深井陳記燒鵝酒家

營業中

休息中

朋友話要食燒鵝🦢，香港🇭🇰好多地方都有，不過要食靚燒鵝，最正宗就一定要去深啦，外地朋友來香港我好多時都會帶佢地品嚐一下香港嘅地度美食😋話咁快就入到來深井陳記，大大隻燒鵝招牌掛在外牆，遠遠也看到，又有代客泊車服務，收費公道🤗店內是一貫酒樓傳統裝飾佈置，除了圓桌之外另一邊亦有卡坐，冷氣充足，店員親切有禮，很有地道特色👍🏻先要了一個老火例湯（每日不同），今晚是花生🥜雞腳瘦肉湯，袪濕滋補養生，份量十足，足夠四人分享😍店員推介他們的燒鵝海鮮三寶（有三款選擇，都是有半隻燒鵝加上兩款不同配搭），我們㨂了C餐$598，配油泡龍躉球和蒜蓉粉絲扇貝😍首先品嚐燒鵝，半隻的大小足足鋪滿了全隻大碟，當然啦，燒鵝的體積比其他禽畜大，肉嫰肥美，酥香甘口，而且熱辣辣，保持著脆皮而不油膩，脂肪層不多，咬落有豐富的爆汁感，肉味十足，果然名不虛傳，難怪遠近馳名👍🏻讚完主角燒鵝之後，呢碟油泡龍躉球，亦帶給我們驚喜，大件又肥美的龍躉肉，足足有十餘件，高溫油泡而絕不油膩，入口香嫰可口，魚味十足，帶有小小的皮層十分煙韌和爽脆，一試難忘😋既然呢度燒鵝咁出名，當然要試埋佢哋嘅豉油皇鵝腸，估唔到咬落爽口美味，零舍不同，䜴油皇提升了味道的

今日特登入咗深井食燒鵝，一落巴士就見到呢間陳記燒鵝啦，急不及待入咗去食！🤓我哋首先叫咗半隻「燒鵝」，賣相擺得好靚，食落鵝味非常之濃郁，加埋甜酸度適中嘅酸梅醬，外皮好脆，肉質好嫩滑，非常之美味呀，係我食過最好食嘅燒鵝～😍「燒腩仔」非常出色，好值得推介，外皮金黃色，炸到脆卜卜，肉質唔會好鞋，好軟腍又易咬，質素同燒鵝有得揮，同樣高質😘我哋仲叫咗個「金銀蛋莧菜」，份量好多，菜好鮮嫩，皮蛋同鹹蛋令到個菜味道濃郁。😝「Wasabi沙拉骨」，好多醬汁，咬落去酸酸甜甜，又有d wasabi既辣味攻上黎，好特別～😆「蒜蓉粉絲蒸扇貝」，扇貝好大隻又鮮甜，濃郁嘅蒜蓉味，與粉絲完美融合。🤣值得我哋山長水遠入到黎深井食燒鵝！🐤

去深井食燒鵝聽落覺得好遠，但原來荃灣就有小巴搭過黎，十分方便。馳名陳記燒鵝 (下庄）$165這裡燒鵝有分不同分量，有全隻、半隻、例牌及下庄。問過店員下庄就是燒鵝髀，來到份量頗多，好抵食。燒鵝很肥美，食到燒鵝皮有柴火烤出來的獨特香味，很多肉汁。椒鹽鮮魷 $88這裡的小菜真的好大碟，椒鹽鮮魷夠乾身、香脆，而且有獲氣。勝瓜香芹浸蜆 $78同樣大大碟的有勝瓜煮蜆，蜆肉飽滿，勝瓜清爽去膩。蒜蓉粉絲蒸蟶子皇 (2隻）$76一人一隻蟶子皇，差大不有手掌甘長，啖啖肉，個汁好惹味。這裡的份量偏大，很適合一班朋友來聚餐。

來吃一頓美味燒鵝朋友突然話好想食燒鵝，諗起都好耐冇去深井食燒鵝了，之後就即興去咗深井食燒鵝。像中深井好似有好幾間食燒鵝，歷史悠久嘅應該係陳記，經店員介紹下入咗去。星期日晚上都好多人幾乎九成滿，我哋兩個人所以即刻有位。我哋怕好飽所以唔敢叫好多嘢食。當然就叫咗燒鵝啦，燒鵝叫咗下裝，雞肶好滑，而且好香，咬落去個皮都好香脆，點買個汁真係正。兩個人食就啱啱好。當然要炒返碟菜，我哋叫咗豆腐，豆腐上面個汁整得幾出色，令到個豆腐唔會好乾，而且嚿嚿豆腐都好大件，我哋兩個人食豆腐都已經食到好飽。再炒多咗個菜配鮑魚片大大塊，食完感覺冇咁飽。

