港麵子 (已結業)

今日去九龍灣德福行街，見呢間港麵子新開，無人排隊，就諗住試試，點知一試就中伏...同家人叫左兩個set lunch，港麵子雲吞麵同銀芽肉絲炒麵，配小食，小食揀左餃子同海蜇餃子味道尚可，不過不失海蜇中曬伏，成碟得四舊，其餘全部都係配菜筍，筍勁難食都算，海蜇仲要無味，食一舊已經唔想再食之後銀芽肉絲炒麵，麵係兩面黃，唔夠脆但都算ok，銀芽得幾條，肉絲先係災難，唔可以叫肉絲，應該改名叫「肉條」，好韌！最後一碗雲吞麵簡直係垃圾，雲吞無蝦，係肉+雲耳絲，無味道，麵底更難食，淋到無牙婆都食到，一d口感都無！咁既水準，兩個餐分別係收$68同$58，真係一d都唔抵！

德福廣場最近多了間新食店【港麵子】。名字有特色，應該包含麵及本道味道。中午時段附近的食店門外大排長龍，相反【港麵子】門外沒有人龍，店內同樣只有廖廖可數的食客。店內顏色繽紛，地方寬敞，環境舒適。餐牌上雲集亞洲各國麵食，包括湯麵、撈麵或涼麵。麵食以外，亦提供多款四川及地道小食。午餐有八款湯麵，可以併一款小食，價格 $58~88。不包飲品、不收加一服務費。單看定價略為進取，期待食物質素真的物有所值。【成都牛腩掛麵 $68】葱花得幾粒，掛麵隨意放，賣相不太吸引……完全沒有美感。跟茶餐廳出品無異。麵條軟硬度恰到好處，喜歡這個麵的質感。牛腩份量多而且軟腍沒有渣。紅色的湯頭內有辣椒，味道只有辣但夠香，更加沒有牛味。【香辣炸雞翼】炸雞翼上淋上香辣醬， 炸雞翼炸得脆口， 香辣醬真係好好辣。朋友叫了【酸辣雲南米線 $68】……看到凌亂的食材，賣相令人食欲完全消失，真令人失望。上綱一查驚訝【港麵子】是MIRA旗下成員，MIRA 在筆者心中印象不錯，走高級又有質素……但【港麵子】又貴、味道又一般，原本筆者估這是大家樂集團旗下的……真係大跌眼鏡！

第一次試新開張嘅「港麵子」，環境算乾淨濶落，坐得舒服! 由於九龍灣算多食肆，即使排隊都唔駛等好耐，但呢間新開嘅麵店竟然唔駛排隊，應該係有原因嘅!今次我哋食午餐，由$58-$88，有小食配，飲品要加$8，當中4個餐係辣，4個唔辣，所以如果唔食辣，選擇唔算多!我叫咗個牛肋肉蕃茄湯麵，味道唔錯，牛肉好軟好林，但蕃茄湯味道唔濃，麵質唔錯! 朋友叫咗個海鮮喇沙，好香嘅椰香，湯嘅味道唔錯，不過對於我唔太食得辣嘅人嚟講就辣咗d!小食我哋要咗餃子同青瓜，味道正常，不過不失!總括嚟講，食物質素過得去，但午餐嚟講價錢實在偏貴，下次或者可以試試晚餐，畢竟Menu上都仲有不少選擇!

本來一心想去九龍灣德福School Food食韓國嘢，點知去到先知道已結業，可能係韓餐潮流漸淡關係啦，不過朋友同我都有啲失望，畢竟真係好耐冇去School Food開餐囉！但係原址開咗間叫港麵子嘅港式麵店，外面望入去發覺只有少許裝修有改動過，其餘大部分仍然係School Food舊貌，最後知道原來兩間餐廳嘅背後老板都係同一集團，我同朋友都話想試吓新嘢，於是就走入去一試啦，當時人唔多，所以我哋可以直接入場。睇完menu後，發覺食物種類雖然不算多，但麵底選擇就好多元化，真係諗得出都有，我朋友叫咗個椰香掛湯海鮮喇沙，我就要骨膠原牛尾番茄湯麵。椰香掛湯海鮮喇沙一送到，好濃嘅喇沙味已湧入個鼻度，麵質彈牙，啲豆卜又索晒喇沙湯底，完全入晒味，簡直就係精華所在，我朋友話超正，食唔停口。至於我嘅骨膠原牛尾番茄湯麵就更吸引，牛尾炆得好腍，相信係食材用料正，加上濃郁蕃茄湯底，就更特顯牛尾嘅牛香，筋肉都超腍，麵嘅軟硬程度適中，啱晒我口味，最後我食到連湯都飲晒！😅不過認真講，港麵子嘅價錢一啲都唔平，啲麵平均都要八十幾、九十蚊碗，呢間餐廳仲要冇開水供應，顧客如要飲水就要order枝樽裝水，或者叫飲品，真係夠晒講面

新開冇耐，早餐見冇人排隊就去左試下。價錢都係三十幾蚊，正常水平，仲比附近平少少，叫左個好普通既沙嗲牛肉麵早餐。點知，係一個大伏。先講最正常既就係個麵底，正正常常，軟硬適中。至於沙嗲牛就屬於普通茶餐廳水準，唔算好亦唔算差，味道偏淡。然後到個多士，烘得唔夠脆口，好隨便，仲要一早烘定，凍晒，連預先搽定既牛油都唔溶。隻太陽蛋，又係一早煎定既，凍晒，勁乾身，個底已經變硬，好難食。最後，個茶都唔算好飲，太濃太苦。早餐真係唔掂......

