海灣餐廳及海灣咖啡室

營業中

休息中

我哋book酒店嘅時候訂埋兩個大人早餐，之後入咗Marriott會員會員，包埋大少早餐，小妹因為三歲以下，所以早餐都係免費。呢度環境寬敞，有分外廳同內廳，外廳就光猛啲，近拎嘢食嘅地方;內廳就暗d，但有梳化位，坐得舒服啲。我哋選擇咗內廳，雖然拎嘢食遠啲，但因為外廳有啲曬，想小朋友坐得舒服啲。自助早餐時間有三節，每節1小時15分鐘。呢度早餐都算好多選擇，中式有粥、有麵、有點心、茶葉蛋、春卷、炸饅頭、蝦餅、炒菜等等！西式有各式包點、自製pancake、薯餅、煙肉、香腸、火腿、烚蛋、或自選奄列。飲品有橙汁、蘋果汁、鮮奶、豆漿、茶、咖啡。個人比較推介自選奄列，我哋揀咗蕃茄、蘑菇、芝士炒奄列，個蛋又滑又香。炒麵彈牙，味道唔太鹹，都好好食。整體食物質素唔錯，選擇又多，食到好飽先走，午餐都唔想再食。

今日真係好開心，朋友跟我慶祝生日，專登挑選了海洋公園萬豪酒店的自助餐，想不到驚喜連連。一開始我就飲了花膠響螺燉湯，望落好清，但是飲落好濃烈，感覺到十分滋潤。當天每位送一個扇貝，亦有無限量龍蝦及燒蠔供應。此外，牛扒及羊假超鬆軟及很多汁，比我想像中好味。而雪糕亦有大概六款可以選擇，感覺上還可以。座位寬敞，環境舒適。服務生亦十分友善，感覺良好。

 沙律 (Salad) The presentation was vibrant and appetizing, with a beautiful assortment of fresh, crisp vegetables. The salad dressing was a perfect balance of tangy and sweet, enhancing the natural flavors of the greens. The addition of nuts and seeds provided a pleasant crunch, while the diced fruits infused a burst of juiciness. It was a refreshing and healthy choice, ideal for those seeking a light yet satisfying option. 水果 (Fruit) platter. This was a real treat for the eyes and the palate. The

餐廳：海灣餐廳及海灣咖啡室地點：香港海洋公園萬豪酒店菜式：自助早餐價錢：一晚Staycation經Klook訂購，星期五入住$2187，包普通房間，雙人自助早餐，同$800指定餐廳餐飲券。自助早餐分三個時段入座，分別係：07:00 - 08:15（可訂定）08:30 - 09:45（可訂定）10:00 - 11:15（只可walk in）我地一早預約左08:30 - 09:45時段，早幾分鐘都可以入去。海灣餐廳及海灣咖啡室地方好大，食物分放唔同地方，大部份食物都唔洗排隊。西式食物有豬肉腸，雞肉腸，麵醬三文魚，蜜糖火腿，車厘茄，茄汁焗豆，咖哩薯餅，奄列，水煮蛋，茶葉蛋，煎蛋，煙肉，薯餅，炒蛋，牛奶麥皮，選擇都算係咁。麵醬三文魚算係全場最好食，係鹹左少少。車厘茄都幾好。咖哩薯餅外脆內滑，咖哩味剛好。奄列有多款配料，我揀嗰個配搭有少少拉絲芝士同好香辣椒味，好好味。隔離中式食物有炒時蔬，蔬菜炒麵，上海菜飯，煎蘿蔔糕，炸饅頭，印度煎餅，選擇就好麻麻，全部都係素菜或者碳水化合物。遠方就有點心，有牛肉燒賣，蜜汁叉燒包，素餃，小籠包。小籠包皮厚肉可以，都多汁。牛肉燒賣好實，麻麻地。素餃塊皮一夾就爛皮。

今晚令長者門過咗一個愉快嘅晚上，每個長者都對食物讚不絕口，尤其係龍蝦非常美味，好多謝海洋公園萬豪酒店有半價優惠，座位又安排得好好，等佢哋可以可以傾吓講吓享受美食

好耐無寫食評，今日真係心心不忿咁對依間酒店嘅自助餐作出反應，話說今日生日，諗住試下新野去依度食自助餐，上網睇左好多人介紹話好多野食，同食物質素都吾錯，點知，全部都係假象。Book位時見到宣傳話做緊BBQ燒烤，有鴨肝多士，有蒸鮑魚，有西班牙乳豬，蟹粥等等，去到原來全部都無，門口海報都有寫明有以上食品，真係想問下經理到底發生過什麼事，現場係無上述食品供應。現場只見啲全部都係普通野，凍海鮮只有好瘦嘅蟹腳，好細隻嘅蜆，無味嘅青口，無咩肉嘅麵包蟹；凍肉就只得兩款選擇，同切到好薄嘅哈蜜瓜；刺生區應該全場最好嘅食物，有油甘魚，甜蝦，帶子，池魚，北寄貝，同少量壽司，無選擇下，我只好攞左兩轉刺身；最多人排隊嘅就係龍蝦，我無食，所有無得俾評價，之後有啲熱盤，包括奇怪嘅桃膠煮菜，薑蔥焗蠔，蒸魚，柚皮鴨掌；另外有啲串燒，都係得啲燒雞翼，雞軟骨同豬腩肉，另外有兩款咖喱同啲好核突嘅簿餅；仲有燒牛扒同燒羊肉，我食左燒牛扒，好韌同無味，我吾食羊肉，所以吾知好吾好味；燒味部就只得叉燒同豉油雞，見到賣相就吾想食，之後就係麵檔，無試；最後就係燉湯同所謂片皮鴨。。。燉湯都可以，夠清甜，片皮鴨好鞋口，吾好食；甜品就有好多款，試

