渡船角海鹽燒 (已搬遷) 新店位置

去開渡船角,出名多串燒,重慶果幾間己經食到好悶...無新意...就渡船角試下d串燒..聽朋友講話出名係海鮮類...就去試下店員姐姐好好人,好nice...安排我地三人坐大枱..hehe...人地四個人都係細枱,可能因為我地有小朋友啦海鮮試左個聖子王,10"虎蝦,鮑魚都好新鮮!! 肉類唔係好特別,味道偏淡有果金姑包都幾好食特別推介:廣島蠔湯,店員話出面冇得飲架!不過上菜時間偏耐,坐低左25分鐘都係飲得個湯....但見到廚房有個叔父師父一路燒,一路自己食..都幾搞笑其實整體都ok...下次會再去!!雖然店鋪唔係好大,但野食新鮮加店員姐姐好nice同搞笑,介紹d野食都好食,唔似出邊果d點你

電視，報紙耐唔久都會介紹渡船街呢邊既野食，睇黎幾吸引，已經記住有好幾間鋪，呢間海鹽燒係其中一間。店員姐姐話主打燒海鮮，咁就燒下海鮮先。店員姐姐首推既係海鹽燒蠔，有六隻，都幾大隻下，睇落亦幾濕潤，冇燒得太乾身，賣相唔錯。鹽燒唔會太鹹，鹽灑得幾平均下，灑鹽功夫唔錯，蠔食落幾膩口，幾肥，係唔錯既燒蠔。燒蝦，有唔同尺數供應，要8寸，蝦殼帶有小小鹽味，殼幾脆容易剝，蝦膏就唔算太多，肉食落唔算太鮮，不過火喉燒得剛好，還可以的。鮑魚，當然唔係糖心。用上幾重份量鹽調味，蓋過本身鮑魚既味道，只可以講係幾有咬口下，其實切片上可能效果更佳。燒泥猛，係呢餐最精彩既一味，蒸既煲粥既食得多，燒既真係好少有，燒泥猛充滿一般燒魚既香味，泥猛亦鮮，亦滑，想不到蒸以外既泥猛都好味，好食既燒泥猛。帆立貝用上芝士黎焗，味道有d怪。大扇貝，燒得過左火，幾韌下。兩款貝類產品相對失色。鰻魚，似係加工版，多d汁會惹味d，唔夠多汁。海鮮以外，仲有叫其他野試下，好似魚餅，好似食緊一舊有魚餅味既齋咁樣。墨魚咀，煙煙韌韌，適合送酒。雞腎唔爽口，亦太鹹。鵝肝幾肥下，個面燒得無脆，肥腍腍一舊咁，賣相都好一般。雞翼，雖然個皮唔脆，不過醃得唔錯，好

佐敦渡船街八文樓一帶，相信是九龍區中其中一處串燒、燒烤店最集中的地方，粗略一數，便已有經常在飲食雜誌中賣廣告的「龍蝦燒」和生意愈做愈大，店舖愈開愈多，在同一條街中已開了三間店的「重慶燒」。其實這兩間食店自己都曾食過，不過印象只是一般，兩間店都太重孜然味，吃後喉嚨異常乾凅，如不叫汽水等飲品伴吃，實在難以解渴。這天來到這附近吃晚飯，卻竟看見有一間以燒海鮮作主打，特別以燒蠔為賣點的燒烤店，招牌的海鹽燒蠔與廣島蠔湯看來甚為吸引，立刻極力遊說老婆大人入內一試。原來這間店舖的營業時間是由晚上6時到凌晨2時的，這天來到，時間剛好差不多是晚上6時，店舖才剛開業，果真有食神呢！這店舖雖然地方細細，不過坐落都幾舒服，不會顯得侷促，而且部分裝飾好像掛牆的大鐘甚是別致。知道這裡以燒蠔為賣點，當然先來半打「招牌原殼鹽燒生蠔」啦！此外，這裡的另一「招牌廣島蠔湯」也當然不能不叫。這裡的鹽燒生蠔未算頂級肥美，但七十元不到的價錢，可以吃到半打味道不錯，肥美度亦過得去的生蠔，個人覺得已可稱得上是價廉物美了，甚為抵食了。比鹽燒生蠔更加好味的是這裡的「招牌廣島蠔湯」，這呈奶白色的蠔湯十分鮮甜味美，湯裡面還藏著一隻頗為肥美的新

