影片
更多
2021-03-12
880 瀏覽
聚會交畀我諗地方，最啱應該都係打邊爐，我又比較喜歡台式的，所以㨂左未食過的「湊湊」，不過食完後上網睇，先知原來係內地品牌⋯還好我諗應該都只會只此一次，因為佢價位頗貴，埋單3人差不多要$1200。湯底有幾多選擇，可以雙併。今次㨂左勵志鍋（台式麻辣）+食妝鍋（花膠雞），每款$138。台式麻辣冇得畀人㨂辣度，佢標示有3隻辣椒，但由頭食到尾都唔覺得辣（利申我只食到中辣程度），嗜辣嘅可能要加辣，藥材味亦唔濃，整體感覺都係溫溫吞吞咁。不過佢好在裡面的豆腐同鴨血可以續添，鍾意食嘅唔可以錯過。至於花膠雞就好足料，湯底好濃郁，仲有唔少花膠（但質感似豬皮），不過好黐底，要成日keep住攪。特選牛小排（$228）：油花都算多，而且有牛肉味，係有少少咬口嗰種，同麻辣幾夾。表面睇分量好似好多，其實下面鋪左菜。飛魚籽墨魚滑（$68）：呢個真係好食，墨魚鮮味爽彈，大量的飛魚籽增加鹹香同爽脆口感。海鮮棒棒糖（$58）：賣相好得意，其實都係魚膠啲friend，應該一款係蝦膠，一款係墨魚膠，唔算特別，唔多彈牙，只係影相一流。丸類拼盤：（$108）：包括牛筋丸、蝦丸同魚丸，除咗蝦丸之外，其餘的味道唔突出。響鈴（$58）、油
湯底有幾多選擇，可以雙併。今次㨂左勵志鍋（台式麻辣）+食妝鍋（花膠雞），每款$138。台式麻辣冇得畀人㨂辣度，佢標示有3隻辣椒，但由頭食到尾都唔覺得辣（利申我只食到中辣程度），嗜辣嘅可能要加辣，藥材味亦唔濃，整體感覺都係溫溫吞吞咁。不過佢好在裡面的豆腐同鴨血可以續添，鍾意食嘅唔可以錯過。至於花膠雞就好足料，湯底好濃郁，仲有唔少花膠（但質感似豬皮），不過好黐底，要成日keep住攪。
特選牛小排（$228）：油花都算多，而且有牛肉味，係有少少咬口嗰種，同麻辣幾夾。表面睇分量好似好多，其實下面鋪左菜。
飛魚籽墨魚滑（$68）：呢個真係好食，墨魚鮮味爽彈，大量的飛魚籽增加鹹香同爽脆口感。
海鮮棒棒糖（$58）：賣相好得意，其實都係魚膠啲friend，應該一款係蝦膠，一款係墨魚膠，唔算特別，唔多彈牙，只係影相一流。
丸類拼盤：（$108）：包括牛筋丸、蝦丸同魚丸，除咗蝦丸之外，其餘的味道唔突出。
響鈴（$58）、油條（$28）：唔駛講，吸湯力一流，但唔好放麻辣嗰邊，會吸晒啲油。
金菇（$38）、午餐肉（$28）：想像中的味道。
自助項目包括前菜同水果，涼拌魚皮出奇地好食，辣辣地又爽脆，好開胃。而每人都會強制收取$19醬料費，佢提供的醬料都算多，餐牌上都有建議配搭，可以作參考。
差不多食完會送上沙冰同梅子果凍，沙冰係乳酸味（不定期換），幾好飲，果凍有好清香茶味。
比較特別係呢度提供好多台式飲品（火鍋店較少有），大紅袍奶茶（細杯$22）茶味幾出，唔係好甜，味道唔似平時飲開的台式奶茶，可以一試。
好耐冇見，就咁輕鬆傾下食下就兩個鐘（趕10點收檔），下次時間充裕啲再食過。
張貼
