渡邊屋

營業中

休息中

去九龍城食飯係人都認為食泰國嘢最出名，但今晚我改變了，搵到間食壽司，雖然堂食得五個位，但新裝修，齊齊整整，簡潔乾淨，最緊要係有個日本人伯伯負責落單工作，成件事真係好似去左日本壽司小店一樣👍🏻。先來個海膽魷魚刺身，彈牙魷魚配上新鮮海膽，食到我老婆都笑左出黎🤭，再來是辣味三文魚手卷及帶子沙律手卷，紫菜脆卜卜，不過醋飯原來先係主角，好食既醋飯會令海鮮升華到另一個級數👏🏻。所以我立即order一碗火炙三文魚帶子飯🤣，厚厚的三文魚+肥大的帶子😋回味無窮👏🏻。還有深海池魚是我的最愛🤭都係果句《新鮮》，醋飯無得輸👍🏻。超滿足的一餐，結帳時見到做會員有更多優惠😆立即買了🤭。離開時門口一大堆人在叫外賣，好彩我兩今晚算早食晚餐😆。

對於我一個可以成個月都食壽司🍣嘅人 竟然會未嚟過 實在系太遲認識 按完摩💆🏻一個人me time👩🏻🥢就梗系要食壽司🍣大推本鮪壽司盛盒已經有曬吞拿魚四個部位-Tuna/Chu toro/O toro/Negi toro 只系$146質素高價錢仲好reasonable 最中意食chu toro有油脂感不膩又有鮮味 🍣🦀黑白黃金蟹膏軍艦cheese&crab miso一件軍艦二種口感🥢火炙左口魚邊手卷😏💓😍😚我真系好中意食左口魚邊 左口魚背鰭臀鰭之間嘅一條邊 呢條裙邊位置正正就係成條魚最肥美嘅部份😋😋😍😍 炙燒之後魚油滲出食落更加濃郁甘香最正系我而加知道左佢地2230先last order咁我以後食宵夜又多個地方🥢🍣🍱🍙🥡

九龍城充滿美食，趁着要去九龍城搵朋友，當然要搵間未食過嘅地方試吓，突然又想食日本嘢，就喺網上搵到這間渡邊屋日本菜，店舖裝修很有日本特色，原來這間壽司店係立食，很有日本地道風味。店舖有一張長形小吧枱，環境乾淨，老闆人品好，而且師傅即叫即製壽司。點了一個刺身盛盒，盛盒有七款刺身，有三文魚，油甘魚，真鯛，甜蝦，帶子，海膽魷魚和𩶘魚，三文魚超厚切，非常新鮮，帶子亦很大粒，吃一口軟綿的感覺，越食越鮮甜，海膽魷魚一口一啖，海膽鮮甜魷魚爽滑，每一款刺身都10分新鮮，我食得出店裏的要求。這個火炙壽司盛盒，有三文魚，左口魚，赤蝦，帶子，鰻魚，油甘魚和原條海鰻，這些壽司經過火炙，魚油滲入飯中，增加了一陣陣的焦香味，加埋新鮮的即磨芥末一齊食，好好味。這個拖羅壽司，可以一次過食晒不同的部位，食落完全冇筋，一口一啖，食落口滿滿的油花，魚油的油脂甘香，在口腔內慢慢溶化，濃郁鮮甜。這個芝士蟹子手卷，咬一口表面紫菜又夠脆，芝士味香濃，而且蟹子入口卜卜脆，10分好味。芥末魷魚軍艦，一入口芥末就衝擊着鼻腔，魷魚煙煙韌韌， 10分有口感，這個壽司是我其中一款最喜歡的壽司。每一款壽司，都食得出師父的熱誠，用心製作，而且食材非

岩岩裝修完既渡邊屋真係好令人期待，呢度既裝修有種令人煥然一新既感覺，而且位置方便，係收工食飯既選擇😋😋呢度壽司一般都係以件為單位，咁就可以食多幾款唔同既壽司，而家師傅會係你面前即場握製，已經係視覺上既享受🤗🤗首先試左件甜蝦壽司，甜蝦大隻得黎又鮮甜，感覺到既新鮮第二件係鰻魚壽司，魚肉夠厚身，食到本身既香味，大大件第三件海鰻壽司，超長超大件，好抵食呀😋同埋呢度仲有一款好特別既小食 白子，嫩滑十足，大家可以試下🤣

