海港燒鵝海鮮酒家

營業中

休息中

星期五晚老媽子生日，去海港酒樓近近地大家食餐飯，叫咗個龍蝦鮑魚$3000左右嘅套餐。雖然$3000但係唔包嘢飲唔包白飯，仲要未計+1，未至於物有所值，但係租金人工乜都貴嘅，12個人三千幾蚊差唔多啦。龍蝦伊麵OK ，龍蝦彈牙伊麵都好煙韌，唯獨係個汁醬太過鼻涕，實在太多生粉喺裏面，都有75分嘅。其他海皇翅或者蟹鉗就真係好普通了，鮑魚細細地都夠腍，不過唔記得影相好快俾人搶晒，至於條石斑就非常好，蒸到啱啱好非常滑身，但老實講，如果唔係就班老人家唔使行咁多，確實唔會去食。 因為啲碗碟都非常污糟油淋淋，要自己洗得好緊要。

朋友生日🎁我哋就book 咗係依度食長腳蟹，我哋散叫，無叫餐，特別想食長腳蟹，叫咗隻4斤幾嘅🥰肉質厚實，唔係水蟹👍🏻蟹羔佢會另上，建議襯熱食，如果唔係就會比較腥！蟹羔夾埋蟹肉一齊食味道更有層次😋$288 一斤，都算抵食嘅！咕嚕肉外脆內軟☺️值得推介魚就蒸過龍🤨其他正常發揮切埋蛋糕，無切餅費👍🏻最後問吓職員，有無糖水, 有楊枝甘露送😊完美作結😌

同家人去飲茶，食食吓吐左粒石仔咁嘅嘢出嚟，屋邨酒樓咩水準都明白，但有異物咬崩牙咁點算呢？同部長講，佢只係回左句駛唔駛換過俾你，唔好意思都無句… 我哋都話唔駛，不過旨在想講聲反應一下。如果係老人家或小朋友食到都麻煩。

過左嚟海港飲早茶🥰海港啲點心好好味，叫咗呢個流沙包整得好靚，牛肉腸粉，同埋煎薄撐，呢間質素都唔差，款式都好多，仲有好多未能請哂，不過我覺得價錢貴小小，環境乾淨，服務都可以，味道好好。

陪老媽子去飲茶，叫咗個下午茶嘅雪菜肉絲鍋米拼小菜，冇諗過佢個肉絲鍋咪咁大。。。。。。。三個男人我諗先食得晒😅😅😅😅不過完全唔好食，個湯底淡茂茂。反而個魚腐炒勝瓜好好食了，有用蒜頭爆過特別香而且湯底都好濃味，不過就一定有味精。不過老實講，百零蚊水準算係咁，都唔會要求好多話晒屋村酒樓仔，個雪花叉燒包就真係差啲，暖暖地就攞出嚟又唔夠熱。。。而且食到個餡嗰度就會覺得有啲濕濕地，啲麵粉係未熟嗰種濕喎😅其實都少食咗好多，因為海港酒樓其實質素都麻麻地，貪方便就去啦。

與家人聚餐，十二人酒家安排坐房。酒家環境整潔，坐得舒適，點了：芝士西澳龍蝦，煮功未見出色，嫌芝士不夠香，汁太杰身，伊麵太散太淋，但整體算合格。炒東星班片，幾創新，整條東星班炸過，起魚肉炒片，加上雲耳、西蘭花同炒。水煮牛肉，合格，又不太辣。酥炸鮮魷，魷魚醃得入味，炸得剛好很香口，好味道。咕嚕肉，豬肉冇豬羶味，讚好，醃得味道好，酸甜汁也調得好。炒蝦球，蝦新鮮彈牙，汁調得好味。壽包，不合格，包不嫩滑，奶黃蒸不透心，失敗之作，在康怡的海港薈壽包就出色了。

