論係午餐同晚餐都咁鍾意❤️主要係價錢唔貴啲嘢又好食晚餐我哋次次都會留定片皮鴨即場有職員片鴨 脆皮帶肉 滑足唔同要求薄餅用蒸籠分開上不過要盡快享用 冷氣下會好快凍醬汁有辣有唔辣 幾特別二食嘅生菜🥬包鴨鬆真係好細心啲生菜🥬片片都裁剪過 每片都手心咁大方便食用另外必點嘅有酥炸白飯魚又香又脆 作為前菜一流仲有砂窩煎封銀鱈魚🐟啲銀鱈魚🐟煎咗係脆嘅再放入砂窩加上特製醬汁 好好味😋仲有其他不同嘅菜式例如其中一個招牌菜蜜梅京燒骨唔使次次揀生炒排骨甜甜地轉下口味鵝肝花枝丸好彈牙裡面有鵝肝做餡川辣蝦球辣辣地但啲蝦好爽有啲似豆辨醬味 如果XO醬唔知會唔會再好味啲清清地要咗個上湯浸豆苗豆苗夠嫰 濃湯夠味蟹肉桂花炒粉絲稍嫌淡咗少少但係都好味嘅最後梗係要脆奶卷做甜品熱㷫㷫脆卜卜 好味😋

✨五糧液桂花蜂蜜叉燒叉燒 三分肥七分瘦 肉質軟腍鬆化蜜味香甜 帶好微微嘅桂花香五糧液冇乜存在感 ✨海景軒片皮鴨配料同醬料有兩款 一款係傳統式 另一款韓式 感覺都幾新鮮薄餅皮 係同坊間有啲唔同 有啲類似米皮 口感偏向有韌性 較乾至於重點嘅片皮鴨睇相都知 隻鴨有做開Gym 好瘦 冇乜脂肪令到食起上嚟冇嗰種 應有嘅油脂香 皮較薄 酥脆感相對薄弱鴨肉亦相對乾柴 冇乜肉汁整體麻麻地比較適合怕肥人士食用係我心目中好食片皮鴨 其中一個重點係鴨嘅油香呢度完全沒有 有啲失望香酥火鴨方(二食)炸皮 炸得鬆脆內餡 似係將火鴨混合蝦膠做成 口感彈牙 味道唔算突出做法幾特別但食落又冇乜特別✨龍皇白玉卷上層 石斑魚雲南火腿卷 石斑魚鮮甜 肉質嫩滑 帶少少火腿鹹香中層 蝦膠釀香菇 鮮味彈牙底層 混合菜汁做成嘅蛋白 連埋帶鹹蛋香嘅醬汁食 整體唔錯✨水晶牛肋肉外層係水晶梨 梨肉口感帶爽 香甜牛肋肉 看似好柴 但食落好軟腍夠入味 甜甜地 幾特別✨欖菜玉珠賣相精緻 將菜心欖菜釀入冬瓜球冬瓜清甜 欖菜味道幾突出芡汁偏清淡✨鴛鴦糯米飯上層 有春卷皮同錦鹵雲吞皮做成嘅裝飾中層 炸芋角 芋頭味香濃 口感綿滑底層 糯米雞 輕輕炸過

尖沙咀海旁5星酒店午市點心套餐啲間中餐係米芝連，食物一定有返咁上下👍🏻午市套餐仲要幾抵食，可以揀8款點心，仲有甜品茶錢最平$29，啲質素係可以嘅香麻叉燒酥個皮好鬆，餡啲醬汁甜甜地，好食😋蒜香銀鱈魚春卷蒜味適中，不過魚肉始終唔係好夾做春卷三色竹笙素餃顏色配搭一流，雖然係素食但味道唔會淡碧綠露筍蟹肉飲食到爽脆嘅露筍，同蟹肉鮮甜味好夾招牌蝦餃皇蝦肉爽，不過皮厚身左少少松茸燒賣松茸菇香味好夾肉味，唔錯脆皮牛肉腸粉原來係入面包左油炸鬼，陳皮配牛肉好食瑤柱有機糙米鷄糙米代替糯米，無咁heavy但一樣好食蛋白杏仁露、香酥奶黃春卷杏仁露完全無苦澀味，好滋潤嘅感覺春卷配奶黃的確唔錯另外加左個灌湯餃，湯頭好鮮又有鮑魚，正😋

