深仔記

營業中

休息中

收工同老婆走去撐枱腳，話說將軍澳中心愈開愈多食店,都未試得晒,慢慢行入去睇下有咩選擇啦。今次唔想食得咁heavy,行到差唔多最入,見到呢間深仔記,好,就試下啦講講環境,開放式,坐位都唔算窄,。6點幾人入到去都唔係好多人,幾多吉位我就點左鮮蝦雲吞撈麵 2.5/5老老實實都幾失望,雲吞尚可,叫唔難食個湯就好淡,一d鮮味都冇,咁我以為撈麵個湯可能唔同d啦,我就試左老婆碗雲吞麵個湯,點知一樣係咁淡,麵就煮過左少少,有個優點就係蠔油唔會太咸,就咁撈都ok如果要選擇,果間連鎖快餐個雲吞麵可能仲好食

平日9點有宵夜餐，不是十分扺吃，只是比正價平3元及多－杯茶咁！今晚選了雲吞麵，麵質不夠彈牙似吃米粉咁質地，湯底ok夠甜，有5粒雲吞數量算多但吃落冇乜味！可取是不用加－！

今日行咗去將軍澳中心食咗間深仔記 食咗碗雲吞麵同埋牛筋腩麵一搵36一碗38蚊一睇落去有啲貴但係食落係我近嚟食過最好食嘅麵底 個辣椒油好香佢星期一至五 有下午茶餐好抵 30蚊有碗麵加小食再配飲品 將會再去食

下午兩點半，多間食店也有下午茶，在此店門外看到大大張海報有下午茶，＂𥅈下眼＂見$30好似好抵，就坐下。但坐下認真睇睇，先知道$30包一碗麵及一杯茶，小食須另加$10，茶以外的飲品也須要加＄。本着$10不是太貴就點了這個皮蛋子薑小食，皮蛋沒有特別，子薑十分辣，元x壽司免費子薑更勝一籌更好味，下次不會點了。我自己點了這個炸醬撈麵，來的時候見到size比較細，和那碗湯的份量大不了多少，炸醬味都可以，只是面的鹼水味十分重，整體而言屬於中下。另外頂了這個鳳爪麵，鳳凰爪味道不過不失，但是住的時間不夠十分硬，浪費了食物，整體也是屬於中下。唯一驚喜的是，加＄3有一枝大大的豆漿，味道很不錯！因為之前沒有看食評，後來才知道這裏的麵是很重鹼水味，我會比多一次機會這裏，試試他們的河粉，因為見比較多人是吃雲吞河之類。

上一次去觀塘幫襯「深仔記」，已經知道將會在將軍澳開分店，原來位置就在裝修超過兩年、最近終於開業的其餘半個將軍澳中心內，今晚就揀在「深仔記」開飯。商場內的茶餐廳採用了開放式設計，最大設計特色就是一幅以木條製作的屏風，利用木條上的凹凸坑紋模擬了大大個「麵」字，算是在平凡的裝修中有點小心思。餐牌簡單，只有一頁；全部都是港式廣東雲吞、牛腩粉麵米，但又多了鵝腸、黑柏葉、金錢肚、雞腳等等多款非傳統配料；另外亦有幾款菜飯及小食可供選擇。因為廚房太細，又是半開放式設計，所以不似「深仔記」觀塘分店，這裏完全沒有任何中式炒粉麵飯及廣東鑊氣小炒，是一間茶餐廳裝修風格的港式廣東粉麵小店 ⋯⋯ 沒有了傳統粉麵店的裝修特色，尤其是靠近門口的淥麵廚房，總覺得有點怪怪的。黑柏葉拼肥鵝腸河粉（$53）的湯底淡而無味，河粉又厚又嚡口。配料分量夠多。黑柏葉一向沒有味道，只是取其爽口兼脆身質感，這一點做到了；加上一小碗辣椒豉油，用來蘸牛柏葉最適合不過！鵝腸就令人失望，既完全沒有鵝脂肥膏、甚至一點鵝味都沒有 ⋯⋯ 應該說一丁點任何味道都沒有，只是還保留了少少鵝腸應有的軟身帶爽口質感，但仍然是完全唔好食。柱侯牛腩拼雲吞撈麵（$5

之前食過下午茶， 雲吞麵及炸醬撈麵， 都唔覺有咁重嘅鹼水味， 今日去試晚餐， 叫咗個豬手撈麵 及腐乳通菜， 個撈麵啲鹼水味超重， 返到屋企要瘋狂飲水， 連湯都未飲完已經畀人收咗食碗，以 $48既撈麵畀啲咁嘅嘢人食，下次可不用幫襯了！

