深井陳記燒鵝海鮮酒家

營業中

休息中

深井陳記燒鵝始終衰係個皮度，唔脆有啲韌，趙落都肥美香口，肉質嫩滑有肉汁，以5百幾一隻咁大隻黎講係抵食既。燒鵝重點除左酸梅醬外，就係一啖肉一啖瀨粉，好滿足。______________________________🏠陳記燒鵝花園餐廳📍深井陳記商業中心地下後舖💸 $200 per head

深井陳記燒鵝我細細個已經聽過呢個名今日同男朋友係深井行完山就嚟咗拆返餐勁嘅 餐廳有半戶外區域好有大排檔味道 不過天氣比較凍我哋都係揀咗坐室內 雖然裝修比較殘舊不過 都坐得幾舒服前菜有花生鹹鹹香香脆口傾計一流 而且仲有橋頭酸酸甜甜好開胃叫咗半隻深井燒鵝 估唔到咁大隻上枱時都嚇一跳 燒鵝勁香燒到皮脆肉嫩 燒鵝皮嘅油香都夠送半碗飯 肉質細嫩甘香 而且好鬆化 點埋梅子醬更加冇咁油膩叫咗個招牌菜蜜汁鱔甫 原塊嘅無骨鱔肉攞去 酥炸 上面再淋上秘製蜜汁 鱔肉好香脆 而且入面仲非常嫩滑 油脂十足配埋秘製醬汁好食

屋企人突然間想食燒鵝，即刻諗起去深井覓食搵到陳記燒鵝餐廳設有𥚃面及外面位置唔想太侷促，所以選擇坐外面位置，不過，今天天氣比較大風，餐廳設有戶外暖爐燈，好窩心陳記燒鵝 上枱時賣相唔錯，燒鵝入口重熱，皮香脆美味，肉質結實，啖啖肉，蘸埋酸梅醬，更為惹味瀬粉晶瑩滑溜，配燒鵝好夾雲耳鮮百合炒准山准山爽脆，鮮百合鮮甜美味，清新又健康菠蘿咕嚕蝦球雜椒紅紅綠綠，賣相吸引，蝦球乾身唔油膩，入口彈牙，醬汁酸酸甜甜好惹味，紅椒多汁，椒味濃郁，好好食

大家都知，食最正宗的燒鵝一定就係去深井食啦，現在香港的交通鐵路網絡巴士網絡發展十分之方便，去深井瞬間直達，又例如在長沙灣出發大約20分鐘經已到達深井，十分方便今日一於深井試下正宗的燒鵝.例湯的用了十足，也十分之下火，愛老火湯人仕最愛.這個例牌的燒鵝份量也十分之多，皮脆肉滑所有肉汁也鎖在燒鵝身上，大家放心燒鵝的味道並不是很咸，適合老人家給小朋友，燒鵝皮脆肉滑、並沒有半點肥膩的感覺.這個白鱔加上豆士，也是我的最愛，廚師的火候控制得十分之好，白鱔是十分之爽口.

同朋友行完半段元荃古道後，到深井食燒鵝！朋友話陳記出名，所以我地就食陳記，但發現有2間，我哋最後揀左琦哥號，坐係室外。叫左一煲老火湯，係粉葛赤小豆湯，份量好足，豬骨又多，味道好甜！然後我地叫左個例牌燒鵝，一碟菜，原本想叫多個琵琶豆腐，因為見張張枱都有叫，而且超香。但奈何我哋3個女仔食量細，再叫左2碗白飯，已經食到好飽好滿足！但講真，服務就唔算太好既。

行完元荃古道就諗住食個燒鵝。 於是入左陳記食。坐低個阿姐都ok 去沖茶來。跟住舉手叫野食好耐先有人來招待。5點幾時 得3枱行山客 但員工開餐都4 5枱。叫左個下庄燒鵝 竟然成$208?連加1即係成$230.大排檔格局咁嘅價真係不得了。仲要另加茶位錢燒鵝味道ok 但唔脆唔夠熱。完全唔值呢個價。另外叫個胡椒豬肚湯$88, 呢個價唔貴。 但個落單話不如飲叫例湯$98啦 粉葛湯。 我心諗而家我食定你食呀 要幫個客決定食咩 一係就話今日冇供應好過啦。 最後來到睇落正常 但飲落不得了，似滾水豬肚，個湯乜味都冇咁濟。完全伏左。落完2個餸 個伙記話得2個餸咋喎 不如叫多2個小菜啦 真係搞笑 食乜 食幾多都干預。最後2個餸加碗瀨粉 咁就$360. 又貴又差服務，加一仲要茶位。唔會有下次。

