海港酒家

營業中

休息中

今朝同媽咪去飲早茶，佢既孖寶套餐都幾抵食，我地叫左3個，飽到唔洗食晏。黑金流沙包唔錯，先講賣相，黑襯金好靚，感覺精緻高級，一咬就燙口，滿滿既蛋黃流晒出黎，好邪惡。翡翠帶子腸就正常，不過帶子太細碎，唔係好食得出。至於咸菜黑椒大腸，咸左些少，大腸都幾大塊，不過食完會有d口乾，要飲多2杯茶。

夜晚加餸，第一次外賣$50 一個咸豬手。外皮乾脆，有些燒焦了一小部份。撕開來，內裡是濕潤的，軟香。配有蛋黃醬一細盒。同豬手麻麻地夾。咸豬手係幾香，常溫下個皮都算脆，不過就有點燒燶既焦苦味。扣左分，6/10分。$50可以試下。皮燶左，有苦味係一大敗筆。肉係幾嫩，濕潤且有少少肉汁，唔會太乾。整體來講，呢個價錢係OK既。期待更好。之前去過 晚市堂食，試過黑椒豬手，係勁咸勁重口味，個時係印象超差。今次食德國咸豬手調味OK，除了苦之外。

下午茶2:00開始 ⋯一行三人2:15去到拎飛先 估唔到都好多公公婆婆去食 😀等到2:45先至入到一嚟就叫啲例牌野先紅油抄手：第一次食 但唔係我想像之中個款紅油抄手、有少少麻辣汁 冇乜特別內涵唔多😅Xo蘿蔔糕：呢個幾啱我口味 清清地 有少少辣 我覺得係咁多樣最啱我食😃香芋丸：裏面係假假地個d 香芋味金絲蘿蔔酥：呢個本身係最期望嗰個～因為之前睇食評啲人覺得呢個好食！但可能而家個整法唔同咗 一嚟覺得：嘩～咁大色差嘅 ⋯嗰隻色係好假嗰款 咬落去已經脆 係淋淋地 朋友話之前食唔係咁樣⋯裏面蘿蔔絲係十分淡 冇乜味🤨雞蛋叉燒腸粉：雞蛋之處就在於個外皮個顏色 有淡淡嘅黃色😅裏面係睇唔到雞蛋絲～叉燒普通鵪鶉蛋燒賣：正常金錢肚：幾好食 軟硬適中😋流沙包：呢個我冇食到 朋友話普通鮑汁鳳爪：朋友又話冇以前咁好食 我就麻麻哋飽鮑汁味 但可能特價 見到好多人都有叫總結：天水圍好似冇乜好飲嘅茶樓飲茶😅

母親節唔同人哋逼啦．就後一日先至同媽咪飲茶啦媽咪一直飲開佢話役情之後都幾個月冇飲．有啲食物keep到,有啲就佢話差咗好多喎但係人就真係好多姐姐服務都可以嘅,應媽媽要求下次是第二間

同爸媽飲茶，例牌選擇在T Town 海港，價錢合理即叫即正而且地方夠大，平日基本上不需要等位👍👍早晨的孖寶套餐很抵呀，一大碗粥+一碟蒸鯪魚球都係$16.8 基本上一個人係食唔晒的😂😂＄11.8 鳳爪排骨飯，份量夠一個人早餐份量，味道也不錯，材料都算豐富啦其他點心選擇也很多，價錢都算實惠，服務還可以啊！記住孖寶優惠只在九點前哦☺☺

放假落街飲早茶～7點幾8點已經幾full，雖然都未到要等飛既狀態，但係已經個個都係搭枱坐哂人咁制。選擇唔算十分多，但係基本野都叫做有齊哂。不過我印象中好似以前係再多啲選擇。松露野菌腸，好少見到飲茶既地方有呢款，通常都係蝦腸，叉燒腸之類。呢個清清地，入面都包左唔少菇類，仲有淡淡既黑松露味。糯米飯正常發揮～瑤柱豆苗餃，我本身以為佢係蝦餃皮。。。呢隻我麻麻地鐘意，不過朋友就話呢隻皮好啲，唔會咁易爛哂。而且佢無乜瑤柱，早知叫個灌湯餃我喜歡既紅棗糕，呢個次次黎都會叫，紅棗味香，又煙韌！不過唔知做乜有粒飯係上面。。。呀姐應該要留意下，出之前挑走佢會好少少。

