海雲天

營業中

休息中

海雲天做緊$158任食酒店級點心放題 限時90分鐘 點心種類繁多 有差唔多40種 最好食係每人額外送既帶子灌湯餃 非常足料同入味同大大份😋😋另外蟹粉鮮蝦餃都好大粒 而且上菜時都係熱既 最後推介既係黑金流沙包 外形吸引而且真係有流沙效果雖然係放題 但水準同外面貴價茶樓睇齊👍🏻

我都唔知可以點評好，芝士點心放題，粒芝士燒賣食唔出有咩芝士味，如果唔係我睇到個菜式名，我都唔知係芝士燒賣嚟。下一樣野，叫咗8粒普通蟹籽燒賣，結果係酸嘅，我重以為佢加醋，之後我當然冇繼續食，同侍應反映咗，之後佢就攞走，搞到我以為係佢特色😅，認真特別。 結果，啱我口味，只有區區四個菜，芝士蝦餃丶咖喱魷魚丶芝士蛋撻丶牛肉球。其他菜就不評啦，評黎都無用。呢一餐，兩個人食咗四百幾蚊，我寧願去食普通酒樓重好過食起酒店內面呢間嘢。暫時評到呢度，我要去爆石先

食評通常講食品，但是中式點心放題其實好多食府都差不多 可以說它的食物是精緻上成但是我最欣賞是他的環境只要你早到攞早啲嘅飛，就坐窗口位 望住180度海景飲茶同一班朋友 心情正好多!如果遲嚟坐 埋邊D位，就同普通去茶樓飲茶冇分別，咁樣既價位就唔抵食啦所以提醒想去嘅朋友 你就算訂咗位都好都要預早四，五個字到攞飛。唔好以為早五分鐘就夠，大把人已經 攞咗飛，咁你就要坐普通位 食品嘅experience起碼爭一級我覺得

我係星期二嘅時候打電話去預約星期五晚餐～而我亦打過唔少一次嘅電話⋯因為想了解吓關於D區餐廳嘅問題（因為我哋其中食飯有一個人係小朋友）仲有嘅係到咗當天星期五，我有打電話去餐廳度問切餅費事宜⋯我亦都有講到明自己當天約咗過去餐廳食飯😬但居然～當我入座時佢竟然話我冇記錄，仲有係～經理態度都比較惡劣⋯經理竟然問返客人有冇收過SMS嘅confirm Booking⋯我咪答佢，冇收過～之後佢話：咁即係冇同你book啦⋯咁呢度我又唔知邊個嘅錯🙄你哋間餐廳根本上連一句道歉都冇，仲要返問返我⋯唔知邊個嘅錯，仲有我想講：我唔係喺呢一度做～我點知你哋會用SMS去confirm Booking呢？😡呢間野實在令我太失望，仲要係一間酒店裏面做餐廳態度非常惡劣Fan 經理同接待員曾小姐應該再培訓如果唔係因為有小朋友都到咗，我真係唔想幫襯呢一間野！我真係好失望

今晚來到黃埔海逸酒店海雲天食dinner,有訂位，餐廳安排左窗口位比我地，我地叫左個二人餐，海中盛宴，其實我覺得呢個餐好抵食，又多嘢食，套餐裏包括雲天三小品前菜（有燒味，都幾好👍🏻👍🏻），上湯澳洲龍蝦伊面（呢個超正😋😋😋，龍蝦都算大隻，好野味），鮑魚花膠燉湯（好清甜👍🏻👍🏻），燒汁香煎珍寶帶子（真係好大粒，啖啖肉😋😋），胡麻沙律伴蝦多士💯💯，西施蒸鮑魚👍🏻👍🏻，瑤柱扒時蔬，紅燒乳鴿😋😋，甜品，總結好正😍😍😍

數月前到呢間店食咗個點心buffet，因為試過其他的同類既放題，都冇乜好感，不過今次係package包埋就當然去食。蝦餃燒賣牛肉球，呢啲基本野一定會叫，三樣嘢味道一般，冇乜特別。蝦餃啲蝦都爽口彈牙，但略嫌皮厚，牛肉球就食唔到陳皮味，燒賣不過不失。另外比較有特色係奶黃包，外面金碧輝皇，個包軟熟，可以一試。另外有個椒鹽鮑魚，忘記係限量定任食，不過食一次就夠，因為比較鹹同飽濟，都食唔到咁多估唔既係咸水角有驚喜，外脆函多，趁熱食更加好食講放題除咗好味之外，當然仲有款式，呢個佢都合格，可以有好多選擇，當然，我會揀啲冇咁飽肚而又特色點心食，相對上就比較少選擇。另外飲茶更係要講下杯茶，雖然我未試曬咁多種茶，但基本常飲個幾款都冇茶味。

