海薈

營業中

休息中

2017.02.15 😊情人節慶祝唔到 唯有翌日補返數啦今次我地就襯著啲排陽光普照 天氣涼涼地黎返轉二人野餐 👫啟德郵輪碼頭 真係個不二選擇人少少 交通尚算方便 有小巴 巴士連接如果好似我咁即興mode或者咁懶去野餐就最怕要準備食材 用具所以我地就去左海薈買左個方便野餐包😈就咩都唔洗帶啦 🍴海薈草地派對 (2人用)頭盤: 凱撒沙津飲品: 紅酒1枝及汽水2杯🍹主菜: 龍蝦堡x2 $298 / 龍蝦堡x1香辣肉醬熱狗x1 $238今次我地就選擇左$238餐可以試到2種唔同的🌭嘛另外俾左$100按金借用左野餐墊及籃子沙津菜頗為新鮮 可惜醬汁較多 有啲咸龍蝦堡就同我想像中不太一樣🌭原來係蝦膠包裹著龍蝦肉 而麵包就用左大班的排包塗上了牛油去烤 香香脆脆係幾正的而熱狗亦配上大量肉醬 惜熱狗麵包略為干身海薈 💌 Myharbour九龍灣啟德郵輪碼頭頂樓花園S302號Mon-Sun: 1200-2200

外賣menu唔多選擇，得龍蝦包同熱狗餐揀。我地6個人，總供叫咗兩個餐都夠食。外賣賣相好有feel,有埋個籃。沙律不過不失。龍蝦包有驚喜，炸龍蝦夠脆又熱辣辣，啖啖肉，值得一試。 Hotdog 用嘅腸都好大條，但醬唔太夠，所以味道差dd。一個餐包2杯野飲同2罐汽水，fruit punch又甜又酸，都係飲汽水穩陣d。最正係可以問佢地借mat (留意要俾deposit)落樓下公園野餐，真係帶個人去就搞掂，好方便。

早前見到宣傳話啟德郵輪碼頭一間餐廳有提供野餐set方便人兩手fing fing去野餐!間餐廳叫做海薈My Harbour, 係啟德郵輪碼頭最高個層。餐廳提供既野餐set食物有一隻熱狗、一個龍蝦包、一個凱撒沙律、一枝紅酒同汽水兩罐, 盛惠$238。如果想兩個都係龍蝦包, 就$298。個野餐set仲會包借你一張大約米半x米半野餐墊同一個滕籃, 所以要留底$100做按金。由於我地唔飲酒, 所以餐廳換左兩杯什果賓治俾我地。講番食物味道先, 個龍蝦包係炸左既龍蝦條, 開頭睇個樣唔係好吸引, 我以為會係啖啖龍蝦肉, 不過食落個味道都幾好。有d似食緊蟹鉗個個口感, d肉都幾彈牙, 不過略嫌炸得over左少少, 而龍蝦包包身都烘得幾香脆~ 沙律同什果賓治正常水準, 都ok~環境氣氛： ★★★★☆食物質素： ★★★☆☆服務態度： ★★★★☆

月初時，同Mr.K即興去了野餐，其實我自己就沒有野餐癮，所以屋企甚麼道具也沒有，不過呢個世界，都應該有同類（即時行動組）所以我地決定上網找資料。哈！上網入關鍵字野餐，已經搵到我地想要的資料，在啟德游輪碼頭有草地外，仲發現有餐廳，提供外賣的食物，仲可以借野餐墊同野餐籃（需按金），就是這樣我們就出發了。在九龍灣有專線小巴到游輪碼頭，坐到總站落車就是了，但要一提這個商場是百無的，沒有7仔，沒有銀行，沒有超市，建議在九龍灣先買一點零食及水果，而且Market Place都幾近小巴站的啦！借左籃同野餐墊就落樓下草地霸個靚位。當日太陽都幾猛，把帶入來的食物放好，影相先！只需於餐廳買餐就可以借籃同野餐墊，要先付＄200按金，還籃會退錢，所以只收現金。餐就分兩款價錢：＄238及＄288，包括兩罐汽水，沙律一盒，一支紅酒，238是熱狗及龍蝦包各一，而288是兩個龍蝦包。食物是即製需時十多分鐘。第一次來，問職員那裡有草地，佢係行出去指俾你睇，教你如何行落去，服務熱心。掉晒自己的食物落去，塞到滿滿的，Yeah！最近，我成為了龍蝦包達人，食了很多龍蝦包。估不到這家餐廳的龍蝦包做得不差，麵包夠鬆軟，原隻龍蝦鉗足

