淳味

營業中

休息中

尋晚經過諗住就去試下雞柳石鍋烏冬，啲雞柳唔知係生定係變壞左，一食落去就知道邊壞左覺得好酸，跟住就即刻叫個員工過嚟處理呢單野，然後佢就急急腳收左碗野就咩都冇講點樣處理，態度仲要非常惡劣，一句道歉都沒有，跟住連我嘅朋友嗰碗牛肉石鍋烏冬佢都已經唔想再食，因為對呢間野已經冇左信心，跟住同個員工講諗住索性兩碗都取消，跟住佢仲好惡咁講"你依家係咪想連呢碗都唔想比錢啊？"，最後兩碗都冇比到錢就走左去食第二間野。

年尾行完花墟買花🌻🌺🌹，行過太子有間食日本野，有石鍋烏冬，咖哩飯，年糕和炸雞球等等正餐小吃，有2樣野要讚下1️⃣服務態度良好，入座後侍應見到我同屋企人拎住幾紮花，主動提供一個小膠桶比我地放好。其他有拎住花的客人亦有主動提供膠桶，甚至代為保存花束，員工服務的態度值得讚許2️⃣石鍋烏冬非常有熱力，差唔多食哂仲噴緊煙，而且湯底好味濃郁烏外上菜時更會提示客人小心鍋邊，小心燙傷及滾燙，因為的確好熱🔥🔥

記得之前第一次入呢個地方食嘢食物味道有驚喜價錢又合理幾日前再去 相隔左一斷時間 發現餐牌改動很大 不知是否轉手了？之前覺得很好吃的撈烏冬配靚牛肉、生姜燒豚肉飯都冇左不過坐低咗 都要試吓～叫左叉燒石鍋烏冬 同埋鹽燒西冷便當小食叫吉列生蠔同埋胡麻雞肉沙律先講沙律 餐牌又寫人氣 麻醬就一定冇死㗎啦啲雞肉呢拿度好淋既 加啲沙律菜咁跟住炸生蠔個皮又厚又冇內涵（蠔比較細隻）便當個牛肉都係拿到好離譜 好似唔知食緊咩肉咁 又冇牛肉味 個汁仲要打芡打到結撻撻便當裏面個鯖魚乾到真係… 玉子非常甜 不過呢個純屬個人口味啦反而石鍋烏冬我覺得可以 烏冬煙靭熱辣辣 天氣涼兩地食幾好 叉燒偏肥偏中式但食落都OK 有油香 豬骨湯都夠味 不錯的 總括而言 我好掛住之前個菜牌啲嘢食/？轉手前嘅味道呀 雖然我都唔肯定佢係咪真係轉手定點😮

入去發現有一人自閉位好開心即刻去坐，如果隔離無人都還好，如果隔離有人就好似少少逼咁。原本叫左豬腩片石鍋烏冬，點知黎左豬軟骨，諗住照食算就無叫換了。石鍋烏冬上枱嗰時熱辣辣爆曬煙，味道就不過不失。午餐好處就有包一罐飲品，揀左無糖綠茶！

準備去花墟買花之前，喺附近搵食，發現有一間日式餐廳，發現佢哋有好多熟食選擇，喺門口見到個餐牌個叉燒非常之吸引，所以就入去食一碗叉燒滑蛋飯。叉燒係用日式方法去烹調，一半肥肉一半瘦肉，再燒香加上滑溜蛋漿，再加上醬汁，好滋味。

個仔剛補完習，帶佢行下街食飯，見呢間個叉燒蛋飯幾正就入去。我地一家四口點了1）下午茶：牛肉香味飯糰2）下午茶：雞肉薯仔沙律3）叉燒丼飯4）咖喱煎雞扒飯頭兩個是下午茶，尾兩個是正價食品飯糰不錯，是本來叫了牛肉卻上了豬肉，還鹹了點沙律都不錯，但太少份量叉燒好普通，又不是港或叉燒，亦不是日式叉燒，成舊燒肉咁，可能是韓式卦。咖哩是普通日本咖哩，正常的我就覺得間野一般，價錢合理，我班仔就好鐘意

