海膽屋

營業中

休息中

有日係fb無意中見到呢間海膽屋，D相好吸引，D海膽舖到滿哂，又有我最鐘意既赤貝刺身，就叫個外賣試下啦(好彩佢地肯送外賣)，其間同老闆娘whatsapp已覺得佢好爽朗，啱咀形，交談甚歡，當然，我只看食材是否新鮮，呢個係我最重視既！佢哋効率好高，好快就有得食！一試不得了！太合我口味了！赤貝刺身非常新鮮、爽脆！食到停唔到口！我一次過食左10隻！之後到拖羅茸丼，佢哋D飯好特别，好似抄飯咁，有D配料，神奇地好好味！好食到停唔到，我一個人可以食2個丼海膽丼簡直係神作，超多海膽！我有D好奇，俾咁多海膽唔會蝕本咩？？海膽屋已經成為我既食堂！希望佢哋快D開係我附近啦！

今日嚟到喺上環好出名食海膽嘅小店：海膽屋，由於店舖細細，黎到可能要等陣位，今日好彩只係等一張就得啦👍🏻👍🏻由於太多人，壽司想堂食既話就要8點後，唯有食住飯先，值得留意呢度飯係任裝👍🏻👍🏻👍🏻🥳🥳🥳有多款高質海膽，黎到梗係食最好既👍🏻👍🏻另外仲有活赤貝食，香港唔係度度有😱😱生蠔都有👍🏻👍🏻黎到最緊要梗係海膽，今次要左加拿大海膽$268，雖然幾貴，但食落物超所值，大大塊，又好鮮甜，簡直係人間美味，有機會一定要黎食下👍🏻👍🏻😱😱😱另外仲叫咗兩碗刺身飯，自身份量都唔少，又新鮮又鮮甜，好味👍🏻👍🏻

經常都會經過海膽屋，但咁耐都無幫襯過，今日突然好想食魚生，於是便去試試看！因為外賣回家有一段路程，所以要求店員給我乾冰，希望能夠可以保持新鮮一些，店員態度很好。點了:馬糞+阿根廷大蝦($148)，油甘魚+三文魚籽(128) 再加多兩只亞根廷大蝦($28)。馬糞海膽無瘀黑，係新鮮顏色，味道仍鮮甜，這個價錢有一板，真係抵食。阿根廷大蝦, 好鮮甜，蝦肉好彈牙，蝦頭沒有煋臭或苦味，好新鮮。加$28可以再多兩只，好扺食！油甘魚係厚切，好大片，啖啖肉，又夠新鮮！三文魚籽粒粒食落脆卜卜，送飯好好味。海膽屋值得再光顧的小店。

今日食中午試呢間刺身飯29/5/2020 外賣食飯角切魚生飯order number 037但係食物質素不在本次重點,由order 到出餐需要45分鐘,一般打工仔用餐時間為60分鐘，不會再選用這間餐廳

晚飯時間專程去食呢間聽講有鋪滿海膽嘅魚生丼。地點其實係上環地鐵站A出口附近，非常易搵。當晚都好多人買外賣。我同友人就選擇堂食。.呢度刺身丼種類都好多選擇，就咁叫海膽魚生丼又覺得Dry咗啲，所以配多樣其他刺身試下係咪一樣咁鮮味，而且佢仲可以加配熟食或者生蠔、赤貝刺身……等。.🍣🍚馬糞海膽（1板）+阿根廷大蝦（3隻）$148，加配活赤貝刺身一隻$30.果然海膽多到蓋滿飯面，一片金黃色顯得特別吸引，將佢同啲飯拌勻一齊食，啖啖都好滿足！另外大蝦尺寸亦夠大隻，食落去肉質結實鮮甜。至於赤貝無得頂，另外原隻切片上碟，食一隻真係唔夠喉。.同場加映：海膽刺身丼！絕對澎湃！.係呢度個價錢其實算正常價，食物都算中上，但可能太多人食，所以要耐心等候下。等嘅時候飲住隨丼附送嘅麵豉湯先啦！

今日想食海膽和刺身，刻意走到這間黃店幫襯，在OpenRice 看到評價好，所以要到場堂食，結果喜出望外。今次這個丼有挪威三文魚(4件)+牡丹蝦(2隻)+加拿大海膽。飯是用日本珍珠米加上櫻花蝦米煮成，非常多又飽肚；三文魚很新鮮、肉厚，食落口感好好；牡丹蝦又長又大，嫩肉好好味，我食埋蝦頭仲有好多蝦膏好甜😋👍🏻；而海膽今次份量不多，味道唔夠新鮮，無咩特別。相比之下，牡丹蝦和三文魚還是比較好。這店的刺身味道非常好，跟餐的麵豉湯可以任飲，$140係貴少少，但我下次會再食多次。😋👍🏻