今年生日除左屋企人果餐之外, 就只得呢位朋友主動話同我去食飯, 雖然已經過左生日, 但我都好開心, 睇黎下年應該係唔會有朋友記得我既生日.....真係可以叫絕對孤獨.......零朋友朋友非常細心響之前一日已經打電話去book位, 到當晚7點半就急急腳行去入坐, 可能我地有小小遲到, 當我地行到去渡船街既時候已經接到店員既來電, 完來店員驚我地唔識行過黎, 呢個係我既第一讚, 未到已經咁細心, 店員係女仔, 把聲都幾好聽架, 我心諗唔知樣貌如何.......順利到達現場, 店裡已經有其它客人入坐, 但尚未全滿, 不過已經全部留座. 店裡環境尚算可以, 廚房有三位男師父, 另加女店員三位, 然後其中一位女店員就話, 係咪岩岩電話裡果位, 然後我個朋友就回答係, 當時我就知道原來就係呢位小姐打電話黎confirm既, 店裡服務員都親切有禮, 大家可以留意下......講返食物, 我同朋友二人就立即落order, 真係好似唔駛錢咁叫, 我地分別叫左四轉野食, 當中包括: 海鹽生蠔x1, 黑椒生蠔x1, 招牌蠔湯x4, 雞中亦x1, 象拔x1, 雞軟骨x1, 牛舌x1, 鮑魚x2, 白鱔x1,

時間尚早~無需等位的一次因為全部是朋友點菜的，所以不太清楚是什麼只為大家拍下了照片=-=抱歉雖然沒有豪華的裝修，但是服務質數也很好~講一講D食物喇其他人也推介過蠔仔湯~我推介：鮑魚，帶子，同埋個個好好味唔知叫咩燒得剛剛好，很有鮮味

這是我第二次去海鹽燒, 還要是在短時間內第二次光顧, 主要是因為本身想吃的餐廳內部裝修...改地方就想到這裡當然, 好吃也是最主要理由讓我再到訪這家店第一次吃的比最近吃的少, 而且菜式也差不多, 我就只寫這次去嘗了什麼店子坐位不多, 所以有訂位. 不然過了七點就要在外面等兩個人, 吃了九樣東西很想念他們的廣島蠔湯. 湯頭很清甜, 是很自然的甜, 也有一股很香的胡椒味. 當然, 蠔是這湯的主角在口中就是滿滿的蠔帶出來的鮮甜味道, 蠔肉很鮮嫩. 單是這個湯就讓我們很期待等下的食物之後來了元貝. 一人一隻. 元貝肉圓圓一塊, 看似薄薄的, 但吃起來元貝的鮮味很出, 燒得剛好,肉質纖維不會黏牙.附帶的汁充滿元貝,海鹽跟香草的香氣融入了元貝汁中, 非常棒!到這裡一定要點他們的海鹽燒蠔.他們有幾種口味的, 但我就愛吃簡單的海鹽燒蠔.新鮮的生蠔以海鹽來調味就很足夠. 我是很愛吃生蠔, 對於煮過的蠔其實我沒有太大的好感因為通常吃的熟蠔都加上了大量調味, 又或者是因為不新鮮所用煮的這裡的燒蠔調味很簡單, 吃得出蠔的鮮. 燒的火候也控制得很好, 蠔的邊燒得帶點脆, 肉還是很嫩滑. 簡單的海鹽跟香草就很輕

