渡船角海鹽燒 (已結業)

今日到訪既小店蠻隱蔽的，位於柯士甸與佐敦站中間的渡船街，小店以燒物串燒為主。日式蕃薯仔，外皮有一層薄薄且脆的焦糖，配上甜度十足的日本小蕃薯，外脆內軟。手打墨魚丸，質感非常非常彈牙有咬口，而且墨魚丸相信是有淹製過，底味非常夠。雞肉棒，非常飽滿，吃起來一點也不乾啖啖肉汁，札實飽滿。雞腎粒，小小的雞腎是很容易燒乾和硬身，但這雞腎粒有咬口又不乾，火喉控制很好。腐竹墨魚卷，和墨魚丸不相同，相比下是較像墨魚餅但是燒的，類似墨魚味的雞肉棒。鹽燒豬頸肉，豬頸肉的肉質口感無需多說是很好的部位，簡單用鹽燒已經非常好。鹿兒島黑豚肉，不像豬腩肉和豬頸肉，是肉質脂肪分佈非常平均的肉，燒起來油脂佈滿整片黑豚肉，讚！

應朋友要請去佐敦渡船街食鹽燒日本蠔,最近我也提過串燒店如雨後春筍, 食店儘自己本领, 做出其特色去吸引食客！我和朋友都喜歡吃蠔。所以她約我去吃燒蠔另又叫了蠔湯:當然還有其他啦

與友聚會相约於渡船角的海塩燒、小店主打是蠔、店的對面分店更是蠔吧……我們喜歡燒物、選擇這邊坐、一道落地玻璃牆、透視街外、很有自然隋意感、坐得尚算舒適。當然要试试招牌廣島蠔湯和海塩燒蠔啦！品嘗第一口奶白色蠔湯~wow~鲜甜、有蠔味碗内含一隻脹卜卜的蠔、爽口、唔腥、幾好！海塩燒蠔~原汁原味、爽甜！黄金釀蟹蓋$19元、……雖然细細隻但味道好食到蟹肉鲜甜、面層焦香、手打蝦丸……爽口得來有些咬口、安格斯牛肉粒……甘香、唔韌~(原條)燒茄子……有蒜香、好滑！好味！釀餃子鷄翼……外皮香脆但有点羶味、直得一讚的！腐乳豆卜……面層脆卜卜入口散發陣陣腐乳香味、不太咸！佐酒一流！秘製牛脷心和迷你蕃薯仔……以上燒物再呷上一口冰凍啤酒、真是滋味！！燒物好味！是一個聚會唱飲的好地方！

近排成日OT 放工就去宵夜。串燒就最岩。吾會太飽, 又可以搵個地方傾計 relax 下。喺 Open Rice 揾左 渡船角海鹽燒。地點都方便，靠近柯士甸地鉄站。有好多食評介绍𧐢，my favour 喎。急不及待 order 招牌𧐢湯熱騰騰 湯味鮮甜 充滿𧐢味肥美腐乳燒豆卜 - 原來腐乳同豆卜喺 friend 嚟 味道咁夾嘅烏冬彈牙 湯底清甜 不錯串燒配啤酒一流 食吓 飲吓 傾吓 又一個愉快晚上 so relaxing 💕

有個真正朋友確係好！收工飲下啤酒食下串燒，談天說地不亦樂乎當然一開始就叫支啤酒 啤啤佢！心思位：用了冰凍的酒杯，不用加冰塊都可以保持啤酒冰凍！返工辛苦，當然要補補佢，點了一個鹽燒+蒜蓉厚岸蠔，尚有其他口味 可自由配搭！蠔有濃重的海水味,入口都好滑雞中翼　串燒必備ｉｔｅｍ！　安格斯牛肉　內裡還有大量肉汁，不是簡單的活兒什菇包，牛油味很濃，很香，包內什菇很是＂林＂滑，散發住獨有的菇香鹽燒豬頸肉　入口散發住油脂的甘香　雞腎粒入口彈牙，爽脆豬心片　出面很少食得到，這度菜很考刀功，要把一個小小的豬心，切成長長的一條，再串上串燒，味道甜甜的，口感像是薄薄的牛肉ＡＧＵ露荀卷，豬肉包裹露荀，油脂透入露荀之中，使之入口爽脆香甜芝士芝士　是芝士呀，外部烤得香脆，如新鮮麵包一樣，內裡煙ＵＮ肉燥烏冬，很妙的組合，比之米飯，入口滑溜溜，口感層次更多。總的來說，見到小店是用心的！

