海港酒家

營業中

休息中

本身諗住同屋企人去食蒸氣火鍋，已經提早3日訂位，仲已經打左幾次電話黎提醒要準時6點半到，我同屋企人已經準時到，點知去到先話我地張檯已經俾左人，要我地得成一粒鐘，態度又唔好，野食又麻麻，以後都唔會再來。

天氣涼涼地 ～最好有啖飯落肚 。去茶樓食個盅頭飯係唔錯既選擇。價錢都算實惠正常。特別孖寶點心$18.8我今日既目標：飯😍😍飯好味 吸收左腊腸同雞味😍😍可惜雞..冇雞味只有雪味..腊腸..2個字..唔香...仲叫左以下點心...正正常常..味道偏淡。都好呀～ 淡味d健康d😂😂不過...奇怪既點心黎啦！！！點解腐皮卷會包「椰菜」既呢😂😂

屯門卓爾居海港酒樓 - 呢間酒樓位處高尚屋苑卓爾居！竟然無人帶位，又唔講俾客知話要個客自己搵位！一路行入嚟一路都唔見一個侍應，見到話佢知三個，就完全唔理你！直至行到最入叫我地坐張大枱搭枱！遲我地入嚟嘅就坐咗張細枱，只得兩個人！我就問點解我地要坐大枱，兩個人就可以坐四人枱！個女部長話佢地一直都係咁，啲客會自己搵位，我問咁你唔寫係出面！佢答我地一直都係咁！呢間酒樓真好笑！所有人嚟過未嚟過都要知道佢地嘅做事方法，但係我上次嚟就有人帶位囉！我發火佢就話我影響佢啲客，我話你就夠影響我啦！晨早流流「nar 」慶我！到最後佢都要搵返張細枱俾我！食物品質都係一般！

爸爸節和爸爸去飲茶, 盡盡孝道, 定必是每個孩子都會做的事, 找定位, 開定茶等爸爸也是必備吧! 不過我家爸爸這天竟然親自去取票等位, 目的是好讓我們睡耐一點, 爸爸任何時候都是無私的為我們付出。這間於卓爾居開業了半年但還沒來過的酒樓 - 海港, 爸爸節選擇光顧。佔地甚多, 燈火通明環境清潔, 裝潢頗為落本, 讓人坐得舒適。而點心選擇都算多, 有新潮也有懷舊, 一家人飲茶可以點上不同種類。茄子什菌長春卷 (大) $21.8長長一條春卷給我們分成兩截, 春卷皮薄炸得香脆, 香口不覺油膩。餡料中的五香粉味頗為搶鏡。翡翠筍蝦餃王 (特) $27.8蝦餃的澄皮不算是厚身, 也帶點黏性, 內裡包了三隻爽口蝦之多, 漲卜卜的, 也值回票價。蟹籽燒賣皇 (精) $24.8雖然不算是飽滿, 不過餡料頗為足, 除放面的蝦隻外, 內裡還有蝦粒混入豬肉, 香口彈牙並不肥膩。蒜茸蒸鮮魷 (大) $21.8鮮魷彈牙有嚼口, 墊底的粉絲吸收了鮮魷精華, 一貫的受歡迎。醬汁蒸鳳爪 (中) $19.8飲茶常叫的一碟點心, 不過我不好腳指, 家人就吃得津津樂道。流汁奶黃包 (小) $16.8既然名為流汁, 自然期望奶黃

同屋企人一行十多人慶祝母親節飯。一坐底，就見到有2隻碗上面有好多飯粒，叫人嚟換，點知冇人應，惟有出去揾人換啦，當時個位同事一句唔好意思都冇，仲好似因為隻碗煩到佢咁既感覺之後又有另一位同事問我地食唔食套餐，我地選擇散叫，揀好咗諗住落單，點知十問十唔應，惟有又行出去叫人啦，後來想叫既孖寶餐冇曬，我地再加餸，同樣都係冇人理我地，只係不斷叫我地等等，等等，等既過程只見有個同事招呼隔離有叫套餐個兩枱，於是我地叫個位同事轉頭幫我地落，點知轉頭個同事只係向我地講左句:要2碗白飯啊嘛，就走左。嬲到一個點，全程食飯都係勁冇癮第一次食就受啲咁既氣，真係絕對冇下次節日要食套餐先可以有服務，一叫就到，而其他散叫既客就唔係客咁，叫完都係扮聽唔到，十問十唔應，離譜至極最後，出去叫人埋單，個位副主任仲笑笑口同我地講: 乜咁快食完啊個下對住佢，都知即時投訴都係浪費口水，後來上網想揾返佢地投訴電話，結果係冇架，只係可以留意見衛生差都算，服務仲要咁，同趕客真係冇分別

