海灣餐廳及海灣咖啡室

營業中

休息中

之前聽朋友介紹話好得，點知好失望。服務同環境都幾好，但食物選擇不多。刺身都新鮮，但係連多數人鍾意食嘅三文魚都冇。壽司款式都不太多。冷盤海鮮有蝦，蟹腳，青口，蜆，東風螺。熟食嘅選擇都唔多，大約有牛腩，咖哩，炒飯，菜，叉燒，油雞燒鴨.... 牛扒就變咗燒烤完切好一小塊咁俾人夾。仲有粉麵區煮湯河。甜品區再令人失望，得一個小小display 櫃，好似平時甜品店個小小display櫃咁。另外一區有細萄撻，細waffle （但係冇蜜糖&練奶，只有朱古力&士多啤梨醬😩），豆腐花，湯圓同生果。最吸引只係個雪糕櫃，有六款雪糕。綜合所有食物嘅質素同味道都唔錯，但係唔值哩個價。原本我哋每人要俾$580，但係埋單嗰陣個staff話如果我哋download 佢哋個app join 會員即刻有六折，所以最尾埋單每人要俾$350。折咗$350去食都好唔抵食。仲有周圍不時有著住泳衣嘅住客行行去泳池。

慶祝男朋友仔生日同促進下香港經濟🤣🤣見到Marriott做仲package 就一於去試下chill反下😘😘個package都好抵 包左住一晚，早餐buffet，2大1小海馬公園入場券，同1000蚊飲食套票😏😏去到check in 都唔算好多人，可能因為平日啦，都唔洗等到3點先有得check inCheck 完in 就游下水等食buffet 啦。佢呢度buffet由18:30到22:00，打去book問時已經full左話要on waiting list，話有位會再打黎，就等左成日都無打黎，就走落去諗住walk-in，又話如果有位既話會1930左右打黎，因為再順住waiting list 打喎，好啦甘唯有反房等。等到1930都無打黎甘就落去睇下可唔可以walk-in la，點無前台話full左無位安排唔到😢😢😢😢諗住生日食反個大餐姐都甘難，好彩岀現左一位男既職員，佢好熱心甘幫我地睇下有無位，又話睇下加唔加到位，因為疫情令到d位都疏落左少左位，雖然最後都加唔到位，佢就問我地介唔介意坐outdoor, 等到入面有位就轉返入面，甘我地就話可以，位都好快就set比我地，點知攞完野食入面就已經有位，

由於太多好評，一定要自己試下先能辯真假。打去訂位時所有吳同日子都不能立即confirm booking, 原來係因為餐廳會盡量確保入住客人先有位，所以街客會put on waiting list。終於confirm 7月1號，餐廳於一星期前send payment link, 比左錢再有電郵reconfirm booking。當日11.45 到未能入座，已見到有一家8-10 個外國人排頭位不停同職員指手劃腳，佢地後面還有幾個客人排隊。到左11.56 我係隊的第5/6 位，等左10 分鍾都未能入座，頭位仍然係果班外國人，reception 有2部電腦4個職員，全部都處理緊果班外國人，跟本無人理後面排隊的客人。我地懷疑呢班人跟本就無位但佢地死都吳肯走又阻住後面d 客最終都安排左張檯比佢地。我前面及後面的女士原來都係未能confirm booking (on waiting list), 佢地問我，我話我於一星期前比左錢，其中一位女士係酒店住客，但都無位食lunch 。餐廳安排入座頗混亂，我忍吳住上前問我已有booking 究竟在等mud呢？職員先話吳好意思然後盡快安排我地入座，此時條隊已有

魚生好好好新鮮有龍蝦任食燉湯鵝乾葡達同埋心太軟都做得好好蟹腳都好新鮮不過我星期買坐嗰個位比較入, 啲waiters 唔係成日入黎, 服務真係可以再勤快啲另外, 我一行五人去食dinner buffet, 係每人有一個餐飲嘅, 我杯冷咖啡叫合格, 我有三個朋友叫左凍檸茶, 都覺得茶味好淡, 有個朋友叫左凍奶茶, 我見啲色水都好唔得, 佢話好似茶膽冇曬, 我地要求換這一杯, 換完之後好左少少, 但係都仲係差過普通茶餐廳, 如果酒店睇到, 希望佢地會反省, "隻雞做得好好, 都唔可以忽略左個醬油"Anyway, 6折嘅cp係幾好嘅

