海港酒家

營業中

休息中

年初四梗係要食返啲好嘢啦，朋友提議去海港食長腳蟹。於是一早book定位，因為新年嘅關係，佢淨係分兩輪時間六點或者八點。而阿拉斯加長腳蟹亦都無得提早訂定。要當天睇吓仲有冇貨。果日去到發現真係好多枱都有叫長腳蟹食。$288一斤，比平時貴了幾十元，叫了一隻四斤幾重，六個人食。肉質好鮮甜，亦都好有海水味。反而蟹膏比較少，不過都好好食，好滿足。鮑魚雞煲，鮑魚比想像中大隻，不過得四粒，雞好嫩滑好入味。不過好細煲，都要$188，唔係好值。瑤柱扒豆苗，超大碟，亦都好夠味，炒到啱啱好，唔會煮到過老。花膠煲螺頭湯，都好多材料，好清甜，每人可以飲到兩小碗。瑤柱蛋白炒飯，個Menu入邊冇嘅，問佢有乜炒飯佢就話當天剩係得呢款。好大碟。

由於家住附近，為慶祝妹妹生日晚飯，一直有節日或喜慶晚餐都會來海港酒家。今晚八點入座，叫了百搭海鮮G餐，即是圖3.4.5.同長腳蚧🦀孖寶，隨後經理通知售罄唯有叫多個百搭海鮮H餐，即是圖6.7.8.圖1.套餐星期五要另加$20.圖2.蟲草花百合浸娃娃菜$88味道正常圖3.燒腩仔皮厚不脆，上枱時係凍，咬落一口油差差差圖4.味道尚可圖5.好遲先到的蒸魚。圖6.蚧肉一食係晦又濕，落單到上枱係吾洗20分鐘，快過碟燒鵝圖7.好多油又吾熱個煲都係吾熱圖8.燒鵝好油，食左一件就放棄經過今次，永不再光顧!

今日同屋企人行完街，諗起海港啱啱裝修完，終於可以食晚飯啦😋坐低叫咗幾個小菜，幾個白飯🍚，一支啤酒🍻食海港必點美食之一燒鵝，不過今日隻燒鵝好細隻，又肥，大打折扣，加埋1成5舊水，真係唔抵食碟雞翼都OK嘅，不過太細隻，唔夠喉。呢碟炸蟹肉餅好食嘅,外脆配埋個汁非常好食😋再嚟鮑魚雞煲睇個賣相都好吸引嘅，面頭左四隻鮑魚大個啲雞睇到都開心😃但食落比較淡味，啲雞應該醃過龍，食落佢有少少粉再嚟最後一碟柚子味炸蝦球，侍應黎上菜，我就見到隻碟好大D蝦份量好少，用咁大隻碟得8粒蝦，真係無言😧但好在食落去好好味😋 it’s so yummy 食落去口感酸酸甜甜，柚子味好出，啲蝦又炸得好脆，簡直一絕👍🏻👍🏻👍🏻👍🏻強烈推介🤩🤩

假日同家人到天水圍喝茶，選擇了海港酒家。相信很多香港人都有去過，因為基本上緊有一間係你附近的😹😹😹🤭。天水圍酒樓中，我們認為海港已經是最好的選擇，無論地點，場內環境，食物質素都比其他優勝。今天我們點了幾款點心，都是大眾喜歡叫的，有人話，要睇下間酒樓岀唔岀色，一定要嗌燒賣同鳳爪😆😆😄都係每次必叫的點心。這個鳯爪口感清爽唔會梅，而汁也調較都剛剛好👍🏻👍🏻👍🏻。燒賣每一粒都有很大隻蝦，非常足料，有冬菇，蟹子😋😋，很好吃。乾炒牛河就有點失色，因為牛肉不是不多而且有點硬，炒河更比較多油。🥲其他這幾款點心就普普通通沒有太大特別，也是好吃，肉質也ok的☺️這個煎釀三寶就不太好吃，還有點失望，口感淋淋地，而沒有青椒🫑去做，用紅椒食不岀味道來。馬蹄糕是我最喜愛的糕點之一，這個有驚喜，軟硬適中，也應該沒有很多魚膠粉，味道不會太甜，剛好，但是馬蹄不是很多，但還是好吃的。最後，場內環境基本上都滿座，但看人手很不足，可能太忙碌，所以服務也是一般，整體就俾3星半啦😹