今日母親節，同阿媽去慶祝！簡簡單單食一餐！ 熄咗五樣嘢，埋單都係千$4 ，如果食佢哋四人餐，太多嘢食，就食唔晒！心諗：今日母親節，應該份量好少？結果有啲驚喜，四個人，食唔晒，碟碟餸都好大碟，小炒王，馬拉盞炒通菜好多。個冬瓜盅，或許對有些人，有些少失望，以前喺其他地方飲，真係原隻冬瓜（未去皮）咁樣上嘅，不過佢哋就用燉湯中嚟上，我個人都可以接受. 味道方面都幾清，我覺得OK！龍蝦上湯伊麵，差唔多$600 ，算係咁啦，不過龍蝦嘅份量有冇兩斤半呢？ （其實我就真係唔係咁識睇，不過味道方面，幾好食，起碼啲龍蝦肉都彈啦）小炒王，有油炸鬼喺入邊？不過份量就真係好大碟. 馬拉盞炒通菜，我就覺得太濃味啦！ 上菜速度都幾快，可能我哋係比較早入場！（0600pm)店員服務今日都尚算良好，謝謝自動幫我哋不通，我哋就好客氣咁同佢講唔使，你今日忙，我哋自己招呼自己可以啦！個姐姐都幾好，同我哋傾幾句，都話今日真係會好忙， 都怕一陣間太多人，到時驚怠慢我哋 （真心有啲驚喜，幾有禮貌，我記得2017年，嗰陣時我同屋企人過嚟飲茶，啲態度真係係嚇死人. 依家啲服務態度真係好過以前好多，真心）

哎呀，今日嘅飲食冒險帶我去咗一家餐廳，真係過癮得滯👍！一入到去，就即刻點咗幾樣我覺得頂級吸引嘅菜式。首先，我哋試咗個百花釀蟹鉗，外皮煎到金黃酥脆，啖啖蟹肉，咬落去鮮甜多汁，真係得意到爆炸💥！再嚟就係花膠煲螺頭湯，湯頭濃郁得嚟唔膩口，花膠跟螺頭煲得剛剛好，入口即溶，每一啖都充滿咗海鮮嘅鮮味同黃金比例嘅膠質，飲落暖笠笠，特別滿足嘅感覺。話說返嚟，西蘭花炒花枝片嘅爽口程度就真係一絕，花枝打得啱啱好，絲毫唔老，配埋嗰陣脆脆嘅西蘭花，真係一個字 - 醒胃🌟！最後講下我們嘅主角，長腳蟹！隻蟹肉質彈牙，鮮味十足，每一啖都食得到嘅天然海鮮甜，就算麻煩一啲都絕對值得嘅！整體嘅飲食體驗真係一流，今次黎到嘅食物質素非常高，環境服務嘢真心唔錯，只係希望下次服務可以再快啲，等待時間短啲就完美！要我講，絕對係一間值得推介嘅餐廳！🍽️

呢間海港真係垃圾中既XO ,簡單一碟小炒王，無蝦乾沒所謂，但未見識過得2成九菜花，5成合掌瓜絲、其餘好似廚餘咁，有油炸鬼兩三舊、紅椒、芋頭絲、硬身五花腩三四塊、好腥既蜆肉，根本不是小炒王，而係炒廚餘。另外乳鴿乾憎憎，似翻炸完，其他都不須多講，呢間分店係我第一次來食，亦係最後一次！！！ 服務態度超級差！！平時食開淘大分店海港，因為full晒，才試吓過來大圍海港食，點知一食食出真感情咁大個人食嘢，從來未試過亦冇諗過會劣評一間餐廳，亦都係第一次

食飯嘅時候真係好開心，呢家餐廳搞到我食指大動！椒鹽魷魚鬚香脆正點，啖啖薄脆嘅魷魚，椒鹽味剛剛好，真係揀唔到骨！啲燒鵝又香又滑，皮脆肉嫩，真係食到停唔到口！炒牛肉嘅汁好夠味，牛肉嫩滑得嚟唔腻，飯後仲回味無窮👍。我鍾意吃粟米斑塊，魚肉真係鮮美滑口，粟米嘅香甜都滲入咗魚肉裏面，香口得黎唔膩。通菜個啫啫感覺好過癮，每一啖都咬落去十足彈牙，真係爽口到爆炸💥。嚟到帶子貴妃蚌炒時蔬，新鮮帶子同貴妃蚌真係好夾，蔬菜又爽脆味美。而生蠔一向係我嘅最愛，薑蔥香煎得啱啱好，啖啖鮮肉真係食到心都暖哂😋。椒鹽爆大蝦呢個菜，嗚呼哇啦！無敵惹味！蝦肉彈牙彈牙嘅，椒鹽味又香辣得嚟唔覆蓋蝦肉本身嘅甜味。至於芝士焗龍蝦伊麵，咩話好呢？蝦肉澎湃，芝士濃郁，啲伊麵吸滿哂芝士精華，每一啖都係滿足感爆表！總之，食完今晚，我滿足到梗係笑口常開啦！下次同屋企人一起嚟食，一家大細一齊開心！🤤👨‍👩‍👧‍👦🎉

