渡船角海鹽燒 (已結業)

每個月都約埋姊妹去渡船街修甲今日Booking晏左咁我哋就食啲嘢先上去啦對面街成條街都係食見門口啲相幾OK又見鋪頭個裝修幾舒服坐低試吓海鹽燒都有幾多唔同種類款式嘅蠔豪門夜宴緊要試下嘅$98 有六隻真係好抵食仲可以揀一半係海鹽燒另一半係蒜蓉燒有兩款味道試吓D蠔就有大有細都算幾厚肉我自己就比較鍾意海鹽燒因為比較特別同埋唔會cover 蠔本身嘅鮮甜味我自己食咗一串安格斯牛肉 $33口感嫩滑而且多肉汁真的不錯食完蠔又食完串燒感覺都係肚空空所以再叫多碗魯肉飯 $20細細碗每人兩啖飯咁就啱啱好啦因為女人要keep fit 只可以食六成飽連野飲都慳返飲茶啦

話說當日跟2友人去完飯局未能盡興，於事去咗佐敦渡船角果頭求其搵間餐廳坐底繼續啤啤佢兼吹水～藍妹 $29 青島 $26啤酒都算夠凍，連隻杯都雪過，友人愛藍妹，我愛青島的純青與微苦小食點了雞泡魚干$48 夠香口送酒一流茄子船 $32濕吃就點了蒜香又多汁嘅燒茄子，味道一流

個日同朋友3個人去左佐敦附近有活動 最後就決定去近柯士甸個邊去食個宵夜 個邊多野食就大家知架啦 但依間好似係新開既 就同朋友就試下依個新屎坑茄子船 $32成條茄子甘燒 燒得剛好 茄子肉腍晒 燒得好平均 放了蒜蓉同蔥粒 好香口惹味 加上醬汁量剛好~ 一絲絲甘送上口中 配埋啤酒都爽既藍妹 $29啤油中我最愛藍妹 易入口帶甜 岩晒女仔飲 夠凍 岩晒鋸一鋸依度係文苑街 地方都易搵 有串燒湯品烏冬飯等食物選擇 餓餓地入去食頂下肚 

Lonely Thursday, 一個人去搵食，揸住架車四圍兜，兜到舊區渡船街，要有時租車場，就泊低搵野食。行左一陣見到呢間渡船角海鹽燒幾啱一個人食，就幫襯一下，店員推介食蠔最出名，我本身嗜蠔，啱晒我第一味奉上是蠔湯，味濃而湯入邊有隻頗大的蠔，夠鮮味之後是海鹽燒蠔，蠔夠鮮味而且豐滿，蠔味混和海鹽絕佳配搭，一客三隻，非常滿足串燒安格斯牛，一小串有三小片，牛味夠濃蠔飯糰，飯糰包裹著一隻小蠔，味道頗特別我之後還點了野菜包和肉燥烏冬，小吃點左芝士年糕，味道不錯

最近聽朋友推介佐敦的渡船角海鹽燒，話佢地用料新鮮，特別是燒蠔，而且價錢合理，所以我同女友人特地專程去試試。這店舖地方不算大，不過坐落都幾舒服，不會顯得侷促，可能時間尚早，鋪內客人未見太多。甫坐下，我們便聞到燒蠔香噴噴的味道，原來隔離枱食客點了燒蠔，其香氣直撲我們的嗅覺，即時令我們急不及待睇餐牌點菜。是晚我們點了以下食物三文魚刺身：三文魚刺身有五片，片片都厚切，三文魚色澤鮮嫩，味道鮮味可口。魯肉撈稻庭烏龍：該店魯肉是自家製的，直接食味道略帶鹹味，如果撈埋稻庭烏龍一起來吃，味道出奇地夾，鹹味剛剛好，加上稻庭烏龍口感煙韌，平凡的外表有著不平凡的味道。招牌廣島蠔湯：奶白色的蠔湯十分鮮甜味美，也有一股很香的胡椒味，湯裡面藏著一隻肥美的新鮮生蠔，把蠔舀起一啖放進口中，口中就是滿滿的蠔所帶出來的鮮甜味道。鹽燒日本厚岸蠔+XO醬燒蠔：鹽燒日本厚岸蠔採用沖繩的天然鹽粒所炮製，更能帶出生蠔獨特的鮮味，而且大廚技術拿捏得宜，令生蠔不會過火；且XO醬燒蠔就有令一番風味，XO醬味道濃郁，略有微辣，愛吃重口味的必定愛上這款燒蠔，十分不錯。原味燒羊架：燒羊架生熟程度也處理得相當好，羊肉的味道很豐富，因為本身的味道很

今日約咗剛剛新婚的朋友. 佢話要多謝我送結婚禮物比佢. 所以要請我食飯. 仲話帶我去試海鹽燒. 地點佐敦. 原來佐敦文匯街/文苑街有好多嘢食的. 尤其係串燒. 朋友揀咗渡船角海鹽燒. 店舖不是太大. 但座位寬闊. 而且店內比較寧靜. 係一個傾計好地方. 店內都是一般日式裝修. 看看餐牌, 都有好多食物種類選擇. 肉燥撈烏冬-肉燥有點像麵士醬, 少少咸再加上肉碎, 味道尚可. 烏冬就好彈牙象拔蚌-好迷你呀, 第一次見迷你象拔蚌. 不過唔好睇佢細細隻. 其實肉都厚的. 而且爽脆, 加上用了海鹽及香草燒. 味道特別. 安格斯牛肉-切成細細件, 一串有四件. 肉質juice及軟滑. 三文魚飯團-外面燒得少少脆及有少少甜味. 裡面有三文魚肉碎(雖然唔係好見到)但食落好香三文魚味. 再加上外面的少少甜. 味道好夾好味道. 芝士年糕-咬落軟綿綿的. 芝士足夠Agu鵪春蛋卷-用煙肉卷住一隻鵪春蛋. 這個我沒有食過. 煙肉香脆Agu車厘茄卷-都是用煙肉包住車厘茄. 車厘茄好juice, 好甜全晚最最最好味嘅出場了. 厚岸豪- 有3隻鹽燒, 3隻蒜蓉. 豪肉大大隻. 鹽燒的我比較喜歡. 因為蒜蓉好多時都可

今晚屋企又無飯食。落樓下睇下有咩好食😳渡船街八文樓，一向都有很多很多食店。今日決定就是你。渡船角。海鹽燒。簡簡單單，飲酒，食蠔，串燒，閒聊好去度。招牌廣島蠔湯。作為一道頭盤，飲啖靚湯潤潤喉。咬啖蠔，飲啖湯，人生樂事。另一招牌菜。燒蠔！每隻蠔都夠肥美，小小黑椒，小小海鹽吊味。咬落去𥚃面仍充滿汁，沒有燒得太老。Ps。小心蠔殻，很熱的。燒蠔燒出來的蠔汁，絕對是精華所在😍繼續食蠔😝蠔飯團。主食都係有少少飯落肚好啲。日式烤飯團，烤到飯脆脆地、微咸。不錯不錯。除了蠔好吃之外，仲有其他不同的串燒燒牛柳粒。沒有燒到完全熟透，內裡夠哂juice。燒鱔。無咩骨、啖啖肉、皮脆肉嫩。可以配上燒酒或者啤酒就完美