見到片皮鴨關注組有人分享海景軒做緊半價片皮鴨優惠，即刻喺openrice訂位，期待咗一個月終於有得食！片皮鴨喺訂位時已經預留咗，坐低後大概等咗廿分鐘就上菜。侍應先奉上全鴨畀我哋影相，等我哋影完先開始片鴨，好貼心整隻鴨烤色均勻，烤至古銅色，表面帶油光，就咁睇都知鴨皮一定夠酥脆。呢度嘅片皮鴨唔單止片皮，而係皮連肉，只有少部份係淨皮。鴨皮酥脆，烤得剛剛好，唔會太油膩配料方面除咗有傳統食法嘅青瓜、京蔥同甜麵醬，另外仲有菠蘿、柚子同辣醬，辣醬少少辣，估唔到同烤鴨都咁夾。鴨胸部分好厚肉，肉質結實唔會乾，鍾意食啖啖肉嘅我食得好滿足餅皮做得非常靚，夠薄又濕度適中一隻烤鴨跟兩籠餅皮，畀得好慷慨，估計有成廿塊。呢度嘅片皮鴨二食有多款選擇，除咗一般嘅炒鴨鬆之外，仲有炒鴨絲、炆鴨件、鴨鬆荷葉飯同鴨絲煎米粉等等。我哋就揀咗比較特別嘅香酥火鴨方，就咁睇個名唔知係咩嚟，睇英文先知係炸鴨肉多士由兩片薄薄嘅麵包夾住鴨肉墨魚滑，麵包炸得非常酥脆，中間墨魚滑彈牙頭抽和牛炒飯色水好靚，頭抽味道突出而且非常有鑊氣米飯粒粒分明好有水準呢度好多菜式都可揀light portion，就算少人嚟食都唔驚食唔晒。整體嚟講食物質素好高，片

諗住假期午市會滿難訂枱，點知當日訂都有位😀。蝦餃雖然大粒、皮薄，但裏面嘅蝦好嚡，處理得不好，又唔覺有筍絲，一般點心店嘅味道仲好過佢賣相普通，糙米加糯米，軟硬適中，餡料有少少肉粒同瑤柱絲，味道唔錯有一隻鮑魚仔同一片小花膠，上湯味濃餡料似混入少少蟹肉，食落有鮮味。鳳爪比一般酒樓味道淡，唔特別好食。牛肉較好，軟身唔太實，有少少陳皮味，加埋切大粒馬蹄，有咬口，但味道都係一般。有驚喜，雖然牛肉崧似牛肉球的味道，但陳皮味濃好多，混入細細粒的豬油渣，炸得好脆，撈埋飯一齊食。再加啲豬油，好食到飽都想食埋佢呢個甜品好少食，酸酸甜甜，煙煙韌韌，值得一試！另外，雖然我對茶冇研究，我哋飲的鐵觀音，一啲茶味都冇，心想，侍應服務咁好，冇可能開錯茶畀我哋㗎😂

同爸爸媽媽婆婆食晚餐叫啲啱老人家食嘅嘢～一早預留左咪知蓮推介—欖菜玉珠冬瓜扮提子🍇入邊仲有馬蘭頭同欖菜味道非常清淡要自行加鹽不過琳琳地就啱晒婆婆食嗌咗招牌嘅叉燒半肥瘦幾好我就叫咗一個竹笙三絲羹好在夠熱但係味道有啲淡經理推薦左一個古法炆班尾有埋豆腐火腩同生菜冬菇絲肉絲一齊炆超級送飯好入味又係軟林林啱婆婆食仲嗌左個砂鍋蝦碌粉絲煲超級香啲🦐又好大隻仲送咗綠豆沙同杏仁茶做甜品食到攬住個肚走

staycation送的六道菜晚餐包括埋啲小食都算係一道菜，哈哈，份量較少，細食嘅人會覺得飽 全部冇乜特別最好食係個甜品 ：楊枝甘露唔知單叫係點但係唔吸引我去幫襯 隔離意大利餐廳比較吸引