添福小食 (已結業)

上次喺度試完一個雞扒漢堡 今日咁啱路過深水埗就 心旭旭想試下 黑椒巨無霸漢堡 睇下有冇上次咁好水準 即叫即製過程就大概等咗 十分鐘左右其實巨無霸嘅意思真係落咗 千島醬芝士生菜 番茄去黑椒漢堡入面 以所有配料連埋個漢堡疊埋一齊 就變到非常大份老實講我覺得味道都係普普通通 因為塊芝士沒有融化 生菜蕃茄亦都係直接切片 唯一只係可以喺塊漢堡扒見到佢嘅誠意整體嚟講 我覺得冇第一次食千島醬雞扒包咁有驚喜 但係喺街頭小食嚟講 添福小食都已經非常唔錯

已經一年冇食呢間舖頭 發現水準依舊好食 叫咗一個千島醬雞扒漢堡同埋炸燒賣 雞扒大塊唔使講 同之前一樣 炸燒賣就第一次食 好高質 調味亦都係一絕有機會再過嚟食埋個牛肉漢堡 相信會令我失望

今日路過添福，諗起添福個黒椒漢堡，要食！一個黑椒漢堡盛惠19大元。芝士漢堡加三蚊，食原味好了。即叫即煎既漢堡扒，得我一個order，等左5分鐘左右，不果企響車多大巴多既長沙灣道食住塵等，感覺好耐。但係攞住個熱辣辣既漢堡包之後就覺得一個字～～值！芝麻包似係嘉頓出品，由細食到大，應該無認錯。簡簡單單夾住漢堡扒同茄汁，無需要加生菜、番茄、酸瓜，就係傳統快餐店式既漢堡包。一啖咬落去，漢堡扒夠厚，有咬口，好香洋蔥味，聞都聞得到，黑椒呢？當你吞左一啖落肚之後，就感覺到微微暖喉黑椒味。即場在車來車往既長沙灣道ko左個成漢堡，好滿足。唔使去Five Guys、Shake Shack排長龍啦。

今晚收咗工之後去深水埗探個朋友，朋友咁啱又未食飯，叫我買啲外賣上去佢屋企度食，所以就去咗添福小食度買漢堡包薯條等等嘅小食啦。叫咗big Mac、芝士薯條，熱狗王同埋椒鹽雞塊。係拎返去朋友屋企嘅途中已經聞到小食喺袋裏面散發嘅香味，香氣撲鼻，令人食指大動。到埗，開餐。薯條炸得好香脆，每條都有好飽滿嘅薯仔肉，同一般快餐店嘅薯條唔一樣，再點上芝士醬來食，定令人停唔到手，一條接一條。炸雞塊可能係返炸嘅原因，有啲硬，但係因為佢係表面上撒左椒鹽，同埋都算熱辣辣，幾香口。Big Mac ！即叫即做，牛肉漢堡裏便睇得出有調味過，同埋有夾雜洋蔥粒，相信係人手炮製嘅，配埋其他配料，包括爽脆嘅生菜同埋香甜嘅蕃茄再加埋底下嘅芝士，係我今餐最滿意嘅食物。最後熱狗王！熱狗包焗得香脆，配上多到爆炸嘅番茄醬同埋芥末醬，一啖咬落去好滿足。我叫咗四樣食物，總共先$78 ，兩個人食抵到爛。

終於試到啦 ✌🏻✌🏻唸黎唸去究竟我有咩機會食到呢？平日1400-0100 lunch 又過左 放工都拿拿臨返屋企吔飯啦 🤔終於等到要食孤獨的晚餐 😭為左彌補呢個空虛 唯有唸到食d好味野 期待已久既黑椒牛肉漢堡 我重➕💰加多塊芝士🥳 果然係即叫即製 等左十幾分鐘 因為只做外賣 決定返屋企沖埋涼先慢慢嘆 原則上應該原汁原味 但由於點都會凍左小小 所以我自行焗一焗熱 其實一早都聞到好香既牛味 咬落好juicy 啖啖黑椒味裡面重有洋蔥粒 好明顯係自己啄既漢堡扒 不過中間有好多根位😅再加埋塊溶左既cheese yummy 典型既傳統快餐店漢堡包風味 比起連鎖快餐店MDD 好味好多好多