尋日係星期日，專登揸架車去郵輪碼頭行下。 行到夜晚要搵地方食飯，見到呢間野裝修都唔太差，而且郵輪碼頭冇乜選擇，諗住試一試， 點知十分失望。 一入到去假期夜晚都係得三四台已經心感不妙。 餐牌有兩種選擇，一係半自助餐，一係就散叫。 因為怕人少自助餐啲嘢唔新鮮， 所以就散叫。 見到價錢都唔平，諗住叫啲貴嘢應該信心有保證 。先來前菜龍蝦湯和法式鵝肝 ，龍蝦湯十分稀， 完全冇味，溝得太多水。 不合格 ！法式鵝肝， 108蚊 ，大小只得一片蘋果甘大。 兩啖食完， 而且有根， 味道尚算不過不失。 前菜食咗兩啖，啱啱開始 ，侍應已經上主菜 ……正常一間西餐廳都唔會咁做啦，你估酒樓咩。 主菜: 新鮮原隻波士頓龍蝦， 個名嚇得下人。 但一上菜， 我畀佢嚇親 ，隻龍蝦細到不得了， 又係兩啖食完 雖然上面鋪咗芝士 ，但係一啲都唔香，一食就知係 平假貨……仲要298蚊。 炭燒羊架， 份量是充足的， 一開始覺得係把刀唔夠利切唔到 ，點知食食下先發現原來羊架裏面都未完全解凍， 食到一半唯有唔食， 仲要278蚊。 成餐飯兩個人食咗八百幾蚊。 星級嘅價錢， 茶餐廳嘅質素， 快餐店嘅服務…… 真係要寫個服字 。我明白啟德

垃圾服務，一般食品一個tea set要客等25分鐘先話group埋其他客order做，侍應若早點通知我們可以叫其他食物。等到35分鐘我們叫埋單要求取消食物時，tea set先出來，而且 pancake是黑色濃底的

Waiters hardly speak English if at all. Salad was tiny portion, but delicious. The decorations are strange, but interesting. Often has weddings here due to the unique location and no competition since it is the only restaurant on the top deck of the cruise terminal. The linguine was very good and to be recommended. 

見今日咁好天，同女朋友去左啟德郵輪碼頭行下。但今日真係好熱，結果頂吾順，搵間餐廳坐下食下野。上到天台花園見到呢間My harbour餐廳，個LOOK幾靚喎，心諗，一定好貴 結果:少年你太年輕了 !Afternoon Tea set - $198 真係估你吾到 !頂層:黑松露秘制三文魚、巴馬火腿拼哈蜜瓜中層:沙律、春捲、炸蝦底層:泡芙、哈密瓜窩夫三文魚食落都ok新鮮，哈蜜瓜都夠甜，炸蝦春捲上到黎仲係熱的泡芙、哈密瓜窩夫就一般環境裝飾清優， 西式風格， 復古擺設及樹做裝飾，加上個view，夜晚嚟一定浪漫有氣氛! 拍拖一流

環境唔錯，氣氛也浪漫。適合生日or慶祝紀念日等！不過食物質素就有待改善。呢個義大利飯係我食過嘅義大利飯裡面最難食的，我無法形容！雪藏龍蝦d肉有d霉！沙律選擇不多，但都達可接受程度，醬汁種類多。最值得讚賞係個薯蓉，加d芝麻醬真係好好味！杯橙汁喺賣相都算係配搭返個環境！最後仲有個甜品，都算過得去！總結：呢個價錢有更好的選擇！