之前見過不少介紹，所以約埋朋友一齊蠔食~ 佐敦站行過去有點遠，柯士甸站比較近，係旺街入面，算易搵。 小編朋友有book位，但早到了，照可以入。 給客人兩本菜單，一本熟食，一本燒烤。是次叫了很多款食物，下面慢慢介紹。 枝豆啊～標準前菜。暖暖的，鹽唔算多，可以是健康之選。 煙肉雜菌忌廉意粉，這個不能不推介！好好味！！比外面的意式餐廳還好味！ 意粉標準，但忌廉汁很入味，不膩，香味留在味蕾令人想一吃再吃。 雖然初時叫意粉是為了可以飽肚，但好彩有叫。 蠔湯有兩種，我們3個人，叫了兩個招牌，一個天山菌香。 招牌蠔湯比較清淡，有陣陣的蠔鮮味。 天山菌香蠔湯味道較濃，似味噌的味道，但不減蠔味。 朋友認為天山菌香蠔湯比較好飲，而小編則認為招牌蠔湯不錯。好味~~ 第二前菜~中華沙律...意想不到有海"折"！呵呵！ 牛脷和宮古黑豚肉！ 燒物來說是偏向高分，但性價比較低，份量較少。 牛脷很好味，入口即溶！ 宮古黑豚肉有點咬口，燒得入味！ 當日做緊優惠，HKD28有刺身送... 不過這個刺身不太行，連三文魚味都唔出，所以如果不是特價就不要叫了！ 包燒

🍢🥃🍱夜晚流流三五知己想傾下計，食串燒當然係最好選擇😎👍🏻去左好耐冇踏足過既佐敦渡船渡，眾所週知呢度超多好野食仲要開得好夜👍🏻同大家介紹呢一間好好味既＂海鹽燒＂😍坐得舒服又唔迫👍🏻香港既串燒店大部分以七味粉為主，而呢度重點係標榜用日本沖繩嘅天然鹽粒調味！帶出真正食材鮮味。＂招牌海鹽燒蠔＂你估唔到燒完之後肉質脹卜卜重keep住勁鮮甜好juice，根本唔需要用其他蒜蓉或者葱調味料，沖繩海鹽已經足夠提升蠔既鮮味，啖啖肉再飲埋d蠔汁！超正！每枱用$28就食到既三文魚！新鮮大大塊！物超所值👍🏻＂鹽燒雞翼＂係必食推介，金黃色外表唔會燒到乾爭爭重好光澤，肉質嫩滑又有陣陣＂孜然粉＂味，我地三個女仔食完一串，第2 round忍唔住再叫多一串😝好好味！＂鹽燒茄子＂茄子大大碟係咁多配料配合底下勁入味！食咗咁多燒物，食返個＂冰鎮日本鮑片＂清一清喉嚨！😋＂鹽燒韭菜＂同＂鹽燒四季豆＂係食串燒必點之一，非常入味！d韭菜好新鮮食落口索索聲！四季豆又好甜！＂炸紫心香芋丸＂必食！熱辣辣流心香芋，又甜又煙韌！呢度嘅食物因為即叫即燒，普遍都要等15分鐘左右，亦有提示牌叫客人稍安無燥，大家都知道串燒係一種慢工出細貨嘅食物😋最抵

串燒這回事，一次可食很多串，儘管熱氣，但因為抵受不了那種惹味，仍是我時不時會去吃的一類美食。串燒的話在渡船街附近也有幾家選擇，今次來搵食就走進了這家。店內主題以日式為主，廚房玻璃前放著一包包石垣鹽，令人期待即將出現在桌上的美食。魚生、生蠔、煙肉卷、廣島蠔湯先講前菜，在門口看到半價魚生就點了啦，色澤不錯，而且是厚切。另外這裡除了燒蠔，還有生蠔，今次選了美國蠔和法國蠔，能在吃串燒的地方吃到生蠔，我覺得是一大bonus!另外點了招牌蠔湯，一大粒蠔的奶白濃湯，只售二十多元，絕對是前菜不二之選! 黑椒鹽香燒蠔燒完的蠔仍然保留飽滿感，燒得恰到好處，不會乾水不會縮到消失了，每人吃三隻都已經很足夠，夠份量的蠔就是予人滿足的感覺!蒜蔥茄子船、蜂蜜柑桔、安格斯牛肉粒、鹽燒豬勁肉、蘇格蘭蟶子王店裡自家制的蜂蜜柑桔很滋潤，看顏色也知道是濃濃的，配串燒下火最好。蟶子王肉質鮮甜，彈牙，也是燒的時間準確。鹽燒富士蘋果、京蔥串、Agu豬秋葵卷、錫紙金菇包燒菠蘿相信很多人都試過亦都很喜歡，來到這裡看到餐牌有富士蘋果，又即管試試，果然一試成功，光看外表就已經超吸引！甜甜的暖暖的富士蘋果，外層燒得焦焦脆脆的，真的很不錯!

