港潮樓

營業中

休息中

想系tst 東吃中餐，周圍好多都試過，一系價錢偏高，一系就又所欠缺聽同事講，呢間野價錢合理又唔錯。放工同家人去試下。可能比較早，我7點到，見唔到餐廳有人食，入口位又怪怪甘（我系商場入）裝修好一般，就想，呢次麻煩啦。我地5個人，最初都怕怕地，只系叫左5個菜。鮑魚，燒鵝，一字骨，喊魚肉筋，魚fu勝瓜幾個普通菜都好好吃。連老人家都覺得好唔錯。味精應該唔多，因為無喝好多水。菜份量算可以。3-4個人一碟甘啦。後來我地再加多個菜，唔記得叫左什麼啦。飯後有個甜品，紅豆沙，味道都可以。起碼唔系“水”紅豆沙。服務算可以。每次都有多謝，唔該甘。雖然感覺唔多情願，不過tst 東，算好唔錯架啦。

果日睇到東方有介紹到呢間, 甘就同朋友上去試下啦! 環境幾舒服架!! 我地叫左清酒燒鮑魚, 賽螃蟹春卷, 燒汁野菌丁方牛, 蒜蓉炒菜心清酒燒鮑魚: 9分!! 好鮮甜又唔韌賽螃蟹春卷: 9分!! 好似係呢度既招牌菜之一, 真係值得一試燒汁野菌丁方牛: 8分!! d牛勁多汁蒜蓉炒菜心: 6分! 菜心就普通, 是幾香口

星期日個friend生日想食中菜就黎試下，一早book定枱一去到就好快坐低，環境舒服寬敞，服務員態度好好，服務真係一流。鴛鴦汁石斑塊，食落去一d都唔油，好乾身，同出面食開既粟米斑塊好唔同，驚喜之作！脆皮燒鵝，肥瘦適中，又唔會燒到好乾身，正！蒜蓉炒芥蘭，炒得好爽好香口，味道唔錯！名醬一字排，食落個醬汁好特別，d肉排又唔會只係得骨冇肉，好好味！清酒燒鮑魚，火喉控制得剛剛好，一d都唔韌，好新鮮好鮮甜！

上星期日放假約埋班friend去歎茶,今次去港潮樓試下,地門菠蘿叉燒酥,新鮮出爐,所以個皮好鬆化,好好味!春卷食落清新,同埋條春卷包得比較細條,食落幾爽身!煎堆又唔多油,又唔太甜,好遹中,蝦腸粉d蝦好爽,好淸甜!值得考慮嘗試!服務員態度好好, 服務一流!

上星期收工後約埋啲friend去港潮樓食lunch,一去到好快就有坐, 服務員態度好好, 服務一流, 我哋今次點蛋撻仔鬆化,蝦腸粉,煎堆仔,三色豆糕.啲蛋撻仔鬆化，香口，好食,蝦腸粉啲蝦大隻好爽，腸粉好滑,煎堆仔，香口，唔會太油,味道唔錯,三色豆糕味道唔錯，賣相幾靚,這幾款點心味道一流,值得一試

上個星期我同朋友去番港潮樓到食野,我哋今次點佐蝦腸粉,煎堆,蝦餃,燒賣,紅豆糕等,蝦腸粉d蝦好爽,好淸甜,同埋好滑,煎堆又唔多油,又唔太甜,好遹中,這幾款點心好受歡迎,值得考慮嘗試.

上個禮拜有朋友生日想食中餐,當然一早book定位, 無謂要壽星等啦, 當晚book左7:30, 好快就有得入坐, d服務員態度好好, 服務一流, 我地點左幾個lei度既招牌菜, 鴛鴦汁石斑塊, 黃金焗釀鮮蟹蓋, 海鮮湯飯, 清酒鮑魚, 蒸魚等.味道唔錯, 價錢合理, 值得試試.

是晚是情人節, 又是尾場的日子, 還是在紅館附近找家酒樓晚餐吧, 就在TableMap預訂了位子, 準時來到就有得食, 不用同人逼. 當然, 這裡不用吃情人節餐, 就在餐牌內揀了以下菜色.鴛鴦汁石斑塊 $98: 6分, 炸得夠乾身, 不太油, 但質感一般, 太薄, 跟平日吃開的粟米斑塊不太相像. 鴛鴦汁是另上, 是好事, 起碼不用一早淋濕石斑, 但汁實在太少, 而粟米汁也太稀.蒜蓉炒菜心 $68: 6分, 菜心不算好靚, 部份是有點老, 加上蒜蓉去炒, 是幾香口的.黃金焗釀鮮蟹蓋 $60 x 2: 7分, 一客$60, 兩客起, 以蟹蓋來計, 是幾合宜的價位, 也要了兩隻一試. 蟹肉份量還算不少, 焗得幾脆, 也不會太濕. 加入了鹹蛋香, 更加香口.這裡上菜是很慢, 等了超過半小時才上第一碟菜, 趕時間的朋友要留意. 環境闊落, 是坐得幾舒適的. 價位方面, 整體還算合理. 當然, 我們這晚的重頭戲才剛剛開始.