你喜歡吃點心嗎? 對於我而言，個人相當喜歡到酒樓一盅兩件，可以與家人悠閒地吃點心是一件賞心樂事呢!4月初於廣州逗留了好幾天，因事在身，遊玩時間不多，反倒於數天內到了酒家吃點心多達7, 8回，才見識到廣州的酒樓，每間店都可以有多達上百款點心，還要早、午、晚都供應點心，對於點心愛好者來說，實在是大滿足呢!說回海港的點心，個人覺得這平價連鎖酒家，點心水準也算不賴，所以間中也會到訪!紫魚花生豬骨粥 ($14)認識我的朋友，應該也知道我並不喜歡吃粥. 如果我當天表明想吃粥，也可以顯示我身體不適了，要不然，我沒可能選粥吃呢! 至於父親，則非常之愛吃粥，所以家父要了紫魚花生粥，我也嚐一小碗而已. 粥底都幾綿滑，而且材料豐富，要彈的是，粥底偏鹹，高血壓人士最好少吃了. 香煎蝦米腸 ($17)蝦米腸是即煎的，都幾香脆，加上甜豉油及芝麻醬，平凡但滋味.豉蒜煎釀三寶 ($18)想不到這款煎釀三寶，居然有5件之多，相當底食. 而且油炸過後，惹味好吃. 金粟墨魚餅 ($18)這款墨魚餅實在令我喜出望外，即炸之餘，墨魚肉彈牙又夠厚，內裡也有不少香甜的粟米粒，值得推介!這次到來，多款點心水準也不俗，也令我對海港有更

首先，食物方面，叫左個杏汁豬肺湯，勁甜，似食糖水，豬肺有部分黑色既。叉燒，好似食柴皮咁乾“真真“，同埋上碟時已經凍晒。菠蘿咕嚕肉，普普通通，算係最正常。唔記得咩魚兩味，賣相好似食淨既感覺，味道麻麻，魚仲有少少酶。至於個度既員工，若果各位有野想問、漏單、帶位等。。。大部份都一個推一個，甚至當你透明。最大鑊係連d經理級都咁九流。如果食到想受氣既不防試下。

今晚我們去咗屯門卓爾居商場嘅「海港酒家」食晚飯！我們叫咗個「超值全包宴」套餐！有鴻運乳豬全體、上湯焗蝦球伊麵、西蘭花珊瑚蚌炒花姿、蟹肉海皇大生翅、脆皮龍皇卷、翡翠炒龍躉球、陳皮雲耳蒸龍躉頭腩、招牌燒鵝皇、薑蛋紅米炒飯同歡樂大蟠桃！鴻運乳豬全體燒得外皮極之鬆脆香口，肉質相當軟滑，而且好瘦無太多嘅脂肪，唔會好油膩嘅感覺！上湯焗蝦球伊麵嘅蝦球非常爽甜彈牙，而且份量比伊麵仲要多！西蘭花珊瑚蚌炒花姿相當鮮味彈牙，份量十足！蟹肉海皇大生翅嘅蟹肉好鮮味，而且相當足料！脆皮龍皇卷相當香脆惹味！翡翠炒龍躉球嘅肉質非常鮮甜彈牙，魚皮好煙韌軟滑！陳皮雲耳蒸龍躉頭腩嘅肉質相當鮮甜嫩滑！招牌燒鵝皇燒得非常皮脆肉嫩多汁，肉味相當香濃！薑蛋紅米炒飯炒得非常乾身，唔會好油，而且粒粒分明！歡樂大蟠桃真係好大個，而且有兩款味道，有原味同奶黃味，味道好香甜，包質亦好香滑鬆軟！