《渡船角海鹽燒》用鹽去調味, 燒調味材料夠高質, 輕輕味調已能帶出其鮮味, 也不會令身體負擔太重, 吃完了晚上也不會覺得口渴。今晚約了好朋友一起大吃大喝一番。宮古黑豚豚肉是一口一件, 放進口內感受到豚肉油脂豐腴, 有入口即溶之感,並不會覺得膩, 鹽香味道帶出鮮味, 美味可口。雞軟骨富爽彈輕盈感覺; 鹽味帶味道, 烤得外香內軟; 肉質細嫩。店主烤得雞軟骨如此吸引。三文飯團飯團拿來烤, 烤出飯焦來, 令我想起我們本土的煲仔飯, 有異曲同工之妙, 這個日式特大飯團本身已均勻地沾滿醬油, 味道少少甜, 加上三文魚香味, 咬下去外脆又煙靭, 吃飯頓時變得好有趣。一道接一道串燒, 在面前即製即食, 如電影般的節奏緊湊, 一來實在是坐得舒服, 空間感十足, 二來食物款式多, 但每款份量恰好, 同時可多吃到不同東西, 數數今晚吃到多款款美食, 我們食得十分開心。店員送菜快不漏單, 過程中常主動加茶, 及介紹食物。這樣好的渡船角海鹽燒, 會推介給其他愛吃的朋友。

近期，我最愛就是《渡船角海鹽燒》。這間串燒店在渡船角, 一條不起眼的小巷, 卻就是美味海鹽烤熟食物, 一想起串燒外脆內嫩, 真令人期待呢。雞軟骨外脆內嫩, 爽脆有嚼口。雞皮雞皮爽得來脆口, 滋味無窮。燒雞翼餃子雞翼亦燒得外脆內嫩滑, 無失手! 八爪魚鬚八爪魚口感爽, 燒得好靚, 魷魚味濃, 肉質嫩滑, 推介!茄子船個人覺得是今晚no.1的菜式, 茄子軟硬適中, 非常多汁, 一點也沒燒乾, 這是很高技巧才能做到的, 燒蔬菜不容易, 而且蒜味很濃, 令人回味無窮呢總結對這晚的串燒十分滿意, 每一款都好好吃, 沒有失手, 全都用心去做, 加上服務非常殷勤有禮, 食物上菜很快, 價錢相宜, 這小店真是值得支持, 會和朋友再去吃呢。

本人一向對蠔情有獨鍾 , 不過只限熟食, 無論燒蠔, 炸蠔, 焗蠔, 鹽水蠔......都可以無限暢食, 今日去了佐敦搵食, 見到呢間以蠔做主打的餐廳 我又點可以放過呢 , 在門口細看之下它們除了蠔 , 其實還有很多選擇 , 有刺身, 串燒, 鍋物等等, 食物種類的選擇一定可以滿足每一個人, 原來對面的舖頭也是它們的, 是間蠔bar , 主要係食生蠔, 也滿足到生蠔的愛好者門口有個"本週優惠串燒", 見價錢比起原價都平差不多一半 , 大家合胃口可以試下除了menu , 牆上亦有寫著推介大家那些是必食的 據聞這個蠔湯的湯底是師傅熬足六個小時的 , 月賣近二仟碗一試真是不得了 , 湯底好creamy好濃郁 , 再加上隻肥美的生蠔 , 正這個燒牛俐心 燒得剛好不會過火 , 肉質爽口 厚厚的燒鱔, 外皮燒得脆脆的, 咬落中間不乾, 滿口都是魚油香燒蠔非常肥美 , 燒完仲係脹卜卜不會縮水 , 據聞是用沖繩天然鹽粒調味 , 簡單的調味帶出了蠔本身的鮮味, 還有淡淡的海水味這個豬心片食落帶小小爽口, 燒得剛好不鞋口 , 有香香的肉味什菇包用香草同牛油焗制而成 , 一打開香氣十足, 非常之惹味湯底很濃

