湊湊火鍋‧茶憩 (MOKO新世紀廣場)

營業中

休息中

6點鍾去到攞位，門口侍應話要等位，8點前一定可以安排入座，我們便靜靜在旁邊等，等候期間見有其他客人沒有取籌亦可入座，侍應話是一早訂枱的，好，我繼續等，直到8點，問她是否可入座，她卻才跟我説還要等多4張枱，期間不斷有訂枱客的入座，如果不能安排walk in 客的，倒不如不要叫我們排，或者给我知道要等幾多張枱，你卻說8點前可以交檯，要充人氣也不用這樣玩客吧，簡直浪費時間，態度惡劣，想被玩的可考慮這間跟經理討論也是同一樣態度，不知所謂

一行4人打邊爐，限時兩小時，選了花膠雞湯底，湯底濃足料😋😋牛肉選了兩款，每碟百多元約有10塊，有牛味不”鞋‘’，好味👍🏻👍🏻其他配料ok。最有驚喜是不斷有試食🤩🤩有細細杯的乳酪沙冰、梅子茶味果凍，走時仲可以一人拿一盒外賣麻辣鴨血（我哋只取了一盒）🥳🥳雖然味道一般，但勝在有誠意有意外驚喜

打去想book枱，而家限聚令放寬到六至八個人，想問吓一枱最多可以book幾多個人，聽電話嗰個話老闆只能夠最多四人一枱，咁冇問題。打邊爐梗係想多啲人去㗎啦，咁問吓可唔可以五個人book兩張枱大家分開坐喺隔離，佢答：先生我哋好忙㗎唔好問埋啲冇可能嘅問題！問吓都唔得咁L串？

好難食.....以為係台式火鍋，一去到見到啲分店全部都係大陸就知道九成九中伏。入到去啲waiter個個都西口西面，完全冇服務態度可言。啲侍應上床完全係亂咁擺，張枱冇位都唔識得執好啲，直接成碟嘢擺喺你面前，或者用個碟推走晒所有嘢，等你自己執，好似施捨嘢食俾你咁。鴨血豆腐任食，但其實難食到你根本唔會再加，啲鴨血嘅質感亦都唔似係真鴨血。好耐未試過出街食飯可以食到咁難食嘅嘢，仲要收呢個價錢，咁嘅質素嘅火鍋仲衰過啲一百幾蚊嘅任食放題。勸大家唔好見到佢好似好多人食就走去試，真係會後悔。

其實已經食第三次，不過而家先寫食評😆第一次食係尖沙咀，第二三次都係旺角，最鍾意佢嘅湯底～紅顏花膠雞窩，湯底好似羹咁樣嘅，比較濃味同厚身，而且仲有好多花膠同雞肉，感覺食咗好多骨膠原咁😌另外個麻辣鍋我覺得味道一般，但可以無限次添加豆腐同鴨血，今次我哋三個女仔食，等咗好鬼耐，佢地送咗一個好似波板糖造型嘅海鮮棒棒俾我哋，好似係等多過30分鐘就會送，所有食材我都覺得好新鮮，座位都好舒服，啱晒我哋啲女仔喺度傾偈，三個人食除返開每人都係二百幾，抵。最重要係鴨血同豆腐都可以攞返屋企食😂我哋一人一盒攞走，爽

除咗火鍋好食之外，有冇人同我一樣好鐘意飲佢嘅奶茶，之前香港未有分店個陣，係第二到食過一次，鴨血係超級無敵好食，成晚我只係不停加鴨血，對於好鍾意食鴨血嘅我，呢度可以無限添加，真係好幸福，不過珍珠奶茶入邊嘅珍珠就好難食。相反香港嘅鴨血我就感覺無咁好食，同我第一次食嘅感覺唔一樣。而珍珠奶茶嘅珍珠就比唔到意見，因為經歷過嗰一次好難食之後就唔敢再喺呢度嗌珍珠奶茶，不過佢嘅奶茶係真係好好飲，所以而家就算唔係入去食邊爐，經過都一定會去買一杯奶茶

