添記麵皇

營業中

休息中

這陣子大家都應該會比較清閒留在家中！我也是時候寫返之前食過唔少驚喜或者中伏的食店了！這次要介紹是在荃灣有驚喜的添記麵皇！添記麵皇位處享和街內被車房重重包圍著，坦白講如果不是在飲食平台見到真的不知有這間店子存在！看看餐牌見到有多款湯底選擇也很吸引，嗜辣如命的車媽媽當然一眼便盯上冬蔭功湯底，車爸爸吃的是正宗日式豬骨湯底，見他寫明不含味精我這個怕師傅的人要認真的嚐嚐了！我選的香茅豬扒拼韭菜餃米線$49轉冬蔭功湯底另加$3，而車爸爸則選了地道自選四拼車仔麵餐承惠$40！飲品方面午餐並沒有包括在內但可以另加$7選冷熱飲品一杯，我們也是例牌點上凍檸茶走甜和熱奶茶！車爸爸杯奶茶聽聞味道不過不失，而我的凍檸茶茶底清澈又有茶香味道很清新不錯耶！車爸爸那碗車仔麵的四餸包括有滑溜的豬紅、脆口魷魚、入味又淋身的豬大腸和鳳爪，配他喜歡的幼麵和豬骨湯底，我呷了一口湯底確實不覺有師傅存在，但又不算十分濃郁味道算得去啦！而我選的冬蔭功湯底喝下去酸辣香氣也不錯，但我覺得可以再濃郁多一點便會更加好味道！特別一讚餐廳會將香茅豬扒另上而且份量不少呢！豬扒醃得十分入味炸得酥香不油之餘還很Juicy好好吃喔！接下來到品嚐韭菜餃不

星期日係一個好難搵車位既日子，咁啱就係依度有個咪錶位，就走入去食米線，本身都食開，所以今次要寫食評介紹比大家今日叫咗個平時必食既1.酥炸豬扒煙鴨胸米線好食分數9/10豬扒非常入味，炸得金香讚鴨胸份量亦非常多，差唔多比曬成隻你所以非常之抵食湯底都係不錯👍🏻2.酥炸豬扒牛展米線好食分數8/10豬扒唔洗再介紹，但因為太好食，一個人都可以食兩塊牛展份量相對比較少，但肉質都唔錯👍🏻坐位數量中等，都較闊落整體都係不錯👍🏻👍🏻極力推介：酥炸豬扒

週末和屋企人在荃灣廣場逛街，購買了很多東西後，已經差不多午餐時間。剛好經過這條街，發覺添記搬了過來。以前吃過也幾好，所以叫了外賣回家吃。（現時非常時期，我們都減少外出用膳，多數自己煮或外賣）我們例牌叫這個豬扒米線（冬陰功湯底小辣），湯底很惹味但又不會太辣。但是反而豬扒有點瘦、有點柴皮。如果豬扒不是那麼柴皮會更好～可能因為外賣關係，豬扒拿到回家都沒那麼好吃。但是冬陰功湯底味道好味，所以下次來外賣，可能選擇其他口味的米線、例如魚、豬手等等。

每星期一次每次試一種招牌推介。荃西食開上一篇介紹嘅一間麵店。事原朋友介紹無添加麵店，仲要喺另一間隔離。去左一兩次，同老闆傾開，原來都喺度開左好幾年。唔講人地佢講自己啲食品。佢下功夫每晚準備好明天嘅湯料，又對食材有要求，魚要揀好嘅造魚湯，烹煮時間要拿捏得準確，又堅持自家調味，水餃要用雲吞皮... 以上幾點已經令到件事更有個性！食過十幾次。總結係唔係所有個性食材都會令你喜歡，好似我咁，試過佢地嘅雞翼，牛展，係比較甜，不是我杯茶。豬膶係用花調酒浸透，正！花枝得爽脆！魚湯好甜無味精！雲吞皮韭菜水餃好滑！....... 大家有機會都要試下！

今日去左間好耐冇嚟過既麵檔，呢度出名用魚淆 湯。 除左魚，炸豬扒亦都係佢哋嘅鎮店之寶。如果你唔想單一樣餸，你可以揀車仔麵餐。 仲有呢度除咗下午茶餐有飲品送外，其他要另加。今日既我嗌咗個炸豬扒米線， 不過我加咗錢 轉咗冬陰功湯。米線同豬扒分開上， 冬陰功湯唔係泰式飲開嗰隻， 好大分別的。 佢有洋蔥同埋啲香茜 可能個湯係用魚湯淆， 而又辣辣地，所以超級好飲。 至於個米線唔係蠟口嗰種，同個湯好匹。塊豬扒無乜炸粉，有好多汁同鬆軟。呢碗米線40蚊有找，又好味，值得推介。

自從冇喺荃灣做嘢之後，就好少落去荃灣，就算要去都好少過到去荃灣廣場附近，難得今日有一次機會幫老闆買汽車零件，有機會過到嚟享和街，我先至有機會再食添記，之前喺荃灣市中心有一間分店，已經冇咗好多年，所以真係冇乜機會再食，對上一次過嚟已經係一年前，一路最掛住呢度嘅魚湯嘅魚鮮有少少胡椒味道，香茅豬扒炸得香脆同獨特甜味無渣嘅蘿蔔，因為呢種味道其他地方係食唔到，仲要記得枱面上有一瓶辣菜甫唔可以唔食，呢樣先至係亮點

