渣華茶冰廳

營業中

休息中

早排見到有其他人介紹港島區嘅沙嗲牛🐮 原來係喺北角嘅 #渣華茶冰廳 ，呢排去咗北角返工嘅二家姐即刻去咗試，仲要食咗幾次🤭 因為呢到出餐算快，午餐日日都唔同款，但都只係$50，仲要凍飲唔使加錢😆 呢個價位喺北角食得飽，算好抵食啦～有見過唔少食評話呢到嘅員工服務態度好差，我食過幾次又覺得還好喎🤔 唔算差，係一兩個員工講嘢快啲同無乜尾音😂•🥢 特餐 - 牛油餐包/炒蛋/沙嗲牛肉湯通粉 $46特餐沙嗲牛我已經食過兩次，真係可以返兜嘅！😛 呢到嘅沙嗲牛係多醬嘅，牛肉大大塊，軟腍無筋，食落沙嗲味都幾濃郁，係偏向重花生味嗰種，仲有極多粗粒花生🥜😋 濃郁嘅湯底配通粉真係好夾，而且食到最尾都仲好夠味～ 另外有朋友試過配公仔麵，但呢到嘅公仔麵就略嫌煮得有啲太腍🫤特餐係配煎雙蛋，但我轉咗做炒蛋，炒蛋好大份，而且炒得幾滑！另外仲有「牛油餐包」，但原來係牛角包，就咁睇落有啲加分，但實際上就有啲扣分，因為個包係唔熱嘅，食落一啲都唔香同酥脆😖 所以我第2次再去嘅時候就加咗1蚊轉烘底嘅牛油方包，雖然都唔算烘得好均勻，但都比凍嘅牛角包好食😗•🥢 午餐 - 豬扒出前一丁配鹹牛肉蛋治 $50豬扒好大塊，係連骨上嘅，肉質鬆化

諗住睇完條片去試下，一去到要排隊等諗住真係好好食，點知出乎意料之外 難食，沙爹牛肉麵啲麵同牛肉都好難食(重話出名)，服務員態度勁差，問多句都好似得罪佢全家，出品又等好耐，廣告的威力真大一定無下次，去隔離食牛腩麵好過

今早去渣華茶冰廳吃早餐🥣點了三文治🥪+凍奶茶🧋落單後三文治🥪好快上來，凍奶茶🧋仍未上來，呆等10分鐘後仍未上，便催促姐姐凍奶茶仍未到，她便說等等。最終等咗20分鐘凍奶茶才上，環顧四週其他食客也是呆等飲品🥤早餐🥣的湯粉麵和炒蛋奄列快快上來，為何水吧那麽決人，一杯冲一杯凍奶茶🧋也要呆等20分鐘，百恩不得其解👎👎👎

今日第一次黎，點咗兩個早餐，一個牛扒煎蛋餐，一個沙爹牛肉麵餐，奶茶。奶茶夠熱, Ok的。但食品其實確實麻麻地，沙爹牛麵太咸喇，跟一般茶餐廳冇大分別，但因為可能有少少名氣，黎食嘢嘅人有啲多，啲姐姐就比較忙，服務員工作態度變得帶點情緒，見到一對情侣點左外賣，落單可能都冇一分鐘想轉堂食，但收銀阿姐話已經整好晒，唔俾轉，話一係坐低用外賣盒食，我估其實就係唔想佢哋堂食呀住個位，香港飲食業不多不少都真係畀服務態度搞彎曬，香港加油

之前睇影片分享網站, 見介紹就入去睇吓，講到好好食，終於今早去試，一個沙爹牛肉麵，一個五香肉丁麵，先來沙爹牛肉麵，D麵淋到如似糊，牛肉又硬，再試埋丁麵，得幾粒肉丁，麵淡而冇味，但有一陣唔知咩味，好難食，食咗两啖成碗冇食，飲品正常，但肯定不會再幫襯，吹到咁大以為好正，結果超失望

沙嗲牛肉麵+煎雙蛋牛角包一般出面未必食到沙嗲牛肉麵～勁香濃花生味～絕對唔HEA👍食得出師父用心處理醬汁～好多年無食咁過咁好味🤤牛角包味道亦唔錯👍不過早d食應該更好～熱d更加好味😋生炸雞髀薯條雞脾醃得好夠味～薯條亦炸得唔錯🤤下午茶都唔細份🤣精神哂🤡星洲炒米太濕亦唔夠味🫣我對星米既期待無左😩😩應該要炒得好乾身🫣一入口就覺得怪怪·可能人多急住炒場🫣盛惠$1xx💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講水吧出品不論沙嗲牛同炸髀都好味🤤不過廚房炒野真係一般🥲員工雖忙但未見無禮貌對待～反而大熱天氣時候出入既客人們應該有禮幫手關門～大家都想舒舒服服食個飯🤡

