添好運點心專門店 (已結業)

係咪有傳添好運做到3月？飲茶4個人黎就最好喇，可以嗌多啲唔同款多啲點心，午市時間黎到，啱啱好有枱野食都好快到，仲要全部都熱辣辣，平平實實不過不失。讚既係腐皮蝦卷！！改善既係麵！！

想吃添好运，铜锣湾居民实在不想去中环ifc那个尴尬的地理位置，这次就选了北角的分店作为平价点心之选，生意依旧兴隆，环境嘛差强人意，狭小的座位，品类不够丰富的餐单，稳定如一的出品，似乎渐渐有了快餐饮茶店的感觉。💯依旧热爱他家的酥皮叉烧包，可以称为是添好运封神之作，每一个都是现场制作，可以保证新鲜的同时也能保证口感。其他的点心及格线出品，小吃一顿是不错之选。

本身想去附近食人氣海南雞點知摸門釘 見到斜對面有添好運醒起好耐冇食就一於試下⭐️晶瑩鮮蝦餃餃皮厚薄適中 口感偏硬鮮蝦爽脆 但冇乜鮮味 正正常常⭐️鮮蝦燒賣皇肉餡比例唔錯 混咗少少肥豬肉鮮蝦爽口 冬菇味好突出 幾香燒賣比較蝦餃出色⭐️豉汁蒸排骨排骨切得唔好 一夾起係成串肉質軟腍 仲有啲咬口 豉汁少少偏鹹 但都算幾惹味⭐️酥皮焗叉燒包有返熱 酥皮微脆 包有少少偏乾叉燒餡足夠 味道香濃 都可以食物可以 正常水平感覺北角店好似冇咁好食環境服務都正常 價錢合理

星期六朝早又係媽媽既metime，今日心血來潮想食點心，好耐無食添好運既酥皮叉燒包，記得和富道有分店就去左食，服務態度感覺比以前差左，不過見佢咁抵食就試下啦~🌟酥皮焗叉燒包 ($24)呢個酥皮焗叉燒包真係必食，$24有3個超抵，而且新鮮出爐熱辣辣，外脆內軟既口感好好食🌟晶瑩鮮蝦餃 ($32) & 鮮蝦燒賣皇 ($31)蝦餃同燒賣就正常發揮，無咩特別🌟鮑汁鳳爪 ($34)份量都幾多，而且煮到好腍好入味，唔錯🌟炸兩 ($26)好耐冇食過炸兩啦，以前間中去粥店食就會叫炸兩，見到呢度有又叫黎試下，油炸鬼仲係脆卜卜超正

一向都知道添好運D阿姐服務態度好一般，今日終於見識到，話說午市想去北角添好運食點心，入到去問店員有冇位? 女店員叫我和女兒去兩個好迫的位搭枱，和隔離枱相連的，我們不想坐得咁近，同時見到附近有張枱正準備埋軍，所以不搭枱，我和女兒已經行番去門口附近打算等這張打算埋單的枱，但沒想到剛才的女店員很生氣並大聲責備：「你吾坐冇位架啦！」「冇其他位俾你坐！」「你吾坐就出番去！」其實另一張枱已經埋咗單，又沒有人在等2人枱，但這女店員很生氣叫我們行開，完全沒有一點態度和禮貌可言。最後我另一位店員叫我入去坐己埋單的2人枱，但已經沒有心情叫野食，寧願去另一間餐廳食好過．添好運這位樓面員工，完全不懂尊重人客，希望這個員工可以反醒一下。同時亦讓管理層了解到有這樣的員工幫你們趕客。

添好運呢個名一定唔會陌生，以前仲因為佢係平價米芝蓮而成日食，不過近年都冇乜機會食，今日做完野去飲個下午茶，雖然一樣咁抵食，但好似就有小小跌咗水準脆皮班蘭炸鮮奶同鮮蝦腐皮卷係我最推薦嘅點心！而家做到鮮蝦腐皮卷嘅酒樓唔算多，呢間仲要炸得好食，咬落仲有蝦肉，真係好難得！而脆皮班蘭炸鮮奶就比較特別，冇乜地方可以試得到！不過我估呢個都應該係佢哋近年嘅新菜式，記憶中以前係冇㗎！其實計埋個價錢，我真係無乜好挑剔，但你唔好諗住以食米芝蓮嘅心態嚟食，否則你有機會失望