餐廳的食物質素一向好高，而且坐的環境十分舒適，望到泳池綠化，遠遠走來吃都值得。但現在疫情下食品選擇少了三成，又沒有任點任吃，雖然sat lunch 498會員有6折，最後每位350, 面對極少甜品選擇總有点失望。

呢度buffet 一向都好有口郫, 一直都想試吓. 適逢早排OP Marriott 推出咗自助餐半價優惠, 一於就book 佢, 果然冇失望! 因應疫情 某啲食物選擇(尤其係甜品) 就係埋去問staff 攞冇display, 而某啲就cut 咗 不過都明白嘅 Food choices 少就少啲 但係勝在款款食物都質素好高-貴精不貴多. 必試既有呢幾款： 1. 清蒸開邊龍蝦 （有芝士汁或䄂子soy sauce 揀) - 呢個長期見人排隊, 人密密攞, 師傅密密蒸密密劏 冇停手! 龍蝦尾肉小編就覺得少少overcooked 但都唔錯, 最正就係龍蝦鉗!!! 肉質鮮嫩爽彈, 三個字-冇得tarn💯👍🏻👍🏻 2. 開煎鵝肝配法包 - 鵝肝自助餐嚟講十分高質有份量同煎得好好, 睇吓個厚度同表面色水就知! 塊包油咗少少 所以timing 好重要 - 要師傅一煎好就攞嚟食 3. 原盅燉湯 - 一個字, 正! 4. 燒味(叉燒&燒鴨) - 呢個真係有驚喜 平時啲自助餐燒味質素真係一般(if not one of the worst choices) 但呢啲燒鴨值得一讚! 皮真係脆 肉真心嫩!

疫情😷😷嚟都五月都已經到尾聲。。肺炎價💰💰自助餐應該六月就冇得食啦。。很多酒店也會因市道開始旺盛。。就變回正價💸💸。。好彩我都把握最後機會食返個半價海鮮自助晚餐😋😋今日天氣依然唔多☔️好但係總算順利到達海洋公園站B出口。。由於近來海洋公園停業所以連接萬豪酒店的電梯就停了。。改行迂迴的路🤷🏻‍♀️我們早到了多少。。很快量度體溫後就安排座位。。我們被安排到窗邊的位置。。今晚是全院滿座一個吉位也沒有😆好快趣6:30就開始各人👫👭👬殺戮戰場🔪我見很快已經龍蝦區有一條長長的龍。。我就放棄排。。走過隔離燒鮑魚和鵝肝多士。。。。其實整間餐廳擺食物嘅佈置都很好唔會令客人擠迫排在同一條隊等食物。。有個區域是魚生沙律區。。我最欣賞他的帶子刺身不會太吝嗇。。很多餐廳把帶子切到細細件給客人。。但這間酒店餐廳原粒大大帶子刺身給客人不吝嗇。。而且還有赤蝦🦐。。當然還有幾款魚類刺身。。一連吃下幾粒帶子刺身真的是有一點飽飽地😆。。吃了一兩轉望到清蒸龍蝦區已經少了很多人。。。只需等一兩位每人每次限攞半隻。。但不停師傅開出來所以食完再攞唔使怕之後缺貨。。我幾乎走食到9:30仍見出緊龍蝦。。雖然是清蒸龍蝦但是會有兩款醬汁。。。

一試無纺，唔会有第二次，食品種類少，龍蝦，鹅肝，鲍鱼可取外，其余一搬貨色，雪糕有幾款概。最敗北又焗，冷气唔夠!登特!等你快D走，買飲品(只包一杯餐飲!)宜家外面開返好多自助餐，唔洗特登入來食!

食物質素一般，餐廳內完全無冷氣。食物種類太少。嘛有檸檬撻係唔錯，其他都麻麻地😔😔完全無網上講得咁好。失望.......真係無下一次..............

