海雲天

營業中

休息中

因為疫情,好耐都無同屋企一齊去酒樓飲茶、食點心~ 終於買到尼間既任食點心✌🏼掛住食既關係吾記得影個景, 對住個海景食簡直一流!!!事不宜遲, 叫左第一輪先🤤其實都叫黎叫去都系果幾味...燒賣...蝦餃..牛肉...由於小妹好鐘意食鳳爪, 所以見到有鮑汁鳳爪同豉椒醬皇蒸鳳爪就立即order鮑汁鳳爪...夠哂入味, 而且骨肉軟而皮不破! 正張相影得衰得滯, 因為食緊豉椒醬皇蒸鳳爪😅😅😅都系一樣好夠味!!!跟住其實叫左好多野食, 但系無影到相, 因為上菜既時間都幾慢下見又系到吮緊鳳爪就費事影, 留反下次再影😬咁就簡單介紹下其他點心喇~蟹籽燒賣皇....不過不失喇翡翠明蝦餃...普普通通喇,無乜驚喜陳皮牛肉球...食吾出陳皮味, 不過細細粒, 幾得意!另一個好好食既竟然系--->川辣金錢肚一食落去, 好夠辣!!!正🔥🔥🔥我想再叫既時候竟然就系黎收茶錢既時候.............算喇, 我食鳳爪都食飽左!😂都系果句, 留反下次再黎食過喇~

今日天气晴朗，带着小朋友来到九龙海逸君绰酒店饮茶放题，服务生还算不错，态度只有一个比较不善，其余都比较亲民。味道一般，最好食鸡翅，姜汁糕...品种算多，环境几好，下次预订海景位更佳!!

好耐冇同媽咪飲茶，今次就帶左媽咪去九龍海逸君綽酒店2樓嘅中菜廳-海雲天，食點心放題，呢個點心放題仲係以莞茜為主題，啱晒我哋呢兩個莞茜控🤗！呢度仲有無敵大海景，望出去就係一片大海，當日好好彩坐到窗邊位，而且當日天氣超級好，有大藍天😍，有齊海、雲、天😂，影相超靚，好似去咗度假咁😆！呢度可用手機掃QR code落單，有晒圖文並茂，好方便 ，莞茜系列點心就有成十多款可以任叫任食，包括莞茜燒賣、莞茜蝦餃、莞茜牛肉球、莞茜粉果、莞茜炸春卷等等！全部都好香莞茜味🤩幾特別，平時好少食到，滿足芫荽控呀！另外仲有30多款其他點心都係任叫任食！除茶樓常見嘅經典點心做得不錯，蝦餃爽脆又鮮甜 ，燒賣大大粒又惹味，仲有一d比較有特色嘅，如鮑汁鳳爪、薑汁糕、黃金涼瓜、黑金流沙包，整體款款都不錯，而且放題可以每款叫一兩件，咁就可以試多d款！望住海景食足90分鐘點心放題真係好chill呀☺️！

平日去食芫荽點心放題，喺kk day預訂每人168，埋單再加茶位加一，最後埋單每人198。因為平日唔係好多人如果想坐窗邊望海景可以早啲到，放題提供40款點心左右，其中芫荽系列大約有10款。本身唔係芫荽fans，所以唔係好覺得有特別好食。因為係放題每次上嘅份量都好少，好似腸粉一份都係得一件，令你可以留肚食多幾款唔同嘅點心。 所有點心都幾好食，特別係蝦餃同埋素餃，啲皮又薄又煙韌，蝦都好彈好新鮮。炸物方面，鹹水角最出色，個皮唔太癡牙，入面個餡加咗菜脯，脆脆地好好食😋。有個叫芫荽炸饅頭唔推薦，一啲都唔脆，而且個包好實在好似食緊粗糧麵包咁。總括而言$400兩個人點心放題都幾抵，一共落咗三次order，上菜速度ok，90分鐘都夠，唔會話食得好趕。

