海記合桃坊甜品 (已結業)

呢排好興台灣芋圓，有甜品舖就將之前興過一輪嘅紫薯將佢地兩樣嘢combine埋一齊，成為紫薯蓉芋圓西米露！本身都驚呢啲熱潮嘢未必好食，點知又出乎意料喎，紫薯蓉真材實料，都幾香滑軟身，配搭QQ嘅芋圓一齊食好襯，而且糖水唔太甜，最啱又驚肥又為食嘅女仔

喺太子附近食完晚飯 朋友話附近有間唔錯既糖水舖 於是提議一齊去食☺️梗係即刻deal 因為女人係有第二個胃for甜品嫁🙈 去到出面都有幾組人等緊位 以為要等好耐先到我地 點知等咗一陣就有位朋友幾推呢度既芋圓 所以我就揀咗凍既紫薯芋圓紅豆沙可能係因為期望太大 食完之後覺得冇我想像中咁好食紫薯芋圓冇乜紫薯味😢 紅豆沙就唔錯 唔會得個甜字 同埋第一次試芋圓同紅豆沙既配搭 竟然都ok喎幾新鮮 可以一試😁朋友就揀咗紫薯香芋雪樂冰芋圓味道都算ok

行行下街覺得好攰 ，無意中就見到呢間海記甜品， 入到入面爆曬場，所以唯有坐角落頭嘅二人枱， 地方係迫夾啲， 但啲糖水都幾好食同埋都好足料， 跟住叫咗個腐竹蓮子薏米雞蛋糖水 ，男朋友就嗌咗個薑汁豆腐花 ，我哋另外加多咗一個芒果腸粉。。。。 我個糖水 ，有好多蓮子 ，亦唔係好甜 ，甜味剛剛好， 啱曬我口味。。。 男朋友就話個薑汁豆腐花薑味好辣😂😂😂 個芒果腸粉入面嘅芒果甜到不得了呀。。。。Nice。。。 所以如果去開太子、旺角嘅朋友仔,我都會介紹你哋呢一間度食。。。。

有朋自遠方來 ，不亦樂乎！ 澳門朋友今天來香港玩，帶佢去玩，途經海記，佢話想食甜品等左一陣先有位，仲有好多人排緊外賣，生意好好咁。我地點左一個紫薯雪樂冰芋圓豆腐花同一個紫薯雪樂冰芋圓雪米露。芋圓有紫薯，芋頭，地瓜三種口味，紫薯的味道很濃郁，真糸紫薯壓成的，仲可以食到紫薯的纖維。芋頭同地瓜味道都好出，口感好Q。雪糕🍦的紫薯味也都好濃，入口即溶，好綿密。甜而不膩。豆腐花好滑，朋友講雪米露也都好味，下次會再來試佢既合桃糊。

食完晚飯朋友話想食呢間嘅紫薯芋圓系列，就同左佢黎！雖然佢招牌係合桃糊，但我地嘅目標都係芋圓！分別叫左紫薯芋圓豆腐花同埋西米露價錢都幾平民，完全係街坊價！只係等左幾分鐘就已經有得食！賣相唔錯同埋都幾足料，大大碗睇落都飽紫薯冰唔會太甜，加埋豆腐花食口感幾好，芋圓都好煙韌，橙色係蕃薯味，淺紫色就係芋頭味，深紫色就係紫薯味，個人認為紫薯味最好味同埋最入味，算係比較食得出咩味，同埋啲芋圓仲係微熱嘅，唔會乾爭爭總括黎講個配搭幾好，下次經過會試下其他糖水！

最近幾年又多返d中式糖水鋪，呢間已經返食左好多次， 因為我覺得佢d 芝麻糊好好食， 好香好滑。 好得意嘅係一碗糖水嘅時已經眼見好多姐姐一個人黎食碗合桃糊 , 雖然我自己唔食合桃，不過咁多人叫一定係好野。 呢幾日熱返，就黎夏天我都係時候食返d凍野， 個紅豆抹茶豆花好醒神，雪樂冰好凍，綠茶同紅豆真係好夾，仲要有埋豆花，健康甜品， 夏天真係一流

於旺角食完晚餐，朋友提議食糖水，於是到了海記，看到了鄰座點了一個合桃糊賣相吸引就點了一碗。這碗叫沙沙合桃糊，沙沙是合桃碎的意思，突出了本身很幼滑的合桃糊。蠻有特色，算是鋪內招牌菜。

我一直都對芋圓有莫名既喜歡我好鐘意台灣既芋圓令人想一試再試估唔到海記有咁多間我會唔會發現太遲相逢恨晚襯旺角食完飯就去左海記食芋圓原來都有多唔同款揀芋圓拍得上台灣但仲係差少少因為我食係用冰同落左3唔同既醬如果香港都食到就好

