渝酸辣粉

營業中

休息中

店面都幾細下因為太少枱所以需要排隊都好多人幫襯所以要等幾耐下三個人食叫咗幾樣餸第一個係水煮魚二百幾蚊來講其實得幾塊份量好少味道都唔錯不過就唔太夠辣酸辣粉個湯底仲比佢辣如果真係想食水煮魚可以唔使去呢間另一個係酸辣粉味道係不錯的個湯底麻辣夠香味夠雖然冇咩餸不過就咁食都好滿足係今晚成餐飯嘅亮點仲有一個烤鵝肝都係份量偏細鵝肝好肥美 個汁就好一般般我哋自己點左個酸辣粉湯嚟食都尚算可以間店係細但係其實服務不錯係個水煮魚比較失色

鋪面不大，但味道卻不似小店作品。口水雞（半隻）雞好滑，入味，醬汁帶點麻辣和辣油香。粉都全部都唔大碗，比出面食嘅細，但味道的確好味酸辣粉唔錯，唔算太辣，酸酸地幾開胃。粉條好彈牙担担麵好香，麵條略彈煮得唔錯，仲帶陣陣麻醬香味，推薦牛肉麵湯頭好濃，飲落好正，牛肉算淋，麵質一樣煮得算彈牙雞絲奶白湯麵見餐牌有寫推薦，一試落呢個會比其他失望，佢比其他當然清淡，雖不至冇味，因湯頭不濃也不香。還有蒜泥白肉十分推薦很香，而且每塊肉上都夾有一片薄青瓜好解膩

耀华街上的一家酸辣粉小店，门店小小的，里面装修的还可以吧，色调主要是热情似火的红色，可以选择吃的东西不算太多，人少的话当常餐吃吃还行。点了一份肥肠粉，一份甜品凉粉。酸辣粉分量小小的，料给的还挺足。辣度也还可以吧，总的来说不算惊艳。凉粉的口味还不错。服务态度还可以，挺热情的。

自問自己好鍾意食辣，但銅鑼灣平價酸辣粉嘅地方實在少之又少。除咗傷心酸辣粉之外，今日終於試呢間bookmark咗好耐一間都係平價食四川重慶野嘅渝酸辣粉！鋪頭細細大概30個位置左右，星期日八點鐘去，唔使等。由於我同寶寶都唔算太肚餓，淨係叫咗兩碗重慶酸辣粉（小辣）。酸辣粉酸味唔算出，反而麻辣味就會係個口腔度縈繞，食完碗麵其實都唔算話辣到要瘋狂飲水，建議食得辣嘅朋友下次可以挑戰中辣。材料方面，佢嘅紅薯粉比較幼身，冇咁多咬口，亦因為咁，相對比較易吞。配料有齊花生、芫荽、酸菜，算係中規中矩。細細碗，女仔食就啱晒啦😆-重慶酸辣粉 Chongqi Spicy and Sour Potato Noodles with Minced Beef | $37-

係銅鑼灣行街如果諗唔到食乜野就會過來渝酸辣粉，因為這裡有我最愛嘅嗆炒土豆絲。通常會同老公兩個人來，各人叫一個面/酸辣粉，一個土豆絲，再加一個肉菜，夠食。這次我們兩個都選了酸辣粉，因為懷孕嘅關係，我選了小小辣，所以酸味會比較突出，平時選小辣。酸味和辣味就會比較平均。比選嘅土豆絲一如既往的出眾，土豆絲夠細，夠爽，加了花椒所以會有小小麻，食嘅時候要儘量挑走花椒。毛血旺因為豬紅賣完，便多加了其他配料給我們，都OK，雖然叫了小辣，還是比較偏辣。青瓜不夠入味，相比之下，鱔魚麵裡面的青瓜就入味好多，推薦一試。

運動後唔知食咩好， 想食得太油膩 ，其實本身特別食得好辣, 又特別喜歡食麻椒味, 剛巧麻椒癮起黎到cwb, 一於試試渝酸辣粉，剛好去到取了一張2人枱, 地方比較細, 不過幾有中國風味, 而且重點係, 成間店都有果陣麻味今日唔係好肚餓, 只係叫左3樣野, 加一碗白飯。