深井陳記燒鵝係老字號，燒鵝真係非常出名，好耐之前都已經食過好幾次！🤪今次再度一訪，深井其實都算方便，如果揸車泊車仲非常方便，只要消費就可以免費泊車😮入到去餐廳有以前懷舊嘅風味，餐廳應該沒有再裝修，所以有一種舊情懷。店員非常有禮，向我哋簡介有啲咩出名，當然燒鵝係必點😆我哋三個人所以叫咗下裝燒鵝，燒鵝皮好脆，而且一啖咬落去，面上皮嘅油脂咇曬出嚟，好食！😛燒鵝肉都夠林！有燒鵝香味！我哋叫咗黃立倉，黃立倉都幾大條，而且加埋麵豉醬蒸非常好食，呢個我都推介！另外我哋仲叫咗豆腐，豆腐份量好多，味道都唔錯！底下仲有啲菜墊底 😙我哋仲叫咗鮑片炒時蔬，呢度啲菜式全部份量都好多，其實真係好抵食！

母親大人講左好耐，話想去深井食燒鵝，但我就成日形住會交通唔方便，所以就一直拖拖拖，不過原來又唔算山卡拉wo。🚌交通我呢日係mk收工，搭52x 往屯門市中心方向，搭半個鐘左右，係「深井村」落車，行5分鐘就到左。🎈環境呢度環境唔係好奢華既大酒樓格局，但都幾乾淨明亮，幾有街坊小店既感覺。座位方面就有卡位，同中式圓枱。🎈Menu餐牌就係買小見小既大排擋style，彩色A5 size既menu，過膠，再用2個鐵圈圈起，係市區餐廳其實好小見到架啦，但就係呢d細節充斥住香港情懷。🍴🍴🍴🍴🍴✨馳名燒鵝 下庄（$165）下庄姐係脾位，呢個位油脂比上庄（胸位）多，燒完之後，其實油脂都溶化哂，唔會見到大大舊肥膏，而油脂既香味就滲哂去鵝肉入面。呢碟燒鵝賣相唔錯，色澤均勻，燒鵝皮燒得香脆，又有啖啖油香。鵝肉方面都好入味，我就中意再碌多幾下鵝汁先放入口。其實叫燒鵝一定唔小得瀨粉呢，燒鵝同瀨粉係天作之合，仲可以倒小小燒鵝汁落碗，撈落d粉一齊食。但好可惜，我地食唔落，冇叫到 ✨清蒸龍躉仔 ($208)另外仲叫左條魚，龍躉仔係我同屋企人每次落酒樓食飯都必叫既，中意佢多肉少骨，同埋係冇乜細骨。條魚既蒸煮時間剛好，肉質夠嫩

燒鵝下庄，好細碟，一百九十五元，味道不錯，一個人也可以KO , 豉汁炒蜆，蛽㨌好多肉少。蒜蓉粉絲蒸元貝，一碟$100，太細隻了，同埋豉油好鹹西蘭花帶子珊瑚蚌，炒得好香、但是落了酒味就不太喜歡

話說有朋來自遠方，難得黎香港當然要盡地主之誼帶朋友食好西，朋友說晚飯想食一些比較有風味地道的菜，我認真諗諗深井燒鴨都係一個唔錯既選擇，就帶朋友去陳記食。深井陳記燒鵝有兩間店，一間係商業中心總店，另一間就係附近，今次就選擇左商業中心呢間，室內有冷氣，我地被安排住到卡位都幾闊絡。黎得呢到當然必點最馳名既深井燒鵝，我地人不算多，所以就叫左一份例牌($145)，其實例牌都唔少，好多肉，唔怪得個個都話深井燒鵝皮脆肉嫩，食過先知係咩一回事，外皮真的燒到脆脆，又唔會有好打戈肥膏，再沾上酸酸甜甜既酸梅醬，零舍開胃。深鵝的拍檔瀨粉($12)當然又點少得，清清的上湯瀨粉一人一碗，瀨粉不碎容易夾，一啖燒鵝一啖瀨粉令朋友都大贊好味只係燒鵝瀨粉並不足夠，我地見有好味推介係蒜蓉粉絲蒸聖子皇($38@1隻)，叫左兩隻一人一隻，上枱時剛蒸好，蒜蓉味超香，粉絲又唔會話乾左，聖子都算大條！見好似差d惹味小菜，就黎多個椒鹽鮮魷($88)，鮮魷上的炸蒜好香口，略略覺得椒鹽可以最多少少會更加惹味，每條鮮魷不會太大條過韌。最黎都食飽飽，原來仲有糖水贈送，係久違的番薯糖水，甜甜的，好完滿的一餐。

