影片
港鐵香港站 C 出口, 步行約6分鐘
繼續閱讀
電話號碼
57219699 (Telephone & WhatsApp)
附加資料
自帶酒水：開瓶費750ml 或以下$200
750ml以上$400
營業時間
今日營業
12:00 - 15:30
18:30 - 22:00
星期一至日
12:00 - 15:30
18:30 - 22:00
*最後落單時間: 午市14:30; 晚市21:00
以上資料只供參考, 請與餐廳確認詳情
相關文章
一直知道呢度的魚生飯出名用料新鮮，又好難預約，難得預約到今晚同朋友黎食下呢度係咪真係魚生飯的天花板先。難得黎到食，就梗係食最靚的魚生飯啦。海言廚師發辦魚生飯（特上）用上時令新鮮的魚生，有海膽、白子，大拖羅，中拖羅，三文魚籽，左口魚，蟹肉，鯛魚等，加上呢度係用日本米，每粒米都粒粒分明，期待左好耐，真係好有驚喜，每種食材都好新鮮，特別係海膽，另外佢的大拖羅同輕輕炙燒過的左口魚都係入口即溶，食完真心大滿足。😍😍江戶前散壽司（特上）呢個的米飯經過特別調配，中間混合左赤醋，紫菜，芝麻，令到個米飯更加香，一樣係用上時令刺身例如中拖羅，海膽，魚籽，再加上玉子燒同腐皮，一樣都係好新鮮高質。每款魚生飯都會附上沙律、茶碗蒸同麵豉湯，估唔到呢度魚生飯高質外，連個沙律的食材都好新鮮，除咗新鮮的菜仲有粟米，車里茄同南瓜，加上個sauce好開胃🤤茶碗蒸的蛋好滑，而個湯入面係有櫻花蝦，調味都做得好好，咸度適中。
繼續閱讀
位於中環威靈頓街隱藏在地庫中的日式丼飯專門店「海言どんぶり専門店」號稱刺身丼飯界的天花板，而且仲有預約困難証，非常人氣好評如潮，皆因師傅用上最時令新鮮的刺身食材，而且好足料，一碗「特上廚師發辦魚生飯」已經用上超過15款食材去做，比我想像中更精彩🫶▪️海言廚師發辦魚生飯（特上） $ 430海言おまかせちらし丼這款店內最推介的丼飯，用上超過15款時令刺身，講明係廚師發辦，有機會每日都唔同，這碗用上、油鯛、真鯛、金目鯛、秋刀魚、大拖羅、中拖羅、赤身、鰤魚、白梅貝、梳子魚、三文魚籽、海膽，仲有多款魚油滿滿炙燒過既魚，真心非常驚喜，刺身新鮮鮮味，配上暖暖的日本米飯，超級美味，如果唔夠飽仲可以添飯非常窩心🫶📍江戶前散壽司（特上） $ 370江戸前ちらし寿司江戶前散丼飯最特別係米飯用咗紫菜、芝麻、薑蓉和赤醋特別調味，帶點酸香配搭刺身味道非常之夾，另外有江戶前必有嘅美食，自家製帶甜香的腐皮和玉子都是我嘅心頭好，非常之好食，再配上10多款不同的時令刺身，最喜歡係肥美嘅秋刀魚、墨魚、大拖羅、海膽、灸燒魚等等，真心非常推薦🌟所有魚生飯附沙律、茶碗蒸及麵豉湯ゼードはサラダ・茶碗蒸し・お味噌汁付き一樣咁精彩的，沙律用上多款新鮮沙律菜，最喜歡有紫椰菜、椰菜和日本小芽菜，口感特別豐富，仲有嘅係南瓜、小蕃茄和粟米，配上自家製嘅柚子酸醋汁，新鮮又美味，蒸蛋香滑，配上味道特濃的銀杏，更加能夠突出蛋香，至於麵豉湯係櫻花蝦清湯，食完飯之後飲番碗清甜嘅熱湯，溫暖又飽肚👍
繼續閱讀
Mikoto 海言 has became easier to book since the chef yin left. Even so, it’s still packed on Friday nights. They have a couple of sashimi bowls, including the 𝙈𝙞𝙠𝙤𝙩𝙤 𝙊𝙢𝙖𝙠𝙖𝙨𝙚 𝙎𝙖𝙨𝙝𝙞𝙢𝙞 𝙍𝙞𝙘𝙚 𝘽𝙤𝙬𝙡 (𝘿𝙚𝙡𝙪𝙭𝙚) for $430, which features 15 kinds of sashimi. The vinegar rice adds a nice tang, and sitting at the bar lets you watch the chefs in action, which is pretty cool.Some highlights from the sashimi were:- Sanma (秋刀魚): A fall favorite, it’s got tender, fatty flesh.