成日聽人講湊湊火鍋·茶憩呢間火鍋店，講佢有多種唔同嘅火鍋湯底選擇。湯底絕對係打邊爐嘅靈魂，好嘅湯底絕對會提升成個體驗😉！今日去旺角MOKO店揀左個雙拼鍋(紅顏花膠雞鍋🐔&珍鮮菌菇鍋)試下😛。📍紅顏花膠雞鍋 個湯有濃郁雞味，仲有足料配料(有鮑魚仔, 花膠, 花菇等)。店員叫我地可以飲左湯先再後加水打邊爐。個湯飲落比較稠身，入面應該有豐富嘅骨膠原😍，真材實料👍🏻📍珍鮮菌菇鍋個人覺得呢個湯底無咩特別，入面有幾種唔同類嘅菇，味道正常。📍美國特選牛小排🐮肉質脂肪分佈平均，唔會太肥，味道都唔錯。📍海鮮棒棒糖🦐🐟造型同個名都夠曬特別，原來佢係蝦同魚整成嘅棒棒糖，咬落去質感似食緊彈牙嘅丸，叫嚟打卡影相就最啱。總結🎯：性價比高嘅台式火鍋店，有無限量添加麻辣鴨血同豆腐絕對係加分位！

放工同事帶我去食湊湊，去到門口就見到個仙氣小流水池，好有feel啊，內部嘅裝修都好有格調，給人神秘嘅感覺。嘢食方面，都有自助式水果、小食供應，叫咗一個鴛鴦鍋，麻辣同埋蕃茄，湯底非常之香，同埋好足料啊，仲有鴨血同埋蜂巢豆腐都可以無限refill，上菜速度都好快啊！嘢食都好新鮮，最鍾意就係食嗰個墨魚仔，好好食啊！

提前預定四人桌，環境不錯，桌與桌間距大，比較安全，點左火鍋套餐，海鮮比較多且新鮮，有牛肉豬肉蝦鮑魚魚滑等，店員會主動加鍋底鴨血豆腐，服務態度幾好。如果台式麻辣鍋底可以再辣少少就完美了。

無意中找到這間台式火鍋店，前菜、醬料和水果都包在了茶費當中，當天的前菜有魚皮，很美味。我們叫了鴛鴦鍋，一邊是花膠鮑魚雞湯底，一邊是台式麻辣湯湯底，兩者同樣出色。花膠湯底美味香濃，我們喝了一碗再一碗，服務員貼心地在我們喝完湯之後再加湯。另一邊的鴨血和豆腐是免費添加的，很滿足。另外我們還叫了美國特選牛板腱，牛肉香濃，有點兒咬勁，出乎我們的想像，美味。其他的蛋餃、墨魚滑、筍，食材都很新鮮，很合我口味。所贈送的梅子茶凍甜品很美味，減少了剛才食肉的油膩感。最窩心的是，你走的時候，還會送上一份鴨血給你拿走。

最好食八點鐘嗰一轉，因為佢會問你要唔要豆腐鴨血打包，一日可以要一份，裏面有三個豆腐花三個鴨血，如果兩個人，就有兩份，返嚟加啲粉絲同牛肉，好味價錢一啲都唔平，但係味道都OK嘅，嗌咗個酸菜魚，美肌喎，美肌喎啲湯好似海皇羹，首先飲咗先，再加湯打邊爐，酸菜魚啲酸菜比較酸嗌咗個四人+2人套餐，每人再嗌咗大紅袍珍珠奶茶，超大杯，如果兩個人，又唔係咁口渴，可以分享一杯嘢食大致上差唔多，普普通通，但係職員的服務態度真係好好，會不時提你加鴨血同豆腐，又會送甜品，嗰個果凍，記住問佢攞，超好味