真係好垃圾！！1455坐低落單，叫下午茶，阿姐話紅色的我：乜野紅色的沒有？阿姐：今日無呀，色的我：係咪今日星期六無下午茶？阿姐：係呀，的我：姐係點呀？午餐都無？菜單的午市套餐係用緊紅色字阿姐：呀我：甘要個雞翼菜飯同一杯普洱茶阿姐：我地尼啲茶，用手指菜單下右下角701至710果堆我：妳講廣東話得唔得呀！我淨係要一杯普洱茶，6蚊果個呀！得唔得呀！阿姐：最後我落左個炸雞翼菜飯，一杯茶，一個油菜，一分鐘都無有另一個staff拎住張單話小姐岩岩無曬菜飯轉白飯得唔得，我轉左。期間我抽起茶包唔該另一個staff幫我倒減啲茶再加熱水落杯，佢就只係幫我加熱水到勁滿，話甘樣就得，倒左會好淡，我真係超嬲！剛剛食完碟菜，我將果杯滿茶倒落碟，倒淨少少叫佢加熱水Staff：下，好淡喎我已經唔應佢，佢加完水返尼再重複2次，你甘樣杯茶真係會好淡喎，我真係忍唔住爆佢！杯茶係我飲，淡唔淡係我嘅事，關妳乜野事呀！然後阿姐再回我，唔使甘惡喎，我好心姐尼間舖頭啲職員真係好有問題！食物普通不在話下，連啲staff連普通都不如！以後都唔會再食！除左主任無一個職員有名牌！如果有電話我真係想打去投訴！[ ]框內係用普通話

屋企商場開咗好多新食店，其中一間深仔記已經好多食評話好食㗎，梗係第一時間去食啦。睇個賣相已經知道都唔會太差喇水餃好大隻呀！雖然得三隻，但係水餃嘅料係好多，真係好好味， 麵嘅份量比其他店係少嘅，但麵質好彈牙， 唔會太冧， 即刻就諗起兒時食過好多間雲吞麵舖嗰啲味道呀。雲吞都好好食，亦都係好大粒，啲蝦又係好大隻好彈牙，食落好有口感。炸醬撈麵同樣好好味，炸醬醬汁酸酸辣辣好開胃， 肉碎 一啲都冇豬肉騷味，好新鮮。 不過個人唔食得辣，所以覺得辣咗啲。未曾試過連續兩日都要想食同一間店，呢一間算係我近期至愛啦!

喜歡試新野當然一開張第一時間就走去試吓啦！呢間餐廳主要都係以碟頭嘅套餐為主，快食一個午餐係唔錯嘅選擇. 叫左個南乳豬手菜飯（套）- 我就覺得比附近嘅譽居差一點點，個菜飯無咩特別柱候牛腩菜飯（套）- 味道不錯，牛腩肥瘦分佈就差D，唔夠「林」套餐包一支豆漿-幾好，飲唔晒可以拎走 （因為食完個飯已經好飽）套餐加咗$6有青瓜海蜇（呢個反而抵讚，青瓜味道好好，海蜇有點辣但好味）由於新舖開張好多野還未到位，還有進步的空間呢

昨晚找食店吃飯,星期五晚,人特別多,不易找位置,見深仔記開得特別晚還有宵夜時段,所以試下。一貫新舖特色, 亂,地方不大但樓面厨房常現混亂,好彩厨房老師父沉着氣(可能是開方式厨房)没大大聲發火。楼面姑娘也盡力了。食物方面不過不失,宵夜選擇小,分量合理,味道一般只屬合格,價錢跟分量成正比,這點值得一讚,不過還有很多改善空間。加油

同朋友一齊叫左個宵夜餐套餐價 $33 有湯麵配中國茶 另加 $10配小菜 轉配豆漿/汽水 $3我朋友揀左炸醬麵+青瓜海蜇+豆漿 ($33+10+$3=$46)炸醬麵味道不錯 海蜇偏辣 份量少青瓜三小片 尚算新鮮豆漿支裝 本地製造 有豆味我就叫左魚蛋麵+腩汁蘿蔔+豆漿 ($33+$10+$3=$46)魚蛋爽滑彈牙 有口感 共5粒 湯麵也做得不錯腩汁蘿蔔夠林 易入口 份量尚可對於少食量的人 如此配搭尚可吃飽但如果你係大胃王 就真係建議食一粥麵大宵夜裝修有香港懷舊味道 但餐台並未清潔台面留下不少上一手的麵條 油蹟服務一般 人手唔算太多臨收錢既時候 收銀告知我總共要收 $96單據上所列如下（夜）炸醬麵 $33（夜）魚蛋麵 $33追加小菜（青瓜海蜇/腩汁蘿蔔）$30以正價計算 一碟小菜收費為 $30, 豆漿為 $12如果正如收據上所列 追加小菜應為 $30 x2 =$60並列明由中國茶轉豆漿的轉配費用 $3 x2=$6但明顯地 此商店並不老實 耍小手段濫收費用利用不明顯的銀碼差別 欺騙消費者對食肆的信任最後經追問 才退回差額的 $4 本人對如此營商手段感到不滿唔老實既商家，幾好食都唔會再有第二次