渣哥一九九六 (已結業)

傳統懷舊街頭小吃, 有我最喜歡的滑滑腸粉, 咖喱魚蛋和魚肉燒賣,腸粉很滑溜, 配上甜醬, 麻醬, 豉油, 很絕配魚蛋結實彈牙, 特別一讚是辣汁, 好有辣感, 也帶香味魚肉燒賣是我從小就愛吃的, 有魚肉香味, 粉不會太多, 口感彈牙雖然要排長隊, 但我覺得是值得的, 畢竟這種傳統香港道地小食, 能夠傳承到這樣美味的, 已經買少見少, 我們絕對要去珍惜和支持的

難得星期日過去銅鑼灣就梗係要去排渣哥啦！見到樣樣都好想食！最終揀咗個渣哥三寶，腸粉套餐，同埋生腸同雞腎。咖喱魚蛋同埋豬皮夠辣好入味！👍🏻 加埋白蘿蔔去中和就啱晒！而腸粉真係好軟滑！有驚喜，真係有衝動想買多一份黎食！😱😱 燒賣雖然都係粉團😆但係粉團都有分好多款，呢款係我最鍾意食嘅質感！😋😋另外生腸同埋雞腎好爽脆，朋友另外食既墨魚都一樣話整得好好味！同旺角肥姐有得揮！！👍🏻👍🏻👍🏻

唔知你哋嘅comfort food係咩嘢呢？除咗雞蛋仔之外，燒賣都係我嘅最愛🥰 為咗填飽個肚，叫左個腸粉套餐，試晒腸粉、燒賣、魚蛋🤩雖然係掃街，但呢間係高質嘅一間小食店😋 腸粉夠滑嫩，當然未至於係布拉腸粉咁滑啦，但係以掃街黎講，的確高質🤤 醬料嘅份量啱啱好，不過我中意重麻醬味，略嫌麻醬唔夠，下次會叫佢落多啲🤣 魚蛋燒賣都唔錯，中上水平，唔會好粉，有啲魚肉味😚 $27係幾抵嘅，有腸粉，燒賣、魚蛋各四粒🤩 仲有用發泡膠唔環保呀，可以考慮轉紙盒😂▫️腸粉套餐 $27

星期日大概5點多還未到食dinner時間想試試街頭小吃一直都很想試渣哥 因為很多人讚食物質素很好但由於分店沒有很多 今次行過銅鑼灣終於可以一試人氣店果然是很受歡迎 排隊也很長店員裝修比一般小店店感覺乾淨整潔幸好店員效率很高不出10 分鐘就可以買到點了一串魚蛋一串八爪魚魚蛋咖哩味不錯但不是我喜歡那種質感 普普通通八爪魚反而很彈牙 再配上芥末醬風味十足雖然比起其他店感覺相對衛生 但價錢有點偏貴偶爾來吃一次半次也可以

經過渣甸街，離遠就見到一條長龍。行埋啲睇原來大家排緊渣哥，剛好我都有啲餓，就排埋一份。大概5分鐘就到我。我叫左份三寶，有蘿蔔、豬皮和魚蛋。同外面啲鋪唔同，唔係用發泡膠碗裝，呢度係用發泡膠飯盒。一盒30蚊，有5粒魚蛋，豬皮蘿蔔各4舊。豬皮好爽，蘿蔔好清甜但可惜唔入味，連咖哩魚蛋都無咩味，似滾水淥熟淋啲汁上面。然後放埋係啲蘿蔔度，就俾啲蘿蔔水溝得更淡。唔知係唔係太多人買，佢煮唔切，根本冇時間俾啲野入味

力撐香港人💪🏻所有營業額不扣成本全數捐星火😭腸粉套餐👍🏻👍🏻聽講佢地嘅撈麵套餐都唔錯可惜幾次去都冇哂, 下次有機會再試下Foodgle index: 8/10Foodgle price: 腸粉套餐 $27

渣哥係良心小店就應該係人都知💛，今日撇除佢嘅政治觀，高度讚揚佢哋嘅燒賣。係我喺銅鑼灣食過最最最好食嘅燒賣！！！😎😎其實銅鑼灣可以食街頭小食嘅地方唔多： SOGO後面、SOGO對面、渣哥。前兩者我都食過，主要係以辣醬豉油做調味，無論係魚蛋同燒賣都係普普通通嘅。🤦🏻‍♀️真係一分錢一分貨，渣哥嘅魚肉燒賣別出色： 大大粒，有魚肉味之餘，係一舊可以咀嚼嘅燒賣。坊間食到嘅燒賣大多係一咬冇咩彈性，但呢間有咬口到不得了，配上豉油同辣椒油食已經好有鮮味，完勝！😎-魚肉燒賣 ｜ $15-渣哥一九九六 (銅鑼灣)銅鑼灣渣甸街30號B舖地下

好多良心店係呢條街，今日一次過懲罰兩間😀✌🏻🔸腸粉套餐(4魚蛋4燒賣) $27🔹生菜魚肉 $28等緊珍珠奶茶嘅同時又好肚餓，過隔離渣哥督下魚蛋，可能係太肚餓食乜都覺得好好味，朋友話之前食過係唔差嘅！魚蛋燒賣唔係粉團，有咬口又彈牙，腸粉都好滑，唔會痴到一舊舊分唔開。生菜魚肉即整熱辣辣，鯪魚肉都不錯，夠膠得黎有魚味。/渣哥一九九六銅鑼灣渣甸街30號B舖地下