今日走去享和街，成日聽朋友推介要去添記食豬扒米線。今日中午一點多去到，見到內裡滿座，好彩等5分鐘左右就有位坐。第一次黎到，緊係睇下有乜推介，自己就叫左碗豬扒米線 (見餐牌上寫了 “必食” 二字)，而友人見到以下張圖就叫了碗黃沙豬潤米線。見到張圖都好吸引。但未知是否圖片只供參考，友人碗米線上枱如下:豬潤得5片，另位伙記上枱時仲要飛碗，令到碗湯飛左部份到枱上而我碗豬扒米線上枱啦，先睇下賣相先，都不錯豬扒炸左後不會乾身，有肉汗，都不錯。而個湯底寫明正宗日式豬骨湯底（無味精），但試落後無豬骨味，似清湯多D🤦🏻‍♂️。我同友人食完都覺得好奇，大家都勁口渴，明明寫住湯底無味精，但點解會咁口渴呢？咁就不得而知🤔

添記嘅魚湯米線，標榜不含味精，食完都唔會口渴。。 香茅豬扒好入味同埋係即order即整, 保持新鮮。 午餐時間特別需要排隊， 但唔會等好耐，Staff 又友善， 所以都受歡迎， 值得一直在去！

今日表妹帶我去食好西，食完仲有時間逛一陣商場先返公司好在早黎，剛好有二人枱，隔住玻璃都望到門口大把人等緊位。我覺得冷氣唔多夠，或者省電費唔開咁大吧。一碗米線只需$36仲有車仔麵揀先上米線，個湯底唔錯，我邊食邊當湯飲新鮮炸起的豬扒，肉質鬆軟，好入味，份量亦足夠送一大碗米線

舊添記執咗之後以為以後都食唔返😩點知有日行過附近見到有新店！位置係有d隔攝（附近係車房，難d有walk-in客）不過裝修同環境都好咗🤣店面都大過之前一倍以上以前多數都係外賣算今次終於堂食喇叫返以前最愛嘅鴛鴦雞翼+豬扒冬蔭功湯米線調味、配料、味道都同以前一樣最鍾意佢有好多芽菜、黑木耳同生菜好爽口湯底唔係好泰式嗰種但越食越辣又好爽～另外仲加咗碟菜同豆漿唔知係咪太耐冇食覺得比以前進步咗下次會試返以前都好鍾意嘅魚湯底！

#香茅豬扒米線 $36幾年前食過已經覺得好好食今日突然醒起有依間舖頭 就再嚟食🤓豬扒係即叫即炸🤩送到上枱真係熱辣辣肉質好淋 唔會炸到好乾 而且調味仲好好🤤湯底係豬骨湯底 佢地強調係不含味精 真係好好飲 聽講魚湯都好飲 大家都可以試吓🤗評分：9/10-#炸雞翼 $25又係即叫即炸 拎到上枱仲係脹卜卜😍調味冇豬扒咁濃味唔會炸到過火 入面仲幾Juicy😋評分:7/10

中午放lunch時同事推薦有間吃米線不錯的小店，由於平時都對米線情有獨鍾不過限於平時食開的都是那幾家連鎖店的米線鋪😆於是就二話不說一起去試食。位置雖近荃灣廣場，不過鋪面不大而且左右鋪位都不是食肆，所以不起眼。同事推介最出名的香矛豬扒米線，我叫了三餸米線（豬扒、金菇、雞翼）加魚湯底（另加$3）。豬扒好大份量亦很香脆，性價比高很抵食，魚湯底亦很鮮甜，不過試過同事的普通湯底味道也不錯😋下次可不用加$3魚湯底😆。

食過韮菜餃，豬扒，腩肉雞翼，都好好味，一食就知唔係求其整既餸。湯底好好味，平時成日食酸辣麻辣米線有啲悶，食呢個湯底健康唔肥膩，又夠味，唔錯食完唔會口渴，推介推介。

鮮鯪魚球魚湯米粉- 奶白色的湯底魚味極濃郁，碗邊掛著一梳梳白色魚肉絲，及少量黃黑色的魚皮，整碗湯麵一條魚骨也沒有，專業。惟湯底散發著薑絲的香辣味，理解需用薑僻魚腥，但若薑的份量能做到能僻腥但又不影響湯底的味道，肯定會天下無敵- 芫茜、洋蔥和芹菜散發清新鮮香，為湯底添上多份層次，多喝也不會寡；炸蒜粒只滲出淡淡蒜味，不夠香口，但好處是沒搶去魚湯鮮味；木耳絲爽脆- 鯪魚球未算鮮味，彈牙度屬中等；散發淡淡陳皮香；內藏馬蹄粒，添爽脆；看到芹菜，但沒芹菜味；有極微細的碎骨，不會傷到口腔，只是感覺不太討好- 米粉吸湯力極佳*偏黑色的辣椒油香辣帶甘味*另有淡黃色菜脯粒，拌入了紅辣椒，尚算惹味爽脆，惟完全不辣

這間麵店同事話好味，所以來試下。我們叫左鮮桂魚片米線，配魚湯，桂魚片份量也算多，葱同芫荽用匙羹放起，湯底奶白色，有菜，同事覺得好好味，夠鮮甜唔腥。份量不算太多，啱啱好鹵水牛米線，五塊牛，豬骨湯底。牛夠淋身，好味道車仔麵，有龍蝦丸，腐皮同魚皮餃，賣相幾好，腐皮好軟綿綿的，唔硬，魚皮餃同龍蝦丸也好爽口香茅豬扒幼麵，豬扒夠薄身唔會好肥膩，好味道，份量也是剛剛好，幼麵爽身又彈牙。湯底唔會好咸，唔口渴，真的是冇味精的啊！！