星期日晚飯時間，舖入面坐咗一半人都冇。枱面果樽要收5蚊嘅水到底想點呢？佢地又有水供應架喎，當然你唔叫又唔會斟比你啦。不過放心，冇收加一服務費嘅。叫咗個椰香掛湯海鮮喇沙，問個侍應有冇得少麵，佢勁驚訝，唔想嘥野啫，有幾出奇。講返碗麵，麵質幾彈牙，堅有椰香，堅掛湯（呢個難，好多舖頭都係得個吹字），堅係喇沙而唔會勁鹹，令人好想飲晒啲湯。佢有五粒豆卜係令人感動嘅，有啲舖頭比得兩三粒，豆卜先係喇沙嘅精華嘛大佬！不過，問題就出喺啲海鮮度，有蝦、蜆肉、魷魚圈，都算足料，起碼冇比蟹柳厄我。我冇咁叻，食唔出啲海鮮係唔係全部雪藏貨，但肉質ok，冇霉，冇雪味，唔只，係一啲味都冇，同碗喇沙完全係兩樣野咁。但鬼叫碗野88蚊，真係死都要啃晒佢。

平日晚上去食，見到其他餐廳都排哂隊，就呢間係勁多空位，肚餓咪入去試下囉一入到去，店員極之冇禮貌，3個男店員，圍埋吹水講哂粗口。都算，食物質素超差，叫咗兩個麵，其中一個湯麵，份量少都唔緊要，湯麵啲湯係凍既，唔知到底有冇認真煮過，已經冇咩人食，唔明點解個湯麵可以係凍既。另外一個撈麵，啲豬肉片硬到完全咬唔開。老實講，唔明點解68蚊一個麵既質量可以去到咁差。真係試都免了，好評應該都係作出黎？！建議大家唔好浪費金錢。

朋友介紹德福新麵食蒲點，話基本上諗得出嘅麵都有~呢日放假同屋企人去試下發現又真系幾多選擇喎，海鮮喇沙湯麵、冬蔭公蝦湯麵、海參撈麵等等......聽落都吸引嘅 去個陣見骨膠原蕃茄牛美湯麵有新張特價$60(原價$88, 個個星期特價款式唔同, 大家可以留意下)。佢個牛尾好夠腍，又入味，夠厚身啖啖肉，麵質恰到好處，唔會太腍或者太硬，都叫系爽彈嘅，佢仲有好多種麵款可以揀，蘆薈麵、燕麥麵、拉麵等等，配埋蕃茄牛尾湯底，幾惹味幾特別，出邊都少見，驚喜之選啊~ 仲有海鮮喇沙湯麵，香味濃郁，用料都幾足，有蝦、蜆肉、魷魚圈、雞脾菇、豆卜等~配金邊粉，都算唔錯~再叫多兩個小食醉香雞全脾、口水牛肚絲同野飲，滿足~叫左咁多野埋單約二百零蚊啦，喺呢個商場食夜晚嚟計，都Ok啦~ 最後先見到原來佢地有賣combo，可以樣樣都想試D，有3款麵食+3個小食，細食嘅話兩個人都足夠，加埋野飲就更飽~$108就可以落樓，仲抵~下次再戰!

見到介紹特登走去試6格麵，價錢$108有3款指定麵同3款指定小食，可以試曬店家招牌。小食有雲耳、海蜇同口水雞，味道無乜驚喜；反而3碗麵各有千秋，番茄牛尾湯底好濃郁牛味，飲落又厚身應該真係足料去煲，番茄酸酸地中和返，perfect match! 牛尾無想像中咁林，但好夠味。擔擔麵個湯一樣好濃，但唔似食開果種帶甜甜地既味道，佢呢個麻味好出，好特別。最後有個冰冷麵，好搞笑佢係伴冰上，啲冷麵個樣似油麵但係好彈牙又唔油膩，食完啲重口味野食呢個清新下幾好 份量黎講，2個人share 加多個小食已經好夠飽。

返工中午放飯，平時放一點到兩點，星期五比較輕鬆自由，為了避開人潮，十二點九就來到呢間新開麵店。因為新屎坑關係，見到價錢偏貴都試一試。一入到去坐低，就見到台面有枝飛雪水，要$5。應覺很小家，水都不提供，想要客人付錢買。後來發現，如果開口，都會提供水。午市套餐的麵類由$65-$88，不設加一，有一款小食可以加配，而飲品就要加$8。$65既係擔擔麵，而我就選擇了$88的蕃茄牛肉麵。加配小食可以選擇皮蛋豆腐，海蜇，木耳等等。我選的木耳有很重的蒜。蕃茄牛肉麵製作時間比其他麵長一點，但勝在夠熱，湯很好味，但感覺是味精。牛味道也很好。有兩瓣蕃茄，不過狀態並未熟，可想而之蕃茄是後來加入。整體來說，是間比較普通，而且偏貴的麵店。

