添記法式三文治

營業中

休息中

大法包($74).Best Vietnamese sandwiches in Kowloon.呢間係唯一一間我會專登行過嚟買法包嘅鋪頭12點鐘先閂門 所以夜晚嚟都唔驚冇得買😆每次食呢個包都會加小辣其實只係喺入面放多少少新鮮辣椒 我個人認為會好食好多 餡料豐富 有番茄 青瓜 酸紅蘿蔔肉餡包括扎肉 法式嚼肉 五花腩同鹹豬手餡料撈埋一齊好夾 每次都係即叫即整 喺焗爐度焗到脆晒 非常新鮮 香脆可口🤤好多人會覺得一個法包賣咁貴好唔抵食但我覺得呢個包值呢個價 因為食物質素 👍🏻👍🏻👍🏻👍🏻

佐敦這邊一直比人感覺很多車房、吃的都是平價餐廳，今天經過見到門面很懷舊，特登入去睇下食咩，店內有東南亞食材、還有三款食物、全份大法包、半份大法包、蒜蓉包，因為剛剛吃飽，只能小試蒜蓉包，師傅將半邊法包塗上香濃蒜蓉，再放入焗爐焗三至四分鐘，再入袋，法包外脆內軟，蒜蓉咪極濃，食完過左半小時口腔仍有蒜蓉味，真的想試埋全份法包，可惜我不是小林專，下次經過一定要再試。總結：店面只有老闆一人，如果多人時都需要排一段時間，法包新鮮，似自制，值得一試。

最近睇新聞有啲感口嘆，覺得香港嘅地產霸權越嚟越嚴重，樓價高企、地價高昂，令到香港好多商戶小食店都難以經營作為一個麵包控，對於生活上所有嘅麵包都會心心眼無論係港式嘅菠蘿包、中式嘅菜肉包、定係歐美嘅牛角包都唔會放過。呢間喺佐敦渡船街嘅添嘅法式三文治已經有3，40年歷史。佢最出名嘅當然係佢嘅越式法包。其實之前一直好想黎，但係地理位置確實唔係咁方便，佐敦地鐵站行過去最少15分鐘，今日因為工作嘅緣故，我終於有機會一嚐佢最馳名嘅越南法包！門口裝修保留着80年代嘅風格，簡單嘅白底配上紅色嘅招牌，推開門，裏面係綠色嘅牆身裝修，正正係當年最潮流嘅顏色。鋪頭裝修好簡約，唔花巧，兩張細枱俾人可以堂食，餐牌都係手寫嘅。店內仲同住好多報章雜誌介紹，相信都風光一時下晝三點鐘左右，店舖得老闆一個人在場，老闆都50幾歲，好奇問老闆，老闆話佢同佢拍檔輪流經營，有時都會諗過將鋪頭搵接班人，不過依家啲後生又怕辛苦又唔想捱，所以就未搵到。講番正題，今次嚟到呢度除咗食佢最出名嘅越南法包，仲試咗佢嘅蒜蓉包同埋印尼蝦片。越式法包（大）$74唔好以為整一個越式三文治會好快，我哋由落單到攞到上手最少等10分鐘。如果你介意等嘅，咁你就去

呢間 專造越式法包，全部都係即叫即做，保證新鮮! 每次嚟幫襯都見到阿伯很勤力，很專業地經營呢間小店出爐法包真係很鬆脆，配上紅蘿蔔絲及越式 扎肉 ，咸豬手等配料，酸酸甜甜嘅青瓜入口真係回味無窮呢間店舖雖然地方細細，但每次來都喜歡立食，一邊食，一邊見到不同嘅食客，有部分可能是遊客，外國人亦都多見 !可想而知只要專注，用心，就算只得一種款式亦都可以維持一大班擁躉雖然很多大型食肆連鎖店，製作出嚟味道都相當接近，但唯獨就欠了這份人情味伯伯嘅堅毅及專注，真係值得學習，希望香港可以多些容納這些有特色嘅小店!

