港青咖啡座

營業中

休息中

帶媽媽進入餐廳內看見很多坐位，環境清雅舒適，接待生有禮地讓我們選擇座位坐下，但我們點了菜後又想轉更好的位置，接待生依然態度懇勤。此時，兩時許，我仍未吃午飯，所以先叫個lunch set，我選了鱸魚午餐，祇是$78.00，不過 ... 它出來的賣相、味道超越$78的質量，魚皮還脆脆地，還有煙內碎在面，魚肉又熱熱地，值得俾過like佢。這地方是媽媽介紹的，她從外看到這餐廳內不會太嘈。來之前已問餐廳可會容許客人多坐一回，以便確定是個漫談的地方。吃完午餐不久，又點了個tea set，雪糕waffle($78.00)，另加紅棗圓肉茶($60.00)，它們甜品美味、茶味清香，都冇令人失望。惟最後媽媽向另一接待生要杯熱水的時候，那接待生把熱水加在她手上剩下的半杯開水未免有点敷衍。最後，又冇加10%服務費，又坐了三個多小時！

在小友放暑假這一個月期間讓他參加一些playgroup，好使他能打發時間之餘也能學習多點物事。帶他報讀了YMCA一連六課的課程，完結時剛好是午間吃飯時間，太太說想試一下YMCA裡頭酒店cafe內的東西。小弟反正又沒有來過這裡，試一次當然也是無妨....天時太熱，連吃米飯的意欲也是大減，故此就選包點類的東西來嚐。叫了一客美式珍寶熱狗，除熱狗之外還附上一小杯盛得滿滿的坑紋薯條。吃完之後肚子已是飽得很了....熱狗包有差不多一隻碟那麼長身，是明符其實的jumbo size。不過食起來味道只是平平 ---- 包烘得不夠熱之餘又未算鬆軟；那只熱狗腸只是一味夠粗夠大碌，但由於店方只是隨便的將之用水烚熟的關係，肉香自然就未能充份散發出來，故此這看來就只屬大而無當之輩而已，再加上醬料又只得茄汁以及小量的廉價的黃芥茉，連生菜及蕃茄片也不下一片，所以以此賣相及味道，竟亦要索價差不多要一百大洋一份，實在是有點那個.....全碟最像樣的應是那份炸薯條，入口夠香脆而不過份油膩，已是最大的亮點了....鮮橙汁差不多要三催四請才送過來。呷了口，，心裡不禁狐疑 : "這不是果汁先生的味道嗎?"....埋數每人要過百。

朋友要到YMCA辦事，碰面時已經一點多，拿拿臨搵旁邊的CAFE醫肚。原來打算要吃CANTEEN級的快餐（要自己出去叫個隻），但瞄到有即叫即做的DAILY LUNCH SET，一人一個叫來試。原本對這種無國界料理甚有戒心，但出乎意料的好。豆腐煲：熱辣辣，香噴噴，青口蝦落足料，不錯！牛肉千層面：很多肉，有些滯，不過千層面就是如此。芝士舖面焗得不錯，但不妨多多益善，如果面裡面都有芝士就正啦有人SERVE，其實餐具應該自己攞，但佢見我地冇攞都主動幫我地。環境唔錯又唔會好貴，值得再來！

5-9-2010(Warning: 以下係一篇屈機到爆的飲評...)天氣太悸熱, 行多兩步已身水身汗, 想平平哋舒舒服服飲杯嘢抖抖氣, 求其入了呢間 hostel 的餐廳就算.叫了「菊花啫喱蜜特飲」($26), 其實即部分茶記都有供應的「菊花蜜」, 再加點五顏六色的粒粒啫喱喺底, 飲落味道有少少似「維」字頭的紙包「蜜糖菊花茶」, 但就甜 10 倍咁多, 勉強捱了 1/4 杯後, 結果要向店員要杯凍水, 自行溝淡先入得口 而底部的啫喱就比菊花蜜的極甜味完全蓋過, 可以不理. 貪玩叫的一杯嘢, 結果亦出事了, 早知乖乖飲返檸茶檸水阿華田之類就算. 朋友飲熱檸蜜, 奉上了一碗熱水及一杯沾上了蜜糖的檸檬, 見到都有點... 志在坐吓, 而環境就認真不錯的, 地方靜局, 卡位舒服闊落, 連裝修都係我喜歡的簡約主義 , 唯一唔好就係冷凍有點太勁, 坐得耐都有點打冷震; 店員們亦友善禮貌, 服務比唔少海港城內的餐廳更好.坐多放低 20 幾蚊, 專程返嚟食嘢就咪搞我了, 不過可以一坐的; 亦睇在配套份上, 勉強俾個 OK 佢吧.