係當年開幕既時候男朋友帶我來食過一次，當年已經覺得每一樣嘢都好食⋯今次3週年紀念日+半價優惠，所以決定再來一次！刺身大大舊，新鮮！海鮮有超長長腳蟹！清蒸龍蝦好多膏～有鴨肝，燒肉眼，羊架全部都熟得岩岩好！中式燉湯真係好滋潤。仲有花膠冬菇，蝦子麵的麵底會過冷河！仲有米芝蓮叉燒食完已經飽左9成！甜品有出爐心太軟，蛋白杏仁茶，蛋糕細細件非常好？仲有我認為全香港自助餐最好食既馬卡龍！總之我覺得樣樣都好食！就算無半價7折都係值！我覺得完勝hotel icon！啊！服務都好好好好！帶左口罩都係靚仔一名～哈哈

在海洋公園萬豪酒店剛剛開幕嘅時間，就已經來吃過一次自助餐，那驚喜到今日還記憶猶新。闊別一年不見，香港社會雖然變了很多，但這裏的自助餐似乎冇乜點樣變，依然保持其最佳狀態。雖然喺三月頭剛剛因為疫情關休業了一會，不過，似乎回來後更加強勢回歸，係食物同衛生方面做到一個更大嘅平衡。就因為係openrice 看到多間酒店將自助餐轉為任點任食嘅形式，由專人送上枱或代夾，整體感覺好衛生，食都食得放心的文章後，就想再來試。在剛剛重開的這個星期，我們一行七人一於黎食飯，幸好，當時未有四人限枱令，如果唔係，都冇食得咁開心，畢竟食好嘢一定要一班人食先至夠高興。先講人人享用無限量供應嘅海鮮拼盤，包括有青口、海螺、蝦、長腳蟹同蟹腳，樣樣都咁正咁新鮮，特愛勁粗的蟹腳和海螺，而且真係要幾多，有幾多，平時後期海鮮會冇咁多，但去到九點，碟碟靚海鮮仲會源源奉上，你愛海鮮，就一定喜歡這個送上台嘅arrangement 。然後係刺身嘅部份，呢個就係自助形式，你自己又係鍾意有幾多攞幾多，甜蝦、北寄貝、希靈魚、帶子、油甘魚等等多種不同刺身，最重要係魚生夠新鮮而且好慷慨，基本上每次都被俾好多你，就好似呢碟我一次過攞晒咁多種，你胃口少

一年最緊要就係開年飯 因為係附近做野 所以就成班同事專登搭的士嚟食buffet啦！！！！！🤩 一聽到阿姐請食ocean park marriott 個個同事都已經好開心 Buffet 既重點就係要量少 咁就可以食到唔同嘅款式 如果好味之後再返去添咁就最perfect啦 ！ 一入到大門口就有一個好巨型嘅旋轉haagen dazs雪糕櫃 超級吸睛 由於食飯時間太短 所以都冇逐個影相 不過lunch 食物種類來講係多 而且有好多live station Eg lobster risotto, steak, lam rack, 紹興酒海鮮蒸蛋？ 車仔面 Lunch 四個即煮station 黎講真係算多🤭 酒店又比較新 又用咗好多開陽嘅設計所以成個餐飲環境都唔錯於價錢因為係阿姐找數所以就無理啦不過會員好似有折扣