極無胃口的時間開車去邊好。。。 醒起渡船街多年都沒機會去的添記。因為搵地方坐，焗左一陣都以為會林，但又預左唔介意一咬！仲好鬼脆！又不太硬紅蘿蔔絲微酸，配合越南泰國扎肉豬手 不重味的涵剛好！又無整到濕濕的堅正！$37 未食覺得可接受，食完覺得值！順便買了魚露同越南扎肉，不過未試喔老細張舖頭招牌相，証明'年青"做到而家真係想問下佢幾時影

今日特登出佐敦食lunch中伏⋯要去試下想食好耐既越南三文治平伏下心情。佐敦行過去真係好遠好熱！入到鋪頭勁涼，唔想走🤣因為已經食左野既關係，所以只係叫左個小法包share食。落order之後等一陣就有得拎。焗包期間睇住老闆塞餡落法包真係有種莫名奇妙既治癒感⋯包焗到外脆內軟，好多餡。肉聽講除左扎肉之外都係自製既。肉味都好濃，口感好好。最好味係個醃蘿蔔！有種畫龍點晴既效果。可惜地點唔就腳😭不過都會再黎！

在佐敦一條不起眼的街道, 哈士奇先生又一次帶我品嘗他從小吃到大的美食老舊的店鋪, 除了傳承手藝, 更是儲存了很多人的成長回憶餐牌很簡單, 也不寫有甚麼材料, 證明懂得來吃的必然是熟客法包, 普通麵包店只賣$5, 硬而無味, 但偏偏我倆都很喜歡不過街邊的法包跟這裏的當然不能比擬, 不論價錢還是味道都是價錢雖貴, 但一咬就知道值得！微暖的法包焗得非常之脆, 咬下去真的應聲碎裂餡料也很不簡單, 看張貼在牆上的報道知道包裏的餡料大部份都是店家自製有菜 (番茄, 青瓜, 酸紅蘿蔔) ，有肉 (紥肉, 法式嚼肉, 五花腩, 咸豬手)一個包竟然包含這麼多款的餡料, 而且味道非常融和不吃五花腩、咸豬手的我也絕不抗拒這個法包不論是到連瑣店吃三文治或自家製,都感覺菜和肉是截然分開的兩回事, 但這個包的配菜就很能夠提升肉的香味, 即使又番茄又酸紅蘿蔔, 但卻沒有被酸味搶風頭, 還令整個包的味道更一致這家店真的面積小小, 有兩三個堂食位, 然後就是賣零售食材的架愛吃法包的人真的吃到嘴巴都劃損還要繼續食哈士奇先生說這家店是最好吃的法包, 我覺得真的不為過

咸豬手 腩肉 扎肉 ，一個越式法包入面淨係肉都已經有依幾種肉，我諗依個都係我翻食再翻食既原因法包外脆內軟，特別係咸豬手配上酸蘿白同青瓜，咸香之間又有啲開胃感，真係好好食雖然最近去好似又貴咗了

唔係講笑，雖然好食，但真係越來越貴，就黎貴到唔打算再食佢不過我又真係揾唔到其他比佢好食嘅我應該由十年前開始幫襯，佢價格上漲左大慨有50%大法包係分量夠大，足夠兩人食而且即order即焗個包，面頭夠脆，入面鬆軟，因為夠熱，D料雖然量唔多，但款式多，有四款，所以係豐富嘅，我其實冇乜留意有乜料，不過肯定有兩款唔同嘅肉，好似有一款係芬踶，D肉爽爽地，仲有紅蔔白絲，有D蔬菜類感覺健康小小另外一款唔記得其實叫個小法包都可以試下嘅😎

很久沒有回到添記吃他的越式三文治了。 今天在油麻地果欄買了一些生果，然後去了佐敦吃麵，吃飽了覺得意猶未盡。突然想起，佐敦渡船街附近的添記三文治，心想也有很久沒有吃添記三文治了，立即走到渡船街裏找找。以往經常性在外街吃新鮮現場做的手工腸粉，由於手工腸粉一定要等上半小時以上才可吃到通常，吃腸粉之前也會到這間三文治鋪買一個三文治，先再慢慢欣賞腸粉。但不知道是不是加租的問題腸粉店經營不來了，已經倒閉，所以已經很久沒有到渡船街裏找食物。難得今次在附近逛逛時突然想起他的三文治，便過來回味一下他的味道，越式三文治的餡料沒變也是有很鮮味的豬手，扎肉，腩肉加上醃了的蘿蔔絲，再加上番茄和青瓜而造成。法包在焗入焗爐前一定會先噴上水以防止包太乾。老闆的手勢，時間調教得非常好法包永遠是很脆的，但又不會太乾。幾十年的功夫永遠沒變， 他的醃蘿蔔也是十分美味不能在街上找到的。 特別要求老闆給予多些醃蘿蔔，令我可以更回味這個法式三文治的味道。由於已是晚上九時多了蒜蓉包跟往常一樣已經賣光，回味不了好味的蒜蓉包有點失望。但法包的美味已令我非常滿足。沒有了手工腸粉的配搭，總是欠了一些東西。其實現在渡船街在三站的中間，柯士甸站

