湘囍 (已結業)

唔知係唔係老板娘，但每次進店都會見到一位有禮小姐十分有耐性地招待人客。笑容滿面，令人食得自在 👍我幫襯過lunch兩三次， 最buy佢地keep到食物水準, so far無話次次唔同樣唔同味。蒸飯套餐包括湯， 一餸一飯及一杯飲品都只係四十幾蚊， 無加一小費。加5蚊有小食一碟，有多種選擇。我暫時只係試過醋汁木耳，唔錯唷！但係就覺得肉餅碟頭細左啲。整到四方形而且幾薄吓， 口感不佳。喺我所試過兩三款lunch之中我最鍾意係酸菜豬軟骨米線。豬軟骨不太林， 加埋酸菜一齊好開胃。少少辣又唔會肥膩！同埋米線亦唔係林到唔咬都斷咁。我通常都淨點， $39非常抵食。