淳味

營業中

休息中

因為要打疫苗嘅原因，所以喺太子附近搵食，發現呢間餐廳外面多人排隊，所以好奇一試！剛從很凍的冷氣場所出來，所以好想好想食一點比較熱辣辣的食品，呢間見到有石鍋烏冬就好想食熱辣辣嘅食品！再加上有同事說食過這間餐廳，所以明明見到條排隊人龍都比較長，我哋還是選擇了這間餐廳！大概等咗15分鐘至20分鐘左右，終於進入餐廳了！我哋都不約而同地揀咗石鍋烏冬，另外點左一份明太子釀雞翼！其實對於喜歡食明太子嘅人來說，明太子的食品點樣都係好味，再加上這個雞翼亦炸到外表香脆，內裏的肉汁豐富！再加上明太子味鹹的味道，配合起來相當溢張！烏冬口感滑嫩彈牙，加上用石煱熱辣辣的呈上！視覺加上味覺嘅吸引！

日式餐廳以飯及烏冬為主🤘環境不錯因為第一次嚟所以叫咗餐廳職員介紹俾我哋叫咩好🙆‍♂️今日叫左一個飯一個烏冬一個小食 兩杯野飲老實講職員所介紹既真系天堂🧚‍♂️同地獄😈嘅分別1️⃣360滑蛋吉列豬扒丼飯$65🐷吉列豬扒太乾了， 豬扒又不夠厚肉，有點像豬肉乾一樣反而飯底不錯，有充足既蛋汁混合每粒飯之中2️⃣上級牛肉手打烏冬$60🐂牛肉有牛香，以半生上枱，可免太熟而變太老，湯底我選擇咗松茸香菇湯（即松露🙄味），湯底味濃，偏油，烏冬不夠咬口3️⃣吉列生蠔（ 4隻 $36）正常炸物，🦪蠔佔比例不多，脆口嘅但炸粉不夠薄佢哋餐廳嘅主食都包一杯凍或熱飲品性價比總括而言屬中水平，服務還可以既荷包唔太鬆動，又想正常填飽個肚可以試吓😂講真整體味道唔差嘅，環境亦不錯👍但仍有改進空間個人評價 ： 總結 3 /5 星

360滑蛋吉列豬扒丼飯 $65望個樣都流哂口水🤤🤤🤤蛋包飯勁吸引😍😍吉列豬扒炸到好脆口，內裏鬆軟又好味，最可惜個飯無咖哩汁，靜係用蛋撈飯，味道有啲Dry，可惜！不過整體唔錯！因為佢哋會奉送麵豉湯同埋一杯免費凍熱飲，價錢合理！名稱：淳味地址：太子花園街217號地舖

有次係呢頭做完嘢想搵啲嘢食經過呢間日式餐廳有石鍋烏冬又好似幾抵食 就入去試下！餐廳外面同裡面都以木裝修為主感覺比較日式而且座位都幾多除咗石鍋烏冬仲有啲日式便當 滑蛋丼飯 小食 等等 選擇都非常多大部分都$50-$70左右仲包麵豉湯同凍熱飲品 真係幾抵食！吉列黑豚豬扒石鍋烏冬石鍋烏冬最緊要夠滾上枱嘅時候bulu bulu就最高興🤪有四種湯底 今次就揀咗泡菜湯真係有一塊塊嘅泡菜係入面好濃泡菜味味道帶辛辣 又唔太鹹烏冬亦可以揀手打烏冬或稻庭烏冬揀咗比較彈牙嘅手打烏冬食落口感煙韌好滑溜 好索湯配菜嘅吉列豬扒都好大塊炸得好脆 唔會甩皮甩骨同得炸粉肉質唔乾唔會有雪味 唔錯喎！滑蛋汁煮上級牛肉丼飯丼飯份量都幾大碗滑蛋好厚嘅一層炒得好滑 好香蛋味仲有少少蛋汁牛肉都幾多塊不過肉質就比較乾同嚡不過好在加咗好多汁煮先救返佢個汁甜甜鹹鹹 似燒肉醬加入洋蔥去煮個牛肉 幾好送飯😍整體來講以呢個價錢嚟講真係好抵食食物又唔差仲要唔收加一服務亦都唔差性價比幾高！如果經開太子又諗唔到食咩想食經濟實惠嘅可以試下！