今日小編同一位友人新嘗試，嚟到呢間食串燒嘅餐廳食飯。由於小編都幾鍾意食串燒，所以其實都幾期待，而佢呢間餐廳就坐落於佐敦渡船街，呢個餐廳非常多嘅美食區入面。因為小編怕無位，所以預先book左枱，八點半準時入座，入到去場內都幾鬆動，唔會話相當擠迫。之後就開始睇Menu，見到佢其實都好多選擇好多嘢食，有雞豬牛羊，菜烏冬飯豆腐，以至佢嘅賣點之一，蠔！真係搞到有好嚴重嘅選擇困難症。呢度點餐嘅方法都幾特別，就係由食客親自落單親自寫底想點啲乜嘢食同份量，所以我諗真係要搵個首字寫得靚靚嘅人黎負責寫啦。其實呢個方法都好嘅，因為避免有啲客人賴皮話無order過呢d食物👍🏿又可以比客人有少少責任👍🏿好！order完之後第一樣上枱嘅嘢就係青島啤酒哈哈。本身啤酒係平平無奇，但驚喜就係餐廳會雪凍左隻杯比客人，呢樣又係唔係間間餐廳都唔會咁做嘅，所以呢到驚喜得來又加左分啦😀嘢食上枱啦，第一樣嘢嚟嘅就係燒蠔！係小編同友人最愛，亦係餐廳其中一主打菜既生蠔！不得了！落咗order之後隔咗大約5分鐘，其實佢都已經開始慢慢上菜，串燒來講速度都真係幾快。講番啲蠔，真係要整返張close up。佢個蠔好新鮮好入味，由於佢攞orde

初次試食這一家，係因為佢門口貼住有唔同味道嘅燒生蠔感覺新鮮，殿堂級食法仲好似係有黑松露燒生蠔 呢度啲燒生蠔，有好多種配料俾你選擇，非常有驚喜，一般都係六隻起，可以向店員查詢雙拼，不需要另外收費。真係未試過食燒眼雞，好重鹽燒味之餘肉質非常鮮甜，而且size唔算大，可以留肚試其他食物！燒茄子，切開燒會令肉質更加淋，不過整條燒起肉既時候會比較方便唔會成日痴住d皮。味道唔錯好多時候成日顧住食，都唔係好記得影相，搞到啲菜式嘅相片都係得幾張

今日約咗一大班朋友食晚飯，但5點多我已經去到佐敦，好彩另一個好友都早咗出黎，想行街又冇咩地方想去，佢就話不如搵個地方坐低傾下計，上網搵到呢間食串燒，一於去試下。離遠已經見到大大個招牌，好易搵，6點鐘已經有幾枱客人，坐位都算舒適，傾計好選擇。由於我同好友都有對蚝情有獨鍾，見佢必食推介都係蚝，於是叫咗個蚝湯同蚝鍋。先黎個蚝湯，天氣凍凍地，黎個熱辣辣嘅湯暖下胃，蚝味十足，加咗少少黑椒，一啲都唔腥，隻蚝仲好大隻，肥美，正呀！飲完個湯，暖完胃就更加肚餓，再黎牛脷串燒，燒得剛剛好，牛脷好林，易咬，而且質感好軟綿綿咁，好好食呀！豬心片串燒，平時好少會食，佢又唔完全似腎咁爽口，但係呢又唔係豬肉咁林喎，係介乎兩者之間，有少少爽爽地口，好特別，而且味道一流，亦燒得好好，唔會燒燶晒。燒白鱔，白鱔一向都好香魚油味，加上燒，真係冇得彈，而且佢地用嘅白鱔好新鮮，好肥味，燒完入口啲魚油出晒黎，正!再黎緊係燒蚝啦，愛蚝之人必食，海鹽燒蚝，原汁原味，佢地嘅蚝真係唔講得笑，隻隻都好肥好鮮甜，我地連個殼啲蚝汁都飲埋，新鮮嘅蚝係一啲腥味都唔會有！另外叫咗雜菇包，有3，4款唔同嘅菇，勁多蒜蓉，所以好香，如果加返多少少牛油就仲

行完圓方黎左舊佐敦搵食，呢度真係好多串燒舖，間間都香噴噴真係唔知點揀好，是晚揀有渡船角海鹽燒，睇落乾淨光猛，感覺良好。坐低睇下食咩先，餐牌有兩大本，一本係食串燒，一本係食西式意粉意大利飯咁，好新奇，無諗過串燒店有呢啲食。隨便點了幾樣野，先來個蒜香茄子，上枱時香味十足，蒜容味撲鼻而黎，茄子燒得香口，不算油膩，蒜香真係好正。另外仲叫左呢幾樣，燒三文魚飯團，size細細的適合一人獨享，飯團加了醬油去燒，外面香脆又甜甜地，好有香焦嘅感覺。燒牛仔骨肥美甘香，牛仔骨旁邊的牛脂燒起上黎真係好正。燒墨魚丸，餐牌上寫是手打的，真係幾彈牙喎。燒牛舌芯，超嫩滑，入口軟腍好正。全後整左碗魯肉飯，始終習慣有點米飯到肚嘛，魯肉肥瘦比例適中，調味不錯，用的是珍珠米，簡單又好味。仲有好多燒海鮮想食，下次同朋友黎可多叫一點試試。