一間舖唔花巧得一種食物但可以經營咁耐一定有原因,想試味好耐但之前一直搵唔到機會,今日食完飯行過見到都忍唔住照買來食一件法包37蚊就係好貴,但又大把捧場客即叫即焗即整要食好西當然耐性好重要出爐法包皮超脆但入面又好軟熟,紅蘿蔔絲酸酸地好開胃,青瓜好爽但就太小,咸豬手肉好夠味又唔肥,札肉就淡淡地,腩肉夠肥好香好香,仲有好似牛肉碎物體我唔鐘意食總體配搭好好味又新鮮,開店咁多年都日日排長龍果然有原因,但真係比較貴一件包等於一個餐價錢,試唔試味就自己考慮啦

渡船街有唔少食店都好出名，特別係呢間食越南包嘅，就算要行咁遠都值得去。當日純粹太耐想過下口癮，就點左個細法包再一開二share食，呢到每個包都係即叫即烘，所以法包好香好熱好脆，脆到一咬周地都麵包碎正因為即整嘅關係，無客嘅時候都起碼要等5-10分鐘先得，日頭多人更加要等耐啲。不過都見有好多人特登走一轉留定個包，轉頭先再攞大法包$72其實都幾貴下，但都有2-3個人嘅份量除返開都算ok la仲有d越南調味料賣

幫襯呢度超過十年，由於位置唔太就腳，我間唔中先嚟一次。昨日去開佐敦就週圍揾野食， 嚟到已經下午4點有三個人排緊隊， 點左細法包和汽水 $45, 十分鐘之後先攞到就行出門口食，因為鋪頭好細又迫滿人， 法包夠脆餡料豐富，腩肉， 扎肉，嚼肉， 豬手肉，醃製蘿蔔絲， 不過以前嚟食時候肉既比例會多啲，我寧願佢加價好過將貨就價。

有時想吃越南菜，就會想到這家法式三文治。師傅熟練地把法包切成等份，然後𠝹開麵包中央，灑上一點水後再放進焗爐，以防麵包烤得過乾。烤過的麵包再加上配料：扎肉、腩肉、嚼肉、咸豬手肉、醃紅蘿蔔絲、青瓜等等，最後加上胡椒粉。法包吃起來外脆內軟，蔬菜的酸味中和了肉的油膩，不怕味道過重。如怕胡椒粉攻鼻，可以請師傅輕手一點。

在柯士甸站出來，順路去「添記」吃我認為全港最佳的越式三文治，這便是我的小確幸也！還記得第一次自己比錢食的越式三文治，正是「添記」的出品。當年是我看罷某作家在專欄談及此小店後，便專程前往一試，結果並沒有令我失望，起碼證明那作家這次寫的並非膳稿。店子很細，一眼見晒。多數人都是外賣，但亦有一兩個位可供堂食，立食也沒問題。每次我都是order即叫即製，新鮮熱辣的小法包。先說其麵包，雖是來貨，但動作慢條斯理的老闆，每次都會再把它焗得香香脆脆才奉客，加分。配料十分豐富，有扎肉、越南分蹄、五香腩肉及嚼肉，全是自家製，口感和調味均十分適合法包，加埋醃得酸度剛好的青瓜及紅蘿蔔絲，間單而完美。有人說此店貴了。其實所謂貴也只是$37，中上環那些難吃十倍的越式三文治也不止這價錢啦。看見附近西九高鐵站大興土木，真的擔心「添記」所處的位置，遲早會被重建或遭大幅加租，如果小店真的有結束的一天，對我來說絕對是惡耗。