一到週末，就想輕輕鬆鬆同屋企人嘆吓個靚早餐。我們住了海洋公園內的酒店， 所以嘆海洋公園海灣餐廳琴海灣咖啡的早餐。這家餐廳的早餐菜品非常豐富多樣，每道菜品都有風味和特色。首先是燒賣，這道菜品非常有水準，燒賣的皮薄餡多，口感鮮美。而且燒賣的餡料非常豐富，有豬肉、蝦仁等多種食材，讓人覺得在中式酒樓來吃的一樣。接下來是其他的菜品，例如煎蛋、煙肉、香腸、烤土司等等，每道菜品都做得非常用心。其中煙肉的口感非常香脆，煎蛋的口感鮮嫩，香腸的味道濃郁，烤土司的口感鬆軟，正啦。除了菜品之外，咖啡的咖啡也非常值得一試，雖然都係即磨咖啡機，它的口感濃郁，香氣撲鼻，提神一流。而且餐廳的環境非常舒適，可以欣賞到美麗的泳池景，非常relax。

上一次到訪有很多不同種類的食物，中式西式都有，食過一次印象很好，但今次到訪卻非常差！中式食物只有炒菜、炒很老的牛柳粒，蒸比目魚、燒味，最大的部份是湯麵以前的蒸鮑魚沒有了，剩下全部都是下價食材，最好的就是燉湯。西式食物幾乎沒有，訂購時寫明的鴨肝沒有，從來沒有通知，只有炸牛扒、炆牛尾、烤豬柳和煮茄子，這麼少的選擇實在太失望。甜品比以前難食，焦糖燉蛋的焦糖成吋厚，叫了一盒pancake，煎到好似脆片，廚師住既時候仲大大聲話「噢，太薄添」但仍然將那份給我！服務不知道應該說好還是不好，在你吃完的一剎那，就有人立刻將你的碟收走！有無咁趕？

今次想食buffet睇左幾間最後決定book海洋公園萬豪酒店 海灣餐廳既dinner buffet, 因為佢有清蒸龍蝦食! (平時d buffet多數係凍龍蝦, 但我地中意食熱同熟個d多d!)♦️第一round一開波就梗係拎龍蝦! 🦞 - 有3隻醬可以揀: 牛油蒜蓉醬, 芝士醬, 同辣椒豉油. 個人覺得牛油蒜蓉最好味😍 龍蝦肉質好彈牙, 仲好大隻, 膏就一般冇乜味可以唔食, 肉既味道好好🤭 合符期望😋可以任食黎講算好好!🔹燉湯 - 呢個本身冇諗住拎, 係拎鮑魚個陣個姨姨以為我想拎俾埋我, 點知飲落好有驚喜! 勁清甜好味, 如果唔係怕飽得滯直程想飲多碗😛♦️果皮鮑魚 - 唔算好鮮甜, 不過我食個陣冇另外拎豉油黎點, 有豉油吊下味可能會好d🔹魚生 - 普通buffet貨色, 唔會話好鮮甜, 不過唔會腥♦️串燒 - 呢到仲有個area係燒串燒或者爐端燒, 本身睇到我覺得勁吸引, 拎左雞軟骨同雞翼試下點知又凍又乾又硬又冇味🥲失望🔹北京填鴨 - 好食, 仲可以唔要餅皮🤣♦️其他海鮮類熟食有蟹餅, 青💰口, 魚柳等等 - 味道都算唔錯, 今次就冇食凍食既海鮮啦🔹其他肉類熟食有鵝肝多士, 燒牛肉, 燒味等

人生第一次寫的食評，卻是描述一次不快的經歷 ...提前了足足一個星期預約 4 月 10 日的復活節 Lunch buffet, Open rice 早鳥優惠 8 折後仍超過 $500 一位。復活節未能安排外遊，所以一直很期待這一天帶老婆阿囝過來吃這一餐復活節自助餐，而且還是慶祝囝囝生日的一餐，結果換來的卻是極度失望！中午 12 點準時入座，餐廳大概只有約 20% 的入座率，開始感覺有點不對勁 ... 先到日式魚生部，被告之沒有三文魚及呑拿魚，大感失望！從沒想過超過 $500 嘅自助餐竟沒三文魚，印象中是首次吧，款式還相當少。接下來再到海鮮冷盤部，有長腳蟹、凍蝦、青口等，心想總算像樣一點了吧，一吃之下就感覺出來應是昨晚淨下來的，一點都不新鮮，顏色暗淡，青口吃第二只已是臭的，吐都來不及吐出來。之後有燒牛扒，乾乾的，黑椒汁不是黑椒味，非常怪！飲品選擇也很少，凍檸茶竟沒茶味，非常的淡！其他大部份的食物，都是無甚質數可言 ...原本是希望享受復活節最後一天假期，結果吃了不到半小時已經想有離開的感覺，在我來說還真是首次！老婆和阿囝均告訴我，全場最好食的，竟然是豆腐花，真是無言！之前是聽朋友試過自助

