海港酒家

營業中

休息中

同屋企提早做中秋節，因為臨近正日，價錢會愈貴我哥哥好喜歡來這裡，應該因為佢地點方便而且又抵吃今次有家庭成員外遊了，所以人數好少，我地叫了個6人餐，再散點了一個小炒王第一個上枱嘅係蟹肉蝦球面，個獻好足，cover 哂成個面，蝦亦有好多之後來個湯真係物超所值，花膠螺片好足味，又夠熱，非常好飲燒味拼盤略嫌細碟，但燒鵝啖啖肉，唔會比塊骨你食！西蘭花炒帶子同樣地好多帶子，西蘭花亦爽口！鮮竹魚腐漫時蔬個魚湯都很有味龍躉都算大條，蒸到剛好，加點豆豉調味全部餸都好份量好足，非常滿意呀！

朋友傾起上嚟講起食長腳蟹， 講到個個心思思， 即刻吹雞， 估唔到有十個人和應， 當然揀選最近大家的地方油尖旺， 最後選擇咗 太子維景酒店海港地方 唔算好大， 大家冇乜主意主要係食長腳蟹， 費事諗叫咗個長腳蟹圍餐蟹是新鮮即撈， 如果超過四斤半另計， 我們揀的長腳蟹 另補多十一兩。長腳蟹 鮮甜 肉質實， 蟹膏多 其他朋友 不喜吃差不多我全放到肚裏， 可愛的膽固醇， 真是抵讚!乳豬正常， 不過不失。西蘭花帶子炒蝦球， 帶子肉質鮮甜， 蝦大隻而且爽海苔 炸蝦餅， 我自己感覺麻麻，乾身， 好似不合拍瑤柱竹笙海皇燴生翅， 翅很少， 不過對他本來就沒有要求。清蒸 沙巴龍躉斑， 估不到這麼大條， 差不多有兩斤， 火候剛好， 滑， 喜歡吃魚的我 又不停吃吃吃原隻鮑魚扣花菇， 鮑魚妥爲大隻不過冇乜味道， 花菇厚，不爽。脆皮燒雞， 不是我至愛，所以沒有吃 不評， 不過好像同枱的人全打包走了櫻花蝦海皇炒飯， 非常正足足食了兩大碗， 炒得很乾身， 配合鹹鹹地的櫻花蝦， 鹹香味重最尾 漏了單 我們發覺 大蟠桃 沒有來， 廚房立即再蒸總括來說 餸份量很足， 我們足足打包咗四大盒， 明天下午 午餐又慳番不過美中不足的

因之前同事去過海港酒家幾間分店食飯，所以佢比較過，覺得呢間少人，坐得舒服，所以就特意推介我哋去。當時侍應話如果唔想個半鐘，就要交枱的話，就要揀冷氣機底坐，搞到我哋有半圍枱的人都要捱住好大冷氣食飯。蝦乾通菜煲，通菜很嫩也很爽脆，伴著蝦醬同蒜頭味，沒有過鹹，要挑剔的話，就是油份略多而已！蒜𦴦粉絲蒸蟶子皇蒜蓉香氣撲鼻、蟶子肉厚爽身。夠鮮味,不會韌！帶子腸粉，好差，係蒸得薄滑，但一夾就黏住易爛，腸粉包住西生菜，食倒好少腸粉。

星期四晚同一班同事去這間太子維景酒店的酒樓食飯，因之前同事去過海港酒家幾間分店食飯，所以佢比較過，覺得呢間少人，坐得舒服d，所以就特意推介我哋去。當時侍應話如果唔想個半鐘，就要交枱的話，就要揀冷氣機底坐，搞到我哋有半圍枱的人都要捱住好大冷氣食飯，所以酒樓真係要改善一下，侍時應的服務態度，明明當晚無滿坐的，好彩嗰日我冇病到，如果唔係真係弊。撇除這個問題，其實當晚嘅超值全包宴係超抵嘅，以下落黎我介紹番佢個套餐先:1) 鴻運喜慶乳豬件: 好怕乳豬好咸或d肉好硬，但這個完全無，而且仲皮脆肉嫩，一讚2) 泰式炸墨魚餅:好驚喜，無諗過甘大件，而且皮脆得嚟墨魚肉仲好彈口，真係唔錯3) 翡翠蝦球炒帶子: 蝦同帶子都算大粒，味道不過不失4) 蒜蓉粉絲蒸波士頓龍蝦:雖然我食龍蝦會敏感，但見同事爭住話幫我食埋我嗰隻，甘應該好好味啦5) 私房欖豉蒸龍躉斑: 同事需要話唔慣用豉汁蒸龍躉，但個個都讚不住口，話龍躉肉好滑，話條魚嘅火喉控制得好好，所以都唔錯。6) 脆皮醬燒雞: 不過不失，唔鹹。7) 歡樂大蟠桃: 估唔到食到最尾一道菜，都有咁大嘅驚喜，壽包大過我隻拳頭，而且仲有分奶黃餡同蓮蓉餡，個個同事都爭住食奶黃餡