行過發現外賣做緊9折優惠，於是買左個便當做晚餐，係照燒雞扒拼燒蜻魚便當，包左1碗麵鼓湯&1罐罐裝飲品，揀左無糖綠茶。照燒雞扒配蜻魚既份量有半件雞扒及半條蜻魚，照燒雞扒拌有醬汁，雖然拎到返黎凍左少少，但食落味道不錯。白飯係珍珠米有滿滿一格，仲有2格配菜，薯仔沙律，沙律菜&玉子，醃黃瓜。薯仔沙律整得幾好味呢款無糖綠茶又幾好飲。

在太子吃午飯的一天，隨便找了這間「淳味」吃東西，原因只得一個，因為這天想吃烏冬。這間日韓料理店除了烏冬外，其實還有丼飯、拉麵、韓式炒年糕等選擇，不過一心來吃烏冬的我，就只專注在餐牌上的「石鍋烏冬」和「特式冷烏冬」上，心思徘徊在冷和熱之間，最後才終於有了決定----就要一個「日式叉燒石鍋手打烏冬」（$63）吧！這午餐是包一罐罐裝飲品和麵豉湯的，那些罐裝飲品雖然有些較特別和吸引擇，我還是揀了相對健康些的「無糖可樂」，但那麵豉湯，餐牌上寫著是有的，但由始至終都沒送來，不知道是不是因為石鍋烏冬也有湯，所以沒有。不過也沒所謂了吧！也只是一碗麵豉湯吧，不喝得一肚水也是好的。這「日式叉燒石鍋手打烏冬」的湯底有四款選擇，分別是松茸香菇湯、黑蒜豬骨濃湯、黑楜椒酸菜湯和韓式辛辣泡菜湯，而我就揀了傳統些的黑蒜豬骨濃湯，至於烏冬，雖然可以另加 $6轉稻庭烏冬或蕎麥麵，我就沒有轉了。下單不久，烏冬已送上，湯無疑是夠熱的，但湯味卻一點不濃，與另一間在旺角以吃石鍋烏冬為主的專門店相比，湯的味道立刻被比了下去。那些手打烏冬又怎麼樣？我就覺得和一般的烏冬並無分別，只是普通而已。這烏冬的另一主角----叉燒，份量不算少，

有日喺太子覓食無意中見到呢間裝修好有日本feel既餐廳，價錢又唔貴，就入去試下😮-店入面比預期中大，仲有8人卡位，岩曬聚會去🤪我order左個照燒雞扒拼燒鯖魚便當（$72），包薯仔沙律、燒玉子同野飲，佢既野飲仲要係D日韓飲品，唔係普通紙包飲品😯野食嚟到賣相好吸引，最鍾意食便當可以一次試好多款野食🤣佢既小食每樣都幾好味，成個Set最有驚喜係個雞扒，個雞皮煎得好脆，咬落去仲有肉汁，D肉都好入味😍不過個鯖魚就麻麻地，肉質好乾，食到一半就放棄左😂-Overall嚟講除左個魚，其他野食啊、價錢、環境等等都好好，值得再去😛

已多次光顧這間食店，特別喜歡它的石鍋烏冬，熱辣辣上枱的，湯底有選擇，各有特色。烏冬彈牙，價錢合理，性價比高。建議和牛烏冬、厚燒五花腩石鍋烏冬配豬肉湯，美味！除烏冬，也有飯供應，不過我太愛烏冬，每次光顧都點烏冬，下次試試日式井飯吧！

外面微風+細雨，天氣咁凍🥶最好食啲熱嘢，暖下一個胃🥰上級牛肉稻庭烏冬黑蒜豬骨湯$73⋯⋯order左5分鐘就送上枱，熱騰騰真係好溫暖🤩牛肉大約3-4片，好嫩滑；記住唔好浸太耐掛住食烏冬，牛肉浸得太耐有啲鞋😣醬油豬軟骨稻庭烏冬黑蒜豬骨湯$67份量唔細，稻庭烏冬滑好多，不過俾貴少少都ok滑蛋煮上級牛肉丼飯$76左邊：水蜜桃果汁汽水，跟餐+$10⋯⋯好好飲舊戲唔太甜中間：原味波子汽水（跟餐免費）右邊：韓國芒果汁（跟餐免費）設有吧枱卡座位可以幾個朋友聚餐CP值極高，無加一。超值！環境舒適，當去咗落日本旅行🤗