之前行過見到依度有五六個位坐 今日嚟到發現變咗立食🤣 店主話喺牌照嘅關係… 不過壽司都出得快 同埋企角落有得挨下都還好渡邊屋壽司盛盒 $168整體都唔錯~ 帶子又厚又大件 好新鮮, 赤蝦同紋甲好黏 拍得住係北海道食既個種黏口新鮮度!! 海膽有兩大片 都幾甜🤤另外三文魚 油甘魚 真鯛就正常 唔算肥美火炙壽司盛盒 $138依個set有三文魚/油甘魚/帶子/左口魚/赤蝦/鰻魚/海鰻 追加左辣味蔥吞拿魚腩卷 $78 - 食落似係吞拿魚沙律 辣味好突出火炙福岡明太子壽司 $22 - 真材實料有層”衣”嘅明太子 好鹹鮮 依個份量可以配一碗白飯🤣7-8點似乎係最忙嘅時段 一路食keep住有街坊入嚟買外賣同埋外賣員嚟拎單 兩位師傅冇停過手咁做 睇嚟都幾受街坊歡迎

左屋企人去九龍城買大閘蟹，路過轉角位見到一間細細地既壽司店，得五六個座位，裝修好新好靚，仲可以睇住師傅整壽司！以為係新開omakase🤔但睇一睇個menu，價錢都幾平😨😨最平十幾蚊已經有一件🙀見咁啱有位，就即刻入去試下叫左鰻魚、甜蝦、帶子、三文魚、劍魚腩等，都好大件，感覺超抵食！最好食都係甜蝦 ，軟軟糯糯又鮮甜👍呢間餐廳性價比好高，比起同類型壽司店裝修更華麗🙈今次唯一可惜係冇曬大toro，如果唔係我應該會叫幾件黎食

要企喺度食嘅壽司店香港真係不多,今日嚟到九龍城食到渡邊屋嘅壽司,我非常滿意,無論質量同新鮮嘅程度上都比起上樓嘅omakase好得多,店舖雖然細細，環境好舒適同夠乾淨，呢間係一間非常出色嘅壽司店，首先係立食，完全有一種去咗旅行嘅感覺疫情冇得去旅行，今日就當去咗日本三文魚壽司非常肥美，魚油仲好香，嫩滑，帶子肥厚，仲有鮮甜味，睇落仲非常靚仔，不得不提嘅梗係大吞拿魚腩壽司，脂肪精華味濃郁，入口即溶，非常肥美，又彈牙，食完有幸福嘅感覺中吞拿魚腩壽司脂肪比例係赤身同大拖羅之間油脂非常甘香，好味，仲要厚切，粉紅色魚肉，望落有光澤，食落又香，仲有好濃郁嘅魚味高質嘅拼盤壽司，包羅萬有，一個盒就可以試到深海魚，海膽，帶子同埋蝦壽司嘅各種美食，每一件嘅壽司飯都唔多，全部都係即叫即整師傅會喺你面前製作整好晒一次過你要嘅食材就上菜最啱晒趕時間嘅朋友，色彩鮮味，琳琅滿目，性價比非常高可以滿足到我嘅味覺同埋精神上嘅需要叫咗芝士三文魚子手卷，原來芝士香濃嘅味道混和一齊係有甘強化嘅作用，味道同口感都一流，咬落去每一粒都好爽口，口感仲要非常特別，加埋手卷嘅紫菜卜卜脆，食過返尋味揀咗幾款火焰嘅壽司見到師傅用火槍輕輕炙壽司，