上星期 朋友請食飯 為方便大家 所以在太子附近...酒樓大概7點的時候就客似雲來！幸好有預先訂枱此店一向都有做很多優惠，但當天可能還是春節期間，所以優惠無做我們點了蝦乾通菜煲，通菜很嫩也很爽脆~伴著蝦醬同蒜頭味~沒有過鹹，要挑剔的話，就是油份略多而已！蒜𦴦粉絲蒸蟶子皇蒜蓉香氣撲鼻、蟶子肉厚爽身。夠鮮味, 不會韌！粉絲極柔軟, 撈些蒜蓉同豉油汁入曬味惹味與鮮味集於一身，可算是當晚天衣無縫的組合！叉燒例牌，送上檯時仍熱, 燒得香, 份量很多，叉燒肥瘦剛剛好。都好林身，唔會太硬，太乾。白灼蝦每隻都是游水貨色。用白灼能帶出蝦肉的甜美及爽口彈牙。如果想味道更鮮，不防蘸點一下特別調教的甜豉油清蒸大海石班 火候控制得很好，魚肉新鮮，豉油好味，雖是養斑。名字叫得大海石斑也不怕貨不對辦。因為養斑也是在大海裏的漁排養的。服務員招呼好, 食材不錯.酒樓環境氣氛都好, 是旺角區首選中菜酒家.

同一連鎖酒家，在有比較之下，原來真係有分別。太子維景酒店這間，是我暫時食過最好的。首先，可能是開在酒店入面的關係，其裝修是新浄同內部照明是光猛的，D地氈亦冇污糟的感覺。點菜時，我地叫左一個12人套餐，再另加一隻長腳蟹。經理即場安排上左蟹先，再上套餐。當隻蟹一出場時，大家即時哇哇叫，當然相機吃先。海鮮真係清蒸熱食係最好，雖然一人只係分得兩、三舊，但呢個鮮味同彈牙，比係同酒店果陣任食，好十倍以上。我地亦叫左幾碗白飯撈個蟹蓋，最後未上圍菜，已經食到個個半飽而個圍菜方面，乳豬皮脆，但略肥。其他都好好食，唔多講，只係個㰖角蒸斑，怪怪地，食到有少少泥味。比較過之下，下次去海港，都係去返維景好D

本來去酒樓飲下午茶好普通冇咩好講，但吾想人中伏，都係寫一吓：今午去太子行吓，落車後同媽咪去飲下午茶醫肚先，那時三點，本應去始創中心煌府，但因被包場吾比客再入，於是去咗四樓海港，其實之前都已嚟過……點心紙有好多款食物，呢度原來冇分下午茶時段，只有假日優惠點心紙……但我吾覺得抵喎！我只叫咗帶子腸粉、蟹籽燒賣及鹹魚肉餅飯……1.帶子腸粉~好差，係蒸得薄滑，但一夾就黏住易爛，腸粉包住西生菜，食倒好少腸粉，最嬲係三條腸粉每條得一截有兩粒好似我嘅無名指甲咁大的帶子，少又小到冇朋友，咁孤寒吾好出呢款腸粉啦，咁都叫帶子腸粉，即使加咗菜都吾覺得好食或矝貴，冇味除了豉油味，$27.8 加埋一要三十元，認真揾笨又掠水！（提防中伏）2. 蟹籽燒賣，一般size，蟹籽好少，有冬菇，味道ok，$24.83. 鹹魚肉餅飯，細盅嘅，平時早茶必有嘅早點，屬10多元價錢，但三點時間都仲要$21.8，細盅㗎喎，味道一般，飯偏腍呢度啲碗碟清潔度認真吾掂，一個位有杯、碗、碟、羹及筷子，但杯碗碟都有明顯嘅污漬，伙計擺位時冇理由睇吾到環境~啲位擺到好迫近，出入吾側側身行吾到！今次光顧比我感覺很差，下次吾會再來了……

該酒樓位於旺角維景酒店一樓，提供的座位頗多。廚味小吃多款頗吸引的甜品下午茶餐單燒味及粉麵先試這個竹炭流沙飽，賣相與澳門頂級酒店酒樓麗軒的出品不遑多讓，但價錢大約祇是麗軒的八份一。咬落嘗到温熱流沙般的奶黃餡料，飽香軟美味，甜度亦調較得恰到好處。這個小籠包則完全不及水準。皮不薄，咬落感覺無汁太乾身，餡料極普通，蒸得過時，形態亦不佳。潮州粉果尚算不過不失。外觀晶瑩通透，餡料尚可接受，咬落煙韌，調味亦適中。這碟鵝肝叉燒粒炒飯名字聽起來頗高級，但吃落則屬另一回事。嗅覺感受不到鵝肝及叉燒的香味，而味覺則感受到超鹹的調味。飯尚算炒得乾身清爽，但致命的鹹度令人吃一口就不欲再試，做成不必要的浪費。縱觀該酒樓這幾款出品，水準頗為參差，有極好的，有平均的亦有極差的，足見其廚師間的水平存在相當大的距離，極有改善空間。下午三時許已有侍應趕著準備晚市並要求搬枱，與友嫌搬枱太麻煩，唯有很無奈的結帳離開。

