海街丼 (E-Max) (已結業)

同朋友約左晚飯，裡面環境都幾日式和風，同埋夠安靜。食物方面，我同朋友都揀左最貴既丼，最多刺身款式的，有帶子，蟹肉，蝦，海膽 😝 因為一有海膽就忍唔住揀左黎到有一個暖水壺熱住魚湯，店員介紹食完刺身，淨左d 飯可以用魚湯黎浸，變成茶嘖飯。蝦同海膽我覺得不過不失，其他材料還好，份量我覺得都多，都好飽，我地仲貪心叫多左個燒明太子，我覺得可叫可唔叫啦 😂 只係我同朋友都咁岩中意食明太子就勁想食。最後食淨d 飯就落魚湯，湯既份量都好多，我覺得落一半都可以，落太多會太咸。整體黎講，果個位置冇太多好野食，我覺得算係九展既高質食鋪，下次做野放工會再去食 👍🏻不過價錢就略貴。

放假同朋友去九龍灣食海街丼 叫咗 🐷豚肉生薑燒飯 跟餐有飲品🍹同味噌湯🥣 另外加咗一隻凍蕃茄🍅🐽豚肉生薑燒：豚肉軟熟易入口，生薑汁混合咗好多生薑蓉，配飯一齊食非常之夾👍🏻🍅日式凍辣蕃茄：作為飯前菜非常之開胃，凍蕃茄配上辣汁，個人覺得醬汁味道蓋過咗蕃茄本身嘅味道，但口味有新鮮感👍🏻

💁🏻‍♀️小編間唔中就會返去嘅海街丼。通常我會叫嘅都係特上海街丼，呢個丼其實係包括帶子、海膽、海蝦、三文魚子、及蟹肉。不得不提嘅係佢會包埋一個日本飯嘅啫喱，本身就係一啲日本醋嘅味道，即係平時大家加入壽司飯嗰啲，另外佢亦都會有一樽嘅魚湯，喺你食完晒啲魚生之後如果仲有肚🤰🏻食白飯，就可以將魚湯🐠到入白飯變成湯飯。除咗食呢樣嘢之外，小編成日都會叫嘅就係🍆茄子，感覺上係好健康，同埋都幾清新。佢呢個特上海街丼$220 ，其實我覺得性價比都係好高嘅☺️☺️，大家可以去試吓。 🏠 海街丼📍emax , Kowloon Bay味道: ⭐️⭐️打卡位: ⭐️⭐️環境: ⭐️⭐️⭐️服務: ⭐️⭐️⭐️價錢：🤑🤑

到九龍灣展貿搵食，海街丼未開門已經有客人開始排隊，我5:45到達都唯有跟隊，裝修以木材元素為主，掛上大量特式鎢絲燈泡，黃黃燈光，環境昏暗好有情調，佈置充滿日式風情。跟店名一樣主打日式丼，餐牌上款式唔算多，但樣樣都好出色，所以好好生意長期排隊，晚餐限時90分鐘。#特上吞拿魚蓉丼 $210（吞拿魚蓉、海膽、鮭魚子）個人最鍾意呢個配搭，餐牌有就一定會點。全部新鮮，海膽味道甘甜，蟹子脆，三文魚子充滿魚油香，吞拿魚蓉份量多，為咗留1/3碗飯做茶漬飯，最後要空口淨食餸。刺身丼跟一個保溫壺，原來係載住鮮魚湯嚟保持溫度，丼飯食淨1/3就可以加入鮮魚湯做茶漬飯，魚湯倒出嚟仲熱辣辣，濃濃鮮魚味，唔係味精湯，珍珠米吸收咗魚湯精華粒粒脹身軟綿綿，配合3款配料增加口感，全碗食晒好滿足。#海寶丼 (上) $160（吞拿魚、油甘魚、章魚、穴子、蛤蜊、小扇貝、真雪蟹、鮭魚子、青瓜）成碗鋪滿白雪雪蟹肉，賣相吸引，多款材料配搭都有新鮮感。真雪蟹肉鮮甜，配合唔同口感嘅食材，入口層次豐富。跟前菜及一碟果醋啫喱，客人可根據自己口味，用來拌落丼飯一齊食，即是變成醋飯以解油膩嘅作用。#鹿兒島A4黑毛和牛丼 $180係燒和牛，表面燒