因為媽媽不喜歡遠行，所以就在家附近的海港酒家吃飯提早慶生了，其實上次父親節時已在這裏吃過一次晚餐，那次叫套餐真是失望透了，今次打算散叫看看食物質素會不會好一點，可是整體結果令人失望呢。媽媽肚子餓，所以先叫了小吃滷水鴨翼及口水雞，滷水鴨翼意外好吃，我們全家也說鴨翼滷得入味，雖然有點點鹹，但不是風味。以為有了個好開始，之後的應該會越來越好，我真是想多了。口水雞醬濃稠，與平日吃的滷水雞汁不同，令人難以形容。開始主菜了，蒜蓉蒸蟶子賣相不錯，未拿起時覺得頗為大隻，想不到是一個殼上「一堆」蟶子肉.......，天啊，為何如此散開？尚幸蟶子無沙。再來上湯龍蝦焗伊麵，這是全晚味道最可靠的主菜，龍蝦肉質算彈牙，份量不少，伊麵煨得剛好。接着是鮮果咕嚕肉，雖然鮮果寥寥可數，但已是全碟最好吃的菜！作為主角的咕嚕肉，如同柴枝般又老又硬，還沒有味道可言。臨走前媽媽打包了兩塊咕嚕肉，回家把它蒸過後，反而還可入口，真是諷刺。花尾龍躉兩味的其中一道蒸盤才叫人大跌眼鏡。翡翠龍躉炒球味道不錯，份量不多；第一次上陳皮蒸龍躉頭腩，看見魚塊被木耳、金針菇圍繞，感覺小怪（這不是蒸雞材料嗎？），全家一吃—魚肉竟然是酸的，馬上拎找店員

去完天水圍醫院睇醫生，第一次晌天水圍搵食，去咗呢度飲茶。11點半左右到，要等位，3位唔搭枱，等咗十幾分鐘都冇枱，改等搭枱，5分鐘後有位。叫咗籠三色包，個樣幾靚仔，原來全部係甜包，外皮比較厚。另外仲有叫叉燒飯，28蚊碗，抵食，味道都唔錯。紅棗糕都唔錯，甜薄撐就普通，厚咗啲；仲有個菜煲就麻麻，放咗啲燒肉碎落去，個賣相真係一般，味道就可以啦。服務都還好，雖然唔可以話殷勤，但算可以，只係點心真係出得好慢。

叫左個半斤叉燒半隻鵝大概$200蚊返屋企諗住一家人開餐，點知一肚氣。落左單之後去排隊拎，我前面果個人係要叉燒拼燒肉嘅。得一個人向我前面啫。我諗住就快到我啦。點知！我竟然等左五分鐘都未到我？有無斬得咁慢呀？好啦，到我啦。我一開始就講「叉燒唔該要啲薑蓉呀」。佢無回應我啦，又係慢慢咁斬燒味啦。又斬左五分鐘啦。又慢慢入盒啦。可能因為後面條龍開始長，所以佢啲叉燒有啲亂斬咁就放入盒啦。咁我見到無薑蓉，我就同佢講「師傅，我想要啲薑蓉呀。」職員竟然向度笑。笑咩？「得雞有得送薑蓉喎，個個客好似你咁我咪好麻煩？」...有幾麻煩呢先生。「我之前買親都可以拎薑蓉喎...」師傅話：「就係佢地做壞規矩囉！」Ok! 我認食叉燒要薑蓉唔係標準食法，但我人生一次都未試過向燒味檔要薑蓉係俾人拒絕嘅。我企左向度同佢爭拗（係，我好鐘意食薑蓉嘅😂），拗左5分鐘，條龍又長左啦。「啦！今次俾你啦！無下次呀！做壞規矩！」我就真係係無下次🙄。無啦啦要受罪。