上星期六想出外走走，想起海洋公園停園，就去看看寧靜的公園會是怎樣，的確除了我們一行幾人外，便沒有其他人，真是靜到前所未有。當日天氣清朗，大家更在門前玩自拍，然後便走到附近的香港海洋公園萬豪酒店，最初諗住只是HEA下飲杯茶，但見到海灣餐廳剛推出「任點任食」，只限星期六、日及公眾假期提供，今日剛好是星期六，就決定飲一陣，夠鐘便去試試呢個「任點任食」晚餐。 其實我都是首次踏足餐廳，感覺又幾舒服，當我們坐下時，侍應已為我們送上海鮮拼盤，包括阿拉斯加蟹、鮮帶子、三文魚、海螺、青口、大蜆.....等，尤其是帶子，肥大肉厚超鮮味；長腳蟹滲出的鹹水令蟹肉特別鮮甜。 任食日式壽司和刺身，包括鯛魚、赤貝、油甘魚和赤蝦等，更是無限量供應，款款都是味道鮮甜，而三文魚肥美而鮮甜，口感油潤，甜蝦鮮味得來又帶有粘粘的口感，超讚。 開邊即蒸龍蝦，肉爽口彈牙，啖啖肉，內裏還有不少蝦膏，味道甘香鮮甜，超愛海鮮的朋友，單單食龍蝦已食了4隻，真是賺晒。 磯燒鮑魚配柚子汁，肉質鮮嫰而帶點咬口，那柚子汁大大提升鮑魚鮮味，滋味。 任食的厚切鵝肝，雖然好邪惡，鵝肝的表層煎得好鬆脆，入口即溶，滲出鵝肝的香味，令人難以抗拒。 一

我之前聽過很多人講過海洋公園的萬豪酒店，靚到不得了；同埋個buffet dinner非常高質素，可惜一直就冇機會來吃，因為長期都爆滿。呢度嘅環境非常之優美，來住一天就好像渡假一樣，如果單單來吃自助餐，然後就走，你可能興趣就不大；不過如果入嚟住一晚，然之後食餐飯，一站式，就好得多。之前一直也想訂這裏的自助餐，不過碰巧想入嚟住的時候，自助餐咁啱係呢個時候就暫停，之前社會運動嘅時候呢間酒店嘅房非常之平，而自助餐當時都好難book。呢個自助餐咁啱係兩個星期之前出返，仲可以夾埋有住房優惠，當然就要試吓。「食.住家庭樂」住宿計劃係逢星期五至日晚，價格為每房每晚港幣$1590 以上，包括住宿一晚和自助餐，最鍾意呢個推廣係主要針對週末，好似我呢啲一至五嘅打工仔就最適合。因為太期待，和朋友六點幾來到，自助餐都未開始，不過看到餐廳準備都已經係賞心樂事。特別係對眼發光嘅，就係呢個期待已久嘅活蒸龍蝦，呢個龍蝦嘅味道同平時雪藏龍蝦有非常大嘅不同，爽口就一定，而且好新鮮，最重要係有唔同嘅醬汁可以俾你配搭，我最愛係泰式汁，不過女仔真係食唔到咁多，想回本都只能係吃到多兩件，不過也好滿足。另外而家呢度變咗半自助餐，你唔

疫情肆虐下，大家出入真的要小心，尤其是家陣4人一檯的措施，對飲食業實在是重鎚打擊，這個寒冬真的暫時未見底。但有時偶爾想食餐好既，當然以衛生及安全為首要。早前跟幾位「生死之交」走訪了海洋公園萬豪酒店，一嚐近日推出的「任點任食」晚餐。是次重新推出的海灣餐廳午餐及晚餐「任點任食」更為客人帶來震撼優惠，現凡萬豪旅享家會員和海洋公園智紛會員，於星期六、日及公眾假期到酒店海灣餐廳享用「任點任食」，均可享超抵優惠。客人可於網上登記成為萬豪旅享家會員，即時可獲海灣餐廳「任點任食」七折優惠。海洋公園智紛會員更可獲六折優惠，屆時客人只需出示有效智紛全年入場證，則可享折扣。酒店只提供出入口各一，而且入酒店前要量體溫，而進入餐廳前，亦要先行用酒精搓手液消毒，又有消毒紙巾及信封提供，方便客人放入口罩，走的時候，亦見到侍應用火酒消毒餐桌，基本功夫做足，感覺良好。餐廳最強焦點，一定係任食清蒸環保龍蝦，原隻活生生去蒸，熱辣辣開邊，可以加芝士醬同泰式酸辣汁，好食到無朋友，環顧香港Buffet，真係一隻手數得出，仲要有找。另一個重點，由以往既鵝肝漢堡，轉成厚切鵝肝多士，充滿油香，口感豐腴，又係必食菜色。磯燒鮑魚配清酒柚子