海灣茶座

營業中

休息中

之前都因為行山先認識呢一間餐廳，因為佢嗰度係有船飛賣可以搭大飛出返西貢。今次行西灣亭就決定以呢一間餐廳來做中途補給站。由於行山唔會太肚餓嘅緣故，我哋兩個人就嗌左個楊州炒飯，同埋一個豆腐花，再加兩杯飲品咁就作為一個簡單嘅午餐楊州炒飯就冇乜特別，唯一嘅特別之處就係佢價值$90 ，齋睇價錢我以為去緊五星級酒店。豆腐花還可以，夠滑亦夠凍，亦都有薑糖擺咗喺每一張枱面餐後感：呢間餐廳最大嘅賣點我覺得就係佢個無敵海景，對住個沙灘食飯望住過海感覺真係幾好，如果價錢平啲就更好啦。

從未見過態度如此惡劣的員工，忍唔住要寫個劣評！！！同朋友行山經過，諗住每人叫碗豆腐花順便休息一下。負責落單嘅女仕起初態度還可以，我哋點咗一個凍，一個熱嘅豆腐花。女仕話無熱嘅，得暖暖地，咁我哋都ok嘅！但係呀女仕無啦啦跳掣，啤住我哋😟問佢嘢又唔應，唔知得罪佢d乜🙄🙄🙄送餐嚟嘅時候，該名女仕仲強調呢碗係暖豆腐花！點知個暖豆腐花係凍嘅！！！仲要係冰凍果隻👎👎👎👎👎👎👎呢間茶座真係只此一次👎👎👎👎👎

加入openrice成為會員，主要係想公開呢間餐廳嘅無理對待，等大家幫吓D員工，日日唔駛做，早日關門大吉🙄前日，一行九人，朋友當中有個十多歲的少年，先到達呢間餐廳，點咗個餐蛋麵食住等其他人。幾分鐘後我哋到齊(當時餐廳只有兩個食客)正當大家商量坐邊張枱時(每張枱有4張椅)，遠處一女員工面帶惡意，對住我哋指指點點，但大家冇留佢講咩。正當朋友提意拉兩張椅過同一枱坐(限聚令已可以六人一枱)，附近另一女員工，惡形惡相 極不友善講：都係食嘢啫，食完就走，唔好郁啲枱櫈，如果個個都係咁，我哋就做極都做唔完⋯⋯未order野食，已經咁嘅態度，搞乜呀？所以大家二話不說，拍好D櫈，乜都冇講，去幫襯第二間囉！吩咐仲食緊碗麵嘅少年，食完之後，向前行再join番一齊。點知 當我哋一走，餐廳員工即刻對佢講：快D食啦⋯⋯＂躝＂番去搵你D fd啦⋯⋯呢間野D人，真係好笑，又冇禮貌又冇品又冇膽，只識蝦細路。我哋完全冇得罪佢哋，客人有權選擇嘛，連餐牌都未掂過就走，都可以咁嘅態度? 況且，少年係幫襯左喎😡😡😡實在太過份

沒想到第一次在Openrice寫評語是獻給此餐廳...但實在太離譜。餐廳店內外並沒有(至少我跟友人看不到)任何不準攜帶外來飲品的告示。我跟友人在店內點了三碗各$65的餐/腸蛋公仔麵後，其中一名中年男員工看到我們枱上的未開封的罇裝水及一直在喝的汔水便破口大聲喝罵、更以極不尊重的言辭對待，而事前並沒有勸告及上前溝通。即使我們把飲品收好後亦繼續在旁監視並一直冷言冷語，更威脅說不會把食物送上。我們因受驚過度，最終決定光顧另外一家餐廳。

讚1. 景色係香港黎講真係一絕，無敵海景，又容易到2. 飲品好好好好多元化3. 坦白講野食無乜特別，亦的確係貴既，但樣樣即叫即製，薯條即炸，米粉即炒。算好有心機4. 環境幾企理，洗手間見得人彈1. 價錢的確係貴，要有心理準備

同三位朋友趁住假日去行山順便露營，大浪西灣離市區兩個鐘路程，景色好靚，水清沙幼，最估唔到就係咁偏僻嘅地方都有幾間餐廳。行咗兩個鐘終於到，因為路途遙遠，所以冇帶cook set嚟煮嘢食，所以我哋搭好個營就求其去咗其中一間度食啦。行完兩個鐘又渴又要補充體力，所以我就叫咗碗叉燒煎蛋公仔麵，又有湯又有肉咁啦。我都知嚟到咁偏僻嘅地方震求唔可以太高，叉燒嚼極都嚼唔完都算，點解煎個蛋都會搞成咁...大家有圖可見個蛋...係gg咗...成60蚊一碗真係原本都冇抱希望，但都忍唔住失望...只可以話下次再嚟，幾大都自己揹cook set嚟煮。

行山行到攰, 見有餐廳, 又有海景, 大家坐底飲杯野先!呀, 出面有班人食煙呀... 原來係吸煙區...d煙直吹入黎呢....就叫杯凍啡算喇.凍啡都幾大杯, 成20蚊架d 糖漿係for 豆腐花既有d 薑味, 但我就加了少許入杯凍啡度, 效果真係很好, 估不到呢.朋友叫了冰的菠蘿片, 也說好食.服務正常.如果唔係吸住2手煙, 就好了.

.2010年8月28日 西貢-大浪西灣 ( 海灣茶座 - 1 )( 首評:205 )西貢享有(香港後花園)的美譽，而西貢大浪灣也有(西貢後花園)之稱，其實西貢大浪灣是由四個海灘組成，分別是東灣、大灣，咸田及西灣，每個灣都各具特色，而今次介紹的海灣茶座，就是座落於風景美麗迷人的大浪西灣，2006年期間，漁農自然護理署及國際獅子總會舉辦的「香港十大勝景選舉」活動，大浪西灣名列十大勝景之首。早上天色晴朗，陽光普照，提早前往西貢早餐，再與朋友們會合，於西貢麥當奴前，乘29R巴士至西灣亭，再步行前往大浪西灣，來到西灣，有些朋友已急不及待的往水裏浸，我與幾位朋友搵地方歇一歇腳，看見這店環境幾好，又有豆漿及豆腐花，當然要坐下來慢慢嘆了。因為行了一段路，非常口渴，先來了一支凍豆漿(10元)，這店裡設有電冰箱，所以豆漿是夠凍的，看樽身裝潢似是自家製造的，豆漿色澤看似濃郁，喝起來時，甜味缺乏，如甜些我會更為喜歡，豆味雖然有點，但還欠香濃，無論怎樣也好，口渴之下，總覺得特別好味，不消一分鐘，全樽豆漿經已淪為一個空樽了，...哈...哈...豆漿已被我鯨飲了，講到豆漿，還是喜歡深水埗公和的味道。跟着來的是熱豆

Environment 位於西貢西灣沙灘旁, 面對著大浪灣, 享受著一望無際的海景, 由於遠離人煙, 大浪灣仍擁有極美的自然風貌，難得這裏的景觀仍未遭受人為破壞，是香港所餘無幾的世外桃源. Taste在西灣, 有食物供應的地方屈指可數. 供應的食物大同小異. 當日從萬宜水庫東霸步行了幾小時, 斷水斷糧, 能找到一個地方可以給我安座食一碗麵, 已夠滿足矣.Service由西灣的村民經營,感覺好warm Price一般炒粉麵飯約$35, 即食麵$25, 飲品$7-$12. 由於地方嚴重偏僻, 相信運送物資的價錢亦相繼地高. 所以收費合理.Cleanliness整個地區仍未受污染. 可喜可賀