「深井燒鵝」我細細個就聽得多喇，今次終於真正黎到係深井嘅陳記，試下「深井燒鵝」係未真係咁正!!我連續幾天假，今晚朋友有車，來深井走一下，有大卡位坐十分寬鬆。當然叫出名的燒鵝，我地叫左例牌下庄，另外叫了個蒜蓉粉絲蒸聖子皇。第一道餸梗係要點原隻燒鵝喇~當時好多客都點左燒鵝，要等下轉燒鵝出爐。望住佢推住啲燒鵝出黎真係好香好吸引，口水都流晒出黎~望左咁耐，終於上枱，果然仲係熱嘞嘞，食落啲皮好香脆，肉又唔會韌，但亦都唔覺油膩，不枉我地專程入到深井食燒鵝。加上燒鵝不可缺少既當然係瀨粉啦，咁食法夫復何求。除左燒鵝，我地另外都點左聖子皇，呢道都岩我地食既，因為聖子皇新鮮肥美味道堅鮮甜，用清蒸煮法加上粉絲真係無敵，比出面其他酒樓大排檔既水準高好多，估唔到深井都食得到咁有質素既海鮮。仲有上湯竹笙魚肚浸勝瓜，主角既魚肚非常多，而且質量高，食落夠爽之餘仲有魚鮮味道，師傅工夫好將勝瓜煮得剛剛好夠林，十分鮮甜，整體非常出色。

食燒鵝當然要去老字號， 去食老字號當然唔會嫌遠， 因為你知道佢哋水準永遠一流， 講緊嘅係位於深井的陳記燒鵝。陳記燒鵝總店位於靈光小學旁， 門口就是燒味外賣部，非常易認， 餐廳沒有華麗的裝修， 但食客都非常識貨， 在用餐時間內，人流如鯽， 而且每檯都會叫燒鵝，成間餐廳都有滿滿的燒鵝香， 離遠都已經聞到。金牌燒鵝黎得陳記當然要起碼叫番半隻燒鵝，老字號果然老字號，燒鵝上檯賣相靚，顏色均勻， 一睇就已經知係正嘢，豐腴的肉汁從指縫間流出，燒鵝外皮挺直， 鵝皮香脆肥瘦均勻， 只能用油香四捨去形容。 不得不提嘅係燒鵝髀， 如果淨係食賣下莊埋得貴梗係有原因， 因為隻燒鵝髀一睇就知 肥厚嫩滑， 肉味濃而皮又脆， 果然冇得彈。------另外酸梅醬甜酸適中， 梅肉清香， 與燒鵝肉係絕配。北菇鮑螺片鵝掌翼煲所謂一不離二， 食完鵝肉梗係要食埋鵝掌鵝翼 ，陳記用新鮮上等的鵝，用豉油把鵝掌炒香，帶出鮮味，鵝掌呈現亮啡色澤， 淨係買相已經好靚，掌身實淨爽口， 冬菇及鮑螺片將湯底的濃香 芡汁 吸收，爽口入味。而且用原個煲仔上桌，吃時暖粒粒保温的感覺。-----鴛鴦炒飯鴛鴦兩極一紅一白， 一邊是白汁蝦球、一邊是茄汁雞絲

今日老豆生日，當然要出去食餐好慶祝。我地就入左深井食燒鵝。嚟到陳記，我地就即刻點左燒鵝海鮮套餐，包括半隻燒鵝，蒸海石斑及羌葱炒蟹。 另外再加椒絲腐乳通菜，海鮮冬瓜盅同一碟瑤柱蛋白炒飯。上菜速度很快，坐工一陣就有冬瓜盅同燒鵝。冬瓜盅，足料！有瑤柱、金華火腿、𧎚干、冬菇、蓮子、瘦肉粒和魚粒等，清甜可口。至於燒鵝，肉質幼嫩，皮香脆口，半隻4個人食啱啱好，不會太油膩。再嚟一味羌葱炒蟹，火喉十足美味。另外蒸石斑亦有一手，蒸得恰當好處，好有鮮味。加上幼嫩的通菜和香口乾炒的瑤柱蛋白炒飯。 食到好飽，不過係大滿足啊！老豆都話食得好happy!!!最後，呢到啲侍應招呼很好，值得一讚！