難得到訪上環，心裡萌生一個念頭想去吃海膽☺️店舖不難找，地鐵站出來後幾分鐘便可到達。.店內款式甚多，若要找一款適合自己的比較難或費時 (很多很相似都款式，但略有不同)😅.當中有兩個分別吸引我的就是1️⃣馬糞海膽赤蝦丼飯 $148 ／2️⃣加拿大海膽赤蝦丼 $298🙉兩個款式價格差一倍，質素、味道應該略有差別，亦不想在味蕾上有太多的衝擊故選擇後者，老人家定律：「貴野實無死」😂.首先份量就正常，主打的海膽味道方便實在普通，唔算突別出眾，而且有苦澀味，不算太鮮甜；赤蝦亦過份無味，三隻都食得好勉強！總結，失望！🤦🏻‍♀️

非一般的生日蛋糕🎂選擇外於疫情今年沒有特別訂餐廳, 改為在家慶祝因為我男朋友唔係太鍾意食蛋糕, 不過我又想同佢慶祝生日決定攪攪新意思, 經過Research後發現好多人都會係里一間海膽屋Order 壽司蛋糕佢地有Whatsapp 比相你睇再決定, 可以根據你有D咩合再組合, 再比價錢你...我Order 海膽+魚子, 貴左少少...不過出黎又真係幾靚店主仲好好比左成袋生日牌我去選擇我另外買左生蠔, 愛爾蘭同北海道個人比較鍾意愛爾蘭比較肥同甜不過我問過店可唔可以送上門, 就未能做到

💛#黃店經濟圈 💛人氣Jacomax隔離的海膽屋😋🍣大家記得分散投資呀！見到jacomax大排長龍，好彩我8點黎度都坐無虛席👍不過聽人講6點仲係好得閒冇客人架。住港島的幫手幫襯下😭takeaway 等一陣就有👍海膽蝦丼$1483隻大蝦好足料，蝦肉彈牙，仲要超多蝦膏正到爆😍😋刺身飯拌有櫻花蝦，細節位做到足👍買丼飯配送麵豉湯。海膽帶子壽司$88帶子厚切，同屬佳品💛老板娘好好人送左張抗爭postcard俾我❤️

今天去食海膽屋，點了一些壽司來食。上次食過帶子壽司，覺得很好，所以再叫了來食。但是這次質素真的差了，帶子沒問題，但是飯粒很乾。完全不像新鮮的飯。另外，象拔蚌也不太有鮮味。三文魚腩壽司的三文魚腩有少少筋。全餐最好味的是中拖羅。但是價錢來說，也是最貴的。性價比：1/5質素：3/5

點了兩個手卷，叫了加拿大的那款。很鮮甜！但是日本直送的太貴，所以沒有試。雖然叫做海膽屋，但係鰻魚也不錯。燒鰻魚味道同口感都吾差，甚至可以叫做好食。燒鰻魚來說價錢亦不貴，性價比高。而且仲好足料，兩個手卷食到尾都仲有料的。

之前食過佢哋嘅手卷幾好，有一日咁岩經過又未食嘢所以就入咗去諗住試吓其他嘢食。見到menu有好多don，咁就試吓啦，點知真係不敢恭維。叫海膽屋但係啲海膽完全唔得，個飯我食咗三份一都冇，好耐都冇食過咁難食嘅飯。好彩再叫多咗個軟殼蟹手卷先至覺得有食過嘢。我當然知道一分錢一分貨，三隻蝦加海膽don盛惠$148，講真呢個價錢其實都有好多選擇，加埋手卷都食咗成兩舊水，所以真係可一不可再。不過佢哋嘅手卷真係ok嘅，行過路過就買個手卷試吓啦。值得一提係收銀姐姐嘅服務非常殷勤細心。

韓國馬糞海膽丼海膽質地不會太軟身，入口海膽味明顯沒有加拿大的那款甘甜😅，不過都有鮮味😄最開心喺你揀咗一個丼飯之後，喺可以再加錢加海膽或蝦等等食材嘅🤑丼的飯加咗啲粒粒菇🤤，好有心思嘅配搭😚跟丼送個味噌湯都唔講得笑🤩，好好飲😋

我個人好中意試試滴新野，聽滴friend講話海膽屋好好食，就去試試。真系食過就想再食，好中意食哩間店噶赤貝，海膽啊！好鮮甜，好有口感，滴海鮮都好新鮮，店員都好有禮貌，第一次食我又吾知食咩好，都好耐心甘推薦比我，超贊，一定會再來！

如果唔係見到朋友喺fb post過佢地食物嘅相，我都唔知有間咁嘅店舖喺度。膽粗粗去嘗試，就愛上左…我份人比較悶，食開一間，好少肯去試新地方…老闆同老闆娘都好好人，好肯介紹同解釋畀客人聽每一款食物嘅口感，又和藹可親…令我感到非常親切！食物質素又好好，因爲本身肥，所以每次去都只會叫新鮮海產🤣，真的食過返尋味…赤貝，海膽係我嘅至愛…聽聞下星期還有我好愛嘅生北寄貝（紫色嗰隻），好期待可以食到，因爲真的好好食！😋😋😋