6個大人+ 1個小朋友(女仔) + 1個BB預咗近節日可能會貴d, 但我個人覺得港潮樓真係幾過份, 唔應該叫幾過份, 應該係好過份! 仲以為自己去咗鏞記or 龍皇tim.去到酒樓, 發覺得套餐(半圍HK$ 1980.00 全包)及一張菜單可以選擇!我哋冇簡套餐, 叫咗8個小菜1. 龍蝦伊麵 (HK$340.00)上龍蝦伊麵時 , 只有一隻大概6吋長 (係連埋個頭先有6吋, 有肉嘅部份大槪都有3吋嘅) 嘅波士頓龍蝦伴上大槪2個公仔麵份量嘅伊麵! 龍蝦肉d份量我諗都有2隻中蝦到, 6個大人都唔知俾邊個食好!!!!2. 乳豬拼盤 (好似 HK$140.00)份量係大槪8小件乳豬 + 8小件燒腩仔 + 4小件鵝 (每一件都非常精巧 – 即係超細, 每一件大槪細半隻手指尾少少度), 不過我覺得呢個唔應該叫做乳豬拼盤, 應該叫做豬鵝拼吧啦!!!!3. 生汁蝦球 (好似係 HK$190.00)一樣係超小份量, 有6粒大槪細過5蚊銀嘅蝦球 + 3 舊西蘭花3. 半隻雞 (HK$ 120.00)份量都比一隻燒乳鴿多dd嘅! 4. 咕嚕雙球 (好似HK$ 128.00)三粒小蝦 + 6粒小咕嚕肉 + 3

今次去港潮樓試下, 係冇乜肥豬肉 ,所以食落唔油膩,d蝦好彈牙,推介!地門菠蘿叉燒酥,因為係新鮮出爐,所以個皮好鬆化,好好味!春卷係我去親酒樓必食,今次食呢個都唔錯,因為係素春卷,食落清新,同埋條春卷包得比較細條,食落隨左脆之外,唔會話"咇"d油出lai,幾爽身!

接連兩個月我生活在「貧窮線」下 ，序幕是參加舊同事 S 的婚宴。婚宴食物沒啥好介紹的。翻翻菜單，揭曉答案──果真是閉上眼睛也能說全的「傳統」菜式 ：乳豬全體啦、西蘭花花枝帶子啦、玉環瑤柱甫啦、百花釀蟹鉗啦；再來就是魚翅，蒸一尾海斑，炸一隻子雞，炒飯併干燒伊麪，百年好合紅豆沙，最後登場的是美點雙輝。味道嘛，大致上及格，比想象中好 。沒誇張，不少酒店婚宴，食物可以用「難吃」來形容，又冷，份量又少，付數百元「人情」吃得人一肚子火 ，完全呼應主人家所言──「酒微菜薄，招呼唔到」。誠然，我所說的及格，就是及格而已，與美味二字沾不上邊……啊不，魚蒸得挺好的，同行友人 C 說，火候恰到好處 。另外美點雙輝，個人認為是難得一見的水準之作。沒記住兩款點心之正式名稱，是蓮茸酥和紅棗糕：前者做成半月形匣子，一口一件，小巧美觀。金黃色的酥皮鬆薄有致，入口不油膩；蓮茸甜度適中，內嵌糖薑，淡淡薑香使平凡的蓮茸酥別具一格，我很欣賞 (不嗜薑者恐怕不 )。後者更精彩。微熱的紅棗糕口感極得我心──黏軟猶帶韌性，吃進嘴裡清清爽爽的，類近以木薯粉為主材料的印尼千層糕。只有三層 (若做九層，長長久久，采頭更佳 )，紅棗溫潤的

smile放假最好去歎茶,今次去港潮樓試下,燒賣係冇乜肥豬肉,比較健康,所以食落唔油膩,d蝦好彈牙,推介!地門菠蘿叉燒酥,同菠蘿冇關係,只不過佢叉燒酥個皮整到係菠蘿包o既皮!因為係新鮮出爐,所以個皮好鬆化,好好味!春卷係我去親酒樓必食,今次食呢個都唔錯,因為係素春卷,食落清新,同埋條春卷包得比較細條,食落隨除左脆之外,唔會話"咇"d油出lai,幾爽身!lold服務員動都算快手!

朋友約我飲荼在港潮樓, 初時以為食潮洲嘢. 原來是潮流的意思,但又唔覺佢哋有乜另類點心. 我最鐘意研究菜牌及點心紙,所以當我拿點心紙剔的時候,驚喜它有很多花款. 因為第一次到所以叫咗幾款例牌點心如蝦鮫,牛肉,蘿蔔糕,腸粉試下先. 首先d 蝦鮫皮薄蝦鮮好有水準, 蔥花腸就糊口d. 其他兩樣一般啦. 跟住叫咗一籠壽包, 呀! 又估唔到皮好軟熟d蓮蓉甜度啱啱好, 一籠4個包,2個蓮蓉另外2個麻蓉少少咸咸地幾特別. 又再叫咗一窩魚湯肉碎飯, 有d似潮洲肉碎粥. 但呢個魚湯好濃魚香味唔覺有落味精, 有d肉碎有d方魚碎好好食. 看見菜單上重有好多特色點心想再試但實在已很飽,唯有留在下次

Went there to celebrate mom's birthday. Had some nice Dim Sum - quite creative and innovative. Also the main dishes are quite good.Also quite quiet and can talk. Really enjoy this place with good tables and nice food. Very scare of crowded Dim Sum place. Will go again =)

好似新開不久, 試一試午餐飲茶, 入去時感覺服務水準幾好噃, 食物有待驗證, 牛拍葉, 不知為甚麼放在廚師推介, 不夠熱, 也不覺有甚麼特別, 奇怪, 咖啡榚, 幾好, 但略甜了些, 腐皮卷, 脆呀, 蝦彈口, 义燒餅, 又是不夠熱, 材料少又肥, 粉果皮厚但尚算做得彈牙, 糯米雞材料與口感皆不錯, 糯米一粒粒又夠熱.