星期四同左屋企人去海雲天飲茶。原本想試下佢個放題，但由於屋企人食量較少，所以改為普通散叫點心。環境一流，我哋六人分兩張枱，坐係窗邊位置。望住個海食野，感覺好舒服。叫咗佢個黑心流沙包，真係幾流心。至於個鮮果沙律鮮蝦筒，好食！無論鮮果、沙律同d蝦嘅份量都均衡。食咗幾樣點心、飯後，我哋叫咗三個甜品，斑斕千層糕、香芒卷、紅豆沙。紅豆沙一般，斑斕千層糕唔錯，唔係太甜。香芒卷味道不錯，芒果味道都好明顯。呢間可以再繼續去。

早兩星期訂了枱，終於今日可以感受一下😎😎始終這家都是酒店內的中餐廳，一入到酒店已經有享受中的感覺😍😍首先要一提，如果要坐窗口位，請務必提早到場登記，因為係先到先得，冇得預訂。窗口枱大約有10張左右。食物嘅質素基本上完全合格，而且還細心地按人數而調節份量，可以食到好多種食物。其中有3款點心，自己覺得好好味😋1. 金絲蜜糖脆脆 2. 懷舊椰撻仔3. 蒜香炸雞翼其他食物都一定合格👍🏻 由服務，環境，食物質素絕對值得一試👍🏻👍🏻👍🏻

喺黑雨紅雨黃雨都出齊嘅一個上晝⛈️打亂晒無數咁多香港人嘅計劃好好彩 黃埔君綽酒店裏面嘅餐廳海雲天就無受天氣影響 照常營業😍最正係比我發現到佢哋有個芫荽放題套餐媽咪咁啱黑雨唔使返工 就帶埋佢去開餐^_^呢度自已己用手機QR code落單 好方便 數過呢度都有40幾款嘢食可以點包你可以食到飽一飽🤩🤩有芫荽粉果、芫荽鯪魚球同芫荽牛肉球etc另外芫荽牛肉腸叉燒腸 都好吸引😋仲有個上湯鮮竹卷 全部都落咗我最鍾意食嘅芫荽😝omg 仲要毫不吝嗇成碗都係呀！飲埋個湯都仲得 😗呢度上菜速度都好快 每款都保持到水準👏🏻👏🏻👍🏻如果唔係太鍾意食芫荽嘅朋友點心紙上面仲有好多好選擇 包括有金錢肚、胡椒豬肚湯、薑汁糕、芝麻糕、咖喱魚蛋蘿蔔同春卷等等 包你食到捧腹大笑😂😂大概食咗一個鐘頭 都已好飽了🤓呢度QR code仲會提示你幾時last order🔔如果下次要來記得book枱因為佢分三個時段好多人1245嗰轉最多人呢😲😲!! 人頭費約$200 （已包加一 加茶錢 任食90mins)

第一次黎食， 竟然安排到近窗口位置，滿心歡喜咁開始左呢一餐。 入到去， 係用qr code 點餐，一開始我哋一台人點左好多點心，但可惜....勁漏單....係勁漏單， 全程坐係到等點心既時間有60分鐘以上， 但係唔代表你等左就會有點心食...第一輪點心黎左， 都只係集中係一啲芫荽嘅點心，其他點心就漏左好多， 咁我就算啦， 開始點第二輪.....重點黎啦！！！第二輪點心係大部份都無黎呀！ 我狂同佢嘅女侍應講， 佢就係咁叫我等吓，到我不停比神色佢睇， 再提佢， 當下我己經唔想再等， 叫第三輪！點左後， 都仲係間中黎一碟、二碟咁， 極爆燥， 再同同一位女侍應講， 佢好擔心咁同我講：你唔好再等啦你再點啦，我幫你催都催唔到啊，你快啲點啦唔好再等啦我怕你冇得食呀！心諗， 唔係呀， 又叫人珍惜食物， 點左又唔黎，重點又怕佢突然黎曬， 咁想點呀！最後再點，叫埋個睇落好似比較高級既男侍應， 佢就話幫我睇下， 去門口㩒左一張order 紙， 同我講邊d未黎， 再點， 指住下面其他點心話佢地會黎...咁我唯有信佢， 唔再點， 癈事浪費。 最後點心係有黎多左少少...食到我一家人都唔開人又唔係好夠飽， 好心唔