中午到添好運食點心，仲擔心會好多人排隊，專登12點前到達，到達後始發現食客小，好多吉枱。一行人5人叫咗蝦餃，燒賣，排骨，皮蛋瘦肉粥，鳳爪排骨飯，蝦腸，豬膶腸，酥皮叉燒包以及部分炸物。曾在深水埗分店食過點心，水準吾錯，但今次真係感覺差咗好多！蝦餃皮裂開，無味，燒賣更係散晒，肉質有霉嘅感覺，腸粉一般，個鼓油係無味的，唯一係叉燒包好小小，其他食物質素係普通點心外賣店都有嘅，埋單500元，味道吾得，頗失望，吾會再食了

添好運係一間歷史悠久嘅點心專門店，全靠即叫即蒸嘅概念可以喺香港屹立不倒13年，仲要攞咗米芝蓮大獎👍🏻👍🏻👍🏻，其實都唔係第一次嚟，添好運已經食咗無數次，仲未知道咩料嘅你哋就等我介紹吓啦😍😍😍🍞酥皮焗叉燒包呢一個真係鎮店之寶，唔係度度都食到㗎，叉燒包嘅外面鋪上一層酥皮，焗嘅時間要啱啱好先至可以做到鬆脆，其次包嘅皮都要夠薄，如果唔係食落就會好厚粉，裏面嘅叉燒餡真係超多仲唔會好甜，真係皮薄餡靚🤤🤤🏵家鄉鹹水角，雖然鹹水角度度都差唔多，餡料都係近乎一樣，但佢哋嘅鹹水角唔會好多油，餡料都夠多，最緊要係上碟嘅時候熱辣辣😋😋🏵鮮蝦燒賣皇，佢呢個真係超級好食，我特別鍾意有冬菇嘅燒賣，粒粒都巨大，餡料豐富，最緊要啲豬肉係肥瘦均勻，唔會食到有好多肥膏，加埋冬菇落去真係超級香🫶🏼🫶🏼🏵蜜汁叉燒腸，腸粉方面只要做到唔厚粉餡料夠多已經係好好食，佢哋就係啦，叉燒都好有咬口因為佢都幾大粒😆😆🏵脆皮斑斕鮮奶，佢呢個應該係新加甜品，本人都好鍾意食斑斕嘅嘢，我覺得都幾特別嘅，佢係出邊嗰層脆皮好薄，好似豬肉紙咁，咬落去淨舊班蘭鮮奶好滑斑蘭味都重，不過可能唔係個個都鍾意食，因為佢出邊嗰層就好似鹹點而裏面就甜甜地😉其實添好運都

今日同屋企人去咗飲茶，最後我揀咗「添好運點心專門店 - 北角」；因為想避開繁忙時間，所以約下午3時30分才到達餐廳，這樣就可以不用排隊，直接入座，我們叫咗以下：1️⃣ 晶瑩鮮蝦餃 $322️⃣ 鮮蝦燒賣皇 $31 3️⃣ 酥皮焗叉燒包 $244️⃣ 韭王鮮蝦腸 $295️⃣ 豉汁蒸排骨 $216️⃣ 潮州蒸粉果 $187️⃣ 古法糯米雞 $328️⃣ 茶位 (4 x $5) $20整體來講：價錢相當合理，味道都OK，和酒樓差不多價格💰：$207

今日星期日同屋企人點外賣自取。落單時收銀話等20分鐘，點知最後等左一個鐘先整好。理解疫情情況下人手短缺、辛苦班伙記。廚房啲食物煮好擺埋一邊，唔夠人手處理packing.