是日為孝子日😅.早起三分益.難得成家人打齊針.有靚茶飲都不錯😍.不過飲還飲，都要保持社交距離既--#酒樓飲茶#海港酒家 #天水圍美食 #香港美食#香港美食指南 #香港美食日記 #香港美食推介 #香港美食分享 #852 #hkg#hkig #hkfood#hkfoodie #hkfoodies #discoverhk#discoverhongkong #travelcation #홍콩스타일#홍콩여행 #홍콩관광#홍콩음식

疫情形勢惡劣，打算都盡量避免堂食，今日去諗住買啲外賣點心返去食啦，點知佢只賣未熟嘅點心，要自己返去蒸，咁都算啦，打算叫個燒鴨飯，點知原來酒樓竟然從來都唔賣鴨，真係聞所未聞，好啦叫左個肥叉燒切雞飯，肉瘦過擦紙膠，切雞冇肉兼多碎骨，我真係未食過一間酒樓啲燒味可以差成咁，永遠Blacklist................….....…..............................

無得堂食就上網訂咗海港新嘅西澳龍蝦套餐，即日訂準時攞，宜家做promotion上網訂仲送咗底棗蓉糕，應哂節新年食！個餐有條龍躉、隻半龍蝦配伊麵、6隻鮑魚、半隻燒鵝、蠔豉時菜同糯米飯，份量好足！海港隻燒鵝一向都好味，估唔到龍蝦都好好食，條魚都好新鮮！$1088咁多野真系抵過自己去街市買完仲要做餐死。PS: 拎餐果時見到佢將外賣用膠板分開哂一份份，一入到去講電話號碼就即刻拎得，覺得個流程比以前進步咗好多！

首先唔好講食嘢先、一個客人去幫襯除咗食物質素、職員態度嘅質素係非常之重要、相片中職員態度非常差😡早上未叫嘢食轉枱要比佢鬧呼呼喝喝😡擺張卡喺枱就👌兇惡對我喂攞起你張卡攞起佢啊喂😡呼呼喝喝冇禮貌、仲喺個大堂鬧啲客話啲客好轉枱、一定要搭枱😡我飲茶就係唔鍾意搭枱咁係咪唔得呀你可以攞飛我等冇問題😡但係你哋係無客等位呀嘛、叫我哋直接入去搵位係嗎？ 😡咁我見到另一張枱好啲😡我又未落單叫嘢食😡轉檯係唔係要你哋批准呀？ 打開門做生意張張枱我都可以坐㗎喇😡有冇過咗限聚令我有冇犯法超過四個人😡係你哋無客等位😡我飲茶唔鍾意搭枱係天經地義😡我有權選擇搭枱及唔搭枱😡女服務員還大庭廣眾喺個大堂同啲同事大聲討論我轉枱😡我轉枱唔啱嘅說話俾我聽好大聲成個酒樓都係佢把聲🤬🤬🤬佢只係做好自己嘅本分就可以啦🤬呢個女服務員態度非常之差🤬唔怪得知喺同一個商場第二間酒樓😤同一個時間經過人哋酒樓好多客人攞飛喺外面等緊位😤但係你哋間酒樓可以叫我地直接直入就已經有位、仲有好多吉位😡都唔俾客人轉枱？🤬單都未落🤬唔俾人轉枱？🤬好似我去乞你食咁樣🤬🤬🤬以後唔使錢我都唔會再去幫襯🤬一定叫啲屋企人同朋友都唔會幫襯你🤬約人飲茶一定會去第二間😤成個天水

記得上一次幫襯都係一兩年前嘅事，因為上次食過感覺良好，所以就決定再encore.我哋總共叫左六個菜，有燒鵝燒鵝食到一半先記得影相，所以好似打風咁，燒鵝偏肥，油香肉滑，唔錯嘅。第二道菜啫啫芥蘭，因本人一向麻麻地芥蘭，不過都唔差，落左肥豬肉黎炒幾香。鮑魚雞煲，d雞非常之柴口，又乾又鞋，只好食洋蔥，味道正常。咕嚕肉，略嫌炸過火左少少，有d乾，屋企人覺得唔夠酸，個人覺得佢個茨爭小小，都係一般，食完一嚿唔會想食第二嚿。野菌紅燒豆腐呢個紅燒豆腐絕對可以講係食過最難食嘅豆腐，味道奇怪之餘食落裡面d餡空心咁樣，感覺好唔新鮮另外仲有條東星斑，d肉好碎+好淋，我諗都唔會有下次

