港畔餐廳 (已結業)

又到親愛的生日，佢既最愛就係自助餐，一於揀左口碑唔錯既洲際自助餐食晚餐，6點就準時入座，可能因為平日關係人流唔多，安排坐窗邊，剛好望住維港黃昏景觀^^個場呈長方形攞位，一邊取食物，一邊坐位，通道比較窄海鮮選擇齊，有蟹腳，🦀蟹鉗，🦞龍蝦，青口，貝殼類，螺，龍蝦仔，蝦🦐海鮮新鮮熟食方面，羊架，蒸扇貝，完隻鮑魚，鵝肝，燕窩忠，每樣食物都高質素，成本都唔平甜品選擇好多，每件都細細件，可以試多幾款，特別中意佢個芒果糯米飯，好香，飯熟得夠口感👍👍自助餐價錢包左2杯飲品，一杯welcome drink 及果汁食物對得起呢個價錢👍

差，以前食過幾次都唔覺、依家俾人感覺係求其，除左甜品款式多，其它沒有什麼選擇、加埋工作人員態度都唔好，可能已經轉左新人，叫佢比兩件佢唔應你比一件，我以為佢聽唔到咁再講多次，先講叫你等等，未有之前我覺得好應該講聲俾個客知、完全唔應你，完全冇禮貌，態度極之差，拎多幾件佢好似俾面色你睇，其實每次拎鵝肝都要佢俾，呢方面極之唔方便，個客係唔會知有冇，加埋refilled呢方面都好慢，我行幾轉個蒸蝦都係得三四隻係到，以佢呢個價錢基本上都唔值，希望黎呢間食Buffet既人真係唸清楚

已經好耐冇係香港食晚餐buffet 今次會食洲際酒店buffet原因 因為有65折 平時都要$800-900一個人而家只需$670 唔試？對唔住自己啦！3 個人 放工 黎到6點35分都差不多full哂 先飲杯welcome drink個人buffet 習慣 行哂全場先 真係好多選擇龍蝦 長腳蟹 蝦 蟹鉗 不在話下三文魚都有三款 時蘿三文魚 鹹鹹地 好食熱盤 多選擇 鵝肝和牛片皮鴨豬手黑松露薯蓉好正 又係食啲唔回本野😬鮑魚任攞唔需要等分配甜品又係好多種仲要有芒果糯米飯 如果有疏乎厘出爐 仲會聽到有音樂聲提你有得攞啦！飽唔行唔到🤗 價錢《質數 抵

朋友同我慶祝生日，預早訂左洲際酒店的港畔餐廳食自助餐，好耐冇喺香港酒店食自助餐，因為水準越來越差。洲際酒店位於維港灣半，可以一邊食一邊欣賞維港嘅美景，環境10分舒服。今晚喺呢度都識到唔少好味嘅食物。凍龍蝦及凍蟹都可以，依家並不是間間餐廳有全隻龍蝦食，有的價錢亦不便宜。不過餐廳唯一嘅唔好就係食生蠔要另加錢。熟食部份選擇好多，有我最愛嘅煎鵝肝多士，食咗好多塊都不覺油膩，事緣中間夾左菠蘿有助去膩。另外亦有鹿兒島和牛，即炸天婦羅都10分新鮮，還有特色嘅鮑魚蒸蛋及燕窩魚翅。唯一係美中不足的是壽司種類及魚生種類並不多選擇。最後少不得是甜品，出名的梳乎里每10分鐘出爐一次，臨近出路啲人已經開始排隊，瞬間冇晒。其他甜品種類也10分多，甜品水準還可以不算太甜，還有新鮮生果。最可惜係朋友忘記冇同餐廳講生日，少咗個生日牌。

朋友生日去食自助餐，工作人員態度很好。環境超好，面對海景。這裡食品款式多，特別是甜品🍮。還有他們送了一件切餅給我朋友慶祝生日🎂，非常感謝。下次有機會再次享用。

母親大人就快生日又係時候揾地方食好野啦。之前在洲際食過晚餐同下午茶都覺得唔錯，未試過午餐所以就嚟試一試佢。但一試之下就覺得午餐無咩特別，而且人又多，攞野食既位太迫，不太好。首先冷盤方便一般蟹腳，凍蝦都有既。刺身都係無帶子。熟食都有幾多，每樣試d。湯得節瓜同南瓜，太普通。仲有粉麵，但只攞餸，食唔落粉麵啦。。另外有炒龍蝦，等咗好多輪先攞到，好多時一出就無lu。每位都包一杯果汁，食完仲有一杯餐茶。甜點都ok多款，攞咗唔同既蛋糕但唔記得咗影相。下圖係其中一部分。整體唔係太差，但可以好d以五星級酒店嚟講。環境都ok，但d位放得好近，隔離枱講野聽得好清楚。某信用卡有8折，匿間可以儲理數，但有折就無得儲，只可揀是但一樣。