過左成個禮拜先得閒上來讚~~haha~ 不過真係好好味~~見呢間野得咁少讚, 要上來支持下先得~~~連老公大人都話好得~兩個人主要想食海鮮,叫左:燒大元貝--- 兩公婆都一致認為好好味~ 連汁都飲埋~!招牌廣島蠔湯--- 隻蠔好鮮, 不過湯就有太多胡椒味, 但老公又好鐘意~燒大頭蝦---本來想食10吋虎蝦~ 不過因為休魚期, 姐姐話冇貨~ 要左大頭蝦~ 不過都好正好鮮甜蒜泥燒蠔6隻--- 好味~! 羊仔架----- 呢個唔得~~ 太熟~雞皮---- 好食!!! 再燒多一陣可能更好~ 燒白膳----超正!!! d 肉好肥美!!!燒大蘑菇---- 正~~ 好香~~如果可以淡dd 重好~~~燒牛仔肉--- 都幾好~ 可以叫~燒黃花雀----因為好耐冇食而叫, 不過唔識食~ 老公大人講完黃花雀的故事之後更加對食呢隻野有點內疚..........最可惜因為我地好夜去到, 燒鮑魚仔已經賣哂~ 下次一定早d 去食~順帶一提, 個waitress 姐姐好nice 又有禮貌又好cute ~~~ 可以比個最佳員工獎佢~~! (老公超鐘意佢~!) 個老闆都好好人~ 我地走既時候重比左張咭片我地tim~最唔得

本來食開日本放題，　但因朋友身體對魚生有影響，所以今次選擇熟食．　上一次去完龍蝦燒，朋友推介海鹽燒更值得試，所以今天四男一女，　試下是否一試．結果！　個人而言，　真是回味超值！一般我至少能夠提出五點以上的優點，　我先會Encore.以下是我個人認為可以推介的：1. 蠔湯, 很鮮甜，　湯裡還有原隻蠔2. 燒蠔（＄6X per six), （之前睇過推介，所以點都要試一次）,　結果叫了三次3. 黑豚肉串燒 (叫了不知幾多串了）4. 燒羊肉5. 服務 (特別要提及是服務的兩位女仕，　真是服務周到，無微不至，兩位亞妹無時無刻都睇住客人的枱，勤力有禮服務，令人有賓至如歸的感覺,　謝謝）有好也有不好，可以改善的地方我對於厠所沒厠紙會比較敏感，還有就是座位有點迫，　四人枱坐五人．我只能夠挑剔這些．抱歉.結果：四男都夠”皮”，埋單成為８８０元．　但食了很多美食，　有貴有平，　貴至飽魚，平至串燒也有．　非常回味，　必定Encore...

早前看到食評，看起來很吸引因為從未喝過蠔湯和鮑魚因此專程來這品嚐一下!味道比我預期中的好!特別是蠔湯,,我跟朋友各叫了一款招牌湯本人發覺菌香蠔湯味道好得很!而招牌廣島蠔湯的胡椒味便太濃,,幾乎完全蓋過濃郁蠔味至於湯中的蠔則鮮味十足!真真正正知道何謂海"鮮"再來是蒜茸燒蠔,,蠔面的蒜茸有些少油,,香口不用加鹽已很入味!十分!然後上的是牛肉串和豚肉串牛肉串點了六成熟,,才好吃!兩款彈牙,,多汁,,味道濃郁,,有種想一吃再吃的感覺原隻鮑魚!鮮味十足,,彈牙,,不黏牙齒可惜的是比想像中細,,$28哦!還有就是原隻大元貝味道不差兩人合共二百多元總括而言，吃得到上品海鮮物有所值!

本來想係大角咀找一間幾出名的串燒,但找唔到@就見到渡船角海鹽燒!!見佢外表都OK!就衝入去!!點知就哀.....又話出名海鹽燒蠔點知燒到出水又冇味........失望雞賢及雞軟骨燒列燶囇......失望重有串花枝丸完全唔知係咩嘢.....難食連最簡單燒菠蘿都係唔掂......難食全店最德就係支青島啤酒＠＠＠我唸你們要去吓其他的串燒或爐端燒參考吓.....先ok

此店雖然唔大,但都算坐得舒服 !但係啲嘢就真係唔得!講明係串燒,啲雞全翼送到嚟,我以為係鹵水雞翼?????如果係燒應該係乾身!而且完全無味!可能自己去BBQ重好味!重有啲牛肉唔知係唔係雪得太耐,完全無味同埋淋!其實其他食物都冇咩特別好吃!我都已經試過好多串燒或爐端燒,有平有貴!些店真的........要大大改善 !!!!