回家途中經過被香味吸引買了個黑椒漢堡試食，果然有驚喜!漢堡即叫即做，要稍等幾分鐘，拎上手熱辣辣，要俾個LIKE!芝士黑椒牛肉漢堡 ($22) 漢堡牛肉味同黑椒味好濃，漢堡咬落多肉汁，入面有點筋增加口感。這種小店食物平價質素高一定要支持一下!!

係深水埗途經呢間小店，印象中之前有睇過網上報導過，招牌係漢堡包。我點左芝士黑椒漢堡，是即叫即做，等左大概八分鐘左右，唔算太耐。漢堡扒都幾厚肉，好juicy，黑椒汁好惹味，真係唔錯！

同老彿爺行吓街街，行到楓樹街公園對面，找到這間人氣小食店，當然吾放過喇!此小店只提供外賣，因即叫即做，經常都有客在等食物，而且上午吾開，揾食吾使咁早。野食都幾多元化，有特式0飲品，魚旦燒賣果D,都好底，10元10粒，去邊度揾。我當然重點在佢出名果D喇! 點了雞扒包，Big Mac, 炸薯條配芝士醬，菠蘿梳打，因即制，等了約10分鐘。攞到上手，包包薯條熱辣辣，急急腳攞返屋企開餐，如不在附近住，可過對面馬路，楓樹街公園開餐，有位有瓦遮頭，正。雞扒包好juicy,一d吾亁，配上爆汁沙律醬，好醒胃。以為雞扒好多汁?! 個Big Mac仲吾講得少，吾係用現成一片片的漢堡扒，係用牛肉打成，肉美多汁，試完基本冇意慾再食老麥。薯條同樣出色，超肥超大，外脆內軟，熱騰騰，和老麥幼軟林冇得比，沾配芝士醬，停吾到口，覺不足是芝士醬味不足，薯條忘了酒鹽吊味。菠蘿梳打特飲，好香菠蘿汁味，酸酸甜甜又帶氣，真係絕配，係覺甜了少許。總數76元，以呢個質量算係超值，如放在高級些餐店，相信要過百元開外。

哩間小食店之前都唔算多人買野食，直至新聞報導過之後人流的確多左好多，咁我都試下佢招牌牛肉漢堡包，但真係好難食，牛肉好。乾冇肉汁，仲差過大型連鎖店既包，而且仲要賣成2x蚊一個。

此店位於深水埗楓樹街球場的對面!!此店在深水埗都開了一段時間, 算是有人認識, 加上曾在網上有人推介過, 所以除了街坊外, 間中也會有區外人士會羨慕名而來此店都有幾款主打食物, 包括黑椒牛肉漢堡包, 雞扒包, 豬排包和熱狗等等!!今次點了一個黑椒牛肉漢堡包,無論是漢堡牛肉 和 個包 都是落單時才做, 所以做出來很新鮮和夠熱!!!!!個包是落單時才加熱, 所以食落夠鬆軟!!而即煎的漢堡牛排配上黑椒汁亦很很惹味!!!難得現時仍可食到美味的港式漢堡包.. 正!