端午節放假,當然食好些。 冇去睇人扒龍舟，同朋友去左啟德郵輪碼頭hea 足半日， 卻發現驚喜。雖然郵輪碼頭未正式啟用， 但呢間位於天台花園的my harbour餐廳就已經有唔少食客了。未入去前覺得外表平平無奇，但入去後就發現內有乾坤， 環境裝飾好靚好舒服， 西式格調， 有不少話 復古擺設，畫架及樹做裝飾， 開放式的open bar area, 仲有個小舞臺, 相信夜晚嚟飲酒定必很好氣氛!  個人覺得個環境用嚟搞婚禮都不錯， 夜晚來的話必被餐廳內的裝飾及燈光迷著，浪漫且很有氣氛。 好可惜我係食午餐， 男朋友夜晚帶我嚟食飯一定冧死。叫咗個午餐， 有蒜蓉多士，雜菜湯，主菜點左焗龍蝦伴雞扒拼薯菜， 甜品有芝士蛋糕及時日生果， 附送飲品一杯。 成個午餐加一服務費總共 $168 。先上蒜蓉多士及雜菜湯， 蒜蓉多士焗得剛剛好， 蒜香味濃且撲鼻， 雜菜湯好足料好多蔬菜， 茄酸味重及帶點香料味。 個湯本身係清嘅，唔會太楜狀咁黏。沙律就冇乜特別，離離去去都係啲菜呀 ,青瓜呀,番茄呀,芝麻醬咁啦， 不過係新鮮嘅！主菜真係好開心，有半隻龍蝦及雞扒伴粗薯條。 有龍蝦食已經好開心，仲有我最喜愛的粗薯條呀！ 半隻焗

每日都周而復始地日出而作，日入而息，實在沒有太多時間和一班朋友一起相聚，能在一間環境優美的地方享受西式晚餐，坐埋一齊飲飲食食和抒發一吓，可令人不亦樂乎。別出心裁的裝橫設計，加上餐廳內飯桌也都寬敞，確為一件嘗心樂事！在餐廳內，另一邊是沙發位置，讓人感覺有如走進歐洲的小屋般。看見有兩隻大龍蝦公仔坐鎮，如此可愛，我便知今晚要點什麼主菜食啦！這個玫瑰花小擺設增添了不少溫暖的感覺，整個環境氣氛感覺很舒服！很多人在品嚐意大利巴馬火腿時，都會以鮮甜多汁的生果去中和火腿中的鹹味。可是這裡就有點不一樣了，以菠菜苗來作伴，效果依然不錯，但它的醋汁比較濃郁，若果能淡味一點，更能食到巴馬火腿的原味和菠菜苗鮮甜味。又新鮮又肥美的帶子，用柚子煮出帶子鮮甜味，口感很好，可是只有一隻而已，好似有點不夠喉，哈哈！然而送上的牛肝菌松露湯，本人十分喜愛松露的香味，白松露香氣濃而芬芳，牛肝菌湯質感濃稠，菌味濃郁，伴上的是外層香脆牛油多士同吃，實在沒法把持地一一吃清了。吃著有點芝士味，不是太濃郁，卻不會太膩，本人也可接受。食落啖啖龍蝦肉，啲肉都幾厚身同彈牙，香口惹味，可惜焗得乾左D，流失左龍蝦本身嘅香味，龍蝦嘅質素還算不錯，雖

朋友話睇到Openrice食評想黎試呢間全因為個靚景!!!橫掂無去過郵輪碼頭就陪佢去吧!去到果然有美景呀，另一個角度睇美麗既香港，去到餐廳外，看到餐廳的光管圍住成個餐廳，在漆黑一片的空地上樹立，份外突出，入到去原來仲靚!好似拍緊戲咁，光影樹下。我地就叫左佢既Dinner Set，一開始就係沙律。風乾巴馬火腿菠菜苗沙律菜苗一向好味，例如椰菜苗﹑豆苗咁都好受歡迎，今次係菠菜苗，仲要係生食，真係第一次!!!葉都好大片，而且很新鮮，很有青味!加了點芝士片響面，令個沙律香左好多，另外有乾麵包味同黑醋，不過個人認為醋就多左D，太酸了..柚子刺身煎帶子日本煎帶子幾大隻，煎左之後個面有D實肉，而個面既上面就淋左一D柚子，發出淡淡幽香。牛肝菌白松露湯本來我叫左南瓜湯的，但係朋友話牛肝菌個味好濃唔中意所以要同我換，我試左一啖南瓜湯覺得好甜，甜到有D似糖水，好彩換左XD我都唔驚牛肝菌味既，呢個湯有頗多磨碎了的菇碎，幾香，但係有D實質既食物咬下就好了。美國安格斯西冷牛扒配胡椒燒汁一直都覺得美國牛不及澳洲牛同紐西蘭牛(我個人認為)，今次都無例外…無論味道，質地同肉香都比較遜色。法式蛋糕係一個Cream Cake