雖然渣哥都係我公司附近 但之前係都甚少去食但而家開始我每一個星期點都要幫襯佢一次㗎啦啲嘢食又好食價格又抵最緊要係咩啊老細仲係好有良心嘅人香港人哋冇理由唔支持呀叫咗個腸粉套餐又有魚蛋又有燒賣都係講緊20幾蚊咋銅鑼灣你邊度搵呀

今日早餐經開銅鑼灣，見到渣哥，決定一試💪🏻💪🏻一於試下佢個腸粉套餐，腸粉套餐價值$27，有堆腸粉，四粒燒賣同四粒魚蛋。腸粉當然要配甜醬同麻醬，店員落得一d都吝嗇，腸粉又好滑，食唔停口❗️魚肉燒賣都非池中物，好有魚肉味，好好味🥰🥰跟住就到本人最愛的魚蛋，佢可以選擇辣或者唔辣，任君選擇，鍾意辣的我就梗係要辣，魚蛋好彈牙，辣味又岩岩好，雖然再辣d會再正d，但最重要係佢唔止表面，連入面都好入味，十分出色❗️

朝早響銅鑼灣見肚餓，路過渣哥一九九六見到啲丸都唔錯，一於試一試佢。本來想叫炸牛筋丸，但係由於太早所以未有住，唯有叫住牛筋丸頂下肚先。店員問加唔加辣，無辣不歡既我就梗係要啦，＄１５蚊有三粒，望落個樣都唔錯，唔算係好好好大粒但都ＯＫ。一咬落去竟然有驚喜！都好爽口彈牙，唔係普通旺角街頭實的的果啲，響食過既牛丸裡面雖然唔係最好味，但都可以排入三甲！個辣汁都唔錯，相信配魚蛋都一流，大滿足！話說今日見唔到老闆娘譚小環，希望下次可以見到啦。

經開銅鑼灣的渣哥，平時部份時間都會有排長龍的情況，心血來潮決定去食看下是否這樣好味。叫了渣哥3寶（蘿白、豬皮、魚蛋）魚蛋係辣的，一碗滿滿（$30）我自己私心最喜歡是蘿白，所以第一時間食蘿白。第一口咬落去，無渣，蘿白入味😍！跟住食埋魚蛋同豬皮，魚蛋無腥味同都彈牙，豬皮的處理好好，沒有騷味⭐️成件事好食到真係要講曬粗口來形容！😂真係掃街首選！肯定會翻食👍🏻👍🏻👍🏻👍🏻👍🏻👍🏻

香港人，係咩驅使你冒住煙霧彌漫都要排長龍食渣哥嘅魚蛋燒賣？係愛，定係責任呀？食客可能會話：係肚餓呀！身在香港，尤其是銅鑼灣嘅旺區，魚蛋、燒賣確係一街都係，但良心小店又有幾多？早排終於嚟到傳說中嘅渣哥銅鑼灣分店。一嚟到，就見到長長嘅人龍，愈近商店，就見到車仔上嘅食物。歷劫後翌日，食客繼續風雨中抱緊豉油，一齊繼續支持小店。今次我地下午三點幾到，剛好復業一陣，我地排左大約十分鐘，相對較快。若然你只求祭五臟廟，呢度嘅人潮確係有機會令你卻步。留得喺度嘅，都係相中食店嘅人情味。係愛，亦係責任。原本一心諗住嚟飲樽仔茶，但原來銅鑼灣無供應的。相對德福分店供應健康樽仔茶，呢度嘅飲品相對都係傳統款式，例如汽水等等。愛好健康飲品嘅讀者可能就需要過海喇。講返食物，我地今次試左四寶丸、燒賣、魚蛋，配辣蒜蓉汁。愛辣嘅你一定要試！不過，如果你第一次試，強烈建議你叫店員將汁醬放喺盒嘅一邊，否則可能會返唔到轉頭。食渣哥，滾熱辣嘅魚蛋燒賣係正常發揮，重點往往係佢地嘅醬汁，呢日食嘅辣蒜汁一試難忘，小遺憾就係飲唔到樽仔茶（建議分店喺當眼處賣健康飲品解辣）。雖然價錢嚟講，筆者未必負擔得到每日都食渣哥，但有機會的話，會再試其他食

雖然要排成20分鐘。見到d職員其實已經快手快腳，忙碌中都滿面笑容。當中腸粉餐至抵食，啱哂心多多既人可以食燒賣時食埋咖哩魚蛋。打包後成個鐘先返到屋企，d腸粉仍然好食又吾爛！繼續支持良心店！

良心食店支持香港人嘅campagin 梗係要參加下！渣哥嘅腸粉十分幼滑好食，魚蛋彈牙實肉，燒賣Q彈可口。配合埋甜醬麻醬同豉油，真係十分好食呀。佢個魚蛋有辣有唔辣嘅！