今次主題是芝士點心放題， 约有十多款芝士點心加上傳統點心，九十分鐘任叫任食， 個人覺得最美味的是芝士蛋撻， 芝士味蝦餃也很不錯，蝦肉 彈牙， 有淡淡的芝士味道。 其餘的點心也保持到水準， 上菜速度也很快， 用QR code落單很方便, 服務生也很殷勤， 食完的點心很快便來收拾好， 絕對保持到酒店中菜廳應有的水準。 另值得一讚，相信厨師也落了很少或可能沒有味精，因食完後也沒有口渴的感覺。 環境方面也很不錯，我們被安排了近窗的位置，窗外景色令人有放鬆下來的感覺， 總括來說，每人约二佰多元的一頓豐富午餐，絕對是物有所值。

超正嘅芝士點心！星期六日終於同屋企人一齊去試咗佢哋嘅新出芝士放題👍最鍾意嘅一定係芝士燴伊麵，同埋芝士蛋撻~平時普通嘅港式蛋撻食得多，芝士蛋撻就好貴或者係好少食到🥰酥皮嘅芝士蛋撻一樣好唔錯，外層非常鬆化，而且入邊有少少流心嘅忌廉芝士，食落去香滑之餘，仲好香脆！而芝士燴伊麵，我好鍾意佢面底嘅醬汁❤因為加咗香濃嘅芝士，所以更加順滑。伊麵有口感，醬汁夠濃夠傑身😋黑炭流沙包同樣係招牌，黑金嘅外表好高貴，入邊嘅流沙，鹹蛋黃香非常出色！幹煸蓮藕條少有，值得一試🤤

趁住放假，記得一定要去試吓佢哋嘅特色點心！😋😋呢一間五星級酒店，最近好多人關注，皆因餐廳新推出左，芝士系列點心放題🥰.最鍾意嘅一定係佢哋嘅🧀芝士蛋撻，平時港式🥚蛋撻食得多，加埋芝士餡就更加鬆化😙香濃嘅芝士味，認真邪惡！💛.芝士蝦餃同芝士和牛酥都好特別，我最鍾意和牛酥嘅味道💖做法有少少似🐷叉燒酥，但係因為加咗和牛，所以🐮肉味更濃郁。而且入邊都可以食到芝士，🤩🤩設計真係好出色！

如題喇~難得母親大人覺得尼到個景靚, 所以又反黎食多次~今次就吾理二七廿一, 攞到QR code之後即刻落左啲未食過既野先 😂第一樣黎到既竟然系尼個 - 金絲蜜糖脆脆好脆口, 好采佢吾系真系成舊都痴哂糖漿~脆脆地甜甜地, 吾錯既前菜😌第二樣黎就系 - 日式炸豆腐豆腐外邊微脆, 內裡好嫰滑, 加左啲章魚小丸子既燒汁(?) 同木魚碎!真系幾日式同都幾好味既🤩第三樣黎既系芫荽系列喇 - 芫荽燒賣皇Ummmm.....佢系無左朕鹼水味既燒賣, 但芫荽味吾系話太突出!清漓地食幾好既😅第四樣黎既都系芫荽系列 - 芫荽明蝦餃同燒賣一樣.......芫荽味吾系話太突出,當普通蝦餃is OK🥲第五樣黎既又系芫荽系列 - 芫荽牛肉球可能平時既牛肉球都系有芫荽系入面, 所以只系覺得味道無咩大分別, 淨系見到有多左芫荽😂😂第六樣系 - 夠薑薑汁糕尼個好食, 比起坊間果啲糕系夠味既, 不枉之後我地系咁encore😍之後都無叫新野食喇, 叫黎叫去都系雞腳,芫荽蝦腸,金絲蜜糖脆脆,夠薑薑汁糕....直到夠鐘😂

今次食芝士主題下午茶，$210/人，食物質素變得一般，選擇比以往少，食得趕急!比起上年第一次去驚為天人嘅感覺蕩然無存，覺得好似連一間普通質素嘅酒樓也不如，無下次了。