屋企人最鐘意嚟海港食長腳蟹價錢仲平過自己買番屋企整食完就走得，唔洗煩今次嗌左個6人餐，我地升級左隻長腳蟹，仲散嗌左個炒飯，最後埋單$2330，好抵食！長腳蟹一定要自己揀

媽媽於2021年9月10日，大約1時40分到於天頌苑，海港攞票入座，但因媽媽不懂怎樣攞位，便問前枱女職員怎攞位！她竟然講，你不懂，識字嗎？媽回應！因想飲下午茶所以唔知點！她再講！夠鍾咩！等吓啦！又唔識字跟著有客人幫我說怎樣去攞位！真係希望貴公司要注意吓！老人家可能真係不懂得用電腦！但身為員工應協助！不要用不禮貌語氣去對待客人！希望貴公司培訓吓！本應今天去訂位中秋節一家食飯！但媽已經講改去另一間

呢間鋪有位中年大媽個腦可能受潮入左水，4人枱搭枱唔可以坐3個人嗎？一個人黎飲茶就一定坐返都係一個人飲茶既枱？咁兩位搭枱同拎唔搭枱有咩分別？我一個人睇住連入三張兩人枱，號碼都係我之後，問佢點解？答復係無枱，那你直接說一個人來的只能和有一人枱坐緊先可以入算啦，攞咩籌？等得咁麻煩我直接去隔離煲仔王飲算啦，見到有位就坐，唔使煩，建議你們反正人手都唔夠，取消攞籌仲好啦，唔使擺個廢人係前枱，多個人入去幫手好過啦

晚餐不想煮飯，用海港apps網購$680的龍蝦鮑魚餐，選好提取時間，信用卡付款方便。套餐包括上湯西澳龍蝦伊麵，龍蝦爽口彈牙，伊麵是靈魂，吸滿上湯汁。鮑魚炆雞，頗為濃味的，充滿料頭香味，有乾蔥、紫洋蔥、蒜頭等等，鮑魚是鮮鮑，非常入味軟稔，雞件也味道濃厚。酸菜煮沙巴龍躉，吃厭了清蒸，吃這個絕對是味覺衝擊，除了酸菜外，有花椒的麻，鮮胡椒的辛，魚有薄薄的生粉炸過，保留到魚肉的滑，喜歡吃魚頭的我，第一時間清了整個魚頭。西蘭花炒帶子，西蘭花脆綠，帶子炒得剛剛好，沒有炒過熟。菠蘿咕嚕肉，有菠蘿、蜜桃、燈籠椒、洋蔥等，酸酸甜甜。整體份量足夠4-5人享用，680蚊不用洗不用切就食到龍蝦鮑魚，有魚有肉有菜，平均每個餸都係百四蚊唔駛，間唔中做下懶人也是不錯的。

新年期間總是很多人去飲茶這間海港也不例外，但是明顯服務人手不足想要落單舉了很久的手也沒有回應有個經理見到，說 嚟緊，但是等了一會兒也沒有來接單...... 第二次加單等了30分鐘都沒有到......茶壺已經乾涸了很久，叫來叫去也沒有人來，可能是我們沒有給利是吧所以才被人忽略食物正正常常，但真的太慢了

海港推出左個外賣網站，非常方便易用，2020年12月22日推出左呢個海鮮二人餐，我覺得好抵食今次係第三次購買呢個餐，但係天水圍海港就係第一次幫襯。星期六早上10:30上網購買了這個海鮮二人餐，預約咗11:30去攞，11:25am去到職員叫我去收銀度出張單先，Show個QR code或者比個電話號碼就OK啦，食物係準時11:30就攞咗出嚟，話晒得天氣凍啊嗱嗱臨返屋企先。網購$298澳洲龍蝦鮑魚2人海鮮餐-上湯焗澳洲龍蝦伊麵 (1隻)(約10兩開邊)龍蝦爽口彈牙伊麵分量都非常足夠，烹調味道，當然係好啦-鹽燒鮑魚 (2隻)即係避風塘煮鮑魚，好味道-清蒸沙巴龍躉 (1條)(約1斤)酒樓出品嘅蒸魚，絕對係冇得彈-燒鵝皇拼叉燒 (2人份)海港燒味一向都係好嘅-薑汁炒芥蘭 (2人份)火候控制得好，食水靚，菜有爽脆-無花果南北杏燉雪梨 (2位)甜美又滋潤