成日聽人話去深井食燒鵝，今次終於可以親身一試！以前成日覺得深井好遠，但原來交通都好方便，喺荃灣西有巴士直達，入去之前仲可以行吓Donki！去深井食燒鵝比想像中簡單😂😂深井有很多食燒鵝的餐廳，今次選了陳記，較出名而且有不少分店，質量應該有保證👍🏼剛坐下員就送上熱菜同前菜，有喬頭花生，好有中式地道茶樓嘅風味👍🏼我地二人點了一份例牌燒鵝，份量剛好，燒鵝啖啖肉，肉味很濃，每啖都有油香，沾上酸梅醬更是惹味！當晚見每枱都點燒鵝，果然名不虛傳！除了燒鵝以外更要試試他們的小菜，小菜的碟頭大，價錢合理，非常抵食！先試例牌燒腩仔，皮脆肉嫩，肥肉瘦肉夾層，看見也流口水！另外點了啫啫芥蘭煲，一上枱已經聞到鑊氣，只是香味都令人垂涎，咸香味更是令人食唔停！最後的砵仔焗魚腸亦沒有令人失望，完全沒有腥味，爽口彈牙，值得推介！餐廳的食物質素確實不錯，而且伙記的服務亦非常好，常幫我們斟水，態度又親切，很有香港地道的人情味👍🏼已經同朋友計劃好下次要再去食！推薦！

今天假期和朋友來到馬灣公園附近遊玩，才發現原來這裏有很多景點可以玩足一日。夜晚來到深井的美食街食晚餐，有很多餐廳可以選擇，當然要一試出名的深井燒鵝。而這間陳記燒鵝便是在街道旁的一間很受歡迎的餐廳，今晚客人都很多，等了10多分鐘才有位。餐廳以大排檔形式經營，外邊有很多大張圓檯等，很適合一大班親朋戚友來食飯，附近也有泊車位。深井陳記燒鵝 例牌餐廳的招牌菜之一，我們先叫了一碟例牌，原來份量也很多。燒鵝顏色鮮艷，油澤光鮮，外脆內軟，肉質彈牙鮮甜，燒鵝味道香甜，食落軟稔而不油膩。白灼海蝦 半斤海蝦新鮮即撈，大隻而厚肉，肉質彈牙爽滑，蝦味濃郁，口感爽滑，新鮮的海蝦不用任何調味，只用白灼的煮法也可以令其鮮味很突出。䜴汁蒸大鱔一端上枱整碟熱騰騰，鱔肉的份量不少，爽脆香甜，咬落鮮甜爽口，魚香味濃郁，配料豐富，有豆豉和蔥粒等調味，蒸得很入味,是必點之選。

燒鵝真係可以話係燒味之王上次食完另一間陳記今日見凍凍地又黎另一間食埋一樣咁好味燒鵝（半隻）黎深井唔食燒鵝唔好同人講黎過深井啦係咪？呢到只係半隻燒鵝，已經夠三個人食到勁飽可想而知佢係幾大隻燒鵝燒得皮脆肉嫩即使係鵝胸都好軟好滑而燒得卜卜脆，又脆而不膩既外皮配上鵝味香濃既肉身再有咸香既醬油令人不自覺食完一件又一件瑤柱扒豆苗依家係食豆苗既好季節當然要叫佢豆苗好嫩，入口完全唔會老，好易咬但又不失菜應有既爽口而且瑤柱份量夠晒足料，鮮味十足黑椒牛頸脊粒煲牛頸脊牛味香濃，份量又多，食極都仲有仲要配埋惹味既黑椒汁真係淨係呢個煲都夠送幾碗飯香菠咕嚕蝦球蝦球好大隻，而且又新鮮爽口加上炸得好香脆，仲要沾左汁都唔會淋證明功夫好而且酸酸甜甜既咕嚕汁好開胃，加上鮮味彈牙既大蝦令你食晒成碟都唔會覺得膩