見到德福panash隔離有間新開嘅餐廳，覺得個名叫港麵子有d搞笑，比呢個名吸引左就決定入去試下😂 平日嘅夜晚餐廳唔多人，唔使等位就入到去，而且入面都好大好寬敞，裝修好有心機。waiters超有禮貌，未入去前已經有人係門口greet我地，落單時又係好有禮貌，走嘅時候又會係門口講歡迎再次光臨，慢慢行等等，感覺好有禮貌👍🏽👍🏽今晚試左個大韓牛湯冰水冷麵。麵有d韌，咬落個質感有d似橡筋，需要時間咬開d麵。牛肉只有兩三舊，略嫌少左d，如果可以多一兩塊會更好。不過幾鍾意浸係入面嘅酸蘿蔔同青瓜，好refreshing，好配合碗水冷麵，流心蛋味道都唔錯。不過68蚊食一碗麵，性價比唔係特別高，如果碗麵可以多d餸或者包野飲會抵食d。

粥粉麵飯，不知那樣是你的最愛。 對我來說，最愛一定是麵，麵的多元化和多變性，最可愛，加上一口特別的湯，層次可以非常多元化。 看到幾個朋友去吃的這間港麵子，感覺非常有特色多元化的麵選擇，絕對提起了我的興趣。 上兩個星期五的晚上我就和幾個朋友去了這裏吃飯。 看到介紹講新張期間這裡會有優惠，連續五個星期每週二一款招牌面以一個特價形式發售，精打細算的人通常看準這個時機幫襯。 九龍灣德福廣場的星期五晚上，基本上所有食肆都水洩不通，周圍都大排長龍，嚇死人，原來食餐飯都咁難。 幸好，港麵子是新店，人龍未見就可以直接入場。 看看餐單，這裏基本上有10多種不同的麵底，什麼拉麵米線河粉金邊粉燕麥麵蕎麥面，什麼選擇也有，湯底也很多元化。 由於實在太眼花撩亂，我們看到特別推出更是限定的港麵派對，入邊有三款迷你面色和三點小吃，每日限量20份。 當然不能錯過叫了一份。 先講小吃，口水雞，黑醋雲耳和萵筍海蜇，全部都係夏天的開胃小吃，當中最喜歡口水雞，喜歡到叫了一碟剩口水雞來吃。 港麵派對有暹邏海鮮冬陰蝦湯面，麻麻辣辣擔擔麵，韓式棉花冰雜菜冷麵，心大心細最適合食呢個，乜野都有，不用煩，三心兩意食得最

由於見有新店開張，店名食字又好似幾特別，反正是早餐時段，心想應該不會中伏吧！點了番茄牛腩湯通粉，跟餐配煎蛋發多士。平常的餐應番茄湯底一般很濃郁的，這個店員一端餐上來，我還以爲是配送錯給我了吧！？然而，店員拍聿指這個就是番茄湯通粉，我內心是多麼的糾結...通粉有三小塊牛腩，可以就是白烚牛腩粒，整個通粉淡而無味，多士煩歲得太焦，煎蛋可能是一早煎定，蛋黃上結了一層膜，就是暴露在空氣久了而結上的一層膜（淚），感覺很不衛生。跟餐配港爽式奶茶，茶味帶酸，奶味欠奉，很失望，早餐都做成這樣，大伏。害我浪費了時間及金錢，我還是要去另一家餐廳補充體力了。

今天出job是在啟德拍攝，中午午飯時，好的餐廳都排長龍，看到有家不用排而且很想坐著休息一會兒，於是唯有試下。⭐️大韓冰水牛冷麵這個是ok,如果你喝冰水，味道會怪怪的，但非常襯韓式冷麵。相比老婆選的麵，我覺得這個可以以好吃來形容⋯⭐️餃子擔擔撈麵老婆貪新鮮看到擔擔撈麵看似挺特別，便選了。伏已中。完全吃不出擔擔麵！撈麵汁只有淡淡的辣味⋯唯一好吃是他們的餃子。好特別，他們不派水，卻放枝$5的超細樽裝水。明白飲食業的競爭大，希望下次會有改善～☺️

🇨🇳港麵子🍲～～～～～～～～～～～～～～～～～～港麵子新開左係德福以前school food 個位，今次俾「骨膠原」三隻字吸引住。午市套餐（$88）包一款麵食、小食同埋一杯飲品。🍅今次揀左個骨膠原牛腩番茄湯麵骨膠原牛腩番茄湯麵用熱鍋上，啱哂最近涼左嘅天氣，牛腩算淋，幼麵，但食完感受唔到有幾骨膠原。～～～～～～～～～～～～～～～～～～