都知道未必坐到海景位，唔緊要，但係啲食物唔係太過芫茜，額外加上去嗰啲芫茜唔係即刻切而且放咗好耐，所以已經唔新鮮，冇乜芫茜味，反而我覺得叫蝦餃buffet會比較適合。我食咗大約20隻蝦餃，因為點心中比較好食。千祈唔好點炸鯪魚球，菜苗（嗰日係白菜），超級鹹。點心只係一般嗰啲桂花糕、黑芝麻糕，都冇芫茜點心，唔係好有誠意，如果你係芫茜fans你應該會失望。我喺OpenRice買coupon，去到要再另加一同埋茶芥，Total每人$210。有大約個半鐘唔使同人搭枱食Saturday lunch 還可以啦。同層嘅女廁所唔得，係要等好耐先至回到水沖到廁，唔expect一間五星酒店咁樣囉。只此一次。

😍唔少酒店中菜都有做點心放題，今日試咗位於黃埔海逸君綽酒店嘅海雲天，六月開始佢做緊芫荽主題嘅點心放題，40幾款點心入面，有三份一係有芫荽嘅點心，呢度環境，食物，價錢性價比相當高，芫荽控一定要去試吓。酒店屹立在黃埔海濱長廊旁。大堂嘅白色長樓梯係酒店最iconic嘅位置。六月開始做任食芫荽點心主題🍀嘅海雲天位於酒店2樓，入面嘅落地大玻璃，可以飽覽210度維港景色，望住遠處鯉魚門海峽享用精緻點心😍。雖然窗邊位都唔算少，但如果想望住維港景色一定要早早預約。一坐低，部長會比點餐紙你，餐廳勁貼心😇，蒸點可以一件件咁嗌，務求令顧客可以試晒佢所有荽點🍀，但又唔怕浪費。使用手提電話落單，既環保又方便。📱任叫任食點心有45款，當中15種是芫荽系列💚。剩低嘅30款，都冇用芫荽入饌，荽人唔一定要搵志同道合嘅黨員黎👩🏻‍🤝‍👨🏼，唔食芫荽嘅朋友，黎陪你食都唔驚佢冇嘢啱食🤗。金珠鹹水角雖然冇用芫荽，但都非常值得推介，必吃！🍀必試系列‼️🍀芫荽燒賣皇🍀燒賣是即叫即包的。♨️餡料除咗有正常嘅鮮蝦冬菇豬肉外，還加入了大量芫荽🍀🍀。豬肉爽實彈牙，冬菇大大粒，一咬落去有濃濃嘅芫荽清香，超有咬口。👄🍀芫荽明蝦餃🍀🥟蝦餃都係即叫即

飲啖茶☕️食個包今次去左✨海逸君綽海雲天✨食芫荽點心放題😋對住個靚海飲茶🫖心情都靚d😌依度係用手機📱掃qr code落單好鬼方便鐘意食咩點咩點心種類都唔少😍蝦餃燒賣一定唔少得啦😙今次海逸君海雲天加左好多芫荽點心🥧鐘意芫荽香既朋友一定唔可以錯過🤩有爆荽燒賣皇、芫荽明蝦餃、芫荽潮州粉果、芫荽牛肉球🐄、心形🧡芫荽炸饅頭、芫荽和牛酥、芫荽一口叉燒腸、芫荽一口蝦餃腸🦐、芫荽蝦春卷等等全部都值得一試👍🏻唔係好多地方有咁特別既點心🤤如果你唔鐘意食芫荽都一樣有好多選擇🤗好似黑金流沙包、醬皇蒸鳳爪、川辣金錢肚等等平時酒樓食到既依度都差唔多有齊🤣我差唔多樣樣都有叫黎食最鐘意係佢要幾多黎幾多每款叫一粒可以試到唔同款😚整體來講 依度係值得食下有時放肆咁食下野都幾開心😆個價錢仲唔係貴任食點心平均每人二百蚊左右😜間唔中去嘆吓下午茶都唔錯😌

