湘囍 (已結業)

自從發現呢間舖之後，就成日都黎呢間度食，每次都會嗌口水雞，因為佢隻麻辣同譚仔有異曲同工之處，就係會令到你食上癮而且佢仲會有免費既飲品，一時有柚子蜜、一時有菜蜜咁，最好既就係佢Ｄ靚湯，又清甜又無乜味精味，所以我真係上哂癮啦～～～不過最近去食既時候，佢既雞肉已經越黎越老，無哂以前既食嫩味，仲要Ｄ肉越黎越少雖然麻辣味仲係好重，但係咪所有飲食店都係開得越耐，煮既野煮求其？不過呢間舖既老闆娘好Nice既，如果你想去到即刻可以食野既話，你可以預先打個電話落去同佢講大約幾時要呢個飯／魚，特別係魚，需要10-15分鐘去蒸，所以預先打落去就可以好快食到～

唔知係唔係老板娘，但每次進店都會見到一位有禮小姐十分有耐性地招待人客。笑容滿面，令人食得自在 👍我幫襯過lunch兩三次， 最buy佢地keep到食物水準, so far無話次次唔同樣唔同味。蒸飯套餐包括湯， 一餸一飯及一杯飲品都只係四十幾蚊， 無加一小費。加5蚊有小食一碟，有多種選擇。我暫時只係試過醋汁木耳，唔錯唷！但係就覺得肉餅碟頭細左啲。整到四方形而且幾薄吓， 口感不佳。喺我所試過兩三款lunch之中我最鍾意係酸菜豬軟骨米線。豬軟骨不太林， 加埋酸菜一齊好開胃。少少辣又唔會肥膩！同埋米線亦唔係林到唔咬都斷咁。我通常都淨點， $39非常抵食。

本來打算食漢堡包但最後臨時決定改去食湘菜店鋪並不大，可能因爲平日關係比較少人同朋友點左個2人餐~COMBINATION：2碗老火湯，一個主菜，一個炒菜，一個小吃，2碗飯，2碗甜品最後我地點左口水雞，豬耳同炒竹筍絲1. 老火湯我唔記得個名，不過入面有豬骨，紅蘿蔔同節瓜，仲有D豆個湯好甜，D肉煲到好淋好好飲！2.口水雞本來擔心份量不足唔夠食但半隻雞其實都幾多配料充足，辣度為中，不過雞可以醃耐D3. 麻辣招風耳其實就係麻辣豬耳服務員有問辣度最後決定加Ｄ要小辣再加Ｄ麻辣落去ＸＤ配有青瓜絲，份量多做小食一流4. 炒荀絲是晚最中意食就係呢道菜荀絲爽口食緊辣野再配番Ｄ清淡少少既菜就ＰＥＲＦＥＣＴ　ＭＡＴＣＨ！5. 海帶綠豆沙我同友人都唔食綠豆沙最後服務員就比多碗湯我XD （太好飲所以想飲多碗）若說特別的菜式其實都有好多不過2個人食就試唔到太多野喇建議同一班朋友過黎食就最好~

來過不下十次^_^量大味正，價錢公道！老闆人好好，每次吃都有30元coupon送！跟在湖南吃的湘菜不相上下。泡椒，剁椒都是正宗的。在香港很多湘菜館其實都不會做辣，辣椒粉充辣，麻椒加麻，但就是不香。這裏便不一樣，又辣又香，層次豐富，讓人欲罷不能！湖南的朋友以及能食辣的朋友一定要來試一試！讚的

難得同老闆去完酒展，飲飽後係時候搵嘢食，先前老闆行過九龍城見有間新開湘菜小館幾吸引，所以就二話不說，試新嘢。 小館裝修簡潔，餐牌選擇算多。可能已經過咗午飯時候，所以顧客唔算多，見午市餐牌都多選擇，價錢唔貴，30-50價位。但我哋都係決定單點，叫咗口水雞同水煮魚。 口水雞係半隻，辣油香，雞乾身冇出水，口感唔錯，重點係醋唔多，酸度洽當，好味。至於水煮魚，用上大魚魚片，辣度唔算大重，但有老曇泡菜嘅酸，老闆非常讚賞，話好有湘農家菜風味。食到一半我記得餐牌有掛麵，就叫咗一份放落水煮魚度，變湯麵。掛麵口感出奇地好，彈牙有口感，非常好，絕配！ 今餐食咗300左右，好飽好味，走嘅時候仲有coupon送，下次食滿300可減30,good!

午飯時間嚟到獅子石道, 原本想去"松記辣蟹"食番個平靚正沙薑雞飯午餐, 但原來已經執咗!!!  一時之間揸唔定主意...踱步龜速向前諗緊去邊間食嘅時候, 有個幾歲大嘅妹妹仔怕怕哋羞細細聲問我: , 跟住遞張傳單俾我, 環保起見, 我話唔駛喇!   反正未決定食咩, 見佢又咁得意就問佢:   點知佢好直接的答: 好, 妳咁cute, 望望門口個牌, 三十八蚊個午餐, 我當然要幫趁吓支持佢啦!入到去, 人客半滿, 間鋪乾淨企理, 印象唔錯, 咁剛才帶我入嚟食嘅妹妹好快又出番去, 另一男侍應俾餐牌我, 問佢有咩推介, 佢話雞飯唔錯, 叫我試紅葱頭撈雞飯, 送雞腳湯話無落師傅的, 我本來去松記就係想食雞飯, 好, 就咁啦!湯到, 飲完下晝無咩師傅反應:  合格!  飯到, 望落碟頭略細 (因為我比一般女士大食得多), 但以38蚊來計, 都算抵食, 雞滑雖然無雞味但算係咁, 紅葱頭唔見樣, 估計係做葱油上, 咁都有幾分香嘅, 叫侍應攞咗碟甜豉油撈埋同吃, 唔...今個午餐都OK呀~    松記BYE咗, 都應該有唔少我呢啲午餐客流咗出嚟, 妹妹妳繼續加油呀! 

最近試過這間特色湘菜館，店雖不大，但座位舒適。想不到有意外的驚喜。菜式真係“色香味” 俱全，看得出師傅很用心做好每個菜。招牌菜是 “湘喜魚頭王” 及“香辣霸王肘”（見雜誌有介紹過）， 今次試過“雙色魚頭王”哂很喜歡“超辣”的我，既不肥膩， 又能做到湘菜的“辣”味度。嘩！“香辣霸王肘”外觀好靚呀! 味度 Good Good Good!!!“干窩田雞”的田雞很滑很好味。“酸辣土豆絲”，酸酸辣辣，很開胃！仲有一個很特別的涼菜“碧綠蟲草花”，外觀好靚，蟲草花mix青菜的味道感覺很清新。 Special !!! (好似話星期六日先有這款菜)

烧椒鵪鶉皮旦好精致，食落又几好味，好难見到嘅鵪鶉皮旦，唔知边度有得卖招牌魚頭王捧出來見到好大盆，介紹話的辣椒係師傅古法秘製嘅，好有醬香味。真係没介紹錯，聞到好香，食落辣辣哋，好開胃，我哋叫咗中辣嘅，唔覮好辣，老公話下次試吓双椒魚頭。哋魚頭湯汁好鲜味，唔想浪費，加咗份面落去索哋汁，好好味