港原味 (已搬遷) 新店位置

港原味 (大角咀).舖頭淨係裝修都已經令人充滿港式味道，誘惑到最有特色嘅魚檔以及香港充滿着招牌嘅街道！.⚜️是咁的三色蛋⚜️.三色蛋原來就係有唔同餡料嘅蒸蛋，分別有鮮蝦豆腐，皮蛋以及粉絲肉碎一個餸你可以試晒三種唔同餡料嘅蒸蛋，蒸蛋呢一種既有特色看似簡單但係有非常之餸飯嘅野食！.⚜️蒜蓉時蔬⚜️.你可以將你自己喜歡食嘅菜，有娃娃菜芥蘭菜心等等，我哋就梗係揀左最喜歡娃娃菜啦！.⚜️糖醋魚塊⚜️.酸酸甜甜嘅魚塊用黎餸飯就超好食啦(⁎⁍̴̛ᴗ⁍̴̛⁎).⚜️椒鹽豬扒⚜️.睇個賣相都已經覺得吸引呀，充滿着炸蒜粒嘅豬扒，而且呢個餸份量好似特別多咁，好食！.📍 港原味 (大角咀)大角咀福澤街18號利奧坊地下G701號舖.—————————————————————-

坐位唔多，闊落，新淨又乾淨，服務員態度正常有禮貌，香港人餐廳外牆用左落地玻璃，一目了然，唔入去都打到卡😂，設計幾特別外面係現在，入面就係過去既香港，鋪內牆身壁畫全部都係香港嘅特色，好岩鐘意打卡嘅你。常餐去茶記點少得茶記精選沙嗲牛肉公仔麵，其實越簡單嘅嘢越難有突破，呢度嘅沙嗲牛，絕對有水準！😋沙嗲汁夠杰夠香又唔辣，牛肉一啲都唔老，餐肉煎得夠脆仲幾厚切添，個湯底係非常濃嘅豬骨湯，一般茶記都係牛油方包，但依度有得揀兩款醬，無咁單一，揀左厚切奶醬多，常餐當然要有火腿奄列，個奄列就正正常常咁啦！黑松露芝士雞扒焗飯雖然外表冇乜特別，但食落有驚喜，一上枱已經有一股松露香，焗過嘅芝士夠香口溶溶地咁撈飯一流！個人覺得焗飯一定要係炒飯底先夠香口，依度唔係普通炒飯仲有大大塊嘅炒蛋，大大提升左入口嘅口感就算多松露汁都無搞到啲飯軟林林。雞扒好大塊，煎得外皮卜卜脆，內裏肉汁豐富，絕對係誠意之作，如果你係焗飯迷一定愛上👍🏻👍🏻奶茶茶餐廳嘅靈魂梗係奶茶啦！點會唔叫，凍熱都有叫，熱嘅茶味濃厚，有奶香，可惜唔夠滑，凍既糖漿重手左小小，味道偏甜，不過仍然飲到茶香，估計用既茶底應該唔差🤣依間新式茶記嘅常餐湯麵配菜又叉燒又肥牛

家中大廚入廚數晚後，決定慰勞一下她，讓她休息一晚，一起找個地方吃晚飯去。想起前次在附近的酒吧餐廳吃飯時無意中見到的這間就在不遠處的「港原味」沒有幫襯過，見網上評價不俗，便決定去試試。這港式茶餐廳走的是常見的懷舊路線，餐廳多面牆壁上都畫上了以昔日香港為主題的壁畫，畫風古樸，內容既有市區的街頭建築、店舖招牌與交通工具，也有昔日往返啟德機場的飛機在民居上低飛掠過的情境，絕對能讓已上了年紀的香港人有所共鳴。點了兩道招牌菜：「咖喱牛肉農夫包」（$99）與「古法京蔥雞」（$88），「古法京蔥雞」跟白飯和熱飲，「咖喱牛肉農夫包」有麵包吃，就不跟白飯，只配飲品了。「咖喱牛肉農夫包」的農夫包與咖喱牛肉是分開上的，農夫包甚大個，外層是無疑稍硬，不過掰開後放進都算有點辣度的咖喱汁內浸軟些吃，就還不太硬。咖喱牛肉、青椒、薯仔、芝士，材料都幾豐富，混在咖喱汁內，挺開胃。把這「咖喱牛肉農夫包」吃完，一定夠飽。假如不想吃牛肉的話，也有豬扒或雞肉可揀，要是不想吃咖喱，同樣可以芝士黑松露代替。「古法京蔥雞」的京蔥炸得香脆，雞也頗多，皮光肉滑的，雞皮與雞肉都幾嫩滑，不過雞味就不太濃。這間陳設裝飾刻意以昔日香港為題的港式茶