此酒店一向都給我一個高級的感覺，所以去食佢嘅Lunch Buffet係有一種期待，我來個先甜後苦吧！食物方面算是琳琅滿目，甜點鹹點種類都算多，最精彩的是有即做意粉，是連個粉本身都是即場以手動製麵機製作，很有驚喜，我一共吃了兩次，更認識了陳師傅，他更為我的麵包蟹蟹蓋加工，做了一個超級精彩的龍蝦意粉，陳師傅功力十足，是餐廳之寶。其他食品方面，海鮮冷盤有麵包蟹、長腳蟹蟹腳、蜆及青口，當中麵包蟹都有refill，我都成功拿到兩次蟹蓋，長腳蟹蟹腳比較瘦弱，無乜肉，蜆是細隻的，而青口不是baby blue。刺身有三文魚、吞拿魚、墨魚及北寄貝，食落去明顯比其他地方食到嘅刺身高一個檔次。另外熱食方面，當中以和牛漢堡味道最好，扒類有牛有羊，算是好味，甜品方言就以拿破崙為最佳選擇。$野就梗係要講下啲不足之處啦,冇諗過一間咁高級嘅酒店,自助餐嘅位置會緊迫,真係迫到嚇死你,最不幸嘅事因為地方太迫,侍應活動都成為一個障礙，我友人就俾個侍應嘅滾水淋到，個侍應都好好，即刻講對唔住，不過始終係滾水，雖然唔係難得好嚴重，但係都有灼傷，我觀察到呢間餐廳幾樣嘢，第一，出咗事之後冇其他人幫你個侍應，個侍應攞咗啲冰過嚟俾我哋，

星期一，2位用683元去食午餐。人太多 ，地方太窄，食物種類少，食物質素一般。由於地方細關係，期間亦見有人因排隊問題，或碰撞問題爭執。係一次很差的用餐經驗。賣點只係有大玻璃窗向海而已。

因為用某張信用卡有折扣，所以特登去食下，係抵既，至於食物整體評分都唔錯。點解食物評唔係太高，係因為感覺款式唔算太多，食左兩轉已經要食返轉頭但食物質素係高既，每樣野都新鮮，對於我哩種食得唔多既人就岩岩好。如果你係追求多款式既，可能要去第二間，但如果係想慢慢去享受哩一餐，就可以黎試下，因為佢無限時間，你可以慢慢坐慢慢食

洲際港畔最出色嘅係⋯⋯湯⋯⋯我知去食自助餐去飲湯係好荒謬但真係好好飲⋯⋯不知不覺，應該飲左十幾碗其他食物其實都屬於中規中矩，没有不好吃，也没有不好吃除了湯以外，其次出色的，要數天婦羅，那個炸蝦天婦羅，炸得外脆內嫩，粉漿之薄絕對可以跟稻菊爭一日之長短冷盤海鮮，略為過熟，翡翠螺最為出色，口感爽脆鮑魚蒸蛋，純粹係將件罐頭鮑放係茶碗蒸上面鹵蛋，雖然不香，但極濃味，我又想起了阿嬤茶葉蛋燕窩蟹肉羹，可以算是今晚敗筆，是想做出紅燒翅的味道，可是，燕窩不像魚翅，味不能太濃，結果，只像没味的膠水

Intercontinental屹立咗喺尖沙嘴咁多年，終於有機會嚟試下佢既晚餐buffet。星光大道開翻，餐廳對住成個維港美景，我地6pm就入座，望住個天慢慢黑🙂第一印象係甜品選擇有好多，忍得好辛苦先逼到自己唔好食完甜品先食鹹嘢😂海鮮bar幾多選擇，海鮮中規中矩，無特別大驚喜。沙律bar唔錯，材料幾特別，選擇多。甜品有即製crepe同souffle，gimmick大於味道🤭feel到食物方面有用心，有welcome drink，亦有質素符合酒店質素既餐飲。可以一試。

my first time dining here. but honestly this is not something i expected from a 5 star hotel given the price. it costs around $500 per person for lunch buffet. The ambience was quite nice though, with a spectacular harbour view. however, the seats were closely packed and we could barely move around. there were a variety of food, ranging from dim sum to sashimi to indian dishes to hong kong style noodles, but i would expect something more. coz most of them are more like street food rather than so

We had lunch buffet. Probably i expected too much from it as I thought a 5 stars hotel would offer a wide range of food choices. The roasted lamb and beef weren’t good. The beef was too raw and too salty whereas for he lamb it was tasteless. If u are a big fan of desserts then it could be your paradise as the desserts were very appealing. I ain’t a big fan so I didn’t try many of them. One good thing about the lunch buffet was seafood was never run out. They kept refilling which was impressive.

第一次來呢間酒店，之前好似話好難Book,所以Book到就一行人去試了。準時到達，真係好多人，平日都幾Full,其實平日來講價錢都算貴🤨，但一定要來試一次,果然一分錢 一分貨，好多嘢食，先來一杯welcome drink ,有幾款果汁、頭盆先來風乾火腿配密瓜，正....，再來蟹、🦐、蟹腳、青口，都新鮮好味，刺新也ok,芝士也吾錯，熟食就一般，所以只輕嚐，但海南雞飯細細碗好味，甜品實在太多了，絕對是甜品控的天堂，實在太吸引了😆，芒果拿破輪同芒果糯米飯超掂👍🏻👍🏻， 今餐食得好開心😃，絕對滿意。

朋友升職,今天特地來到尖沙咀香港洲際酒店這邊的港畔餐廳慶祝,香港州際酒店位于維多利亞海灣旁，緊臨星光大道，在這裏可欣賞維港的魅力景色。這裏甜品款式非常多，除了同款式糕點，還有泰式燒菠蘿、椰絲卷，多款雪糕。飲品選擇也不少,mocktail味道很特別,芒果跟椰子的比例剛剛好，又不會太甜，很好喝！燒牛肉,食材是從澳洲運來，燒的很香，牛味濃鬱。天婦羅蝦及蕃薯,天婦羅炸的酥脆，鮮味十足。凍龍蝦和長腳蟹,感覺一般。甜品裏面朱古力馬卡龍給人印象最深刻，餅好脆，朱古力醬又滑又濃，很好吃。食物選擇豐富，環境真是很不錯!