深仔記

營業中

休息中

超級難食，住了元朗幾年，區內食店基本都試左9成，因為有好到底的原因，少試其他雲吞面店，今日經過深仔記因未食過而且見係老字號所以就有想一試，但一試之下質素比以前10蚊一碗的面鋪更差29蚊一碗吞面在元朗區是中上價格但質素就係下下綜合劣評理由如下1.雲吞多肥肉2.簡水味重3.面冇口感4.湯底味精味重難怪好到底長時間都滿座，而呢間鋪頭人流唔過10人。試過一次同一價錢我相信不會再有下次5.湯底油份好重沒有下一次

深仔記曾被香港某報章選為全港十佳雲吞麵店之一。光顧總店及分店多次，得出一個結論: 水準飄忽。生麵一貫爽脆，但吃過梘味過重的失敗之作。湯以蝦殼熬製，水準正常時鮮味十足，但有些時候味道會過淡。雲吞蝦肉比例七三，蝦肉爽甜，充滿着大地魚的甘香，可惜亦是水準不穩，不止一次在總店及元朗店吃過零大地魚味的雲吞。下圖為最近在元朗店吃的一碗雲吞麵，麵、湯都好，就是雲吞強差人意，大地魚味道太輕，相信是大地魚粉投放太少。

Old school styled wonton noodle soup. Soup tastes very sweet and has enough chives to bring out its flavours. The noodles are just right! Not too soft but very bouncy. Portion wise would have liked more but I guess they expect you to order other things in the side for a more fulfilling lunch. Just the noodle itself was enough perhaps as a afternoon tea snack. The wonton filling was prawns and pork. Each wonton was full of filling and the skin was very thin. Perfect !

深夜凍冰冰真係會令人肚餓，個人覺得深仔記真係一個唔錯嘅選擇，因餐牌上有好多唔同嘢揀之餘，最重要係開到零晨三點，所以夜媽媽都有嘢食。今晚唔只凍仲要落雨，咁我都係快啲叫外賣返屋企食，因就算喺餐廳室內都有點寒意。一入到去就決定叫個牛腩伊走青，員工好有禮貌咁幫我Take Order同叫我坐底等等，大概等5分鐘個伊麵即做好。返到屋企一開兩碗嘢，個湯依然熱到辣手，倒番啲湯落個伊麵浸1分鐘先食。個伊麵非常爽口，牛腩好淋好入味，原來有兩舊牛筋添，咬落煙靭也入味。$36食一碗頗為出色嘅牛腩伊，深仔記一定係一個好選擇~

返到元朗已經十點幾, 唔想食太大份的晚餐, 記得又新街新B仔附近有家賣雲吞麵的, 就膽粗粗走入去試下 (平時好少食雲吞麵的).原來店面叫做深仔記, 店面唔算大, 還好個時得幾個客人, 入到去係任坐的.叫了一碗雲吞麵, (油菜只剩下菜心, 沒有要).店員細心的提議如果肚餓, 可以叫一個牛腩麵+一個淨雲吞, 就可以一次過試齊兩款美食.但我最終都只係要了一個雲吞麵.只係等了兩三分鐘就有得食了, 細細的一碗, 真係細蓉.幼麵有點偏硬 (放多一分鐘之後就好好食),雲吞細細粒但好好食, 90%都係蝦, 爽口彈牙, 還有少少豬肉同大地魚末個麵放多一陣又滑又爽, 好食.湯底都好正, 唯一欠缺的係少了幾條韮王總體來講, 呢碗雲吞麵比起元朗老字號的好快到底, 好食好多. 值得推介.

去過幾次這家深仔記，雲吞麵及豬手是真的不錯。但是撈麵，牛柏葉或者鵝腸撈麵都沒有什麼味道，鵝腸沒有應有的爽脆或肥美，黑色牛柏葉很難吃，希望以後改善。汽水有細支裝可樂，忌廉，及芬達，童年回憶。

年初三晚跟最老友的同事收工後食開年宵夜~~~我地只是隨意選舉少人去的店坐下來，呢間麵店給我感覺裝潢不錯，但每次經過感覺裡面唔算多人~~~今次我地點咗牛腩麵和雲吞麵，牛腩麵不錯，而且仲有d牛筋~~~雲吞好多粒，幾好食~~~呢度的汽水用玻璃樽裝，不過因為新年關係，所以要加二埋單😅😅😅

"細蓉" 是小弟最愛的童年美食印象中：雲吞麵：記憶中鴨蛋香，麵色澤帶鮮黃，細如絲卷如蛹湯嘛：色澤啡黃，滿载大地魚烤焦香炭火香，蝦殼蝦油香，加少許雲腿骨提味，白胡椒釣味，無以尚之。雲吞嘛：鮮蝦5份配1份半肥瘦手切肉，抄手一包一壓一摺，狀似大尾金魚。汁鲜蝦爽甜，魚尾如絲絹裙擺，在嘴中滑動。每粒雲吞是一口份量，有5粒在湯碗底，薤王絲加持增香，上放湯匙，匙上盛著淥得剛好，並灑上數滴豬油，咬得將斷時仍彈牙的細麵。上桌前滄入濃香熱湯奉客。-----------------------------呷一口湯，已經心曠神怡。

