港澳義順牛奶公司

營業中

休息中

Weekday 嘅 late evening, 阿仔一向超鍾意凍雙皮奶，兩個人一人叫左個雙皮奶，一啲都唔滑，又”鞋”又冇味，同其他兩間分店比真係差太遠。職員態度都算幾差，成店都係空枱都唔俾人坐。佢其實仲有卡位，又命令我地兩個大隻佬如果要坐卡位就只准坐一邊，我回頭睇，有二人”旅客”幾個shopping bag 咪又係霸晒成個卡位。唔坐單邊卡位，就係要我地兩個人逼喺門口張八人枱剩返嘅中間兩個空位，我地一人揹著個背囊坐得勁唔舒服，真係貼錢買難受！平時去九龍，阿仔通常食三碗雙皮，我食兩碗，今次一人一碗，一分半鐘走人，放低$72，永遠冇下次！永遠 blacklist !

撞正Sogo感謝節，銅鑼灣水泄不通，街上堆滿左一箱箱嘅貨物，旅客拎著行李箱穿插，好不容易黎到義順牛奶公司前面，可能個個去掃貨，兩位堂食唔洗等就入得。可能個個去晒shopping，餐廳有空位唔洗等，坐低左好快就每人叫左一碗招牌雙皮奶。同朋友一直爭論：究竟熱定凍好食呢？我就覺得熱嘅滑好多，奶味亦濃郁好多，殊一聲就滑左入口，不過有人會覺得熱牛奶有種臊味，唔係個個啱。不過我返到屋企之後...就肚屙...唔知關唔關事呢...始終平時冇飲開奶...一食咁濃嘅奶就... 肚疼都抵呀！哈哈

雙皮奶無奶味，水汪汪，仲帶啲酸既! 未試過咁渣，唔好話其他糖水鋪，我自己燉都好食過佢。另一碗朱古力燉奶，一樣酸既，想用朱古力粉蓋過難食既味道，但無用，阿仔食幾啖想嘔。$36, $37元一碗，咁既質素，貼錢買難受。我懷疑佢根本唔識整燉奶，未曾食過稀既燉奶，稀得尼仲要唔滑，隔離街鋪仔都好食好多。以為我唔好彩啦，因為小時候既回憶係好好味，但原來openrice 咁多劣評，先知真係中伏，佢越做越差。因外賣回家，十分鐘路程都費時返去換，最後咁就掉哂! 贈大家6個字 -- 不可一不可再!

港澳義順牛奶公司 我細細個就識, 講到食"奶", 真係唯佢獨尊可惜已經愈見愈小, 要多多支持下佢, 唔好等依個傳統味道失傳先得位置位於銅鑼灣駱克道, sogo 後街, 好易記環境依然同細細個黎既時候係一模一樣, 舊派既冰室design一碗碗燉奶, 滑o都o都食物: 木瓜奶木瓜鮮打, 好香濃, 好fresh, 無加水架!!!真材實料餐肉通餐肉煎香過, 配上闊通, 好掛湯, 有心思朱古力燉奶朱古力味濃, 面頭仲有古力粉, 一啖啖朱古力奶食入口, 好幸福

行行下街見到，醒起好耐無食過，即管試返碗回味下，點知中伏了。兩個人入去本身就淨係想試吓個雙皮奶姐，點知佢話每人都要消費，否則要比$15服務費，OK，咁叫豬扒包試吓。燉奶：唔會太甜，但奶味唔夠，而且冇之前咁滑。豬扒包：個包應該有岩岩烘過，微暖而且略脆。塊豬扒都唔會好乾，而且唔會好硬，但好似無咩腌過咁，無味嘅😑服務：好一般。味道：好一般。咁樣$77，值唔值得就自己諗下啦。建議如果真係想試，買個外賣就算喇。

我第一次食義順係係澳門，當時我覺得佢無咩特別，味道普通，價錢又唔係特別平，所以係香港一直都無話特登去食。直到琴晚朋友話好想食，咁就陪佢食，係香港店原來有朱古力味！😍😍朱古力味勁好食，又滑又濃😍😍搞到我心思思又想過幾日再食！

平時喜歡飲木瓜牛奶，喜歡佢夠凍和好味，今次如常叫了一杯，可是這杯帶有苦味的，是正常的嗎？由於我真的從未飲過苦木瓜奶，所以飲了一啖，就立刻通知服務員是苦的。服務員教我加糖就唔苦，多謝佢教我呢個秘訣，原來木瓜奶苦就加糖。位於銅鑼灣旺區，很多人會幫襯，希望可以做得更好，人客來吃東西的，不是來被你們玩弄的，食物有多美味都會被員工的態度影響整間店舖，看見有買外賣的客人進來，就立刻叫人出去出面叫，收錢位置又亂，叫外賣的和付款走的人堆埋一堆，一個亂字