今日突然間口痕想食日本野，所以收工就係每日必定經過嘅九龍城揾食，之前試過同區嘅日本餐廳，今次就試下呢間街角上嘅居酒屋。丼飯同卷物選擇都幾多種類，最後少少地揀咗海鰻丼同火炙壽司盛合。火炙壽司盛合 ($138) : 有三文魚、油甘魚、帶子、左口魚、鰻魚、赤蝦、原絛海鰻。每款壽司炙燒過再抹上少許醬汁味道非常新鮮，由其係帶子更加無得輸，性價比非常高嘅壽司盛合。玉子海鰻丼 ($78) : 金光閃閃，見到都流哂口水 🤤 四件蛋味濃郁嘅厚厚玉子，配上肉質嫩滑海鰻，加上適量嘅醬汁，而且飯嘅份量亦幾多，都只係 $78 蚊真係好抵。

原先想過嚟買外賣返公司食，點知撞啱有位，就入去堂食啦～鋪面吾大，但裝修精緻，好有日本feel👍大拖羅壽司 $168賣相吸引，拖羅色澤鮮明，新鮮是也👍鋪上金箔，賣相更上一層樓，即刻升呢🤪拖羅入口即溶，魚油甘香，真正齒夾留香😋😋😋原條海鰻壽司 $84原條海鰻，難以一口鯨吞🤪海鰻無鰻魚咁厚身，但鮮甜度比鰻魚高，係我至愛😍灸燒安康魚肝壽司 $108識食就緊係食安康魚肝啦～何況秋冬當造，才食到季節最佳滋味鮟鱇魚肝，綿密細膩口感。廚師將安康魚肝厚切，再輕輕灸燒，是我食過最精彩的，簡直是人間極品，味道比鵝肝更好👍牛油果芝士三文魚卷 $88一件好有層次感嘅壽司，三文魚捲著薄薄的飯，牛油果鋪面，再加上沙律醬和蟹籽，無論觀感和味覺都得到滿足，一口一件，size剛剛好,滿口都黏著說不出的滋味😅見到Menu嘅丼，好想再叫，但肚子沒有空位了，唯有下次再試啦🤪

九龍城呢區除咗食泰國嘢外，其實仲有其他餐廳都唔錯，近排多咗係九龍城做野，順便發掘下呢區嘅美食，今次就幫襯呢間日本小店，見佢係區內人氣值都幾高嘅。🏙️ 餐廳面積雖然唔大，但裝修都唔差，由其係天花嘅鯉魚吊燈擺設非常精緻，除咗有餐牌嘅食物，餐廳都有時令食品提供。🌯 辣味蔥吞拿魚腩卷 ($78) : 用紙菜包住吞拿魚腩蓉，再加上辣椒絲，食落滿口甘香之餘帶點微微嘅辣香。🥘 三文魚籽海膽丼 ($268) : 海膽非常新鮮，入口甘甜，配搭三文魚籽，鮮味程度爆燈。

九龍城出名多好嘢食，今日就嚟朋友介紹嘅日式壽司店，店舖吾大，所以見好多人都叫外賣，我就選擇堂食😅 三文魚腩刺身 $68三文魚腩魚油豐富，肉質嫩滑，鮮甜美味😋😋😋 帆立貝刺身 $78 白白滑滑，隔住個冰櫃都睇到有幾新鮮，好想即刻咬兩啖🤪 帆立貝嘅肉身豐厚，極富彈性，味道果然鮮甜無比，肉質扎實爽脆👍 間八刺身 $64即紅鰤魚，外貌像章紅，魚肉口感韌中帶有少許的脆感，非常獨特肥而不膩，鮮美中流露出上品的味道🤩灸燒神戶和牛壽司 $129賣相相當吸引和牛脂香肉潤，且細緻韻味的特性，一口一啖十分滋味😋😋😋 牛油果芝士三文魚卷 $88牛油果配三文魚真是最佳拍檔👍牛油果嘅果香加三文魚油嘅甘香，滿口都香味四溢，大大碟，大大舊，抵食，滿足😍