平時如果唔係嚟呢度睇戲嘅話絕對會經過啲頭，今次就試吓一間我自己book埋咗好耐嘅餐廳海街丼想當年想去嗰陣佢只係得一間舖頭，而家已經轉眼間開咗多間分店。點咗一個最基本嘅海街當飯雖然係最基本版嘅用料一啲都唔馬虎，店員首先會講咗點樣食法，最尾會有個湯可以整茶漬飯之外，份量非常多，而且魚生亦都好新鮮，自從上次中原服食一個當飯之後好耐冇食過咁好味嘅丼。果然冇令我失望。以前菜嘅蕃茄除咗去皮去得乾淨之外，酸中帶一點辣非常開胃。

朋友介紹話book mark左好耐一直冇機會試，今日同佢專程黎食佢哋出名既丼飯，順便去附近行下。佢話呢間係香港第1間分店，之後開多左幾間，見佢越做越好不妨一試啊🤔呢度主要食海鮮丼為主，我緊係同朋友揀招牌野啦！最後2個都一致揀左望落最抵既丼，就係海寶丼(上) $160@1，佢係可以2食既，一係正常食法加豉油落飯，二係差唔多最後加湯做茶漬飯。我就一向怕冇味唔太食白飯既，所以中意撈住黎食同有啲汁咁，最初我都正常食法加豉油+washabi，發現唔撈勻會有啲咸有啲又淡咁，所以食食下我就加啲鏗魚湯，佢鏗魚湯係用保溫瓶裝住既，湯味帶有少少柚子味，完全唔會咸，加入去丼飯入面就岩岩好更加提高成碗既鮮味，我自己覺得中和左落完豉油令部分飯偏咸既情況，成個飯啲海鮮有蟹肉，小柱，吞拿魚，鰻魚，章魚，蛤蜊，蟹子，三文魚子，全部味道都幾鮮甜，幾抵食最後黎左個日式炸雞都好正！肉質非常有口感嫩滑唔會炸到乾哂，咬落去係勁多肉汁juicy，炸粉完全唔會厚做得岩岩好，我覺得呢個係一定要試既小食，等得耐少少出都抵

環境環境非常舒適，裝修風格以日式風格為主。餐廳的空間明亮整潔，使用了許多木頭和日式風格的材料，使得整個空間充滿了溫馨和自然的氛圍。另外，環境非常安靜，非常適合與朋友一起用餐。服務服務非常周到，他們都非常熱心和友好。他們可以幫助客人選擇菜品，並且時常檢查客人的飲食狀況，以確保他們得到了他們需要的服務。此外，餐廳還提供了多種不同的餐具，以滿足客人的不同需求。美食魚生飯是他們的招牌菜品，味道非常美味。魚肉鮮嫩多汁，並且充滿了海鮮的天然風味。飯粒鬆軟，充分吸收了魚汁的風味。此外，餐廳還提供了一系列其他美食，如豬排，雞，鰻魚等，每一道菜都是由專業的廚師烹調，味道非常美味。價錢價格非常合理，考慮到其高品質的食物和周到的服務，價格是非常值得的。

呢度裝修到好似日本咁，之前來呢度都係刺身飯，今次一個人LUNCH，決定叫個A4 鹿兒島和牛定食。雖然價錢不算太價，但係D和牛入口即溶，建議大家無需沾醬汁，品火口嘗和牛的味道。

工作上完成一單大job，偶爾都想犒賞自己一下。鄰近商場只有呢間稍為似樣嘅日本菜，就入去食個貴少少嘅午飯。刺身丼同熟食丼飯都有數款選擇，一場黎到先點個海寶丼（並）試試，而白飯大盛都係免費嘅，啱晒飯筒們。午市定食附有麵豉湯同前菜，感覺貌似平時開罐頭嘅調味鯖魚或吞拿魚，實在有一啲降格。海寶丼（並）有數款刺身粒，食得出有吞拿魚、三文魚籽、帆立貝碎、青瓜粒等，醋啫喱倒入熱飯後令飯變得帶點酸味，十分開胃，份量因為揀左大盛覺得足夠。唯刺身質素並不算十分新鮮。

對上一次去E-Max都好多年前，今次黎到發現原來有間來自日本東京嘅餐廳，主打魚生丼試咗signature嘅海寶丼，啲魚生好新鮮，完全冇腥味，飯配埋壽司醋啫喱俾人自己調味，包保人人啱口味前菜個蕃茄都好甜，個醬汁幾惹味，仲有個魚湯俾人當茶漬飯咁食，不過我覺得就咁食好味啲，啲湯最後就咁飲，好鮮甜，聞到好足料嘅魚味最後加埋個綠茶雪糕非常滿足呢間真係值得去食，原來將軍澳同鰂魚涌仲有分店，下次會再去試下其他丼