南區過黎深水埗終於試到啦，平時食開麥叔叔好少機會食到以外的漢堡包。一黎到都幾多人，中國過黎食又有。我簡單啲講我買左個巨無霸，黑松露薯條。四十幾蚊係值既。因為我都大食，都飽肚，薯條非常粗而香，未試過咁大條呵呵，係熱辣辣架！大滿足！ 又唔洗等好耐喎。平時我一定要點好多茄汁食薯條，今次無茄汁但黑松露白汁好香好香，真係好食過點茄汁好多！至漢堡包生菜蕃茄都新鮮，牛肉剛剛好，好惹味，食完好回味。面包都ok!一定會再來幫襯。

添福小食, 地道的港式漢堡包小食店.點了3款經典食物, 添福巨無霸, 熱狗皇和炸薯條配松露醬(合共$62).食物即點即做, 大約10分鐘左右就完成了.添福巨無霸, 牛肉相當豐厚, 朋友說滿滿的肉味, 配上生菜和醬汁, 滿分!熱狗皇, 香腸粗粗的, 配以茄醬和芥辣醬, 完美組合!炸薯條非常香脆, 上面帶上點點鹽花, 加上松露醬獨特的香味, 完勝某知名港式漢堡!!!!!

添福漢堡包，很久之前已經見過，有一次中午行到過來，卻發現原來完全沒有座位，結果沒有試，這次夜裏有點兒肚子餓，於是試一下。黑椒牛肉漢堡，實物比相片厚，漢堡亦都比起相片看來厚一點，由於不太喜歡黑椒味，我只是輕輕淺嚐了一口，都已經覺得黑椒味非常濃，而且漢堡有洋蔥，味道其實香濃，但是只是本人不算太喜愛黑椒與洋蔥。另一個則是千島醬雞扒漢堡，這個看來就比較厚，雞扒的確非常厚肉，大大件，一端的千島醬比較多，那就沒有那麼乾；相反另一邊，因為千島醬比較少，而雞扒就很厚實，因而顯得漢堡以及雞扒比較乾。但是以這個小店的價錢來說，近20元有這麼厚的漢堡，而且質素不錯，肉汁又夠多，還算大件夾抵食。

我細佬的才能跟我不同，他個人喜好彈電結他樂器，偏好搖滾音樂，偏好唱歌。雖然細佬讀書不是很優秀，但是偏偏有了一個我沒有的天賦才能，就是能在公眾場合，公開唱歌和表演。不久之前，他有份參與一個團體，在深水埗某個運動場進行的音樂表演。這音樂表演其實是該團體舉辦盆菜夜宴，在日間的表演環節之一，「T電視臺」某些合約藝員也要把握合約規定，全年唯一外出工作的機會，在日間的音樂表演之中亮相。細佬本想叫我下午去到運動場，替他表演進行拍照，結果我遇上塞車阻滯，珊珊來遲去到深水埗的運動場，他已經表演完了很久。我坐在運動場看台，百無聊賴，唯有看看附近有什麼食店可以幫襯。結果真的給我找到，運動場旁邊有間「添福小食」。如果不是有「添福小食」和它的漢堡包，我也未必能支撐得住，在運動場百無聊賴的那兩小時左右時間。「添福小食」的樓面比我預期來得更大更闊，店舖設置了廚房，旁邊還剩下大量空位。「添福小食」索性不放置任何檯櫈，留下位置安放一大部雪櫃，用來售賣飲品。換句話說，「添福小食」所有食品都是以外賣自取的方式出售。今次我對「添福小食」的安排沒有所謂，乾脆直接買下食品，外賣自取拿到運動場看台。然後一邊看表演，一邊享用「添福小

添福小食，平時黎深水涉都係附近落車，因為冇得坐係到食，所以都行過，但今日早黎又肚餓，就決定試下我就叫左牛肉漢堡同雞扒包，講真，16蚊食個港式漢堡，係今時今日，唔知點解覺得平，而且牛肉漢堡係手打漢堡牛肉漢堡好豐厚，啖啖都係肉，16蚊真係抵俾，而雞扒煎得好，外皮都脆，再加埋點乜都好食既千島醬，冇得頂但有d可惜係冇得食，港式漢堡既代表"魚柳包"，真係好耐冇食過，講起就想食