港嘢茶檔 (已結業)

蛋撻老板見銷量理想 即刻係隔離開多間茶檔舖位細細 得九張至十張枱唔計收銀老板 員工有成六個 塞爆 感覺好big無質素唔在講 老板員工 又無茶檔基本知識 西多食奶 都唔識 莫講話茶走呀 唔識寫單之外 張單仲好亂 叫咗4樣嘢 打咗5樣 小心要睇多眼 *餐點有問題* 套餐說明 但銀碼分開計 嬲爆 咁可為套餐呢？奶茶哩家嘢 好在無24味 不過 都唔掂 太多奶 無茶味㗎啡 酸嘅 太多奶蛋白厚西多 餐牌無寫 中間有查嘢 又走去加啲 咩麥 唔脆 係咁二煎下哩間都係 一次貨仔 *無下次*

最近經常出入九龍城，見到門面咁過隱嘅「港嘢茶檔」就抱住試下嘅心態入咗去。裝飾係幾有味道，以舊香港做主題，仲有久違了嘅紅色膠燈罩、綠色皮嘅卡位、懷舊地磚等。舖位雖然細細地，勝在無好似其他茶記咁迫，坐得都尚算舒服。講食物喇～ 成個餐牌唔算多選擇，佢走懷舊路線嘅，梗係要試下佢嘅炸大腸啦！順手叫多個茄湯底牛腩粒出前一丁。皆因佢餐牌寫茄湯要加$8，加得咁上下錢嘅，應該有返咁上下味道，係咪先～（不過我叫嘅本身已經係茄湯，抵咗）除咗食物，當然唔少得茶檔嘅靈魂-奶茶！水吧出飲品都快，杯熱奶茶比平時茶檔大杯，但飲落唔夠香味，有點失色。而我叫嘅茄湯牛腩粒出前一丁，黎到變成了茄湯牛肉出前一丁⋯個麵其實都可以，但唔係平時食開嘅出前一丁⋯ 整體黎講都尚可嘅。而炸大腸喺三樣野中最好食嘅。雖然佢係炸，不過黎到枱係可以即食。其實睇佢個餐牌，晚餐上寫嘅肉餅款式都幾吸引，唯有等多啲人寫下食評先再考慮會唔會再去多次。

未試過，就諗住試下啦！點知奶茶飲一啖已經唔想再飲！應該係茶葉問題❗️沙嗲公仔麵只得一碗（不是套餐❗️），沒有其他配料❗️一般煮法，需時25分鐘上枱，沙嗲味較一般淡味❗️馬友煎肉餅飯，需時10分鐘上枱，原全沒有馬友味，只是普通煎肉餅❗️都算喇～午餐跟送例湯，送到枱已經是半碗湯（睇材料），一睇就知爛蘿蔔，不用多說❗️飲落有陣酸味只能說我唔識"港嘢"，只知道今次"瀨嘢"‼️