每次晚上經過湊湊火鍋都好多人，所以一直都沒有機會嘗試，所以今次一於要中午試一O下先得! 同朋友大約中午12:30 到店外等候，不用等候就可以內進，店員問我們要套餐定係散叫。散叫就有85折，諗諗O下，散叫又可以叫自己想食的食物，一於就散叫啦!由於中什時份，人流不算太多，店員安排了一個梳化位置給我們，真係好舒服呀! 由於湯底已經叫了酸菜魚，所以都只是點多了三個火鍋食物，已經好飽。特別要介紹一O下佢哋O個前菜區域，都算有花心思，有魚皮、蕃茄仔、中華沙律、白飯可任君選擇;醬料都好種類，又衛生及整齊，值得一讚! 另外，時蔬湊湊(小份)都好，雖然係蔬菜但係好新鮮，罷放得也好好，份量好適合2-3人，真係火鍋都要食得有營!

聚會交畀我諗地方，最啱應該都係打邊爐，我又比較喜歡台式的，所以㨂左未食過的「湊湊」，不過食完後上網睇，先知原來係內地品牌⋯還好我諗應該都只會只此一次，因為佢價位頗貴，埋單3人差不多要$1200。湯底有幾多選擇，可以雙併。今次㨂左勵志鍋（台式麻辣）+食妝鍋（花膠雞），每款$138。台式麻辣冇得畀人㨂辣度，佢標示有3隻辣椒，但由頭食到尾都唔覺得辣（利申我只食到中辣程度），嗜辣嘅可能要加辣，藥材味亦唔濃，整體感覺都係溫溫吞吞咁。不過佢好在裡面的豆腐同鴨血可以續添，鍾意食嘅唔可以錯過。至於花膠雞就好足料，湯底好濃郁，仲有唔少花膠（但質感似豬皮），不過好黐底，要成日keep住攪。特選牛小排（$228）：油花都算多，而且有牛肉味，係有少少咬口嗰種，同麻辣幾夾。表面睇分量好似好多，其實下面鋪左菜。飛魚籽墨魚滑（$68）：呢個真係好食，墨魚鮮味爽彈，大量的飛魚籽增加鹹香同爽脆口感。海鮮棒棒糖（$58）：賣相好得意，其實都係魚膠啲friend，應該一款係蝦膠，一款係墨魚膠，唔算特別，唔多彈牙，只係影相一流。丸類拼盤：（$108）：包括牛筋丸、蝦丸同魚丸，除咗蝦丸之外，其餘的味道唔突出。響鈴（$58）、油

今日中午出開去旺角行街，見到湊湊無人排隊咪入去試下！可能疫情關係人流都唔算多，我地兩個人叫左個鴛鴦湯底，食材無咩特別！生果可以任食，不過埋單價錢都偏貴！所以應該唔會成日黎食！

今次繼續係新世紀覓食湊湊有免費熟食，等湯底上黎既時間可以食住先。不過只有兩款。凉拌魚皮同中華沙律。中華沙律一般，但魚皮爽口好味。略嫌切得太幼，體積唔夠數量黎湊，食多幾碟就滿足啦湯底係花膠湯，完全唔建議湯如果作為單飲係無問題，夠濃。但做湯底實在太「傑」。都係揀翻D清清地既湯底比較適合。叫左兩款牛，牛小排比Menu上面推介既牛好味（唔記得係咩部位）企鵝墨魚丸造型特別，味道普通，無咩魚/墨魚味。扇貝夠大只，蛋餃餡有D少，蜆乾淨無沙，黑牛百葉爽口新鮮。熟食「炸排骨」略鹹，好一般。另外仲有蔬菜拼盤，玉米唔靚，一D都唔甜。其他菜款款式多，數量少，對比價錢實在太唔抵。大紅袍珍珠奶茶超好味。甜度啱啱好，好香茶味之餘不失奶味。（可能係我太耐無飲過奶茶，一飲就覺得好好味）可惜係細珍珠，口感無大珍珠咁好。最驚喜既係餐廳送左兩次甜品。一次係酸奶冰沙，一次係青梅Jelly。Jelly好好味。環境安靜，如果想坐得好D而唔追求高性價比，可以選擇。