深仔記

營業中

休息中

常常都幫襯呢間雲吞麵店，因為佢嘅雲吞事實上好新鮮好爽口，唔單止啲蝦新鮮，亦無肥豬肉。有時候打邊爐都會叫一打生雲吞。呢幾日成日落雨天氣比較涼，想食熱嘢，所以叫咗一碗淨雲吞（$37），另外叫咗一個麻辣鵝腸（$35）。雲吞繼續保持高質素，有韮王和大地魚粉整嘅湯👍🏻第一次叫鵝腸，其實佢有小份和大份的豉油皇鵝腸，不過我都只係想嗌一份細嘅試吓，麻辣鵝腸就最抵食。鵝腸爽口，不過麻辣味就比較流於表面，可能豉油皇會襯啲。

客人一邊吃飯🍽️！ 一邊在噴大量殺蟲水！ 不知所謂！ 即刻聞到唔舒服！當時其實只有一兩台客！點了一份薑蔥鮮牛肉撈麵，想叫黑框眼鏡老闆給多一點薑蔥，他立即黑面，但最後都有給我！我心想薑蔥值多少錢，至於這樣嗎？ 現在經濟環境不理想，還用這樣的待客之道，被市場淘汰指日可待！如果老闆冇心做好服務業，其實可以選擇不要做！深仔記不知道是否加盟店，恃着自己是名牌，所以無需要做好服務！湯頭冇以前好味！多謝收看，反正冇下次！

食過兩次都覺得食物唔錯抵食，中午姐姐服務親切友善，夜晚7點零鐘諗唔到食咩，所以就去食，結果食到一肚氣。。。。入去睇緊餐牌，一位短頭髮女店員眼甘甘望住我地，已經趕命問食咩，落完單好快上菜，自問食野都算快，食左大概10分鐘後，同行朋友行出去埋單先，我拎埋個袋收好啲物品，短髮女店員已經即刻過嚟抹枱，感覺好似阻住佢咁，完全唔知佢急咩野。。。。。又唔係阻住佢收鋪，又唔係有其他客人等緊，唔會再有下次幫親！！！

1. 湯個人覺得冇咩大地魚的味道2. 麵可以，爽，軟硬度適中3.雲吞一口size, 冇魚尾，蝦肉有少咬口唔梅，但味道一般。總結：不少地方都做到e個水準，行開想食雲吞麵的話ok的。 特別去食就不了。

👂聽聞深仔記的雲吞麵不錯，今日就特意光顧。當時是下午茶時段，經資深大姐姐的介紹和了解，叫了一碗雲吞麵$32，飲可樂加$3🔰整碗雲吞麵都是高分的👍🏼，有驚喜👏🏼🔰雲吞裏的蝦是爽口的🔰雲吞size適中，且有傳統的雲吞尾，一啖一隻，剛好放進口裏🔰麵條彈牙好吃，很久沒吃過彈牙的麵了，大部份麵店或某連鎖店的麵，都不是彈牙的 。湯底也不錯，清香📌小店有室內外坐位，我當然選坐室內，而座位和枱的衛生較一般，或許是傳統舊舖的模式

呢個深仔記食過好幾次架喇, 但另一半就未食過, 今日諗住Lunch簡簡單單食個麵就黎左呢到, 見到有個新推出既麻辣麵就二話不話叫左喇😁1/ 水餃撈麵 $45水餃外皮薄而且滑, 而內裡包住新鮮蝦, 爽口鮮甜😋但另一半就唔中意個鹼水麵, 鹼水味太重頂唔住😅成個麵比埋我, 我放左入麻辣湯後認為一樣咁好食😂2/ 麻辣水餃牛肚撈麵 $51水餃同另一個麵一樣, 牛肚嫩而且彈牙, 我叫左小辣但對我黎講已經好辣😅但就好惹味😋😋就因為另一半唔食佢個麵, 所以我自己食左兩碗😂Total 2人： $96其實平日黎食多數下午茶或宵夜時間, 價錢會平好多😬

宵夜時段肚餓於是去咗深仔記🌟估唔到意外地唔錯我嗌左個雲吞河，男朋友嗌左個牛腩炸醬撈河其湯底有好香大地魚味，仲有淡淡嘅蝦籽味，鮮甜帶有回甘😋食得出冇落味精，成碗湯飲曬雲吞方面，每粒雲吞都有一隻蝦，蝦同肉比例好好，唔會太大粒，雲吞皮夠薄身唔錯牛腩：肥瘦均勻入味唯獨服務態度可以再改善地址－深仔記 (元朗)元朗建業街88號仁義大廈地下A舖人均價格－$50以下

入開元朗工作，路過深仔記，諗住食返碗雲吞麵，點知好有驚喜。仲有茶餐時間，我叫左雲吞麵加青瓜海蜇加多個可樂先43蚊。首先係湯底，食得出本身無加味精，有大地魚既香味之餘仲有淡淡既蝦子味，鮮甜得來有點回甘，我食完麵個湯都一滴無剩，正。到麵底，幼麵彈牙軟硬適中，都沒有很濃的鹼水味。外面好多地方一係太硬一係太林，都好耐無遇過彈牙的麵底了。主角雲吞方面，每粒雲吞都有一隻蝦，蝦同肉比例好好，唔會太大粒，雲吞皮夠薄身，但鳳尾仍保持到。另外青瓜海蜇我食得太急無影到相，正常青瓜海蜇，但先10蚊，唔需要太多考慮吧！總括來講，元朗深仔記確係有好大驚喜，值得再食既雲吞麵。