情人節去邊食晚飯都要等位。好耐冇食過渝啦，今晚等位等咗接近半個鐘，都餓到不行了。一黎叫咗個四川擔擔麵，好濃郁嘅醬汁，配合麵嘅質地非常好吃。之後叫咗個蟲草花配豬皮，口感好特別，味道酸酸辣辣，好開胃。另外加咗個前菜拼盤，呢個就一般般，分別係雲耳，青瓜同茄瓜。最好食係呢個筍炒豬腰同豬肝。味道好惹味，唔算太辣。

我自己一向都好中意食辣野！酸辣粉更是最愛。聽聞渝酸辣粉很有名，於是特意來試一下。來到小店已經有人開始在排隊了。果然是有名的小店。我們叫了口水雞套餐，友人叫了招牌套餐，讓我也能過嘗到小食。招牌套餐小食：涼拌木耳、涼拌青瓜、涼拌蟲草花豬皮。木耳：是不辣的，麻油味較重味道還是可以的，不過有少少咸。蟲草花豬皮：蟲草花很少，豬皮很好吃辣得很過癮而且清潔得好乾淨！整體很爽很有咬口涼拌青瓜：青瓜清甜多汁很是開胃。口水雞套餐（酸辣粉）：酸辣粉剛剛上的時候感覺有點分量偏少！配菜也不多。我們叫了少辣！剛食的時候不是太辣，但慢慢的那辣味就滲透出來。薯粉煙韌有咬口，但配菜真的太少而且湯底不算濃，酸和辣都差一點吃得不太過癮！！！可能我對酸辣粉的期望過高了。 不過湯底應該就很少味精成份，應該是店家自己熬制，因爲吃完後完全無想飲水。口水雞套餐（口水雞）：雞件夠嫩滑，可惜脂肪多了一點點！調味再辣一點點/可以選擇辣度會更加惹味。整體比我預期中失望！而且價錢較貴！試一次就好。

一直都好中意食酸辣粉的我，有一次睇雜誌的時候冇意中話呢間酸辣粉好好食，於是今日lunch特地同朋友一齊試下。我地大槪中午一點左右到餐廳，已經有2位客人排隊等緊，但係等左10分鐘左右就有位了!我們2人被安排坐4人枱，需要搭枱，不過冇咩所謂啦!我們點了2個套餐，而我就點了招牌套餐，招牌套餐包括有口水雞、涼拌木耳、涼拌青瓜、涼拌蟲草花豬皮、酸辣粉、甜品及飲品!招牌套餐-涼拌木耳、涼拌青瓜及涼拌蟲草花豬皮，涼拌木耳沒有辣味，偏咸。涼拌蟲草花豬耳，有少少麻辣，豬耳爽口!涼拌青瓜麻辣味適中，青瓜爽口清甜多汁!招牌套餐-口水雞，口水雞微辣，面果D唔夠味，食到底果D辣度較出!雞肉嫩滑，唔算好大碟!招牌套餐-酸辣粉小辣，酸辣粉酸味較辣味出，配料肉碎、炸菜、花生不算很多，小辣唔算好辣，麻辣味起初不算好出，食食下先覺得麻。薯粉煙韌。一碗的份量不算很多，這裡酸辣粉的好處是食完唔會好口渴!豆漿，豆味濃!用黎解辣亦不錯。套餐甜品為桂花冰粉，桂花糖水的味道非常夠，配上冰粉一齊食不但可以解辣，而且很冰凍!總括黎講，食物價錢偏貴而且小份，酸辣粉不是想像中咁好食，如果要食飽可能呢間餐廳不會是首選。