去玩朋友度睇BB，就打算落去食個便飯，見到地面有間「港原味」裝修好精緻就入去坐低了。店內每幅牆都有精心打造過，令人一入到去就會不禁望多兩眼，同朋友打開對話。夏日熱辣辣先來個忌廉溝鮮奶，上面仲有cream，味道不錯。再來盅熱湯，當晚係老樹黃瓜雞湯，味道似例湯。店員推薦醬爆雀巢，擺盤係幾好，味道都還可以，但就係無咩鑊氣。伏！！！到咗店員額外推薦的農夫包，我地揀左牛肉諗住實冇問題，點知呢個菜只係得個包係可以接受係趣嘅，牛肉充滿鬆肉粉，非常「剌」喉，唔係一般鬆肉粉可以接受嘅份量。但係個咖喱汁同芝士未到調校得係OK，但真係個牛肉⋯千祈唔好叫！同店員輕輕反映後，佢話換個菜炒牛肉，最後都係同一類的牛肉，咁又何必呢？好啦，煎炸食物應該ok掛？點知仲搞笑，80%無問題既都算香口，但100%入面係無mie衣，如下圖所示，真係有點「大開眼界」。好啦，一次好了，餐廳如果唔止一道菜食材有問題，真係好大問題。希望餐廳見到可以反映下。值得一讚的地方，就係店員都算好有禮貌，不過真係只會黎一次，或者如果你好憎一個人，可以介紹佢黎呢度。😂😂

《港原味》餐廳名字已經夠特別，想不到環境跟食物也非常有特色💕。我和友人點選了幾道食物，包括有古法蔥油雞🐔，農夫包🥯，椒鹽鮮魷🦑，以及洛神花紫米燉蘋果🍎。有别於一般「蔥油🐔」，賣相已相當吸引😍，該蔥絲是先經過油炸再放上雞肉上面，只要進食時，把雞肉配上炸蔥絲，再沾到一些雞汁配上一口白飯，不但味道相當匹配，就連沉睡著的味蕾都被喚醒🤤🤤。接著是「椒鹽炸鮮魷🦑」，表皮香脆金黃，而內裡鮮魷彈牙嫩滑，感覺不是沾脆漿直接炸法，所以大大減低了其油膩度和邪惡感。至于「農夫包🥯」方面，今次所選醬汁為黑松露芝士，而不是大眾所點選的咖哩，雖然味道不算突岀，也没有芝士拉絲的畫面岀現，但整体來説，農夫包夠香脆，味道也很不錯，只是醬汁方面不太足夠，建議下單時要求多一份醬汁配以食用。最後係很多食客點選和打卡必備的「燉蘋果🍎」，雖然此食品並沒顯示在餐牌上，但只要向店員查詢一下，食品是有提供的。在店員既解釋下，這個甜品是需要注意温度進食，而最佳享用的時間為食物上枱後的十五分鐘內。由於醬汁是以降血脂的洛神花🌺來製作，所以如果食品放涼後才進食，可能醬汁入口後就會變酸了，大大影响了這款甜品的味道。看得到製作者的用心❤️，暖暖的紫米

平時要返工無乜時間煮飯，黎呢度就可以滿足無時間煮飯既香港人啦💡呢度有一系列住家飯菜式🍚🥢餐廳墻身佈置滿舊香港景色既特色噴畫🖍️成間餐廳充滿昔日香港色彩✨▫️$98 椒鹽鮮魷🦑鮮魷切到好似盛開既花咁，外表滿分😀 炸到金黃色既魷魚非常爽口、彈牙，椒鹽夠晒惹味，食落好酥香令人食指大動❗$78 乾煸四季豆四季豆好嫩， 加啲辣椒同肉碎一齊炒，未食就聞到香味🤤 呢個餸送飯一流👍🏻 特別係啲肉碎，咸咸香香加小小辣，超滋味❗$99 咖喱農夫包招牌菜之一(可配豬、牛、雞，我地揀左豬扒) 😊 咖喱味好濃郁、香氣十足。豬扒啖啖肉，肉質吾鞋吾韌。農夫包外表焗到香脆，索左咖喱汁好惹味❗