在這點了紅豆雙皮奶（$40 一碗）及紅豆燉雞蛋（$32一碗），兩款都是甜了熱吃的。可是在來雙皮奶的時候一點都不熱 在寒冷的天氣 中式甜品還是來得及時 沒有弄熱便呈給客人 能稱讚的就是兩者味道是好的

非常出名既茶餐廳。位於銅鑼灣既雙皮奶，深受遊客歡迎，有時落堂黎食都不乏會見到有遊客光臨。呢間係出哂名既老字號，所有食物都整得勁好食。首先一定要介紹呢度既雙皮奶，佢既用料係北海道3.6牛乳，淨係用料已經感覺到與別不同，完全感受到佢既認真製作，個人覺得雙皮奶塊皮最好味，感覺係牛奶既精華都係哂裏面，之後下面既燉奶，佢係整到岩岩好咁，介乎固體與液體之間，每啖都係入口即溶，而且充滿奶味，十分美味。呢度既雙皮奶有好多款式可以加紅豆等等各樣野，不過個人都係慣左食熱既雙皮奶。另一樣要推介既食物係豬扒包，同樣十分出名，熱辣辣既豬扒配上香脆既麵包，每次黎都必點，十分推介。

年尾仲有兩日就過年，同啲friend食完飯去搵甜品食，咁就行過呢間義順牛奶啦，其實我一路無食過。其實佢地做埋呢晚就收爐過年架啦，所以只係得番香濃朱古力燉奶。咁無得揀啦，就叫左個朱古力燉奶。佢個朱古力燉奶呢，仲有啲朱古力粉係面。咁事實上就真係幾軟幾滑，不過我自己就覺得甜左少少，朱古力味道方面都真係好香濃，感覺好似朱古力奶。份量就一般啦，正常甜品size。不過37蚊，我覺得真係貴左d。未食過嘅話試吓一次都無妨。

小編其中一樣好鍾意食嘅糖水就係燉奶。以前放學或者行街有時都會去義順食返碗雙皮奶。以前覺得唔貴，廿零蚊食到碗大大地嘅雙皮奶。不過隨住年月，價錢越黎越高，涵就越縮越細。近年應該係比旅遊書介紹得好勁，成日都好多人，尤其係遊客。入面啲阿姐都唔憂做，態度都幾差。碗雙皮奶係唔錯嘅，面頭係有浸皮食倒，入面都唔會太甜，有奶味，而且都夠熱。不過宜家食幾啖就冇左，成三十幾四十蚊碗，認真唔抵食呢啲頹食反而唔太貴，不過味道就一般啦，冇事都唔會特登走入黎食😂

銅鑼灣食完晚飯，直落順便食個甜品 <3 聽講好出名，遊客超級多，特別是大陸人。今次是第一次食義順的雙皮奶，的確好香滑，奶味十分濃郁，不過價格稍貴，$36一碗〜未試過的話，可以一試❤︎

算得上是網紅甜品店了，基本上每一個來香港的大陸人都會來打卡，這家店位於銅鑼灣的中心地帶，下了地鐵口大概在200米左右，需要過一個天橋，到了街上可以問本地香港人都會給你指路。他家是不允許買外帶的食物，坐在店裡吃的，你若要在店裡吃，必須在店裡點單，因為外代的價格和坐在店裡的價格是不同的。 我們點了一個紅豆雙皮奶和一個原味雙皮奶，還點了一個西多士。其實我更想嘗試一下姜撞奶，但是我又想吃熱的，可是和我一路的朋友，他又想吃冷的，不願意吃姜撞奶，算了吧，反正我也不吃姜，下次有機會再來試試姜撞奶吧。 總體雙皮奶做的真的是非常的好，奶味兒特別特別足，我在內地從來沒有吃過奶味兒如此足的雙皮奶。 味道真的很純，相比之下，西多士就顯得平庸了很多，只是普通炸麵包片的味道，上面放了一塊。含鹽的黃油。

天氣又凍返啦！所以阿魚就同朋友去左食雙皮奶～～～～.在銅鑼灣附近，就去咗義順到食雙皮奶！ .不過真係太多人了⋯⋯.所以就外賣🥡出去食.🐟💬：最喜歡食雙皮奶上面果層奶皮！ 好重奶味！.燉奶好滑好好味！.雖然都有少少過甜，但可以接受！.價錢都比想像中貴，36元一碗！冷熱同價！.🐟📝：8/10

凍雙皮奶：睇落唔多新鮮，皺晒皮，所以唔會好有雙皮既感覺。但食落都係義順一向果陣味，滑同creamy 凍薑汁撞奶：有薑味，keep到水準 豬扒包：唔知係咪因為臨收鋪先買，廚房好唔妥 所以包又厚又硬又凍，豬扒又乾又薄，最後都被逼放棄左好厚既包皮