話說上次我去咗間酒家試咗幾款海鮮，嚟同大家講下感受。首先係瑤柱金菇扒豆苗，賣相幾精緻，啲豆苗嫩滑得嚟，瑤柱味道鮮香，一邊剷，一邊感受到啲瑤柱滋味，倍感惹味！再講下個燒鵝，傳統風味一流，皮脆肉嫩，蔥香四溢，食落去啲脆皮係聽得到啪啪聲嗰種，真係貨真價實！飲茶既時候仲要食埋啲薑蔥香煎正宗台生蠔，每一粒生蠔大忽忽，入口即融，簡直鮮甜入心！至於芝士焗澳洲龍蝦伊麵呢，唔得閒啲龍蝦夠唔夠水準，但個芝士焗係得意到彈，麵條吸曬啲濃郁芝士汁，每啖都似嗲咗我一下，超級滿足！整體黎講，食物質素好過我預期，下次仲會再黎打卡嘅！🍽️🍤🦞

今晚去咗間餐廳，實試咗佢哋嘅招牌海鮮，實告你，勁過瘋！一開始就點咗個皇帝蟹，新鮮到彈跳，一蟹兩味嚟嘅，蟹膏炒飯撈起嗰啲蟹膏，香滑得滯，一啖蟹肉，一啖飯，正！然後蒜蓉粉絲蒸大蟶子就真係咁滑好食，啲粉絲吸滿咗海鮮嘅鮮味，食落口感一流。叫咗份燒鵝，脆皮酥脆，肉質鬆軟，一啖嚟香口得嚟唔膩。嗰個螺頭燉湯，飲一啖湯，香甜得嚟湯底濃郁，令我喝到停不了口。最後啲壽包，蓮蓉包同黃包，哂款都送晒俾我地，香甜彈牙，瞓前一個正。整體嚟講，個餐廳嘅環境都算舒服，服務態度都算唔錯，一路笑容迎人。唯一要留意，如果係人多嘅話，記得提前去攞位，因為我哋去嘅時候，實係滿座。食咗呢餐，肚子滿足嗰陣，真係覺得物有所值。反正食得夠鮮夠滑，真係得令到彈舌頭💯👌🔥。下次想幫襯，真係希望佢哋可以有啲優惠添！

🍑壽包小妹覺得呢間酒家食物中上外，最特別係呢款大壽包🤣 壽包有2款口味選擇，奶黃及蓮蓉味道，今次每款點一半數量😍兩款味道均好味，且真係好大個包，吃得令人好滿足😚當日亦令我諗起結婚當晚🙈🤤

唔知點解，次次去呢間酒樓，都會食佢哋嘅米線套餐。講真，佢哋嘅米線，完全冇花巧，净係上汤浸，再加入少少葱花。食落，米線软滑、入口清香。配套嘅红燒乳鸽，水準就好唔穩定。好嘅時候，皮脆肉嫩多汁；衰果時，似足老柴皮噉。

屋企人生日，住開附近，近近地落去食餐飯，睇吓啲餐牌，咁就選咗個12人套餐，覺得個價錢都算合理，好抵食咁，龍蝦伊麵，個面比較少， 12人餐來講，每位食得少少，乳豬都係卜卜脆，帶子桂花蚌，味道算正常，炸蟹鉗，蝦肉都彈牙，石斑蒸得啱啱好，魚翅羹味道可以，鮑魚鵝掌，味道不過不失，當紅炸子雞，雪味比較重，雞皮都算係脆卜卜最後壽包係鴛鴦味道，算係咁，喺個地方坐得比較迫，當晚生意唔算太旺，坐得一半人左右，服務尚算可以