海皇粥店 (美孚新邨)

營業中

休息中

晚餐來這兒吃，想食啲易入口的食物。叫左個碎牛粥和南瓜粟米肉碎粥，配炒米粉和蝦米腸。碎牛粥嘅粥底軟綿綿，好易入口，牛肉份量都唔少，值回票價，仲有油炸鬼同炸花生做配菜。正!不過食到最尾就覺得味精味開始有點突出......南瓜粟米肉碎粥的南瓜味好清甜，但肉碎就少左啲。食到尾真係仲係清甜味，唔覺有味精。蝦米腸粉量都好多，本身有豉油底，仲可以自己選擇加甜醬、辣醬等，加左醬就好味好多。炒米粉都幾大陣味精味，大到唔想食晒佢。

星期天既早晨約左朋友做運動，想要食個簡單健康的早餐，朋友提議食海皇粥店入左去，最吸引我既當然系油炸鬼或者牛䂰酥呢d熱氣野，只不過奈何前一排傷風感冒未好徹底，唔敢食熱氣餐牌都幾多選擇最後我地兩個都揀左「家鄉銀針粉」「家鄉銀針粉，銀針粉，香菇，肉碎，菜甫，香茜淋上濃濃湯底及點點蔥花，重拾熟悉的味道」這是廣告宣傳上寫既不過感覺有d貨不對版！濃濃的湯底？有嗎？清湯哦！！！問侍應要了豉油，淋左落去，先有返少少味不過食食下，都算可以接受，未至於食晤到既，清淡d我冇問題，只是「濃濃湯底」很費解！早餐套餐包一杯豆漿，我地揀左熱豆漿，糖可以自己加，我喜歡原味，ok既

諗住打波之前食少少野，路經海皇就入去食碗粥。已經好多年無食過海皇，一打開餐牌嚇左一跳，一碗皮蛋瘦肉粥要成27蚊。碗粥都大碗既，但係皮蛋只有可憐的3舊，好少既瘦肉，收27蚊真係好過分。粥底好甜，但食完勁口乾，應該都落左好多味精

叫了一碗正價碎牛粥, 可用一隻匙更，一次過"不晒"全碗的牛肉, 可見牛肉有幾多。 另外超薄的油炸鬼幾片，但以合天的氣溫15C (2018年2月10日, 晚上10:30)，已經變壞，有油益味。再上海皇網址想投訴，但網頁又死。我建議如果生意真的太難做，不如早日結業，就讓地球可以回復正常轉動。

放工趕到美孚學網球，但肚子又餓，所以趁有少少時間都要食碗粥。夜晚堂食人不多，反而外賣的人較多。落單點左個艇仔粥$23蚊，以為都係細細碗，但上枱發覺其實十分大碗，對得住$23蚊有餘。雖然料唔算多，但都覺得抵食，估唔到連鎖係咁大件夾抵食！首先粥底夠熱，有2塊油炸鬼係入面，仲有牛肉碎，加埋楜椒粉同芝麻已經好好食。呢度位置近地鐵站，一出就係，好方便，下次唔食麥記可以黎呢度，食個炒麵，食個粥，好過食埋啲熱氣野！！！

多年無食海皇粥店食物種類多左唔少，起碼唔係單賣粥差唔多夜晚11點仲營業中，店內客人都唔少，坐到一半。叫左碗海皇一品粥，味道唔差。只不過服務麻麻，想點餐，隔離嗰姐姐在忙，連應機都無，見佢咁忙唔好意思再叫佢，等到有另1個店員走近，忙緊嗰位又即刻得閒放低手上嘅野，衝去幫人點餐...衛生都麻麻，枱面已經有抹唔乾淨嘅油膩感。開餐時店員恰好清潔地面，功力深厚好似狂風掃落葉，一支地拖舞到出神入化，地面嘅垃圾掃到飛得高過枱面，嚇到我望住碗粥有無不小心被加料，倒晒胃口。如果將來仲食這間，絕對唔會再堂食