剛經過附近, 又好肚餓！就入左嚟呢間深仔記食野！大概12點去到，唔係好多人喎！一個人仲可以坐卡位！好快有阿姐行埋黎問我食咩？咁就唔該，一碗細蓉 ！麵是傳統地放上面！有5粒雲吞藏在湯底？！雲吞皮薄、晶瑩通透但頗細細粒的~餡只是蝦，沒有豬肉！吃下去爽口彈牙！剛好一口一個~剛好吃過雲吞再呷啖湯！湯底清甜咸鮮味適中！鮮嫩的韭黄亦為上湯錦上添花！再吃口麵，麵質有少少煙靱既感覺~最重要沒討厭的鹼水味！為了均衡飲食，吃雲吞麵配碟芥蘭合適不過！青綠爽脆！連菜葉都咁鮮綠~沾上那不濁的蠔油？味道更特別！食到索索聲~

今日心血來潮想去深仔記食雲吞麵😊，它有分室內與室外座位，中午來到店內剛好有二人位雅座，做完消毒雙手及探熱測試便二話不說馬上坐下。熱情的侍應姐姐立即幫忙擺好位，並遞上兩杯🍵她詢問我們有沒有興趣食羊肉，原來此店有售賣羊腩煲😛，真的沒想過雲呑麵店會有㖿，😀她還推薦最抵食的選擇👌🏻🔸淨枝竹羊腩（小）$65這是例牌size，羊腩份量都不少、而且炆得夠軟腍又入味😋若是墊底的枝竹能軟一點就更好👏🏻👏🏻但熱度就差了點、未夠熱😅這價錢算便宜👍🏻🔸蠔汁北🍄湯麵$36大大隻冬菇蓋滿了整碗麵，幾乎見不到個麵底，冬菇厚身但是炆得非常腍，好有口感😆🔸淨麵原本想食雲吞麵的，但因叫了羊腩所以叫個淨麵夠了！

經親友推介的麵檔，令我急不及待找個機會去試一下。剛剛好碰着下午茶時間可以以優惠價要食下午茶套餐。店裏員工比較親切友善，先來一杯暖水然後再量體溫。下午茶可選擇主食，小食及飲品這個餐最貴都是$44而我今天選擇的是，蠔汁北菇面+青瓜海蜇+香片中國茶。蠔汁北菇面-本身我喜愛的面質是比較硬身，而且冬菇亦比較多湯亦好好飲。成碗都好好味爽口彈牙。青瓜海蜇-足料份量十足，青瓜大大條，而且海蜇唔劊太咸 香片中國茶-最後我唔想飲凍野所以可以選擇中國萘。如果飲豆漿或者汽水只要加$3就可以

好味道嘅雲吞麵已經買少見少，俾我發現到一間叫深仔記雲吞麵店，入去試吓囉🤔。間間餐廳都係做緊嘅嘢，探熱呀、消毒劑啊、等等齊備🤷🏻‍♀️。我相信全間店最特別係啲服務員😂😂，佢哋嘅熱情款待，精心介紹，等我可以食到馳名嘅雲吞麵，麵質超爽👍，雖然湯底冇濃烈嘅蝦子味，但肯定冇味精😙。另外order 左一碟青瓜海蜇絲，青瓜係酸酸甜甜+爽脆，超大碟。好食加抵食🎉🥰。

深仔記，據我所知仲有其他分店，開到凌晨三點。元朗店我食過幾次，雲吞麵係唔錯，細細碗，但食得下。就黎六點去到，阿姐話仲有下午茶，見平啲我就叫左雲吞麵+皮蛋+可樂埋單$43麵喺面，雲吞喺底，正宗傳統雲吞麵係細碗的，淡湯夠清，唔口渴麵鹼水味少有五粒雲吞，一啖一粒係雲吞應有的，出面大大粒嗰啲唔多正宗雖然細粒，但蝦大大隻，鮮味，皮薄，有水準的雲吞呢間雲吞麵係最出名，圖中的子薑皮蛋就唔多掂，皮蛋黃全熟，啲子薑又水汪汪，過酸正常可樂總結呢就食雲吞麵最穩陣

前幾日 咁岩食下午茶。突然間想食粉麵個d，咪搵間試下，就黎左深仔記。叫左雲吞河一碗再加一罐可樂，再加海哲同青瓜，都係四十鬆。質素唔錯，雲吞真的可以再試，下次再黎會產下其他新野。

呢幾日都病都矒下矒下，又冇乜胃口。尋日晏晝唔係好想食嘢，就求其搵間魚蛋麵食。人人都話元朗多嘢食，但我附近要搵間有啲水準嘅粉麵都相當困難，因個麵要冇、或者係少鹼水味係一個好大難度。我係好憎鹼水味，有鹼水味就只能落醋去中和。由於鹼水能增耐麵嘅保存期限，因此越少鹼水就代表個麵越新鮮。估唔到咁好彩俾我食到呢間，個麵係一滴鹼水味都冇。魚蛋夠彈牙，雖然冇筲箕灣嗰間咁出色，但已經相當好。正宗size（即只係傳統大小、一定唔會飽嗰隻），對我嚟講剛剛好。不過就唔係完美，至少佢個湯底唔夠層次，雖然佢強調用金華火腿大地魚，我係少少都飲唔出，浪費。成間舖嘅客好少，喺嗰一區好輸蝕。或者佢定位配對唔到嗰區嘅客，就正如我食完後路過再早之前幫襯嘅粉麵店，勁多人，要比嘅話係我剛剛食完嗰間高班啲。可惜魚蛋麵始終係平民嘢，唔係俾得起錢嘅區都唔可以高尚得去邊。