係隔離街返左2年幾工，見個mt成日一條友走去食，原來真係堅好食！第二間食既酸辣粉，一食先知原來傷心果d真係好一般，死油死辣。呢間野正呀，食落唔係太酸，飲啖湯又會酸返d，但咸味同香味做得好好，越食越麻，我叫少辣所以唔係好辣，加埋d蔥同芹菜吊一吊味，仲有小片荀同肉碎增強口感👍除左粉麵連小食都係有辣🌶️有唔辣，麻辣/滷水任君選擇。個蒜泥白肉先經典，紙咁薄，每一片都夾左塊薄薄既青瓜，入口即溶，個蒜唔喇口😋姐姐們都好有禮貌，招呼周到，下次會泥試下肥腸麵，口水雞同冰粉！呢一餐係食到心花怒放既酸辣粉，不過應該要節制一個星期at least。好啦寫左咁耐，等我繼續食埋佢（飽）。

天氣轉冷，是時候食川菜暖身今日特意來到銅鑼灣嘗試這間川菜，店舖地點很方便，就在時代廣場附近。四川擔擔麵，和在成都吃過的十分相似，微辣的醬料帶有淡淡的甜味和花生香味蒜泥白肉，白肉肥瘦適中配上脆卜卜的青瓜和醬汁，十分惹味。四川紅燒牛腩，牛腩軟淋熗炒時蔬青瓜豆漿，解辣聖品！

等朋友收工所以係銅鑼灣搵食..黎到［渝］既店鋪門口..細細的.. 有風格的..我就相信佢既食物會有1定水準.. 因為1直支持小店係相信佢地有自己的堅持..1睇個餐牌.. 其實好多都想點.. 但同行的只有1人所以只好叫3樣野食.. 唔想浪費食物..1.素食拼盤（木耳，茄子，青瓜）由於愈來愈開胃.. 所以唔記得左影相..2. 鐘水餃樣子唔特別.. 但味道超得.. 餃子最緊要有汁.. 超多.. 果然係推介3. 擔擔麵因為假期食太多熱氣野.. 所以唔想食太辣.. 叫左最細個個辣..對於食開辣既我就淡左啲.. 但係成個麵好煙韌好爽好正.. 如果食得辣既朋友可以叫辣啲.. 相信更加會色香味俱全..

potato noodles were delicious in a flavoursome brothy soup. the spicy chicken was deliciously morish. everything was spicy so make sure you get a soya milk to wash it down . dan dan noodles were ok but a bit too spicy for me and no broth like normal. next time we'll ask for spicy number 1. staff were super friendly and helpful. they spike very good english and were very efficientquite a small place with lots of westerners and locals on a road with many bars

前幾日下午3:00，去呢間小店幫襯，在耀華街小巷裏，店舖不甚起眼，但係三點時間仍然有五六位客人，我心想應該食得個喎。於是，坐咗入店，先知道原來冇下午茶餐，咁唯有叫返正價粉麵啦！一心諗住正價粉麵嘅份量應該唔會太少，點知真叫我失望。我點了一碗雞絲湯麵，雞絲分量唔算多，麵量亦都偏少，收費為$60左右，加想味道屬於中規中矩。所以我不會推介此店，如果收$60以上的價錢，食下午茶餐，比此店優質的，在銅鑼灣選擇還有好多。

平時好少寫食評，但今次真係忍唔住要出手讚下渝酸辣粉，希望多啲人支持佢。經過呢間野好幾年，今日都係第一次食，叫左碗肥腸粉紅湯，老闆好好禮貌，成間舖既人都好親切。紅薯粉略嫌硬，可能平時自己食開淋既，下次可以叫淋啲。叫左正常辣，個湯有啲後勁，麻辣之外有胡椒味，個人幾中意。另外加左個鍾水餃，見到好多人推介，真係好好味，個汁甜甜辣辣，好開胃，味道好難忘，唔係一味得個辣字，食完仲回味緊！一個人食左一碗粉再加五隻鍾水餃都食得哂。另外值得一提既係小店非常貼心，會主動加茶，見我用左張紙巾會補一張紙巾比我，見我差唔多食完會比牙簽，好貼心，上下員工都好親切，冇一般飲食業晦晦氣氣既態度。