住北角咁耐添好運當然係其中一間成日幫襯嘅點心茶餐廳好鍾意食佢嘅雪山叉燒包今次食唔夠熱辣辣墨西哥麵包依然好味但係叉燒醬餡就……唔係以前嘅惹味甜香囉好一般咋 餡又少蝦腸好食嘅蝦肉彈牙 腸粉幼滑同埋豬潤腸 係超好食豬潤唔會實的的 好嫩好食紅油炒手係咁多樣最OK 㗎皮薄肉餡鮮美紅油醬汁好香微辣剛剛好然後係必點嘅燒賣失望啊😮‍💨 肉無鮮味肉質又實又無肉味同埋唔知係咪天氣凍啲嘢凍得好快鮮竹牛肉好濃嘅芫荽同果皮味因為唔係我杯茶所以我試咗少少咋最後係豉油王炒麵我覺得都有兒時風味色香味都有 面質再爽啲就更好對得住價錢囉

(暴露年齡系列)添好運可以話係中學年代既回憶以前中六七放學嗰陣好鐘意約埋同學一齊去食叉燒包高峰時期可以一人食三個包🤣星期六朝早去北角見到附近有添好運一於買外賣返屋企加餸先得酥皮焗叉燒包 ($23)呢款招牌菜可以話添好運必叫既點心墨西哥包既皮入面有叉燒餡拍得住海景軒既酥皮焗叉燒包$23三個超抵懷舊鳳尾蝦多士 ($24/3件)太耐無去添好運原來佢地推出左蝦多士當然要叫黎試下可惜呢款拎返屋企凍左多士偏油唔脆少少失望杏汁大白菜燉豬肺 ($36)呢個性價比超高好多豬肺😋杏汁燉豬肺夠火喉好好飲👍🏻

夜晚八點半左右入座，冇乜客。三個人叫咗八樣野加茶位，食咗大約$230。(3⭐️好食要試 ; 2⭐️正常 ; 1⭐️一般)🥢酥皮焗叉燒包⭐️⭐️⭐️個味幾好食，但唔夠熱，酥皮有啲淋。(似係放咗好耐再去蒸一蒸果d口感🙈)🥢蛋煎糯米飯⭐️好普通，偏淡，就係蛋包住d冇乜味同料嘅糯米飯😅。🥢叉燒腸粉 ⭐️⭐️🥢豉汁鳳爪⭐️⭐️🥢蝦餃⭐️⭐️🥢蝦燒賣⭐️⭐️⭐️👍🏽👍🏼👍🏻蝦料都好足，爽口。🥢韭菜餅⭐️⭐️🥢南乳炆齋 ⭐️⭐️？d菜嘅口感都正常，個味就係酸酸地🧐(之前未食過呢個菜式，唔係好知個味係點嘅)

簡單講～雪山叉燒包凍嘅；煎蘿蔔糕無味；鳳爪骨飯排骨係比鬆肉粉搞到已經唔係肉嘅質地；腸粉皮都仲勉強但温度唔夠；金銀蛋粥我自己煮好過佢；勉強食得只有糯米雞同燒賣…係做返一般酒樓水準。同侍應講“走葱”佢地要幾個人查字典先明你講乜嘢。點解唔上去揾人仔而要嚟呢度做咁慘呢？5星級點心～其實我以前好早食過。就算唔同嘅分店，以前都做到非同凡響讚不絶口嘅技藝。宜家彷彿靈魂已死，淨下一副行屍走肉嘅招牌，同門外嘅一張殘舊得獎海報。

幾年前嚟過一次，好多人，因為前幾日想起雪山义燒包，想食，功夫吾係呢款，醒起呢間有....所以專登今晚嚟....今晚冇乜人吾駛等位……6點半到，印象中呢度D裝修同之前一樣，今次再來，感覺都舊了，同以前D茶居差不多---D地方枱櫈、杯碗筷子都覺得"肥笠笠"，吾太乾淨，環境都好嘈，吾係食客嘈，係伙計們傾計嘈.....我地2個人叫咗5樣嘢：酥皮焗义燒包 ($23)---夠熱，皮薄軟熟，好味 豉汁蒸排骨 ($20) ---一上枱時，心嘩一聲，得10粒排骨仔，粒粒切到細粒，難登大雅之堂，顯得碟大冇睇頭，味道OK ($20)土魷馬蹄肉餅飯 ($28) ---冇乜味，只食到少少魷魚的電油味潮州粉果 ($18)---味道吾錯，但皮薄到好似冇左D煙靭感蝦多士 ($24)---咬落脆口同夠熱，不過有點油整體一般般，食物OK不過環境有點污糟，我只想食佢個酥皮焗义燒包，這個就冇失望，其實而家已經開左好多呢D點心鋪頭、拔兄話可以幾年後先再嚟一次....