係啲staycation app既餐飲優惠見到依個蟹之約会六百幾蚊位買一送一即係三百零蚊一位去到会收反加一同茶芥，加反八十幾蚊我地早左少少去到，姐姐話可以安排到海景枱即刻心情都好啲本來唸住依啲買一送一優惠，仲要星期五去食一定人山人海點知都仲可以坐海景枱三小碟不過不失，叉燒無驚喜松茸鮑魚湯入面有隻鮑魚，高太話下次試下煲喎蟹肉小籠包食唔到有太多蟹肉，淨係食到豬肉，同埋皮唔夠薄無咩肉汁蟹鉗個湯較得幾好味，濃淡適中下面啲蛋白好滑，好似食頭腐花甘蟹鉗啖啖肉不過始終覺得肉蟹都係差少少甜味焗蟹蓋面層香脆，入面滿載蟹肉幾好食既不過究竟入面啲蟹肉究竟係邊隻蟹度搵反黎既呢星洲蟹煲個醬汁好味，夠香唔太辣同隻蟹好夾不過食果時啲汁就難處理啲如果有跟對手套就好啦蟹肉蛋白炒飯夠乾身，都做到粒粒分明甜品要交俾高太我試左一啖唔太甜，苿茶味幾香我地再嗌多左枝白酒，連加一茶芥，全數10××五星級海景中菜廳去食蟹飲埋酒食物又真係可以接受既抵食仲有依度啲侍應姐姐，年紀雖然比較大少少但係服務真係幾細心，絕對有五星級水準

有日朋友係社交平台見到呢間酒店有芫荽點心放題，作為芫荽控而平時又中意飲茶既的我當然要黎試一試啦😆😆😆而且仲係任食，食到我同朋友超飽，滿足曬我呢個芫荽控既慾望💚

All you can eat Dimsum.一盅兩件，何其滋味~五星海景酒店中菜廳海雲天，最近推出🥳限定芝士點心放題！邪惡香濃嘅芝士諗起已經好正，宜家仲可以融入多款菜式🤩趁放假，一定要同屋企人去飲茶歎番件啦~中西芝士合璧cross over，15款芝士出品睇到令人心大心細，樣樣都想試勻哂🤤要數滋味，一定係金黃色嘅芝士明蝦餃，芝士饅頭，芝士蝦春捲，同埋🍳芝士煎腸粉~香滑芝士比例平衡，唔會過漏更有啖啖濃郁奶香，食到芝士控開心到飄飄下👻都好掛住經典點心？高質放題當然有齊哂，30款懷舊味道保證滿足你個胃🥰菲林芝麻卷，金絲蜜糖脆脆🍯，再到飯後甜品陳皮紅豆沙…享受海景之余同屋企人食住傾，盡興之餘更開心！服務態度好好，💓上得頻密算快手，一定係Nat值得無限encore嘅gathering list~@hoi_won_teen 📍紅磡

上次試完普通點心放題, 估吾到佢會出芫荽點心放題😳當然二話不說,點都要去食架喇!但系吾知點解今次覺得入座安排有啲混亂, 原本系食12:45....要等到13:00先入到去☹️一坐低scan QR code ,load左好耐....明明上次都吾系咁!第一道出場既系 - 芫荽韭菜豬紅其實即系普通既韭菜豬紅再加左啲芫荽系上面😂但出奇地又幾夾喎!!第二道黎既就系 - 芫荽牛肉腸岩岩蒸起夠哂熱辣辣🔥🔥🔥芫荽味飄四處飄~好香,個皮夠滑又有荽味😂第三道黎既系 - 虎皮尖椒雖然上到枱系凍既,但炸得幾脆口!第四道上既系 - 芫荽小饅頭其實食得炸饅頭應該系配煉奶, 但職員表示無........吾緊要喇照食😅個饅頭甜甜地又同芫荽幾夾, 都算吾錯第五道系 - 芫荽粉果無咩芫荽味, 個人吾太建議第六道就系 - 芫荽腐皮卷都系無乜芫荽味, 但清清地幾好食既~第七道就系 - 黑金流沙包咬左啖先記得未影相☹️ 比起平時酒樓既細個啲啲, 反而尼個份量仲好!又夠流沙,正😋第八道系 - 芫荽春卷Ummmmmm...又系無乜芫荽味, 失敗第九道系 - 芫荽餃又系無乜芫荽味.......吾知點解一早叫既沙律菜到最後先上😅😅😅都好既