今晚我們去咗屯門卓爾商場嘅「海港酒家」食蒸氣石鍋！我們叫咗個十位用全包餐有：蒜蓉元貝、鮮甜沙白蜆、波士頓龍蝦、安格斯肥牛、原條沙巴龍躉、紅棗雲耳蒸鷄、自家製小籠包、鮮甜刀貝、手打蝦丸、黑蒜豚肉丸、粗糧拼盤、臘味糯米飯、溫室冰菜同瑤柱鮮排骨粥底！蒜蓉元貝真係超大隻同新鮮，肉質極之鮮甜彈牙！鮮甜沙白蜆嘅味道相當清甜！波士頓龍蝦嘅肉質超級爽甜彈牙，食得出係新鮮即叫即劏！安格斯肥牛嘅肉質好嫩滑，肉味亦好濃郁！原條沙巴龍躉亦係新鮮即劏，肉質極之嫩滑同鮮甜彈牙！紅棗雲耳蒸鷄嘅紅棗香甜味溶入晒鷄肉入面，令到鷄肉嘅肉質相當香甜軟滑！自家製小籠包嘅皮好薄身，入面嘅豬肉好鬆軟多汁，湯汁嘅味道好鮮甜！鮮甜刀貝嘅味道非常清甜！手打蝦丸好爽口彈牙！黑蒜豚肉丸嘅黑蒜味道令到肉丸嘅鮮味更加提升！臘味糯米飯好煙韌彈牙！溫室冰菜好青嫩！瑤柱鮮排骨粥底吸收晒多款海鮮同肉類嘅鮮味，令到粥底嘅味道更加鮮甜同軟棉棉！

到過卓爾居的海港好幾次，只開了3,4個月的酒樓相當新淨，內裡環境光鮮明亮，坐位舒適，點心款式多，取價亦公道，所以想吃點心的話，都不介意多走幾步到卓爾居飲茶!星期一至五下午茶時段，大、中、小點劃一為$13.5，另有多款特價點心，低至$9.8，啱哂喜歡吃點心的我呢~ 茗茶每位$7.山竹牛肉球 $9.8差不多每次到酒樓都會點牛肉球，不是特別喜歡吃牛肉，而是為了吃可以索滿喼汁的腐竹，哈哈! 牛肉比較稔身，味道不過不失.芋絲長春卷 $9.8即炸的春卷，香脆可口，內裡有少量肉碎，喜歡吃炸物的朋友不妨一試.潮式糯米卷 $9.8外層比較厚，但依然很鬆軟，內裡糯米帶鹹香，最喜歡吃糯米卷內的香脆花生!日式照燒茄子 $9.8一客4件的茄子，只是$9.8，好抵食呢! 不過個人不太喜歡甜甜的照燒醬，只吃了一件，以這價錢收貨有餘!鮮蝦粉果 $12.8粉果外皮既稔且薄，一夾即散，內裡有少許雜菜、蝦肉，比較失望的一款點心.紅油抄手 $12.8抄手辣度輕微，想不到還附上了少許生菜，為點心增添色彩.XO醬炒蘿蔔糕 $16.8蘿蔔糕香口惹味，不過略嫌太油膩.蒜蓉蒸鮮魷 (大點)鮮魷味道偏鹹，但份量也多，可以接受.肉鬆蛋煎米

叫個排骨飯未熟 ，番煮攞番先頭既飯黎整 ，重要無左幾舊肉。呢樣算數，另外食完既野放滿枱無人收，加單叫野，明明確實左，到最後話無落到 野食竟然無落單，態度差，叫服務員見到當見吾到 下單叫食物錯而且沒有跟進，正垃圾酒樓

今天試新酒樓, 等左一陣先到, 酒樓夠光猛, 點左幾個點心試下.菜乾豬骨粥, 都幾綿的, 不過好結, 好似好多粉咁.炒米粉都好味的, 好多料呀, 甘笋, 火腿絲, 芝麻, 菜, 都幾乾身的, 好味.椒鹽豆腐, 賣相已經唔掂呀, 上面有些辣粉的, 個粉皮好唔得, 炸到好肉酸及好多油呀, 唔好食架.粉果, 都OK, 不過好淋的, 個皮唔夠薄. 牛肉一般, OK的.整體食物真的麻麻地, 所以唔會嚟啦.