友人要結婚，兄弟團聚會後在此晚餐 自助形式，酒店質素，自成一角，環境清靜，正合傾下野咁。忌廉湯，唔似一般西餐廳一舊舊粉羊扒，香嫩多汁，酒店水準橙汁，xx先生貨色有人serve，但冇人趕，坐幾耐都得

香草豬扒意粉($55)包餐湯(中或西湯)及一杯橙汁或汽水配即磨咖啡(+$12)香草豬扒意粉: 份量夠女士食, 但男士就...少汁, 意粉很乾身.碗西蘭花湯...好粉...但呢個價錢, 呢個環境算唔錯!因為裝修後個環境真係唔錯!

星期六, 我同囝囝出去買d 打波衫, 買完之後就入左去呢間野食lunch.行入去至知原來係要"自己拎"o既快餐. 囝囝叫左一客燒春雞+意粉 -- 點睇都唔似係燒出黎架, 似豉油雞果種多d, 仲要係囝囝都話d雞肉好鞋呀!我就叫左一客三文魚扒+凍檸檬茶 - 三文魚扒咪就係水煮咁, 加d 白汁, 典型快餐呀, 反而杯檸檬茶就幾好, 無論色香味都有茶餐廳水準.整體而言, 如果我用呢個價錢, 我相信 pizza hut 同 spaghetti house 都會好d, 起碼唔駛我自己去拎.

前幾日同同事o係呢度食晚飯,之前行過以為有人招呼,點知原來係快餐店要自己來.主菜選擇有幾款,叫左焗香草豬扒意粉.香草豬扒冇乜香草味,味道一般;意粉係唔暖o既!成碟o既份量好少,唔係幾夠飽! 另外見其他人叫加飯時,個阿姐面黑黑好唔願咁!一碟四十蚊o既意粉實在唔值呢個價,連大快活o既都好過佢,起碼夠熱!!

食厭了文化中心附近的快餐店, 這裏是不錯的選擇. 雖然價錢比一般快餐店稍高, 但環境較佳, 食物質數和份量也較優.食物選擇沒有快餐店般包羅萬有, 但也總有十款八款, 加上水準起碼中等以上, 基本不會失望. 今天晚上開工前吃了一客會牛尾, 略略偏鹹一點, 送飯還不錯, 味道過得去. 加$10跟一杯香濃咖啡, 相當滿足了.

家姐訂婚酒會選在這兒舉行，老實說食是次要，環境氣氛才是重點，但兩者都不太理想。由於是酒會，食物很簡單，燒賣、蝦餃、糕點、迷你果達、炸蝦、迷你open sandwiches、pastry、春卷、串燒、生果以及最高成本的燒牛肉。質素一般，最好味要算是燒牛肉，肉質滑，不不韌，至於春卷、炸蝦等炸物不知是否受水氣影響，腍pat pat的，pastry個皮唔夠酥脆，餡料也極其少，雖然從未到過ymca吃buffet，但酒會的質素已教我不會任何考慮。

雖然味道不算太好..但勝在份量夠..晚餐$60多..可以好飽..同埋都算靜..傾下密計..都ok~

快餐店格局~ 食物唔係好掂~ 不過counter D 阿姐好nice~To take a rest in tea time, it's ok la~