位於黃埔嘅海逸君綽酒店, 除左有無敵大海景之外,當中佢嘅海雲天亦推出人氣芫荽點心放題真係吸引唔少朋友都專程去幫襯.餐廳內環境舒適最重要有個落地大玻璃邊食點心就邊望住維港海景真係好正今次食呢個芫荽點心放題真係好豐富一共有十五款芫荽點心選擇當中有芫茜蝦餃, 爆茜燒賣皇, 最茜牛肉球等等.爆茜燒賣皇估唔到呢個組合都幾夾半肥瘦豬肉, 冬菇, 加上茜相當足料質感爽彈入口食到豬肉香之餘帶點芫茜香氣.芫茜蝦春卷鬆脆且唔油膩, 熱辣辣食一流蝦肉與芫茜一齊食幾清新, 唔錯.芫茜蝦餃蝦餃厚度還好,但鮮蝦就真係好新鮮整體味道都唔錯, 加埋芫茜一齊幾有特式.緊接再食咗多款點心及甜品,黑金流沙包, 最茜牛肉球等亦很出色整體嚟講上菜速度都唔錯, 而且手機落單真係方便好多點心味道方面亦都唔錯, 呢個價錢嚟講真相當抵食

面向維港一覽無遺，環境開揚而且乾淨。提提大家平日都要book定位，每個時段都好full~而家做緊芫荽主題！芫荽控記得一定要bookmark🌟 而我本身其實唔係太食芫荽都覺得好正！點心入邊都有好多芫荽但係碎上食落好香又唔會好重草青味～ 我覺得仲好食過平時嘅點心😍呢度嘅點心真係全部都好新鮮! 特別係有蝦嗰啲點心，全部都大大粒，爽口彈牙😍 放題仲好過出面大部份嘅酒樓點心！特別介紹芫荽燒賣，芫荽蝦餃，芫荽鮮竹卷，芫荽春卷，芫荽牛肉球…鮮得黎帶少少香！冇得輸🤤

被㸃題“莞茜點心”騙了！莞茜㸃心裡莞茜是看到了，但完全嚐不到莞茜，㸃解嘅？！ 失望！服務一般過一般，明白侍應姐姐好忙，咁都唔駛問乜都回應“等等，等等，等等”。。。。八個人分兩張枱，但只得一個枱号，問極都只答“係咁㗎啦”, 最後兩枱食物互相左傳右傳，好忙呀！訂單漏單不少，一個鐘落單時限，簡直要同時間玩遊戲，唔趕變到趕，唔忟變到忟！放題價每位$168, 茶錢 $23，加一後位位$210，絕對係低中之低的性價比。

第一次點心放題，送給海雲天地點方便，地鐵出口5分鐘步程，亦可選擇駕車，滿800元可以免費2小時，時租80為了拿海景位，提早半小時到達，排第一。最好的位子是入去後右上角那一張，海景超過180度，盡覽東九龍至中環食物選擇頗多，今次是芫茜主題，味道很好。其他點心質素都很高，幾乎沒有不好吃的不過，要投訴的是落單用手機，有時網絡不好，下不了單。另外，有出現漏單情況，一些相信是熱門的食物，落了兩三次都沒有來（蝦餃），結果90分鐘很快到，我們4個人只吃了6隻蝦餃。12點last order，落了多8隻，無影無蹤