昨日試畢油麻地深仔，感覺有些陌生，質素跟已往有所差落。心有不忿，由於對深仔尚存盼望，希望籍今天再次光顧，為深仔平反一下，主觀願望深仔只是偶有失手，並非真正品質退步。點了雲呑麵HK$27、油菜HK$及黑豆漿HK$今天主要目的，是希望嚐到已往質素良佳的深仔記，以下是我對今天主角雲呑麵的評價:賣相，跟油麻地一樣的偏離正統，雲呑在面，面在底。湯-蝦殼湯的鮮，但感受不到大地魚的焦香，較油麻地店的品濃，帶較強的豬油香氣，整體湯的味道畧嫌單調，喝完整碗湯後頗口渴，故只能列作中品。雲呑-蝦仁爽口，蝦及豬肉比例為七三，正常。雖欠大地魚味，但爽口鮮味，中上品也！麵-跟油麻地店應同出一家麵廠，麵質不差，有蛋味，但硯水味略重，這是一碗上品雲呑麵不能存在的瑕疵！除雲呑麵外，點了油菜及黑豆漿，油菜口感正常，灼得軟硬適中。黑豆漿貨源一般，沒豆香，勝在低糖。結論： 試過兩間深仔記後，引証了深仔記的雲呑麵真的退歩了。感覺猶如一所武林顯赫門第，落入庸碌掌門之手，變得平平無奇。

老舖搬到入黎元朗，懷舊裝修但相對起又新街一堆麵舖，呢間就價錢略貴的。招牌有雲吞，撈麵，牛腩叫左碗魚蛋牛腩撈($48)ps 新春加了2蚊先上湯，很清香唔算太咸再上麵，牛腩份量足，有牛筋。先講牛腩好入味，牛筋入口即溶魚蛋係傳統手打魚蛋，超爽口彈牙，無骨刺麵則帶鹼水味，但硬度適中現場有位熟客話價錢係貴左d但真係用心制作，抵食得貴少少。而我就鐘意魚蛋個種口感。另外有豬手同黑栢葉，可以下次試下

行過深仔記好多次都無入過去食, 記起有次有個朋友話食過油麻地店既雲吞、水餃幾好食, 今日終於行入去試吓。  既然朋友話雲吞水餃好食, 我就叫咗個水餃雲吞撈麵, 一次過試齊2款, 再加個白灼菜心走油。 個撈麵送到黎睇啲麵蓋住咗啲水餃同雲吞, 唔知係咪咁先至算係正宗做法呢。我撥開啲麵睇吓, 有3隻水餃、4隻雲吞, 個湯底幾好味, 雲吞水餃亦唔錯, 個麵有少少鹼水味, 但唔算好重, 麵既質感亦唔錯。 見到有個下午茶餐牌, 星期一至五下午2點至6點包可口可樂同埋可以$10一碟油菜。佢哋仲有生料賣, 水餃一打$48, 雲吞一打$36, 牛丸一打$36, 仲有一樣生料唔記得係乜, 下次打邊爐買啲食吓先。

呢間麵店…其實之前係mk幫襯過…係老誌號黎…次次都滿座要等位…今日行經呢頭無意中發現開左間分店…見無咩人幫襯…就拿拿林入去啦…入面只得十張枱左右…店員好貼心…見我拎住幾袋野…好自動咁幫我拉埋兩張櫈比我放野…呢間分店既餐牌無總店咁多野食…只係主打麵同少少小食…不過唔緊要啦…好食就得…豬手有好多舊…幾好肉…好唸好入味…湯底肉味濃…但油左d...不過食得豬手都預左…骨膠原有助養顏麻…牛腩亦唔少…夠唸…亦係啖啖肉…湯底稍濃…可比“美”元朗出名果兩間牛腩店…例牌油菜…無咩特別…雖然麵店款式唔多…但勝在簡簡單單…

大概兩個月前的夜晚有點餓，和男友去家樓下新開業的深仔記醫肚。屋企樓下不乏食店，來這裡，是貪它新開業，夠乾淨光猛。希望這個質素可以KEEP住啦！裝修也挺有心思的，模仿舊式冰室，雞皮石地板，圓桌圓凳。臺面調味架齊全又整潔，值得一讚！鳳城水餃米$25，大大碗，三隻大水餃，大大隻蝦，木耳絲很爽口。湯底似乎亦沒很多味精，吃罷不覺口渴。其實我並不喜歡把食物咬開拍照，總是覺得很嘔心，不過為了給大家看看蝦有多大隻，破例一次～ XD招牌雲吞河$25，雲吞五打隻，亦是啖啖爽口彈牙的蝦肉，非常滿足！全日同價，不收加一。實在是醫肚之選！不講不知，原來深仔記扎根於油麻地於1983年！有我咁大！勵害勵害！多多幫襯小店。大蝦雲吞一試難忘口感，路過必定再來！