本來想食嘅鋪頭無開，咁行到呢間，佢之前都係日本嘢，又係日本嘢，不過見嘢都啱食，咁就入去試下啦！一般日本餐嘅嘢食都齊備嘅，本來見佢石鍋好吸引，但又想食飯....finally決定食滑蛋蒲燒鰻魚丼飯，因為鰻魚汁真係太好送飯，基本上間間鰻魚汁都一樣，呢個唔駛懷疑，係想試佢個鰻魚做得好唔好。佢怪一杯飲品，仲有麵豉湯，個湯一般，可以濃味少少。個滑蛋蒲燒鰻魚飯，個滑蛋堅滑，珍珠米個質感都夠挺身，硬度好啱，而個鰻魚汁亦預料內同出面食開汁醬一樣，係個鰻魚真係唔腥，可以再燒耐少少再令邊脆口少少，但都夠入味同魚肉都滑嘅，$70呢，值得一試。而芝麻味擔擔麵醬汁烏冬配上級牛肉，朋友話個醬汁太咸了，個牛肉就可以嘅，$60價錢合理可惜，但醬汁已令成件事失色了。不過見隔離食石鍋好似幾吸引，下次可能試其他吧。

星期六中午去食，等左一陣，門口都有餐牌睇，都幾多野食。本身以為呢間日本野係食壽司果D，點知去到睇餐牌先知唔係。食物種類都多，定食有好多款簡，烏冬都有手打烏冬同稻庭烏冬簡！正！入到去，座位都舒適，上菜都快，叫左豬軟骨石鍋稻庭烏冬、吉列豬排石鍋手打烏冬同吉列海老生蠔燒鯖魚便當，三個都好食！特別係豬排炸得好香，食落唔會有肥膩感。便當好多款野食，除左主菜果三樣仲有菜同薯仔沙津食，好豐富！套餐包凍熱飲，凍飲唔使加錢，仲以為要加兩蚊最後三個餐埋單先二百蚊，超級抵食，會再幫襯

間唔中都會經過位於太子嘅呢一條花園街咁呢條街左右都係一啲餐廳嚟嘅依家出街嘅人流開始多咗啦喺旺角嘅餐廳都要排隊等位啊咁最後我哋喺呢條街揀咗其中一間食日本嘢嘅餐廳黎食叫做淳味嘅日式餐廳餐牌都幾豐富嘅最後我哋做一個烏冬同埋一個丼飯360滑蛋芝士辣雞柳丼飯$65食落普普通通啦佢好似有啲辣泡菜喺度成個飯普通唔算有乜特別同驚喜厚燒五花腩肉 石鍋稻庭烏冬 $64個石鍋烏冬拎出嚟嗰陣都jap jap聲呀滾住咁拎出嚟啊 個感覺好正啊五花腩肉食落都ok吉列炸蠔兩件$18由於我有啲口痕所以叫咗兩個炸蠔黎食冇乜特別嘅叫咗兩杯餐飲不過不失

放假行經花園街見到呢間餐廳坐滿哂人而且又係新餐廳，同朋友都不約而同咁話不如試吓☺️·🍲上級牛肉手打石鍋烏冬 (HKD 60)一上菜嘅時候嘩左一聲！眼前熱辣辣超滾嘅石鍋，大家食個陣要小心唔好辣親😌烏冬可以揀手打或者稻庭烏冬，而我比較鍾意食粗身嘅烏冬，所以揀咗手打。湯底揀咗黑蒜豬骨濃湯，好濃味👍🏼牛肉肉質彈牙得黎又軟腍，好好食呀！·🍱吉列海老、生蠔拼燒靖魚便當 (HKD 78)一次過滿足晒我朋友嘅三個願望，而且價錢都好抵！吉列炸物都非常酥脆，外脆內軟亦夠新鮮！朋友一路食不斷係咁話好食好食🤣奶茶仲可以自由落奶，可以自由調製🤩估唔到呢間新開嘅餐廳有驚喜！經開呢頭嘅朋友都可以黎試下！👏🏻

星期六喺太子行完街,食埋晚餐先番屋企,見到有間新開嘅日式餐廳😛出面個姐姐好熱情宣傳,價錢又合理唔收加一,就決定入去try try～可能因為新開,入面裝修都唔錯,枱與枱之間都有保持一定嘅距離👍🏻食物選擇方面主要有石鍋烏冬、冷烏冬、滑蛋丼飯同便當😋價錢包一杯冷熱飲品同麵豉湯(石鍋烏冬除外)✨醬油豬軟骨石鍋烏冬全部石鍋烏冬都有得揀手打烏冬or稻庭烏冬😌湯底都有4款選擇咁多(松茸香菇湯/黑蒜豬骨濃湯/韓式辛辣泡菜湯/黑胡椒酸菜湯),總有一款岩口味😉我自己就揀左黑蒜豬骨濃湯同手打烏冬,上枱熱辣辣仲有泡泡聲好正!! 豬軟骨入味又煮得淋, 湯底都夠味, 但如果黑蒜味再勁啲會再好食啲~~✨滑蛋照燒雞扒丼飯男友都話滿意呢個飯,佢最鐘意個蛋,話好厚又好滑,喺屋企自己好難整到😆平時食肉獸又重口味嘅佢都冇投訴太少肉同唔夠味👍🏻麵豉湯都唔會太淡,算合格👍🏻👍🏻飲品方面就細細杯咁,我嗰杯菜蜜味道偏淡,男朋友嗰杯奶茶就有奶同糖水另外跟埋~Overall黎講都算幾好,樓面員工又幾有禮貌,上菜收野都快,唯一係男友借用餐廳廁所時發生左啲小意外😐佢話去完喺走廊迎面見到個員工,但對方無意讓位,結果男友喺避佢嘅時候錯腳踏空左一