細細個已經知道深井陳記燒鵝好出名，可是從來沒有正式去吃過晚餐。趁著假期前，跟老公二人世界一下。之前我們有試過下午茶來吃，可是嘛，吃風味還是要吃晚餐才有感覺。店鋪有室內也有戶外座位我們比較喜歡室內，因為覺得夠開揚，很舒服。天氣開始冷，坐戶外擔心會冷，但貼心的餐廳早已準備好暖爐，所以坐戶外也不怕冷。來到深井陳記燒鵝，第一樣要點的菜不用想，一定是燒鵝吧! 燒鵝果然名不虛傳，超級美味! 雖然早已知道這裡的燒鵝好味，可是咬下去的一刻，還是非常感動。肉夠香夠濃，配上梅子醬，簡直是絕配。而另一警喜的菜式, 就是九製陳皮骨! 這道菜大推，也是必點必吃的。我開頭以為是「骨」，但原來不是，是啖啖肉，而且肉香隱約滲出九製陳皮的香味，加上外面脆脆的，是一道超級香口又惹味的菜，我超喜歡，一定要大推! 來這裡的朋友必試啊!另外，見天氣凍，我點了一個熱辣辣的薑蔥魚雲煲! 薑蔥是這道菜的靈魂，所以非常重要! 這裡的薑蔥一點也不欺場，份量夠多，令到魚雲煲更香口。我幾乎自己吃光這煲呢!之後，再點了一人一隻蒜蓉粉絲蒸扇貝，炸蒜非常香，配上粉絲吃，簡直大滿足! 當然扇貝也很鮮味啦! 而且價錢不算貴$30/1隻，正!還加了一條

提早食冬至飯，唔想媽咪咁辛苦煮～出去食又怕多人喎，所以揀咗位於深井嘅陳記燒鵝搭小巴喺麗都花園落車就見到～超級容易搵～去到門口，伙記好有禮咁問我哋幾位～之後安排咗我哋坐出面圓枱，好讓我哋容易傾計食嘢～原本想叫一隻燒鵝嘅～但見到原來仲有好多精美小菜～心思思又想試吓喎～所以到最後叫咗半隻燒鵝，留位食更多其他嘅小菜～馳名深井陳記燒鵝(半隻)諗住半隻唔係好多，原來都幾多架喎～就連鵝頭都切半個比我哋～好肥美，好多肉，燒鵝皮好脆～味道同出面什麼燒鵝餐廳好味好多～配搭佢個酸梅醬十分出色(覺得自家製)果然係出名嘅燒鵝～好味～竹笙海皇羮雖然餐牌上推介嘅係韮王瑤柱羮但我比較喜歡竹笙果然無揀錯，外貎好吸睛～味道清甜得嚟帶有有蛋白味～好多竹笙，每一啖都咀嚼到竹笙～好飲得嚟又有口感，非常讚啊～酥炸秋葵本身都幾鐘食秋葵，見到酥炸咁有創意～緊係叫嚟試吓～食落無咁勁滑潺潺感覺～秋葵味保留住，滿足到我想食秋葵又想炸嘢嘅諗法～椒鹽九肚魚炸到啱啱好，又唔會辣到口～九肚魚超級滑～正啊～牛油芝士中蝦煲(伊麵底)咁凍天氣見到滾滾上枱，成個人食慾大增！香噴噴嘅牛油味配上伊麵，食咗成個人都暖粒粒～大蝦超級大隻，數量比想像中多啊～👍👍上

今日佳節，特意入深井同愛人食佢至愛的燒鵝，為食得正宗，揀咗陳記老店，地方大，又易搵又就腳～店員熱情招待，茶水小食奉上，睇咗一陣，叫咗湯羹小菜同埋半隻燒鵝，最先到當然係燒鵝~半隻已經好大碟，皮脆肉嫩且多汁，點埋個酸梅醬就Perfect，可以解膩提鮮，幸福感爆燈跟住上湯羹，我哋叫咗竹笙海皇羹，白裏透紅的，外貌吸引，用料豐富，蝦肉爽口鮮甜，落埋胡椒粉鮮味更出~當然，要有魚有肉同埋有菜啦～菜方面，叫咗一個當造嘅上湯粉絲浸西洋菜，西洋菜夠嫰口又爽滑，而且仲有超多配菜烹調，有草菇丶葱菜丶紅椒、粉絲同蔥蒜。而魚就叫了我的至愛，椒鹽九肚魚，一整條炸，吃得過癮，而且炸醬薄，不多粉，吃到酥脆，也吃到九肚魚的嫩滑~肉就係叫咗愛人的至愛香波咕嚕肉，好大碟～甜酸度適中，咕嚕肉係無骨的，啖啖肉，下飯良伴。咁多野食，梗要叫白飯，而且仲有瀨粉丶米粉提供~是晚良人十分滿意~不過提下大家，份量偏多，食得晒，先好叫，不要浪費哦

