海港薈

營業中

休息中

放假平時會同屋企人飲茶🫖今日一早去嘆茶菠蘿叉燒包🍍黑金流沙包豉汁蒸鳳爪蔗糖馬拉糕XO醬炒腸粉蘿蔔千絲酥菜乾豬骨粥🥣上菜快、點心整體不錯, 全部都熱辣辣, 不過略嫌流沙包不夠流心, 粥品材料豐富, 口感綿滑, 真心不錯👍🏻菠蘿叉燒包, 皮很脆麵包很鬆軟, 入面有滿滿的叉燒千絲酥大大的一個, 蘿蔔絲帶點甜, 一絲絲的口感不錯蒸鳳爪沒有冰鮮味, 有冇朋友都跟我一樣喜歡吃鳳爪, 每次都必點的位置開揚舒適, 服務態度很好

今日一家人黎食晚餐慶祝爺爺生日，睇中依間酒樓係D類食肆，可以十二人一枱食圍菜，而且啲餐都幾抵！食物味道水準都幾高，好多野都熱辣辣上枱，特別係條魚仲會用蠟燭熱住。而且份量好足，我地食剩好多要問待應拎外賣盒打包 🤪炸野燒味，例如乳豬燒雞同蟹鉗全部都係外皮脆既，又唔會太乾身，雞都係滑既，蟹鉗直頭係Juicy!美中不足就係壽桃包係一半蓮蓉包一半奶黃包而且蓮蓉包係無咸蛋黃😢 小失望。另外人手不足，我見隔離枱上菜非常混亂，我哋幸運只係一開始等左一陣，無乜錯漏。

今日放假，2個小朋友6點已經起身話要去公公婆婆到7點半已經到，婆婆7點已經等位，不過要過半人數先可以入座。付款方式有八達通、支付寶個啲食物擂沙湯丸最快到嘅係擂沙湯丸，好多花生黑芝麻唔係好甜，小朋友都食到一粒雪山叉燒包啲叉燒係有粒粒口感！唔係醬整體個口感唔太甜，仔仔食到大半個紫薯脆波呢個都好食！外脆內軟都係唔會好甜！好好食嘅紫薯大概1粒乒乓波咁大流沙奶黃包婆婆話必食真係好熱好流沙！好軟熟有竹炭味潮式糯米卷皮蛋瘦肉粥大仔食咗半兜粥🤣佢話好味😋啲皮蛋好細粒，所以佢都食晒冇揀岀黎。咸瘦肉係一絲絲，啲粥好綿，唔係膠水粥！環境佢有分區域，我哋有6個人，可以一齊坐，不過無論4定6都係同size枱，所以感覺有啲窄，行人路就都算闊。啲櫈有椅套，望落去都算乾淨。冷氣就凍啲，如果去飲茶就要帶定外套！

叫左個六人餐骨碟唔換就預左啲餸上到冇位咁有碟餸食完得返隻吉碟叫個靚女收走隻碟得返嚟既回覆:等等回覆得好。都系預咗(只係見佢兩手空空咁回覆我等等。有啲神)好啦。繼續食又上菜。真系冇位啦唯有勞煩位傳菜姐姐收走隻吉碟再繼續食食到差唔多啦又搵個靚女叫起埋個甜品啦有順手收走啲吉碟好啦食完等埋個甜品叫起等啊等十零分鐘未到好啦到隔離張枱叫起甜品諗住一齊等下點知人地個個5分鐘左右就出左來我個枱個甜品仲未到著左。搵人問就同返佢講差個甜品未到我張枱叫起甜品先點解人地張枱甜品仲快過我地到講完位靚女走咗(一句唔好意思一句對唔住都冇)以為佢去跟單啦原來唔係五分鐘唔夠返嚟問返我地係咪差個甜品未到真系著咗已經同佢講差個甜品未到人地甜品到先佢仲要同返我地師傅出菜有前後單有錯仲著我張枱約20分鐘前叫起同我講叫起出單有錯冇野啊叫起要出單叫既咩(可能真係有)即時叫佢囉我枱張單同隔離枱張單出來之後佢又唔出聲之後要搵經理佢話佢係可以鬧佢我就同返佢講我鬧你嚟做咩我係要解決件事鬧你可以解決到既咩又冇聲出又走我fxxk啊！忍！忍！忍！忍到食完。去埋單又冇服務野食又嘛嘛加偏向難食(你講返聲漏咗單。唔好意思。都冇咩野。你又唔出聲又要同我