「海皇粥店」成立於1992年，是香港一家以傳統廣東粥品油器為主打的集團，至今已有20間分店遍佈港九。多年來海皇粥店不斷研發多款創新的粥品、腸粉及小食，更會推出時令美饌。特別一提是該連鎖粥店所聘請的員工大多是上了年紀的家庭主婦，算得上是家良心企業吧！員工經過公司專業訓練，大部份阿姐都非常有禮，服務也好好，好聲好氣又講歡迎又講多謝，抵讚!!! 我已多年冇去光顧「海皇粥店」，記憶中海皇全日都有熱辣辣現炸的油器供應，每桌的自助腸粉醬料及香炒芝麻任加。這家位於美孚新村的分店在上址已經營了很久，地方寬敞，環境當然比舊式粥麵店好，有舒服檯凳，有足夠空調，環境又清潔乾淨。半開放式廚房可看到女師傅們炮製油器、腸粉的情況，非常吸引。 大部份阿姐都非常有禮，服務也好好，好聲好氣又講歡迎又講多謝，抵讚!!! 全日都有熱辣辣現炸的油器供應。 半開放式廚房可看到女師傅們炮製油器、腸粉的情況 。 每桌的腸粉醬料及香炒芝麻自助任加 。 大滿粥早餐 (早上11時前供應)。 (大滿粥早餐) 早上11時前供應 ~ 迷你南瓜粟米肉碎粥 配點心拼盤B (牛肉球+鮮蝦燒賣+迷你齋腸) H

真係唔講唔知連海皇粥店都加入左打邊爐既戰團，仲要有唔同SET同湯底揀！我地2個人所以就要左個雙份豚肉同雙份牛肉，至於湯底就一個豆漿同一個南瓜粟米肉碎粥。其實佢一拎上黎既時候覺得伏伏地，因為個南瓜粟米肉碎粥底勁稀，同我地想像中既完全唔同，不過都決定一試！Ｄ配料都幾多既，有餃子（我覺得幾好食，個餃子都幾大個），3粒丸（都幾大粒，不過不失），仲有豆腐呀，菜呀咁，都幾多配菜。D豚肉同牛肉都叫可以既，但係佢唔知係唔係岩岩係雪櫃拎出黎，Ｄ肉係一舊野咁，係分唔開既，搞到我地要等Ｄ肉解凍！不過Ｄ肉質係可以既，唔會好硬，算係咁啦！講番個湯底，唔夠味，一開始食既時候冇咩特別味，好似食緊清湯！所以之後我地決定自己搞搞個湯底。我地係個南瓜粟米肉碎粥到落左胡椒粉，食落好好多既，有番Ｄ南瓜味同有Ｄ胡椒味，好好多！至於個豆漿底，我地真係唔知邊到黎既勇氣加左糖！冇錯，係加糖！但點知加左糖之後係會香好多架！Ｄ豆漿味係會出好多架！

係報紙見到佢有新野出，就諗住去試下，個餐有三款，牛肉海鮮（＄７２）、醉雞（＄６６）同牛肉豚肉（＄７０），我地本身諗住先醉雞，但八點幾已經賣曬，之後轉左做海鮮，個餐有得揀配即食麵或者油炸鬼（半條），而湯底就有豆漿、南瓜粟米粥或者皮蛋唔知咩粥，我地揀左南瓜粟米粥，等左十五分鐘，終於黎啦。我地急不及待打開黎睇下個粥先，同我地想像中有Ｄ出入，因為佢唔係粥黎，同比時食果Ｄ粥好唔同，都冇咩米，有Ｄ粟米同肉係底。個鍋煲左十分鐘都好似唔係好滾咁，因為太肚餓，少少熱都放住落去先，點知情況更差，連陸件肥牛都要成分鐘，但之後講都算ＯＫ，比起其他快餐連鎖店既一人鍋，佢都算多黟食，如果唔係好肚餓，兩個人食都勉強夠飽。海鮮黎講有兩隻青口，一隻蝦同兩舊魚，味道還可以，有少少腥咁啦，但都接受到，整體黎講都算ＯＫ，但都係試一次就夠啦。下次都係食番普通Ｄ粥餐好Ｄ。