雖然結左婚，連Monkey Baby都就快出世，但係拍拖紀念日點可以唔慶祝呢? 老公今晚懶浪漫，成個星期前已經係咁話自己有做野，一早BOOK好枱同我浪漫一下…BOOK左6點半，我地5點就到了，諗住周圍行下，欣賞下呢個郵輪碼頭(之前字去過)，要講講佢既停車場，位好少，等左好耐先有位泊車呢!今晚試下佢個DINNER SET ($328)一位，都幾貴。前菜係「風乾巴馬火腿菠菜苗沙律」。菠菜苗我真係無食過啊!平日食得多都係豆苗，碟上滿滿都是菠菜苗，葉好大塊呀!食落好新鮮，直頭鮮甜，好FRESH既感覺! 巴馬火腿有幾片，薄薄的，刀功要讚啊! 咸咸地既巴馬火腿同菠菜苗一齊食，味道都幾夾，一次享受林林的火腿同爽口到索索聲既菠菜苗!柚子刺身煎帶子: 絕對估唔到係得一隻…個人就覺得會唔會少家左少少呢?雖然個賣相好靚，但係一隻邊度飽架…首先帶子細，再加上D肉質好似老左D，食落都覺得韌，但係柚子味就好香，帶子上面仲有幾粒TIM!蟹肉南瓜湯: 諗左好耐飲白松露湯好呀定南瓜湯好XD，最後因為想BABY有營養多D，我點左南瓜湯。南瓜湯一黎到就好香啦，我好中意陣南瓜味，飲落好鮮甜可口，絕對係靚同新鮮既南瓜，我又好中

自啟德郵輪碼頭開啟後，僅踏足過1次。記得某年Wine & Dine於啟德舉行，由於車太多，故從牛頭角徙步去啟德，廢盡力氣足足步行了近30分鐘，還心想：「太遠了，如沒有特別活動是不會再入去。」前幾日，收到朋友們的致電，說啟德內有間餐廳環境不錯，使我再次踏足這裡。由於啟德還在發展中，地點及交通也不及市區方便，上網搜尋得知九龍灣有免費穿梭巴士，不過只是說港鐵站附近，就沒有特別說明位置在那，於是便致電餐廳問問。「架Shuttle Bus好似已經無咗啦，你可以在德福坐86號小巴。」怪不得一直找不到上車地點。乘坐86小巴比想像中快，10餘分鐘已到達，不過在碼頭迷路了，兜兜轉轉好不容易才來到頂層花園。靜謐的頂層花園，走到盡頭，可見亮著粉紫色夜燈、自成一角的海薈，在黑夜中格外奪目，加上可盡覽海景，吃過晚餐後看看夜景散散步、談談心亦是不錯選擇。以拱形天花設計，加上樓底高，感覺更寬落，一邊像婚宴般設有小型台階，另一邊則是闊落的開放式吧枱，可能是偏離市區的關係，雖然沒有滿座，但也算得上多客人。而餐廳亦特別於一角落放置多幅昔日舊啟德機場、渡輪及巴士的相片，可是港人的「集體回憶」。備有Dinner Set或普通

在1月份，香港氣溫低至3度。就在這几天，嘉年華曾經推出$20入場 + 免費任玩1項指定機動遊戲，真係超級大優惠。可是寒冷天氣凍到震 ，自己不會去冒險。 　　而近日推出全日任玩套票，只需二百几蚊，價格尚算合理。今日大家就到啟德遊輪碼頭盡興吧！大部份刺激好玩的遊戲都是 揈 揈 揈 ！保險少少，大家空肚進場。玩足全日，喜歡的都試玩過了！可是肚子咕咕叫了！　大家又餓又累，希望是近近地又坐得舒服餐廳。　在網上找到這家餐廳，看來環境不錯，快快向著餐廳出發了。門口紫色的霓虹燈，內裡柔和的燈光，環境好靚，好浪漫，是男女談情的好地方。而我們在嘉年華後，雖然身體是軟扒扒的，但咀巴依然很有精力在談天說地。幸好職員安排大家坐在偏遠的位置，才不致影響到這几對情侶。餐枱擺放整齊的餐具及杯子，配上一點燭光，正呀！這就是浪漫了！ 　　　set dinner：五道菜配飲品。每人自選主菜及餐湯。大家覺得內在環境好靚，都去拍照了。食物呈上來了。　　　風乾巴馬火腿菠菜苗沙律　　　風乾巴馬火腿色澤較淡，鹹味不太重，但勝在軟滑。結塊狀的Ricotta cheese，味道較淡口。還有另一款的芝士碎片。　　　每塊菠菜苗