上回講到在海洋公園住返一晚。今次就寫下早餐的食評了。要注意的是，可能假期入住人數眾多，分三個時段入座，分別是：07:00 - 08:1509:00 - 09:1510:00 - 10:15如果在長假期或假期入住，請留意，要預早訂定早餐時間。食物包羅萬有，中、西式兼備。即時製作的 omelette 、炒蛋、艇仔粥、麵檔、中式點心，都非常有水準。 炒粉麵飯、咖啡、果汁，應有盡有。包 - 有很多款式，一定要試的，是迷你菠蘿包。早餐十分豐富，如果10點吃，可以當brunch。唯一美中不足是1小時15分鐘，時間比較趕急。

難得星期日約爸爸。媽媽去食果dinner buffet 😋😋大家都喜愛吃buffet 🤭🤭好耐冇去ocean park 順便入去探下D 小動物🐬🐳🦭🐋🦈🐠🐊🦜🦩🦦🦥🐼🐻‍❄️🐧之後就出嚟行過去就可以嘆返個buffet , 款式都算多。基本上應該要有的食物都有。熟食。冷盤海鮮都有。刺身。甜品都ok。選擇都比較多。洒店比較新。座位比較舒服。如果一家大小都好適合。可以值得一試👍🏻。地點都比較方便。

因為staycation 買的package 包了一日晚的自助晚餐，所以便在這餐廳食晚餐了。其實今次都已經是第二次食，早在酒店開業不久，已跟友人一齊食過一次，我好記得當時仲有「榴連corner」，有榴連tart, 炸榴連，榴連雪糕，榴連macaron 等等食物都好食😋！因此印象比較深刻！事隔多年，我都心存期待，不知道這餐廳水準能否保持著呢？這晚，我們訂了5:30-7:30pm 的晚餐時段，我們到的時候，都有一半人食緊，我哋食了佢的「龍蝦」，都算大，而且好食，肉質鮮甜，同以前一樣好食😋！是晚有「燉湯」，我個人覺得熱辣辣嘅湯，而且湯料都足，我都喜歡。但友人就麻麻哋。至於蒸鮑魚，都不差，只係有點細隻，但我覺得在自助餐來講，已很好👍🏻！這餐廳有「居酒屋」的位置，說穿了，都是「烤串串」。不過，都有很多不同選擇！我自己便最喜歡「雞翼串」及「車厘茄串串」。另外，餐廳內的sushi bar 內的魚生，壽司🍣都好新鮮，食了一隻大大粒的帶子，真係好鮮甜，好好食😋！ 他們仲有細細杯的烏冬，面，好好杯的日式沙律等等，都不錯，款式算好多。由於我少食蟹，我只食了一口長腳蟹，但友人食了蝦及蟹。不過，佢便覺得當日的蟹

阿仔生日staycation 放學過後，返屋企拎埋行裝搭地鐵過海水公園站拎房過後食尾圍不肥一坐低就做牛做馬隊草啲草嘅種類唔係好多得兩種，新鮮度幾好👍隊完草之後，拎咗啲凍海鮮，因為唔食得螺同蒸鮑魚所以無拎到，sorry之後再拎咗燉湯，姬蓉龍眼豬肉湯，呢個十分之讚👍👍👍👍👍👍👍👍👍跟手再去數埋刺身壽司，帶子原隻上，正👍但係池魚一般🙄⋯⋯繼續再戰食肉獸，羊架啱啱出爐⋯⋯正👍👍件牛就一般（可能係近尾，所以多咗少少筋）但係件魚幾滑⋯不俗不俗⋯⋯最後，向甜品進發，件cupcake有啲乾身，但個焦糖燉蛋係好，其他就一般啦，但健康關係所以無拎豆花所以試唔到🤦最後⋯食埋老婆嘅口水尾菠蘿同西瓜作結，個西瓜好有西瓜味但唔係好甜反而件菠蘿ok喎⋯⋯响到預祝阿仔生日快樂身體健康學業進步🤣

幾個星期前諗住同老公海洋公園，順便book 埋隔離果間黃竹坑JW酒店食dinner buffet,呢間出名難book位，又好味出名既餐廳，俾我地book到，今日去試,嘩😍勁多種類既食物，有燉湯、蒸龍蝦🦞、刺身、熱盤、甜品等….最出色係隻蒸龍蝦🦞超甜，啖啖蝦肉，我地兩個食左4隻😋，食到回本🤭，另外燉盅湯好清甜材料十足（有雞同螺頭）熱盤同甜品都好正，有雪糕、班戟等，呢間真係十分出色，岩晒一家大細去食