禁維他依依係係美乎一間獸醫到做野因為1~4係手術時間基本上只可外賣灰灰地就行去呢個買外賣啦So far我去既鍾數冇客人變相好快就有我叫左魚片粥+炸兩先講魚片個個佢既粥係有水準既，魚片亦預左多骨但魚片有魚味但粥就冇魚味簡稱個味係獨立行政既姐係唔係一齊煲但明解既快餐店形式冇可能禁多要求既炸兩就…真心失望個日我好好好想食炸兩就算要獨立當單點唔係餐我都照要左不過唔可以太大要求再加上外賣冇花生醬之類同入面林曬So far so good la好既一餐唔好既一餐下次嗌番大路少少既粥都可以既

今日又到附近上堂, 食D野補充體力先返去. 喉嚨有D痛, 所以去左海皇食粥.下午茶時間有款茶餐都幾抵食, 1個主食+自選拼盤, 都係廿幾蚊.要個迷你艇仔粥配炒麵, 燒賣, 韭菜餃$28個粥就比較細碗, 粥底幾綿, 味道唔咸而且食完無口乾. 艇仔配料既碎牛, 魷魚, 豬皮等既份量都相對少. 不過最鍾意有花生.而炒麵比較軟身, 腍腍地容易咬, 味道唔算太重, 清清地不錯. 燒賣就無咩特別, 一舊豬肉, 唔算彈牙. 韭菜餃煎過外表脆脆地, 唔算太油, 而且韭菜餡都幾多.

專注於做港式粥小點，他家的招牌海皇粥贊。料非常足有香酥魚皮，嫩滑魚肉脆花生油條。一大碗味道好又管飽，咖哩魚丸和鮮蝦燒賣。豆漿可以買凍的熱的，是很醇厚好喝豆子味。炸油條什麼的放粥裡，有脆又香的好好吃啊。雖然店面小但很乾淨，人也非常多生意很火。

好多年都冇去過海皇粥店，記憶中海皇，亦是其中一間學生年代間唔時會去嘅餐廳，通時病左或者想食清d就會去。事隔幾年，心血來潮就想食返嗰種味，因當年嘅海皇粥面質素真係唔差的。誰想今時不往日......炒麵是林的，冇左應有嘅獲氣了，亦食唔返嗰種風味，另外紅豆沙竟覺得太甜，亦太稀，簡單，二個字形容，貴了而水準亦差了，有點意想唔到。原來轉眼間，當年九十後已長大了...海皇品質也退步了.......

炸兩分量好足夠，同埋d油炸鬼夠脆，私人小店因為賣得慢，會變軟。連鎖店就有呢個優勢，所以去到記得order炸兩。南瓜粟米肉碎粥南瓜粥好平，d fd會覺得中伏所以唔叫。但係order左落來又唔錯，有南瓜同粟米都感覺幾健康，有肉碎，所以唔使食齋，兩全其美。南瓜粥煮到d南瓜已經融化系粥入面，所以入口即溶。煎堆煎堆佢剪埋比你，方便食用，同埋外脆內軟，糯米彈口，有小小癡牙，但勝在唔會太甜，所以幾好食。牛脷酥Um，呢個就太硬，唔及煎堆好味。D甜味集中係中間，兩邊就無咩味，加上又硬得制，變作好難食，大家下次唔好叫。

由於胃痛關係，所以想Lunch食得清淡點，於是就去左海皇粥店了。之後我就叫左個價格$20的豬紅粥，配料包括有：豬紅、花生、蔥、油炸鬼。粥底煮得好綿好香，而豬紅食落口就好滑，加埋其他配料口感岩岩好，不過可惜落左味精 ，所以食完之後覺得非常口渴，但整體都算ok的。