一路有去呢間酒樓飲茶食飯。打算book枱中秋節翌日中午食lunch慶祝生日, 知道平時是不可以book, 點知酒樓話食套餐落訂可以book。所以落訂book了12pm。落訂金時嘜都得，又解釋打咗針可以點坐，有叫我們揀餐。於是一家人到中秋節翌日12pm前到達，門口那位劉部長居然極到無禮貌講要取票等十幾張大枱。門外已經很多人取票等緊位，咁即是叫我們食下午茶？劉部長可能覺得我們不夠嬲，還贈慶一句"唔通留張枱等你一個鐘?" 加上當時樣貌，簡直撩交嗌。請問這種態度就不要做啦，趕客。經理反而沉得住氣，自己擔起責任。其實無得book我們一早唔預去酒樓啦。我地即刻取回訂金，轉場。跟住屋企人先話之前有經歷間茶樓俾其他客擔凳坐喺一個屋企人家旁趕客食快d走。間酒樓一係就默認比人打尖，直係無人管了!以後寧願到附近地區的酒樓算了。

難得早起床，見到太陽🌞，就出去運動場做運動伸展下，呢幾日，日日都落雨，心情真係好納悶！🥲 今次決定去新開的酒樓試吓，星期六，9點半都好多人等位，我地決定搭枱。點知十分鐘之後就有位啦，太好啦。😌

呢間酒樓前身係聯邦皇宮～裝修左幾個月就變左另一間公司接手-海港薈～呢到無論中午閒日抑或公眾假期啲點心價錢都不變的～只係茶芥有分別第一次食間酒樓係點心價錢一樣唔緊要啦都～咁就入去試下～So far, 啲點心都差唔多水平 無話特別出色又無話特別差仲要假期10:30am之前order點心仲有便添！！所以10:30am之後埋單都依然享有優惠！！所以我地10:30am之前就要take order啦！飲茶當然要水滾茶靚！啲水就夠晒滾！而啲茶都好濃味同埋亦未有個兜幫你慶住佢啲茶！都幾貼心嘅間野！So far, 新開嘅酒樓就平平無奇啦！係青衣嘅酒樓算可以接受啦

好耐無飲茶既我，今日陪老爺飲茶，見呢間新開未試過，又咁多人排即管試下，因我有嘢做一早就叫阿仔去攞飛先，我去到都唔係等咗好耐就有位我帶住滿心期待入座，第一眼見到咁樣熱住個茶壺感覺幾細心，絕對每刻都能飲到熱茶，一般酒樓通常坐一陣啲茶都凍哂跟住就當然叫嘢食啦！有啲失望點心選擇唔太多，普通燒賣、叉燒腸、牛肉腸呢啲咁普遍既竟然無，唔緊要可以試其他牛肉咁樣整淡而無味鮑汁鳯爪都係唔入味同埋都係比較淡，鳯爪係夠淋，但我真係食唔到鮑汁味小朋友食一啖馬拉糕，即刻話唔好食，成籠放响度無人食，春卷有陣油益味，呢2樣真心覺得唔好食員工服務態度還可接受，以食物質素要排隊等咁耐，的確唔係好值得！

星期六一早同兩老飲茶，超級多人，等左成45分鐘先有位，好彩都仲係11點前，有特價點心，雖然點心出得慢，但佢應該係即刻蒸，出到黎係出晒煙，好熱既，兩老話食點心最緊要夠熱，如果唔係一凍左就好油。

今日係平日星期二的下午，本來是來診所，但無意發現青衣城3樓新開咗酒樓。諗住下午茶試下點心，當2點來到發現滿滿人龍排隊攞籌，所以決定睇完醫生再來醫肚。大概3點半入去，已經無人龍且很快就能入座。啱啱坐低，侍應就話：「快啲落單啦！」感覺態度不太友善但心諗可能下午茶時間就完，是溫馨提示就默默接受趕快下單。首先，2人枱正常茶餐廳大小，但在瑰麗堂皇的大廳內，望着青衣海景卻只是茶餐廳枱，實在可惜。最大的缺點一定係張凳，窄到爆的位，放了小小的手袋，就已經不夠位置坐人。又窄又硬的座位，如果稍微挪一下屁股，分分鐘就跌落去。點心紙的點心款式很少，比起屋邨酒樓或稻香的選項更少，比較多是主食（粥粉麵飯）。大約10分鐘後，即3點50分陸續上我們的點心，點心質素很一般，例如金錢肚這種原本應該是濃味的點心卻只有少許醬料味，餐桌上一度以為自己失去味覺。趕客重頭戲來了，去到4點，就有部長逐枱叫截單要出去買單，這我也能理解因為要趕晚市不再接茶市的單。但過了5分鐘，突然大廳就熄燈、熄冷氣，但大廳仍有十數枱的客人，而我桌上的食物還沒食完。這是多荒誕的趕客行為，係繼西九龍food court傾斜的板凳之後我見識的第二位，如此大的

