影片
更多
2021-05-12
1357 瀏覽
招牌套餐 轉擔擔麵 ($108 + $11)套餐包括酸辣粉、口水雞、涼拌木耳、涼拌青瓜、涼拌蟲草花浮皮、甜品同飲品。娘親經我極力推薦下揀試擔擔麵😂。川式擔擔麵，同平時食開嘅上海擔擔麵浸喺芝麻醬辣湯嘅煮法唔太一樣，係以拌嘅形式去處理，似係用醬油、辣油、麻油、黑醋，調和蔥、乾蒜 花椒同辣椒🔥，再加以少量炒香嘅麻辣牛肉同花生粒，混和幼身麵條嚟食。味道方面，小編今次嗌咗少辣，每一啖都會感覺到麻 辣兩種元素同時湧現🥵，加上濃濃嘅蒜香、牛肉碎嘅焦香，同唔太重嘅花生味 ，實在讓人欲罷不能❤️。而微弱嘅黑醋酸味可以稍稍解膩，吸引我哋繼續嗜辣，非常開胃。麵條口感煙韌爽滑👍🏻，非常之有咬口，而且掛汁，麻而帶辣嘅味道隨隨在麵根入面漸漸滲出，越食越香濃惹味😋，少辣夠味得嚟唔會蓋過曬麵香。可惜佢嘅醬汁唔太足夠，有啲乾身😬；由於係乾撈嘅關係，味道會比較濃，齋食耐咗可能會有啲口乾，夾埋餸同嘢飲間斷咁食體驗會好啲。加上製作時間應該有啲過長🧐，擔擔麵送上嚟嘅時候已經有好幾條麵黐埋一齊嘅情況。口水雞份量其實都幾多，溫度雪得啱啱好唔會暖。雖然佢比嘅幾乎全部都係雞胸肉，但肉質扎實得嚟都頗嫩滑，唔嚡口，似家常白切雞嘅質感，雞肉鮮
套餐包括酸辣粉、口水雞、涼拌木耳、涼拌青瓜、涼拌蟲草花浮皮、甜品同飲品。娘親經我極力推薦下揀試擔擔麵😂。
川式擔擔麵，同平時食開嘅上海擔擔麵浸喺芝麻醬辣湯嘅煮法唔太一樣，係以拌嘅形式去處理，似係用醬油、辣油、麻油、黑醋，調和蔥、乾蒜 花椒同辣椒🔥，再加以少量炒香嘅麻辣牛肉同花生粒，混和幼身麵條嚟食。味道方面，小編今次嗌咗少辣，每一啖都會感覺到麻 辣兩種元素同時湧現🥵，加上濃濃嘅蒜香、牛肉碎嘅焦香，同唔太重嘅花生味 ，實在讓人欲罷不能❤️。而微弱嘅黑醋酸味可以稍稍解膩，吸引我哋繼續嗜辣，非常開胃。麵條口感煙韌爽滑👍🏻，非常之有咬口，而且掛汁，麻而帶辣嘅味道隨隨在麵根入面漸漸滲出，越食越香濃惹味😋，少辣夠味得嚟唔會蓋過曬麵香。可惜佢嘅醬汁唔太足夠，有啲乾身😬；由於係乾撈嘅關係，味道會比較濃，齋食耐咗可能會有啲口乾，夾埋餸同嘢飲間斷咁食體驗會好啲。加上製作時間應該有啲過長🧐，擔擔麵送上嚟嘅時候已經有好幾條麵黐埋一齊嘅情況。
口水雞份量其實都幾多，溫度雪得啱啱好唔會暖。雖然佢比嘅幾乎全部都係雞胸肉，但肉質扎實得嚟都頗嫩滑，唔嚡口，似家常白切雞嘅質感，雞肉鮮味亦更加突出，雞皮又唔會太肥膩。調味方面比起擔擔麵，麻油同花生香更加濃郁😍，佢嗰種麻味同辣味好balanced 偏微辣，配埋香蔥同花生粒，層次更加豐富💯，幾開胃，有埋芫荽就更好🤪。成碟嘢味道好和諧，幾高質，我好鐘意食佢面頭嘅花生，炒得好香🤤。
三款小食都唔錯：
拍青瓜嘅花椒落得比較重手，食到個嘴好麻🙈；青瓜爽脆，麻油同蒜味香濃，鹹甜適中非常好食。木耳入口軟腍爽脆，咬落去鏗鏘有聲；主要用蒜蓉嚟調味，唔辣嘅，可惜偏咸。涼拌蟲草花浮皮，即係豬皮🤓(原本以為係海蜇)，做得非常爽口入味，味道有啲似唔甜嘅泰式酸辣，麻味係好淡嘅；豬皮做得好食好考功夫，所以呢個有驚喜🤙🏻。
甜品係桂花冰粉，外表美觀，晶瑩剔透✨✨ ；入口清甜，口感就似水晶涼粉，真係有桂花香，解辣一流。
嘢飲方面小編嗌咗熱奶茶，都沖得幾滿意，茶澀味足 ，如果奶香再重啲就更加好。
------------------------------
整體評分：7.9/10
小編回頭率：7/10
最後想講嘅係店員服務態度意想不到地好，超有禮貌(之前去親嘅川菜館啲阿嬸都好惡😑)，所以今餐體驗唔錯。
招牌套餐 (轉擔擔麵)
60 瀏覽
0 讚好
0 留言
擔擔麵
75 瀏覽
0 讚好
0 留言
口水雞
76 瀏覽
0 讚好
0 留言
涼拌木耳、涼拌青瓜、涼拌蟲草花浮皮 (跟餐小食)
75 瀏覽
0 讚好
0 留言
桂花冰粉 (跟餐甜品)
50 瀏覽
0 讚好
0 留言
張貼