之前去利奧坊嘅時候經過呢間野嘅時候已經好想試~望入去啲壁畫又好靚❤️所以今次就一於去試吓呢間港式新派菜😋🍴番茄薯仔雞腳湯(加配+$8)本身跟小菜加配只需+$8❤️番茄味好濃飲得出冇味精幾正😋🍴麻婆豆腐($78)麻婆豆腐食落好嫩滑~唔算好辣食到有藤椒嘅味？🤔幾香幾惹味❤️🍴干扁四季豆($78)平時成日都叫黎食~有少少辣食落更加香😋🍴中式牛柳($88)好耐冇食過中式牛柳😋叫左個黎試下~牛柳煮得好冧個汁偏酸少少個人幾鍾意❤️🍴土魷蒸肉餅($88)本身好鍾意食肉餅有土魷仲吸引🤤土魷味唔重但可以帶起肉餅嘅味😋🍴椒鹽鮮魷($98)鮮魷外層嘅炸粉唔會太厚~表面都幾多炸蒜~🍴雪山紅豆冰(轉特飲+$10)好耐冇飲過紅豆冰~所以叫黎回味下🤣冇咩特別但係回憶😋餐廳叫小菜本來就包左白飯~如果想食偏住家菜feel嘅就要去試下😋📍 港原味 (大角咀)大角咀福澤街18號利奧坊地下G701號舖

這間餐廳裝修非常之特別, 充滿是六七十年代香港懷舊嘅風格, 我最鍾意食環境嘅, 環境好與壞, 對我嚟講都好重要我也很愛吃中菜，尤其大牌檔的小炒, 沙拉骨, 外脆內嫩吮得滋味, 比起一般的炸排骨，拌入沙律汁之後增甜一份酸眯眯的香氣，讓人吮得更滋味食咗個甜品, 佢叫做甜心蘋果, 賣相非常之特別, 好有法國甜品嘅風格, 醬汁非常之香甜, 配搭著蘋果; 蘋果已經滲進咗香甜嘅醬汁, 咬落去十分之sweet, 好有滿足感, 甜而不膩, 我最喜歡哦

同朋友去奧海城shopping行到夜晚諗住搵地方食晚飯點知成個商場既餐廳都好多人等位甘唯有行遠小小 見到呢間望入去好懷舊 似以前既香港所以入去食下同打下卡果然無失望🤩-1.冬瓜豬骨清寶兩 +$8無味精既足料靚湯👍🏻啱哂宜家甘熱辣辣既天氣 清熱牙-2.螞蟻搬家🐜👍🏻 $58聽個名都夠特別 呢個菜超好食🤤粉絲爽口 有落肉碎炒味道又有小小辣 好正牙！-3.咖哩農夫包 配雞肉🐔$99個包好軟熟 但咖喱偏淡濃返小小再辣返小小會更加正😋而d雞肉係炸雞球好脆 好香口再點咖喱連包一齊食👍🏻-食完主菜當然要食返個甜品先滿足到我🤣-4.甜心蘋果 $$39像真度達100% 切開 裏面原來有黑糯米😍超驚喜有洛神花汁伴碟唔算甜 但無乜蘋果味食落口感好軟冧 似食桃-想食住家菜又多款式揀 價錢又合理又可以打卡既 呢間大推介👍🏻👍🏻👍🏻

好友告知大角咀有間打卡食店，主打地道港式風味，性價比高，今晚就約左好友一齊去試下~有晚餐、亦可散叫撚手小炒等，仲有特色甜品，選擇頗多。回鍋豬扒 HK$58色香味俱全既回鍋豬扒香口又惹味，調味剛好，味道鮮香濃郁，豬扒嫩滑。農家豆腐 HK$78豆腐口感細膩滑溜，加入蝦仁、魷魚、蜆肉，非常足料，口感豐富！蟲草花蒸雞 HK$98蟲草花爽滑，雞件鮮嫩，醃得入味。意大利芝士蛋糕配一口泡芙 HK$20 (加餐)蛋糕散發濃濃咖啡香，口感濕潤軟綿，一口泡芙外酥脆內細膩，咬一啖就爆漿~足料靚湯 HK$8晚晚唔同既足料靚湯，今晚係老黃瓜雞腳煲豬腱，無味精老火湯滋補又好味，清熱解暑作用，岩哂而家天氣飲。

夜晚七點左右陪人係大角嘴附近睇完新樓，被附近一間充滿老香港室內壁畫設計的餐廳吸引了入去。Order 了：🟠咖喱芝士農夫包（牛肉）$99 「set包熱飲☕️」Curry Bread with Beef由咖哩、芝士、牛肉、薯仔🥔、麵包一齊烤焗出黎，咖哩微辣，令味道更出，麵包🥯外脆內軟有少許椰香味，再沾上咖哩和芝士汁實在太夾！薯仔好入味、牛肉肉味膿再配上勁多芝士一齊食，間中試下新配搭，味道都唔錯。🟠糖醋魚塊 $88 「包白飯+熱飲☕️」Sweet & Sour Fish 魚塊無骨，酸酸甜甜好開胃，菠蘿好甜甜哋，送飯一流。呢個餐加$8配餐湯，是日靚湯係🔸蕃茄薯仔雞腳湯，果然足料！蕃茄味膿、無味精。🟠餐飲叫左熱奶茶和凍鴛鴦，達茶餐廳的水準。地方坐得舒服😌人均消費大約$100左右。另帶一提見到啲得意野，餐廳牆壁畫畫了一隻鸚鵡🦜超立體！經過見到的時候以為有一隻真鸚鵡係度😝。