琴日生日, 朋友今日同我補祝, 我經報紙介紹下決定黎呢度食.本來打算到流浮山食蠔, 但由於朋友夜放工, 而且佐敦近佢公司, 所以就黎呢度食 "市區蠔" 啦~ 早一晚 book 左位, 入到場都唔多人, 鋪面有d 細,侍應姐姐們好nice (唔係客氣果種, 係搞笑果種),聞說呢度出名燒蠔同蠔湯, 我同朋友就好似唔洗錢係咁點.....- 天山菇菌蠔湯- 海鹽燒蠔- 黑松露燒蠔- 花蝦- 扇貝- 鰻魚- 芝士讓無骨雞亦- 雞腎- 和牛- 芝士腸- 錫紙包蒜油什菇仲有幾樣唸唔起... 因為真係點左好多.... (兩個肥婆係咁食食食)除左黑松露燒蠔有d 咸之外, 朋友最估唔到既係海鹽燒蠔比黑松露更好味 佢地既海鹽燒除左有鹽, 仲有加入香草, 令蠔味更突出~ 第二滿意就係個芝士讓無骨雞亦.雖然芝士味好似唔多覺得有, 但係帶有丁丁點點辣, 加上蜜糖同香草, 七味粉,惹味之至~ 咬落啖啖肉, 爽到呢......由於今晚電視做緊大結局前奏, 侍應姐姐們都圍埋一齊睇電視,但服務都絕不怠慢, 仲主動撩我地傾計.(最好係唔多野講, 一句起兩句止, 唔好阻住我地同d 蠔開戰)整體感覺好好~~以後想食蠔, 唔一定

朋友知道我生日喜歡食蠔..他從雜誌得知呢道有好野食便帶我來這裡..可能我地唔識路..從佐敦行過來約15mins.初頭侍應給了我們一間房仔. 有電視機. 我地去到時已經有2個人坐係度.. 坐左一陣覺得太逼, 後來女侍應話可以搬番去.立即舒服好多.我地叫了招牌廣島蠔湯黑松露醬燒蠔6隻海鹽燒蠔3隻燒汁燒蠔3隻羊仔架雞皮茄子船燒鮑魚仔燒膳蠔湯, 燒膳, 羊仔架都好好味.. 黑松露醬燒蠔我朋友就話唔夠味, 我見佢要加鹽同香味粉呀.呢度地方唔大.. 但d野食有特色.. 服務又好...值得一讚.(PS: 食完會好熱氣.. 要飲番杯涼茶下下火!)

唔知點解之前原來個留言留唔到都冇發覺...好啦~~再留過~~~^^唔~~都係o個一句啦~~好食~~師傳們真係好有心整d野食~~其實我今次已經係第二次去食架喇~~上次係個朋友介紹我去既~~咁我上次已經覺得好食~~但係好多時有好多地方既野食質素都未必可以keep到d水準~~呀~不過呢度真係keep得d水準好好~~而且佢地又真係好平喎~~我食完賣單都不過係二百零~~(兩個人加埋喎~)我仲要叫野食既時候係冇睇價錢架~~(因為佢d野本身個價錢已經平,所以冇細心睇就叫喇~~)而佢地間鋪d人好似一家人咁架~~個個都o係度有講有笑~~個感覺好舒服架~~不過係個地方細左少少囉...^^(希望你地快d賺多d錢轉間大d既~~)總之你地去試過就知我講既都係真架喇~~~^^

鋪頭雖然細，但是好整潔，感覺好舒服。食品即叫即燒，等候時問比預其中快，直得讚賞。原條茄子燒烤相當美味，重有豪湯郁直得品賞。自從早兩個月幫襯過之後便愛上該鋪。去到記得ＯＲＤＥＲ燒雞皮，因為其它地方冇得食，就算有都未必有該鋪燒得那麼正，幾小塊雞皮肥極有限。