這間酒樓的食物不好吃，總之不對我胃口、不是我那杯茶，服務也強差人意! 😤叫了五款食物，包括招牌燒鵝飯、五彩繽紛、沙薑豬蹄粒、黃豆醬蒸魚雲和流沙煎堆仔。流沙煎堆仔漏了單沒有來。除了黃豆醬蒸魚雲味道可以，其餘食物都不好吃。五彩繽紛賣相還可以，但味道好一般。沙薑豬蹄粒完全沒有沙薑味，只有酒味。招牌燒鵝也不好吃，肉既乾皮又韌。服務態度及質數有待改善，員工好像很忙，至少叫了數次才有人理會，就算有員工應你，但就話自己很忙，叫你找其他人，而且語氣也差，好像欠他錢沒還一樣! 😤😤

第一次來這酒樓飲茶，一行7人分兩枱，但體驗極差，不論經理、侍應及傳菜的服務態度均非常差，落單錯漏百出，將別枱的單落錯我的一枱，當我們表示食物不是我們落單的時候，不但沒有一句道歉，還諸多藉口，埋怨茶客不應合單點菜，但其實是他們自己合單的！將自己服務流程出錯的責任推落客人身上，離晒譜！我和家人一定不會再光顧！

食左3次， 食物其實好OK， 但係服務就好一般啦！✅五彩繽紛， 每樣一件， 可以試多啲嘢，讚！✅鮑魚燒賣, 流沙包、豆苗餃， 蝦餃、黃金糕全部好味！ ✅紅棗糕, 少甜, 好香紅棗味! 熱辣辣, 柔軟✅蘿蔔絲腸粉， 裏面蘿蔔春卷好香脆 ✅$29.8 燒鵝米線抵吃，唔記得影相❎點左五樣點心，職員入機只係入咗四樣❎然後四樣裏面。 又有一樣係漏咗冇黎❎約25分鐘左右追第一位職員， 只係print 張電腦單我哋👀，hea 答話電腦入咗即係有❎再等15 分鐘左右， 再追第二位職員， 今次佢有認真追， 就發現原來真係漏咗單❎再等多15 分鐘左右，未來，再追第三位職員， 佢竟然唔該我哋耐心等候， 話蒸緊❎最後3:55 「五彩繽紛」終於上枱， （我睇返電腦單， 係2:55落單） ✅ 嚟呢度飲茶， 可以訓練你嘅耐性👍🏻

呢間咁嘅垃圾，服務態度極差，所有員工無一個有禮貌，等位唔洗攞飛架，同個帶位熟d就等一陣就有位，然後嗰d所謂著黑衫嘅唔知係部長定經理，全部都經過而不理，仲要話客人點解點心紙唔寫枱號，佢地好忙架喎，唔寫我地d客人會無野食架喎，呢d係客人嘅責任？我出埋你份糧好唔好呀！食物更加唔洗講，真係難食到嘔，初初開係幾好食嘅，越食越難食，煎堆凍嘅，就算熱都係翻熱，鮮竹卷d腐竹『叔』嘅…叫人點食落口，唔肚痛都偷笑喇…更加唔洗係佢公司投訴佢地，因為佢青衣城班人自己打番電話俾你去解決問題，仲要你話番d客人唔啱，好去投訴佢地d員工，勸其他人唔好去，食完背脊骨落呀

喺青衣新開張到而家，前前後後都食咗幾次，有去飲茶嘅、食晚飯、外賣晚餐，每一次都好滿意，而且價錢又唔算好貴，服務態度好好。飲茶：佢啲款式都算多，而且叫嘅樣樣嘢食都幾好食，唯一一樣覺得麻麻地嘅就係心太軟爆，味道唔似朱古力仲有一粒粒嘅口感，唔知係咪花生，每次我都係飲菊花茶，淡淡的菊花味好香，不過如果再加水入去沖就冇乜香味晚餐：每次都係食二人套餐，無論喺酒樓度食定係外賣都一樣咁好食，食物保持到水準，堂食嘅話佢啲擺設好靚，睇得出好有心思同埋係行有少少高檔嘅路線，侍應禮貌非常之好，好勤力幫我哋換碟。外賣攞到返屋企食物仲係好夠熱，條魚好大條仲好嫩滑，份量唔會因為外賣而減少過往青衣冇乜有返咁上下質素，價錢又唔貴，款式又多嘅酒樓，希望可以一路保持到水準！