- Sardine (沙甸魚): Fresh and rich, with a smooth texture.- Sea Urchin (海膽): Creamy and sweet, a real treat.- Chotoro (中拖羅): Melts in your mouth with a rich umami flavor.We also tried the 𝙀𝙙𝙤𝙢𝙖𝙚 𝘼𝙨𝙨𝙤𝙧𝙩𝙚𝙙 𝙎𝙖𝙨𝙝𝙞𝙢𝙞 𝙍𝙞𝙘𝙚 𝘽𝙤𝙬𝙡 (𝘿𝙚𝙡𝙪𝙭𝙚)for $370, which was just as impressive. The “Mackerel Roll (鯖魚卷)” was my personal favorite and a great addition to the rice bowl. It’s well worth adding to your order. Overall, if you’re into sashimi, this place is definitely worth a visit. @mikotodonburi
繼續閱讀
今晚同朋友聚舊，選擇中環威靈頓街 海言どんぶり専門店 Mikoto Donburi ，嘗嘗日式丼飯嘅廚師發板。店舖餐桌以淺楓木顏色做主題，簡簡單單嘅裝修，感覺乾淨俐落，一貫日系作風，入門口一張長形吧枱，坐在吧枱可以與廚師邊食邊互動。小小貼士，店鋪地方唔算好大，所以想食好嘢，最好預先book枱喔😆。今晚order左：江戶前系列 （特上） - 江戶前散壽司🍱$370廚師發辦系列（特上）- 海言廚師發板魚生飯 $430先上前菜，沙律🥗及茶碗蒸，沙律菜配搭好多，顏色鮮艷豐富，全部都爽脆新鮮，沙律醋汁亦balance得好好，酸酸甜甜，將今晚胃口打開。茶碗蒸非常滑溜，碗底兩粒銀杏非常軟糯，略帶甘甜微苦獨特味道，與茶碗蒸非常夾配。🥢海言廚師發板魚生飯 （特上）好靚嘅擺盤，刺生鋪滿整個飯面，十數款時令刺身，色澤油潤有光澤，非常新鮮，以池魚、依佐目、炙帆立貝、炙燒梭子魚、拖羅、海膽最為出色👍🏻；海膽色澤金黃，入口creamy幼滑，滿滿甘甜，難怪廚師都見議先食海膽。之後先油潤口腔，順時針由油花重嘅刺身開始食起。🥢江戶前散壽司（特上）🍱江戶前壽司會先行加工處理食材，例如將以醬油、鹽、醋來醃製，甚至是以炙燒、烘烤等手法先將食材調理；而飯通常是用米和醋預先混合，口感酸甜，醋飯的比例和調味都會非常講究。今晚以盛合呈現，令眼前一亮，刺身鋪滿盛盒，引發食慾爆發，刺身與廚師發辦嘅一樣色澤光亮新鮮；炙燒過嘅帆立貝更加有口感，厚實鮮甜，拖羅油花滿滿，入口即蓉； 刺身部分無可挑剔，以呢個價錢黎講，性價比非常高，推薦👍🏻。
繼續閱讀
8月去了一趟日本旅行食盡日本嘢，返到香港至今不時諗起仍然津津有味，所以趁住朋友約食飯都特別搵一間日式餐廳。中環擺花街與威靈頓交界嘅《海言どんぶり専門店》是一家魚生飯專門店，門面一塊白色布盡現和風感。店鋪要行落一層，入到去一眼見晒座位唔多，聽朋友話中午好容易成日滿座，不過我覺得反而對食客都好，咁先唔會因人太多而影響到食物嘅質素。Menu上嘅食物選擇很清晰，主力是各類食材的魚生飯。首選了《海言廚師發辦魚生飯(特上)》由廚師發辦總帶著盼望，見到鋪滿嘅刺身食材也為之雀躍地，吞拿、拖羅、海膽、魚子、鯛魚等等十多樣，刀工精緻，望落很豐富又顏色繽紛，外觀滿分啱晒打卡，而味道方面，食得到食材魚鮮，每一件真係要好好細嚐。成碗飯嘅比例基本上是魚生七成飯三成，不過嫌飯唔夠可以再添，醋飯帶出淡淡酷香幾好味，所以我就添了一碗，配上豉油也美味。《江戶前散壽司》從網上找到的資訊，江戶前壽司所強調的是壽司料經過醬油、鹽、醋來醃製，甚至是以炙燒、烘烤等手法調理並搭配褐色漬飯嘅特式，直接食而不需再沾醬油。而眼前這個以傳統長形盒盛著各類刺身一樣咁精彩，除了有新鮮刺身外，同時加入傳統食材好似腐皮、玉子、牛蒡漬物等等，再加上有經混入昆布漬飯，特別口感從中感受頗富地道色彩美食。套餐有沙律、蒸蛋同湯，夠晒飽。8月日本旅行至今相隔個多月，終於食番呢餐一解鮮魚刺身之念，食完又計劃下次嘅日本之旅。
繼續閱讀
您可能會有興趣的...