是日係食生日飯，問有無位雪旦糕，呀姐一句話“無位”，好，食咗旦糕先囉。 食唔晒既旦糕諗住放後面既吉枱，wow, 好有氣勢既姐姐話“張枱用嚟上菜，唔可以放其他野”，well,咁我唯有話“咁掉咗個旦糕囉”。 飯都未食已一肚氣

星期六去開太子，順便去附近既酒樓飲下午茶。點幾去到好多人等位，大約要等2 30張台。我地決定先去附近行一陣再返黎。再返去已經三點幾，完全冇人等位，酒樓同我地講四點last order。由於都唔係太餓，我地叫左6碟點心。點心好快到，但係味道真係麻麻。蝦春捲上面淋左d泰式辣醬，味道唔係好夾。鮮蝦菜苗餃入面差唔多得菜，蝦得好少。牛肉燒賣好勁芫茜味，而且有好多肥肉同軟骨，食左一啖已經放棄左。炒米粉好多西芹，有少少火腿碎，但系冇蘿蔔絲，味道比較淡。流沙煎堆算比較好，入面係奶黃餡，皮較厚。原本以為最唔會出錯既燒腩仔，燒得太噥，太咸，冇左燒腩既香味。三點九酒樓已經催我地埋單，好彩已經食得七七八八，食完即走，應該冇下次。

我地每星期都會定期飲一次茶從來冇試過好似今次咁差黎到好多人等啦 都冇乜野大家一直等 等左成個幾鐘 好唔容易先有得入去我地一行6個人 入到去竟然得4張凳（完全黑人問號）叫左幾次拎凳同加位 都好似視若無睹咁拎2張凳拎左十幾分鐘 差d我地自己要走去拎D杯杯碟碟又唔乾淨🙄🙄叫左d野食 又唔齊單🙄🙄勁漏單叫左個海鮮烏冬竟然連蟹柳ge包裝紙都係個煲入邊勁唔開胃 勁求其 是是但但就上枱十叫九唔應叫埋單 叫左廿分鐘 🙄🙄食到一肚氣一定冇下次

本人想於4月12晚，星期四，請親友在此酒樓食飯，因親友住樓上的酒店方便一些，於是打電話去訂枱，對方一開口便說，六點半定八點半，於是我便查詢，現在是規定時間的嗎，跟能不能選其它時間，只跟我說是公司規定，於是我便說算吧不訂，她話也不說就收線了，現在的酒樓服務業，越來越差，是有原因的，真是比起其他東南亞國家差，現祖國的服務水平也已比香港高了，我真的估不到，不是什麽大假期，訂枱啊要分時段及限時，是食放題嗎？想去酒樓的，一般是想家人聚都是想方便說話坐在一起高高興興，限時限刻真是沒趣，海港真創意，接聽訂座服務又這麼好，現在這麼多食店選擇，我想不是間間限時段吧，劉德華話頭，現在噉嘅服務，係唔可以的，食一頓舒服的飯也不可以，海港祝你幸運

今晚同朋友聚會，去咗海港酒家(太子)。依間食店應該幾好生意，差不多到7點，已坐滿約8成客人。今晚有幾個朋友，就當然點我的最愛，燒鹅。就咁看過去，已看出燒鵝好新鮮，好入味，望落去，鵝皮色澤紅帶光澤，食落去，外皮有少許脆的感覺，只能在口中說聲好好味。真係超水準，鵝肉肉質鲜味。大大引發食慾。一試難忘。我可以大膽講一句，香港無乜地方，可以食到咁好味燒鹅。絕對沒有誇張，高度評價。就算去到深井食，依然也比下去。

海鮮好抵食,美味多肉鮮味 阿搵斯加長腳蟹,媽媽也喜歡, 用蛋白清蒸好味。。鮮味到暈. 其他野都抵食夾大件,就是太唱少少迫 ,媽媽生日飯很開心,圍餐也很抵食,人多去最火過

今日做冬，一家人去左酒樓做節。我地嗌左個套餐，正常嘅價錢，但質數同份量都幾多驚喜。唔知係咪趕住做下一輪，所以啲餸上得幾快，有時仲一次黎兩樣搞到冇位擺~乳肉嘅皮燒得幾脆，肉同肥嘅比例算ok。翅都幾粗幾多，最意外係入面啲帶子仔，真係好鮮甜有成3斤重嘅龍蝦伊麵，龍蝦爽甜，好新鮮，啖啖肉而唔係得啲殼鮑魚都冬菇都好入味，而且唔係好"un"，而啲伴菜係豆苗，份量好多！花姿螺片片得薄，食落爽口。松露百花球雖然冇乜松露味，但火候炸得啱啱好，幾香口。沙巴龍躉同炸子雞就正常酒樓味，不過不失。最後仲有蜜柑同紅棗糕做作結，成餐飯食得好飽