今日探完朋友，順便去大角咀附近搵吓有咩好嘢食，行過利奧坊見有間茶餐廳，快快食個飯就返屋企。餐廳望落新淨又光猛，牆身畫滿七十年代香港街道景色，有玩味感。望吓餐牌，見到有個農夫包好似幾吸引，有得揀咖哩或者係芝士黑松露汁，左諗右諗都係想試下芝士黑松露汁，仲有豬扒/牛/雞揀，我就揀咗配牛肉。農夫包都幾大份，切開脆卜卜，伴碟有啲沙律菜，牛肉份量都幾多！仲有D洋蔥，青椒等做配菜，食咗大半個已經好飽！另外老公叫咗個沙拉骨，沙律醬均勻沾滿左係排骨上面，排骨煮得香脆，加上醒胃嘅沙律醬，好快就餸完一碗飯。老公鍾意佢杯凍奶茶嘅茶底，我就較欣賞自己杯少凍咖啡嘅香濃，好港式餐室嘅味道.

呢家長期喺港島戈邊，住又系港島區，番工又系港島區，不過架吾中都會過海食吓好西。大角咀呢個地方我平時基本上都吾會黎到，近排多左黎系因為同事推介我黎到呢度附近一間好正嘅雞煲店，不過今次想分享嘅唔係嗰間雞煲店，而係同區另外一間港式風味非常濃厚嘅餐廳，名為「港原味」。非常具有香港特色嘅圖畫，旺角嘅街景呈現喺眼前。長期喺灣仔番工，加上聽到有客人講話認得出下面嘅圖畫係灣仔莊士敦道，近修頓球場嘅電車路，成個畫面即刻出現喺腦海浮現。菜式嘅種類都算ok多啦，有幾款招牌菜，另外有健康、小炒、糖醋、椒鹽類。首先試咗款咖哩農夫包，比較少食店有農夫包呢樣食物，所以喺度有呢道菜都幾有特色，裡面嘅肉可以揀豬肉、牛肉或者雞肉，覺得咖哩同雞肉應該會比較match，所以就揀咗雞肉。首先講講啲咖喱雞肉，咖喱嘅味好濃郁，同埋唔會好辣，好適合想試咖哩但係又驚辣嘅朋友仔雞肉都好嫩滑。然後就係農夫包，農夫包香脆可口，連埋咖喱雞肉食係一個好新穎嘅組合。椒鹽鮮魷係好多大排檔或者茶餐廳都有嘅菜式，不過學人哋話齋，睇落越簡單嘅菜式越難做得好，而且我本身都鍾意食椒鹽鮮魷，所以就決定試吓。椒鹽鮮魷一黎到，已經覺得外型係同出面嗰啲唔一樣，睇落去

周日到附近搵餐廳食早餐，搵到依間茶餐廳環境幾特別，就試一試依間既早餐如何.首先環境裝修就好吸引，好有香港懷舊特色，而且落地玻璃令餐廳環境開揚，令人有悠閒既心情享受食物.叫左個我至愛既沙爹牛肉配餐肉公仔麵 ，同埋叫左個牛扒公仔麵 配煎蛋多士， 對於茶餐廳質素屬於正常都幾好味，不過不失多士係奶油多，都幾香脆👍🏻，依個係要加分，因為平時食開既茶餐廳都剩係多士加少少牛油就算服務都好有禮貌， 下次會再黎依間餐廳試下其他食物☺️

大角咀越來越多美食，今日經過這個新地標，見到呢間充滿懷舊色彩裝修的茶餐廳，於是入去試一試，餐廳裝修花了很多心思，牆壁上的塗鴉處處也是影相位午餐都有好多選擇，就點了美極黑椒牛柳和薑蔥雞，等了一會很快食物就到，賣相不錯，薑蔥和雞是分開上的，加多少薑蔥悉隨尊便，我就留一點薑蔥跟飯一起吃， 十分美味，雞的肉質嫩滑，吃得出不是冰鮮貨，加上薑蔥很可口美味美極黑椒牛柳，牛柳煮得剛剛好，不會過韌，肉質帶點淋但依然保留口感，黑椒汁煮得很美味，不濃不淡，剛剛好，用來送飯一流螞蟻搬家，原來是粉絲炒肉碎，帶點辣，但辣程度不嗜辣者也可接受，粉絲吸收醬汁，加埋玉水，食落很惹味奶茶有水準，茶香奶滑，就算沒有加糖，一點苦澀味也沒有