近來朋友成日在Facebook刊登去深井吃喝玩樂食燒鵝的相，令我產生去深井食燒鵝的念頭，難得這個週日無特別事情做，就一於同老公去大吃一番。深井陳記燒鵝酒家有好多間店舖，我今晚就去了深井陳記商業中心總店食，附近還有另一間分店。這裏雖然在深井，但是也算方便，從旺角乘巴士前往，都不用半小時。店舖設計都是一般酒樓格局，地方光猛明亮，好彩今晚六點前就去到，原來越夜越多人，唔係的話就可能要等位。餐點選擇好多，而且價錢相宜。馳名深井陳記燒鵝當然是必點，毫不猶豫點了下庄有鵝脾的部分，燒鵝上枱形態好漂亮，食落皮脆內嫩，帶有適量的皮下脂肪，肉質爽而滑，入口肉質味道鮮美，油而不膩，沾一點秘製的酸梅醬，實在明白點解燒鵝要在深井陳記食。食燒鵝當然不少得叫碗上湯瀨粉，新鮮嘅鵝油滴落瀨粉度，沒有浪費鵝油之餘，令瀨粉味道更加昇華。瀨粉爽滑之餘，用筷子可以整條夾起，不會一夾就斷。最近好少飲老火湯，所以叫了一煲木瓜雪耳豬𦟌煲雞腳老火湯滋潤一下。老火湯份量好豐富，足足有六大碗湯再加湯料。老火湯真的好足料，有煲得好淋的雞腳、有令煲湯變得好味之餘亦好入味的木瓜、有煲到出晒味的豬𦟌骨。真的如餐牌所講，好過自己煲。去到傳統酒樓不能

講到吃燒鵝，人人都立即聯想到深井，很多食客都不嫌路途遙遠，就是為了吃一碟新鮮出爐、皮脆肉嫩的燒鵝。來到深井，一眼就看到大大隻燒鵝標誌的深井陳記燒鵝總店，但原來一街之隔還有另一家分店。總店的格局比較傳統，家庭客或商務應酬比較適合；分店則設有室內和室外兩部份，格局比較輕鬆，十分適合大顆朋友暢聚。坐在室外一邊吃燒鵝、一邊喝啤酒，又是另一番風味。-燒鵝（$145/例牌)👍👍👍👍👍只能用四個字去形容，就是「皮脆肉嫩」。燒鵝的外皮又薄又脆，帶有薄薄的皮脂，一口咬下去，先是鵝皮的脆和油香，然後是嫩滑多汁的鵝肉，加上酸酸甜甜的酸梅醬，多重味道和口感交織在口內，未吃完這碟已馬上encore 多一碟。-豉油皇鵝腸（$98）👍👍👍👍👍豉油皇鵝腸下面舖了一層芽菜，鵝腸上面放了薑絲、芫茜和紅椒絲。鵝腸入囗爽脆，可以吃得出師傅在火喉和時間拿揑得宜，吃的時候把芽菜、薑絲、芫茜一起吃，令味道更添層次。-蜆介鯪魚球（$68）👍👍👍👍鯪魚球炸至粒粒金黃色，魚肉彈牙鮮甜，跟蜆介一起吃，鹹香的味道為鲮魚球味道提鮮。當然不點蜆介醬也可以，那麼就可以吃到鯪魚球的原汁原味。-啫啫通菜煲（$58）👍👍👍👍啫啫通菜用了瓦煲盛載，上到枱

深井陳記成日聽到佢既大名@@燒鵝+切雞+叉燒，燒鵝外皮燒得酥脆油脂感豐富，啖啖肉，十分香口，鵝既香味就略為少左唔夠濃，但都有90分鵝的肉質算幾嫩另外，叉燒絕對係無法取代的港式美味，好淋好好味與招牌的燒鵝比較起來絕不遜息，推薦這叉燒蒜茸炒白菜🥬，清清地既清熱之選鼓汁蒸倉魚，鼓汁蒸倉魚時間控制得好好，即叫即蒸，魚肉夠晒滑，有鮮味蒜蓉粉絲蒸魷魚🦑，一級棒超入味魷魚，粉絲充滿濃濃蒜香味深井陳記燒鵝酒家總店確係別有風味，不錯👍🏻，推薦大家去試一試