四個人食完晚飯之後去左呢間鋪頭食甜品，每人叫左唔同嘅嘢嚟食，喳咋丶合桃糊丶桑寄生茶丶同埋羗汁芝麻湯圓。我喺食喳咋，賣相普普通通，但估唔到佢𥚃面喺有好多材料，不過煮得都幾好味，所以雖然啱啱食飽晚飯，但都可以成碗食晒，其他啲甜品嘅賣相都係好一般，但大家都不約而同將佢地全部食晒，一邊食一邊話好食，埋單一百蚊有找，絶對係超值之選，呢度冇靚靚裝修，亦都冇靚靚餐具，就連每碗甜品嘅賣相都非常普通，但絶對真材實料，冇賣弄花巧。

太子一向多野食，甜品黎講呢間應該好多人都識。之前已經係d網站有推介，今日又見門口排晒長龍，於是拎左飛行下街返黎食唔大間呀，但甜品店本來就應該的的式式，逼迷坐sweet d呀ma.一見menu一頁都係紫薯就知係重頭戲。紫薯就真係到到有，但真係到到都唔好味。於是我點左個紫薯芋圓配香芋星冰樂。友人話 甜品要見好唔好食 係要叫簡單大品野 先試到真偽。好似有d道理。佢地叫左疆汁芝麻湯圓同紅豆豆腐花（真係簡單到冇得再簡）佢地一致好評，比出面食到既超水準，湯圓餡料好滿，唔會厚皮，疆汁好香濃，涼涼地天氣食真係一絕！紅豆豆腐花，非常地夾，出面食好少有呢個組合。紅豆既香甜補足左豆腐花既淡純，豆腐花既細滑加上紅豆口感，好夾！另外我地叫左入芒果腸粉。深得我心呀呢款真係，外表白白滑滑已經好吸引架啦，入面係滿滿既芒果肉，面上再淋左芒果汁。一啖一件 真係好juicy滿足。個腸粉皮係好煙un咬口，好似椰果個口感咁，大推

7人喺旺角晚餐後，通常都會去飲杯嘢，但當中有朋友當晚要返工或第二日早起，就轉去食糖水甜品啦！其中一對朋友話有間幾好，帶路下來到太子，原來係「海記」！其實尖沙咀嘅海記都去過，印象係算ok。太子店比尖沙咀店面積大，但座位卻迫啲。明白糖水舖唔好在乎咩服務質素，但明顯尖沙咀舖服務好過呢間好多倍喎！5熱2凍，7款唔同糖水為：沙沙合桃糊、合桃糊 & 合桃糊+芝麻糊 —— 食合桃系列嘅朋友話好好味，合桃真材實料好香，當中食粒粒合桃嘅朋友話有驚喜，好特別！薑汁芝麻湯丸 & 杏仁糊+芝麻糊 —— 另兩款熱糖水，薑汁湯丸正常無咩特別；杏仁芝麻亦都一樣話幾好夠香。紫薯香芋雪樂冰芋圓紫米露 & 薑汁雪樂冰豆腐花 —— 食豆腐花嘅朋友無比評價。我食嘅紫薯香芋冰紫米露，兩舊冰冰一樣好食，但放於紫米露中要點唔夾，而芋圓亦都一般。七碗糖水甜品，合供都只是$177，以今時今日嚟講的確好抵好親民。「海記」雖然唔會有令人「嘩」一聲嘅驚喜，不過算係久不久都可以一食嘅糖水舖。

這一夜，在鑽石山吃過難吃的一餐晚餐後，為了平復中伏的心情，特地轉換地區去吃甜品溝貨。來到這間「海記合桃坊甜品」，這次吃的卻不是一向喜歡的店舖招牌「沙沙合桃糊」，而是看來色彩亮麗悅目，但我極少有吃的「芋圓喳咋」（$32）。 下單之後，等待了大約三四分鐘左右，我的「芋圓喳咋」便已送上，碗中橙橙紫紫的芋圓，既繽紛又可愛。把「芋圓喳咋」的材料用匙羹舀上來一看，整隻匙羹都被滿滿的雜豆、芋頭和芋圓填滿，材料豐富極了。一口一口地吃喝下去，口感實在豐富，帶來挺不錯的滿足感，加上甜度不高，不會讓人感到太甜和太膩，雖然少了點喜歡的椰汁味和椰絲，仍能讓我感到滿意。經過這溝貨大行動，先前中伏的不快感覺總算一掃而空。

員工服務態度認真差， 黑口黑面， 講嘢冇禮貌， 點解來消費都要被咁樣對待， 糖水大把地方有得食， 以後唔會再嚟。...............….............

我好中意食紫薯，見到有紫薯既甜品，二話不說就點。依間店既紫薯豆腐花配有芋圓，係我最喜歡既配搭，芋圓煙un，豆腐花都幾滑，不足既只係紫薯泥有點硬，如果口感軟點，必定更好味！

又有小寒流，一心入去食番個熱芝麻糊暖一暖。見到樓面阿姐得一人工作，遲些少落單本來無問題，不過原來個阿姐留戀係水吧，對手雖然係包跟外賣，個口其實不斷同水吧裡面的阿姐吹水，唔捨得出來落單。算啦，最終等左一陣，阿姐終於行出來送外賣到門口，順便落單。芝麻糊上枱時，真係好勞氣，睇睇相中的🥄就知！ 而且碗芝麻糊唔熱唔凍，真令人失望😪！