九龍城多了好多日式餐廳，今次揾咗間係衙前圍道街角落位［渡邊屋］享受我嘅晚餐🤩小店只得5個座位，但光猛企理乾淨，聽店員講裝修冇幾耐，另外都有日本人店員🎎餐牌主打壽司🍣刺身🔪本鮪壽司盛盒$146中拖，大拖，赤身，葱吞拿魚腩唔係講少🤤真係好鮮，中拖、大拖完全冇筋，一大啖吃落入口即溶😋日本馬糞海膽手卷$98海膽味道濃厚甘甜🤤炙燒黑瀨油甘魚壽司$39火炙油甘魚充滿油香特別好味炙燒間八腩壽司$37間八係魚腩部位，口感濃郁肥美😋神戶和牛壽司$39和牛肉質顏色粉嫩，吃落如雪花般溶化🤤雖然係小店，但堂食同外賣都多客人，番枱都好快😊門外有位店員係日本人，又常常幫客人清碟，加茶、又有禮貌，全店都服務好好👍值得再來光顧🤗

»《渡辺屋》高質誠意壽司小店

最近在九龍城發現一間高質壽司小店，門口比較不顯眼。在網上比較小人討論 實際是一間街坊人氣店，也是實力店。翻查看原來鮨店由原本經營了6年的外賣店轉型到堂食店。用餐其間無間斷地聽到店員接外賣單 看似儲了不小街坊客。店舖面積雖小，一張長型小吧枱，堂食座位供應有五位。但環境乾淨俐落，服務周到。師傅即叫即製壽司及魚生飯。看到有人介紹店員是日本人，筆者當日就未有碰到。店名來自日本老闆渡邊先生的名字。格局有點像日本車站地下街的立食店。𓂃在九龍城食泰國菜吃膩了，不訪到訪附近的優質日本餐廳。這裡主打有壽司、卷物、刺身、丼飯、手卷，品項相當豐富。壽司價格由$10到$80不等一件，定價合理
以壽司來說 魚料質素絕對是水準之上。
𓂃▹本鮪壽司盛盒 $146四件珍貴本鮪壽司看上去就相當美味豐盛魚料有赤身、中拖、大拖及吞拿魚蔥花碎本鮪都沒有帶筋，只吃到滿口油脂香（是預料之中的幸福感 ( *ˊᵕˋ* ))醋飯與魚的搭配恰到好處𓂃
▹渡邊屋壽司盛合 $168在特上壽司盛盒及渡邊屋壽司盛盒兩個選擇掙扎了一會兒。特上壽司有左口魚又有拖羅 不過玉子令人卻步 最後選擇前者。渡邊屋壽司盛合有7件

屯馬綫開通後，拉近了住啟德的我及住元朗的妹妹之間的距離是日小編跟妹妹來到屯馬線中心的九龍城，一家店舖雖小，但五臟俱全的壽司店渡邊屋刺身乾淨整齊地放在壽司櫃內特上壽司盛合 $258三文魚 真鯛 油甘魚 海膽 拖羅 左口魚 甜蝦 玉子 三文魚子 加州卷一個盛合可以品嚐到10款不同的壽司，絕對是大滿足壽司新鮮 魚生味道鮮甜，三文魚子飛魚子口感爽脆，海膽甘味美味妹妹也大讚好吃！總括而言，餐廳整齊乾淨，壽司新鮮美味小編會再次光顧

下晝同朋友去咗九龍城食日本嘢🇯🇵餐廳有個壽司吧🍣，食材都好新鮮。我同朋友都比眼前嘅魚生吸引住😍我同朋友叫咗幾樣野食一齊share。咁多嘢入面我最鐘意係本鮪赤身蔥吞魚腩丼。本鮪為吞拿魚🐟最高等級，於一般日式店舖難以找到，配上面頭嘅流心蛋🍳，入口鮮香惹味。另外，火炙壽司盛盒亦係豐富美味。三文魚味道濃郁,油甘魚味道甘香,帶子肉身豐厚、彈牙。牛油果壽司面頭牛油果🥑肉質細膩、綿密，令人想一吃再吃🤤꧁☬小編食左咩☬꧂✅ 甜蝦🦐角切魚生丼🍚✅ 本鮪赤身蔥吞魚腩丼✅ 牛油果芝士🧀三文魚卷✅ 火炙壽司盛盒(◔◡◔) ♥ 人均傷害💰： $200♥