由於呢幾日嘅天氣都好凍，所以我們今晚去咗屯門卓爾居嘅「海港酒家」食養生蒸氣石鍋！之前試過他們好抵食嘅養生蒸氣石鍋全包餐，所以今次我們選擇單叫，我們叫咗原條沙巴龍躉、斑馬瀨尿蝦皇、八頭南非鮑魚、安格斯肥牛、花菇紅棗雲耳蒸走地鷄「半隻」、刀貝、薑汁酒蒸花膠筒同南瓜排骨珍珠米粥底！原條沙巴龍躉係新鮮即叫即劏，肉質超級嫩滑同鮮甜彈牙！斑馬瀨尿蝦皇嘅肉質極之爽甜彈牙，而且有超多膏！八頭南非鮑魚非常爽口彈牙！安格斯肥牛嘅肉質相當嫩滑，色澤紅潤，肉味亦好香濃！花菇紅棗雲耳蒸走地鷄「半隻」嘅鷄肉吸收晒紅棗嘅甜味，令到肉質非常香甜嫩滑！刀貝嘅味道相當清甜！薑汁酒蒸花膠筒係用薑汁同酒嚟醃，可以完全撇除花膠嘅腥味，真係好好味！南瓜排骨珍珠米粥底嘅粥由開頭煲到尾同吸收晒所以海鮮同肉類嘅精華，令到粥底嘅味道超鮮甜！

早前卓爾居新開既海港終於有日得閒去歎個下午茶原本唔見有下午茶特價點心紙入到先見原來下午茶點心一律$13.5咁點心都幾抵試同埋問過侍應後有另外一張下午茶特價點心紙不過以下食物唔記得邊d係特價紫心香芋丸記得放題都食過 估唔到飲茶都可以食到微脆外皮 入面就少少煙韌感薰衣草紫色內餡 令人食慾大增內裡香芋蓉甘甘甜甜感覺係炸湯丸咁事後上網搵過有食材訂貨 如果有機會想試下係屋煮蘿蔔千絲餅既然一律$13.5更係食d平時唔捨得食 冇特價既點心啦外皮酥鬆 絲絲酥皮唔油膩夠哂乾身幼條蘿蔔內餡少少甜 再加d鹽釣味味道簡單 主要食乾身酥皮炸芋絲春卷較長較幼身 皮炸得焦了點 或者係油用得耐外皮保持脆身時間耐不過餡較實 不太像芋絲 味道少少鹹浪費了外脆既脆皮 家鄉煎米雞外型精緻細細件既糯米雞糯米上有蛋皮跟肉鬆內餡叉燒夠味 醬甜甜餡比例高 只可惜大細上較細 唔太夠喉蒸叉燒腸皮正常 唔厚不過薄 易夾隔住層皮透視 叉燒餡好多味正常 豉油味主黑糖蜂巢糕注意趁熱食 更甜更鬆熱食少少甜 鬆得尼少少彈牙味道唔多 但個人口味 就係難以形容的吸引檸蜜大蛋散其實原本只係見早茶有 問過下午都有依家茶樓唔易見 而且真係好大(有一個茶壼咁大

今晚我們去咗屯門卓爾商場嘅「海港酒家」食蒸氣石鍋！我們叫咗個$988養生蒸氣石鍋全包餐！有波士頓龍蝦、安格斯肥牛、鮮甜沙白蜆、原條沙巴龍躉、紅棗雲耳蒸鷄、新鮮菜心、清甜津白、手打蝦丸、迷你臘味糯米飯同瑤柱鮮排骨粥底！仲有兩渣自製咸檸七送！真係超抵食呀！波士頓龍蝦嘅味道相當鮮甜，肉質亦好彈牙！安格斯肥牛嘅肉質好嫩滑，牛肉味亦好濃郁！鮮甜沙白蜆嘅味道超清甜！原條沙巴龍躉係新鮮即劏，所以肉質極之鮮甜同嫩滑彈牙！紅棗雲耳蒸鷄嘅肉質好爽滑彈牙！新鮮菜心好幼嫩同無根！手打蝦丸相當爽口彈牙！迷你臘味糯米飯嘅糯米飯好煙韌彈牙！瑤柱鮮排骨粥底材料好豐富，有南瓜、鮮淮山、白果同排骨，令到粥底嘅味道相當鮮甜！本人好喜歡呢個粥底，因為感覺非常健康！係本人嘅必食推介！