朋友住太子附近一帶，但附近餐廳一間都無試過，我決定親身帶朋友認識佢屋企附近美食。呢間淳味我係睇Openrice先知係新開，同朋友黎係因門口睇見餐牌好吸引，就直接揀呢間做我地太子第一站。#大蜆皇帝蟹棒手打烏冬 午市套餐包飲品$58有四款湯底選擇，朋友揀松茸香菇湯，鍾意松茸一定要揀！！！湯底超香濃🤤蟹棒超長而且有兩條，再加上蜆份量都唔少，仲要係石鍋熱辣辣上，即使食到最後湯底都仲係好熱😍#海鹽燒西冷牛排拼燒鯖魚便當 套餐包飲品 $88估唔到佢啲西冷牛排可以燒到咁靚，裡面仲係粉紅色，係牛肉最好食嘅5-7成熟🥰食到好濃郁嘅牛味。唯一缺陷就係個醬油同牛肉唔match，遮蓋左部分牛味，如果醬油係另上就完美啦😌

前日去食咗呢間淳味 野食就過得去 食物睇到都幾靚都幾有胃口 有兩個服務員態度都幾有禮貌 就有個戴眼鏡嘅服務員 都幾高下嘅。服務態度真係差到不得了 黑口黑面都唔知畀邊個睇 頓時就無曬胃口 以後都唔會再幫襯。

石鍋上級牛肉稻庭烏冬$66(韓式辛辣泡菜湯底）賣相🤩🤩🤩🤩🤩味道😋😋😋😋牛肉🐮🐮🐮🐮烏冬 ❤️❤️❤️❤️湯底 ❤️❤️❤️❤️抵食🤑🤑🤑🤑🤑賣相方面吸引石鍋滾住上枱泡菜同生牛肉鋪係面味道方面好好牛肉一浸滾湯就食得 食得出牛肉味 肯定唔係冰鮮普通肥牛稻庭烏冬口感好好 索曬湯既味道辛辣湯底要讚 睇到有番茄同辣椒碎絕對唔係平時出面食既辛辣面湯底飲落濃得黎唔係死辣 又唔會好多水最重要係性價比極高$66 包埋一柸凍檸茶👍🤩飯後🥳🥳總結個湯底配埋石鍋好正價錢出面食起碼過百未試過值得試試過我都一定會返轉頭🥳

同幾個朋友，在太子搵嘢食，下午12點多，開始午飯時間，到處都是人，想找一間可以坐得舒服啲，可以傾下計的地方。在花園道一帶逛，發現這間門面不錯的日本餐廳，check一下Menu覺得OK，勝在門面企理，又不用等位，就即入。七嘴八舌，幾個女人，擾亂一番，終於嗌嘢食。醬油豬軟骨稻庭烏冬*$64。黑豚豬腩片稻庭烏冬*$62，呢個冇影相。360滑蛋汁煮上級牛肉丼飯$72。韓式柚子汁冷烏冬配上級牛肉$60。以上配凍熱飲品一杯。*稻庭烏冬 比 手打烏冬貴$6。另叫了小食：和風章魚小丸子四粒$32。

位於太子花園街其中一間日式餐廳, 見佢新開冇幾耐, 就入去佢試下滑蛋五花腩豚肉丼飯 $55下午茶嚟講分量足夠 最出色嘅係蛋真係夠曬滑溜🥚而五花腩豚肉食落香口又幾特別🐖不過飯就偏軟, 如果硬返少少會更好🍚黑豚豬腩片手打烏冬 $46反而烏冬分量偏小, 黑豚豬腩片味道還可以🐗不過嗰黑蒜豬骨湯底就真係唔太得, 食落好普通🍜以上套餐包埋嘢飲, 分別叫咗一杯凍奶茶同埋熱奶茶🍶🍵而糖同埋奶要自己落, 完全係茶膽, 落咗勁多奶先得😂