今次趁放假同朋友嚟食個早餐。叫咗個沙嗲牛麵早餐。個沙嗲湯底幾好夠濃，花生味好足。牛角包都幾香同脆口。炒蛋同檸茶就真係好正常，完全冇特別。雖然見到其他食評話啲店員態度麻麻地，一嚟其實都好似正正常常咁，二嚟其實講真食三十幾四十蚊嘢都冇得要求咁多，兩個人嚟食，就算其他枱有位都要同人搭枱坐。呢樣雖然有少少扣分，但都明白同理解。總結嚟講，一間普通嘅茶記，平時食完全冇問題，但如果特登嚟食就唔好啦。味道 6/10環境5/10飽肚 7/10CP值 7/10回頭率 5/10

叫咗個海南雞飯嘩真係難食到想講粗口，各計好似隔咗幾日夜再返蒸仲要唔熱⋯⋯然之後個醬係求其辣椒加少少薑蓉剁碎再一齊蒸嘅醬。其實好心未準備好就唔好開門買啲咁難食嘅嘢俾客人，仲有個地方超污糟，姐姐清潔個枱嘅方法係掃晒啲垃圾落地下，然後啲碗係啱啱洗完成啖水再擺喺你枱面⋯⋯仲有叫咗一碟西蘭花炒鮮魷，西蘭花同鮮有個味道完全分開又鹹又唔香，完全唔知道食緊乜嘢，真係好難食超級難食，咁啱坐我後面同埋左手邊嗰兩台都話係睇咗YouTube先過嚟特登食，下次收錢做線稿嘅傳媒，唔該真係試食吓先咁樣只會令到自己冇晒公信力。總結真係好難食，超級污糟，希望快啲執。

原本專程過嚟食豉油雞，但店員話限定午餐先有，晚市師傅無整。一場嚟到就試下佢嘅晚餐同土魷馬蹄肉餅，再叫多個海味雜菜煲。晚餐個花膠雞煲整體算唔錯，雞件份量足，花膠同冬菇都夠淋夠入味。至於個海味雜菜煲，原圖直出，睇賣相已經扣分，食落更淡而無味。最後個肉餅係幾滑幾好食嘅，本身都預咗蒸嘢要等，諗住邊食邊等，結果等咗足足40分鐘，上菜時間有待改進。不過全晚令人最唔舒服嘅係店內氣氛好差、好嘈，唔知係員工人手不足定係其他原因，由入座到離開都聽到佢哋高聲對鬧、隔空抱怨，令周圍食客感覺不良。加上等候時間長，幾檯客都追單，以晚餐體驗嚟講，一次就夠。

服務極差，上菜的工作人員完全不對枱號，只是拿着食物一邊問客人係咪叫左呢様，求其上枱。只是價錢比其他一般茶餐廳便宜，食物質素很差，當日點了午餐的枝竹火腩飯，味道很淡，火腩燘太久，火腩很鞋，枝竹沒有正式處理，帶有一浸油益味。被褒獎的沙茶牛肉，味道很一般，但是吃完當日喝了1公升的水還是覺得很口渴，應該牛肉落了很多味精。奶茶很淡，沒有茶味。鴛鴦也很難喝，很淡。總括而言，只是媒體上被㷛獎的一間茶餐廳真的不值得排隊去食。不會再去

服務員全內地人！親眼看樓面趕客，叫客不喜歡服務，不要來吃！😅😅那客人就坐我格離，他叫早歺只想張肉放在雙旦碟上，因他吃齋的，那服務員説不能，是公司規定。那客人就説，茶歺廰都是街坊為主，這少事也不能給方便！之後有個紮孖辮的人不如是經理還是收銀，叫個客不喜勿來！那客還了她兩句，她就說要報警！這服務太恐怖，還是不去還好！😂

Lunch time喺北角呢個地方搵食實在太多選擇，今日就簡簡單單嚟食個快飯，然後再埋首工作。每日都有唔同既午餐客飯選擇。今日我地就叫左1號豉油雞飯同3號蒜蓉芋頭蒸排骨飯食。豉油雞煮得十分入味，不過食多2啖就略嫌佢咸左少，如果偏甜返少少就會更好，肉質的確唔算太滑，不以呢個價錢來講接受到啦。蒜蓉芋頭蒸排骨，十分野味，排骨蒸得啱啱好，芋頭又夠林，用嚟送飯真係一流。成個飯餐，送埋倒湯，冷熱飲同價，加埋都係50蚊，北角來講算係抵食了。

夜晚諗住求其搵間茶記醫肚，見到呢間新開嘅入左去。叫咗兩個炒嘢同埋一個小菜，都有正常茶餐廳水準。不過啲侍應態度認真差，問佢拎隻碗仔，就同我講，'又要拎隻碗仔呀!'真係幫手講趕客

見到有新餐廳，諗住去試吓，一入到去店員不禮貌對待，無理要求，唔係繁忙時間餐廳亦大把空位，兩個人都唔可以舒舒服服坐卡位，唔知咩理由，要求我哋兩人去搭枱，張枱仲要係特別細，仲要鬧翻我哋轉頭，店員服務質素有待改善，未食已經受氣！