 深井燒鵝,都係香港幾出名既名物今次走到去陳記燒鵝兩個人,點了一客燒鵝加叉燒例牌 $170一份椒鹽鮮魷點解會咁遠水路都會入黎食原因就係外邊食唔到,加埋車費都平過出面食椒鹽鮮魷$98  埋位坐低先上花生開胃小吃,要收費 類似酒樓那種用水洗茶杯碗覺得會乾淨安心D食用用新鮮魷魚,上粉漿再炸脆另外本身已經先上了椒鹽粉平均地沾掛在魷魚片上 有別於一般酒樓,一定唔夠味,要你自己另外點椒鹽粉 夠獲氣,爽口彈牙,配酒飲最佳小吃,炸得夠金黃好食到拍手掌想追加! 食完魷魚就到主菜燒鵝外皮亮麗有光澤肉汁豐富,肉多帶點油,夠嫩有香個外皮夠脆,肉多,食起來特別爽骨少肉多,與其他幾間有少許不同! 水嫩肉質與肉汁係令人一試傾心 叉燒也是做得不錯半肥半瘦肉,外面燒得夠香口,帶點脆感淡淡蜜汁味,粉嫩肉質相當出色 燒鵝最佳配搭就要來一碗粉,粉條吸飽鵝油香食起來非常美味例牌份量夠多,足2-3人吃!深井青山公路深井村63號地下荃灣站轉小巴入深井(約20分鐘)港九巴士：52X﹑53﹑234A﹑234B (於深井碧堤半島落車)專線小巴：96 (荃灣眾安街)、96M (荃灣地鐵站多層停車場地下)、302 (葵芳地鐵)、308M (

一場來到深井就約定要食深井名物燒鵝。經朋友提議下就選定食陳記深井燒鵝（琦哥號）當日客人唔多，選擇了靠邊露天位置。除左燒鵝必食，餐牌還有數款煲仔小菜及常見中式小菜。茶位每人$6、酸菜每人$10另收加一服務～馳名深井陳記燒鵝 半隻$290燒鵝外皮半脆，食落有肉汁，燒鵝都幾大隻。花雕醉雞窩 半隻 $168藥材花雕湯底好足料，一放低已聞到陣陣酒香味。雞肉滲滿酒香，肉質好嫩滑。仲送左成盤生菜添，抵食！牛油芝士中蝦 （伊麵底）$128牛油香氣有，芝士味就唔係好食得出。不過以份量來說都差不多。黑椒牛頸脊粒煲 $108呢個味道屬正常，份量道較少。瑤柱扒豆苗 $118當晚最出色的一道小菜，豆苗啖啖都食到瑤柱。埋單200幾一個人都算合理價錢。

在深井參觀完朋友屋企，有朋友提議大伙兒去食深井燒鵝。最後選擇了陳記燒鵝。一行4人率先決定叫半隻燒鵝先再每人叫一餸。燒鵝半隻 $290燒鵝外型大隻，燒得很美觀。鵝肉外皮脆，而且肉嫩唔會好乾。花雕醉雞煲$168 （半隻）跟生菜一碟花雕湯底藥味同酒味都落足料，半隻雞份量都幾大份。雞肉好嫩滑。仲送埋生菜一大盤。黑椒牛頸脊粒煲$108 同平時食到的黑椒牛仔骨調味差不多，味道正常。牛油芝士中蝦伊麵煲$128中蝦有5隻，伊麵很多。唯芝士味不夠濃郁。瑤柱扒豆苗 $118豆苗炒得很嫩滑，配蠔油瑤柱勁好食！人均消費都不需250 以下