呢幾日凍番少少🌬YY即刻想食至愛的暖粒粒湯麵，搵間石鍋烏冬食下先！有四種湯底選擇，揀左松茸香菇湯配牛肉稻庭烏冬。熱辣辣噗噗噗既湯，有四塊半生熟牛肉，上面加咗黑松露醬，賣相唔錯！可惜牛肉比較鞋口，湯底松茸味唔突出。主要係靠個黑松露醬，同埋湯底比較油🥺牛肉分量好少，烏冬就應該有全個既分量，可能湯真係好熱，烏冬質地較淋身。整體十分一般回頭指數： 😋😋😋

//< 淳味 >位於太子花園街既呢間日本菜，價錢實惠～ 主打石鍋烏冬同丼飯滑蛋飯😆 全部唔洗$100已經有交易～仲要免加一😚————————————- 吉列黑豚豬扒石鍋稻庭烏冬 $67 -烏冬可選手打或稻庭～ 小編兩碗都揀後者😆 稻庭比較滑身扁身～ 湯底揀左黑蒜🧄豬骨濃湯🍲 唔算好濃郁，會有d似出前一丁黑色🤣豬扒炸得香脆唔乾，最重要係配左醬汁可沾～ 整體熱辣辣食CP值高，味道則正常～————————————- 厚燒五花腩肉石鍋稻庭烏冬 $67 -烏冬如上，湯底則揀左松茸香菇湯～ 會帶有少少香菇味🍄 兩者一齊飲就覺得湯底分別唔大🤔 厚燒五花腩肉如果再燒得香口d會更好🤪小編覺得旺角石鍋堂較出色～ 但係呢度勝在價錢實惠，味道okay! ————————————- 奶茶 -好搞笑呢度奶同糖水自己攞，唯熱奶茶攞完奶會變溫室奶茶～ 奶茶一般，不過當然無得同茶餐廳既比啦😇 餐包飲品已經好好lu————————————評分：6.7/10地址：太子花園街217號地舖營業時間：11:30-22:00#淳味 #太子 #太子美食 #太子必食 #美食博客 #香港美食 #hkfood #hkfoo

無晚巿唯有食午市啦，路過花墟附近，見到有間日本🇯🇵野，唔算擠逼，有空間感，有幾款烏冬同定食🍱，算係經濟取勝🥸———————————————————————————.🍱海鹽燒西冷牛扒拼燒鯖魚便當💬有沙律🥗、漬物、玉子、燒鯖魚，連埋麵豉湯，牛扒同樣唔夠突出，只屬一般，但價錢相對廉而，不能要求太高🥸.🍜大蜆帝皇蟹棒石窩烏冬💬熱辣辣嘅感覺已經係好滿足，味道雖然普通咗少少🤏，但餸料都幾豐富，天氣凍有碗熱湯係開心事🥸

冬天緊係要飲熱嘢暖下個身，今次嚟咗呢間專賣石鍋烏冬嘅日式餐廳，湯底仲有成4款可以揀，分別係松茸香菇湯、韓式辛辣泡菜湯、香蒜豬骨濃湯、黑胡椒酸菜湯，我同朋友都不約而同想叫醬油豬軟骨烏冬($61)，始終呢樣嘢喺屋企比較難整🙈佢揀咗香菇湯，我就要咗胡椒酸菜湯，係連食材都好暖身嘅午餐🤣職員送嘢食嚟嘅時候都提醒我哋要小心熱，石鍋入面嘅湯係咁滾，唔似有啲餐廳個鍋只係用嚟裝飾，所以食到最後一啖都仲係暖笠笠❤️兩款湯都好濃郁同順口，飲咗好多都唔會口渴，相信餐廳冇咩用味精👍🏻而且湯底會有相應嘅材料，例如香菇湯就有冬菇同秀珍菇、酸菜湯就當然有酸菜啦🤣兩碗都有娃娃菜墊底，就唔會齋食肉同烏冬咁寡，烏冬幾煙靭彈牙，唔會煮到淋曬🤩豬軟骨好入味，就算浸喺胡椒湯好耐，食落都有陣陣嘅醬油香，無論配搭咩湯底都唔會打曬交，肉同骨都炆到好淋，一啲都唔鞋🥰套餐跟一杯嘢飲，我同朋友都要咗熱菜蜜，因為入去餐廳嘅時候好凍🥶但食完個石鍋烏冬已經熱曬，睇嚟應該叫可樂😂其他午餐例如炸蝦炸蠔燒鯖魚便當都好吸引，但因為想飲熱湯所以無叫到，大家有機會都可以試試😛