真的經常去茶樓飲茶呢~ 這次又去飲茶了這家在我家附近 已經好一段時間沒食那次去到是中午時間 要等一陣子位才行現在只剩下拼桌坐了 不過以等其他🙄🙄·黑金流沙包 HKD$18.8·鮑汁鳳爪 HKD$16.8·咸菜豬肚 HKD$23.8·相思豆小白兔 HKD$18·五香咸水角 HKD$16味道也與之前食的一樣味道 不過不失可惜的是服務態度大不如前 有點失望不要亂撞向客人吧 撞再我是小事但撞到的是老人家怎樣做?你們擔當得起嗎？

因為有親戚朋友住附近既關係 經常都會黎海港食晚飯今次黎食飯預先訂左長腳蟹 已經係第二次黎呢到食蟹(上次係除夕既時候食) 以中菜一圍圍黎講 海港水準算係中上 今次隻蟹好大隻 14個人食都足夠 如果隻蟹可以再鮮d同埋多返少少蟹糕就會更好(上菜既時候已經無乜蟹糕)另外其他餸菜都唔差 炸蝦球好食 餐飲有雪耳水清清地幾好 唯一不足係餐廳經常收唔到網絡 有小小不便 如果可以改善埋更好

大家一齊黎慶祝姨姨生日，幾家人黎嗌送食飯。叫左雜菜煲啊，招牌燒鵝，蒸魚，金沙骨，蝦，口水雞，豬手等等。最鐘意個招牌燒鵝，皮香脆，有少少甜味。肉質唔柴，頗入味。個口水雞都幾有川味水準，的確有小小辣，但雞肉好入味，雞皮爽口薄身唔油膩。金沙骨偏甜，肉質少少柴。魚肉好滑好嫩，豉油味剛剛好，唔腥，有水準既蒸魚。雜菜煲呢，就略嫌味道較淡，湯底都無咩味，純粹為左食d菜而嗌既，一般般啦。蝦香滑有咬口，都係正常酒樓水準，幾好幾好。海港都真係唔錯，不過海港預左少少貴。

今晚，一家人齊人去食母親節飯，正日當日唔齊人有人要返工，唯有提前慶祝母親節啦！酒樓都提供左不少套餐優惠出黎，應該都係配合母親節而出既。我地四個人就點一個四人套餐啦，好似依個餐係538蚊左右。餸菜都好快送上，因為好多枱客人都係選套餐食。龍蝦幾好食，燒雞保持到一貫水準，爸爸食到好滋味。但是，那個菜有點兒失望，到底咩先係菜苗，明明係菜心黎嫁，成條莖都係到，到底係平時係另一間食開既菜苗太嫩，定係佢根本俾左菜心我地。最後，還有紅豆沙食呀，起沙的，陳皮味唔太重，不錯。

過往其實幫襯過晚市，午市，早市就最近去過兩次，點解幫襯咁少，因為都係以往幫襯完，覺得好麻麻，所以都無考慮試早茶，最近試完覺得早茶d點心好掂，所以今日特登帶埋老公落嚟試吓，之前晚市試過，覺得佢份量較少，同埋幾貴，午市好似有d亂，出品慢，又好似有d蒸過龍，同埋都屬於貴，早市有d特價嘢食。要更正之前嘅屯門東城嘅食評話佢個潮州粉果係無人能及😂 呢度更上一層想😍😍 勁好味呀 )))))) 基本食過嘅點心，全部都好味，一定會再嚟過 😬😬 要試吓其他各類點心 ，希望保持水准，係出點心慢咗d，要有心理准備 😏

兩個人唔想喺屋企煮飯，又唔想食集團快餐店，見到呢間酒樓有二人餐，有沙巴龍躉仔一斤，半斤蝦，還有一點肉，價錢$199都算唔錯。條魚好新鮮，哈每人都有成六七隻，還有啲菠蘿炒肉，兩個人真係食唔晒，要打包返屋企食。