位於Emax 既海街丼，係呢區難得既高質日本餐廳，我間中都會心思思黎呢度食lunch, 嘆番個足料魚生飯🤩🤩Lunch menu 入面有3款海寶丼，我通常叫中間個款。套餐包咗個前菜、麵豉湯、熱情、仲有令人驚喜嘅壽司醋啫喱。海寶丼（上）食材新鮮，好多款料，包括：吞拿魚、油甘魚、章魚、穴子、蛤蜊、小扇貝、真雪蟹、鮭魚子同埋青瓜。真係無花無假，超新鮮！超足料！😙😙😙食既時候配埋壽司醋啫喱，味道非常夾！一個滿足既午餐🫶🏻🫶🏻🫶🏻

每次去九展睇show最苦惱就係食咩(´ε｀ )上個月去睇my little airport試左呢間海街丼 咦終於有唔頹仲幾好食既野.ᐟ‪‪‬.ᐟ‪‪‬我地叫左特上海寶丼同鱈場蟹丼食料份量都多又新鮮既ჱ̒ ｰ̀֊ｰ́ )佢最有趣既係有一小碟醋啫喱撈埋飯就變醋飯 自行調節酸度佢既醋同食開既壽司醋都唔同 會偏向果醋咁甜啲另外一樣得意野就係店家準備左一壺魚湯同啲配料比客人食到一半左右可以變湯飯另外叫左一份炸鰻魚 超有驚喜.ᐟ .ᐟ佢唔似超市/凍肉鋪買果種蒲燒鰻魚咁薄佢厚厚一舊 有啲肥美又有啲彈牙(˙𐃷˙)脆衣都唔厚 帶點酥脆偏天婦羅咁蘸既照燒醬汁都係啫喱狀歡迎話我知九展附近仲有咩好食♡唔好答我70蚊自助餐…

與朋友來Emax聽音樂會，吃過飯先，大家共識想吃日本嘢，看見他很大個 poster, 時間無多，直接入去了。位置不是非常易找，於地面下一層，但店內佈置充滿日本風味，真的很想回到日本～ 打開餐牌，他有很多選擇都有蟹肉的，看來蟹肉很值得一試。最後我們三個都選擇了同一個丼😆特級海鮮丼！一 set食物上菜，好吸引呀，他的丼飯是微溫的，還未有加壽司醋，店員說旁邊透明的啫喱可以拌在飯中，是壽司醋啫喱，自行調校酸味。最有特色的，有一個小暖壺裝着魚湯，店員介紹，可以把飯吃到最後留一點點，加熱魚湯，變成湯飯，就是第二種風味。魚生可以稍為再多一點，價位不是很相宜，但食物質素不錯，仍然值得。

九展真的沒什麼好吃的🥲唯一感興趣的就是海街丼可能因為是午市的時候去的 所以沒有很多客人進去立刻感受得到滿滿的和風裝潢偏深色色調 搭配深色木桌子和裝飾有點居酒屋的感覺 氣氛不錯呢🤩🔹️ 海寶丼(上) $125 🍣吞拿魚(赤身)、油甘魚、章魚、蛤蜊、小扇貝、真雪蟹、鮭魚子、青瓜🔹️ 海寶丼(並) $90 🍣吞拿魚(赤身)、油甘魚、章魚、穴子、蛤蜊、小扇貝、鮭魚子、青瓜定食附有味噌湯🥣和前菜醃漬蓮藕🥨送一杯烏龍茶或綠茶🍵另外店員介紹還有一碟是醋啫喱 可以代替傳統醋加到白飯裡面去但老實說我感覺不到兩者明顯的差別🤣白飯如果不夠還可以免費再添飯👍🏻這次選的兩個丼飯其實很相似 只是(上)多了穴子和真雪蟹🦀雪蟹蟹肉的份量也比想像中多🥰🥰🥰有濃濃的蟹味 (沒有雪藏味) 全部刺身都很新鮮鮮甜😋😋 值得一試

🐟醬汁吞拿魚牛油果丼🥑HK$190口感滿足嘅吞拿魚粒粒+熟度剛好嘅牛油果，香口嘅芝麻 & 惹味嘅紫菜 & 醒目又滑嘟嘟嘅蛋黃，完美配合～以鮮甜清爽嘅魚湯茶漬飯結尾，深呼吸～再呷一口麥茶💜 幸福感滿滿✨因為九展嗰晚有音樂會，估計好多人去食，所以提早6pm去到，果然使排隊，不過食到6:30pm離開時，門外已經排隊了（好彩）～唔想排隊可預先訂位😊✨店員好細心和有禮貌，耐心講解進食次序。✨食物新鮮，環境整潔，小擺設讓氛圍親切。