湘川滬 (+WOO嘉湖二期)

營業中

休息中

每次同朋友過銀座唔知食咩，首選食呢間幾乎沒有失望過，食過好多菜式，口味都很不錯水煮魚同瑤柱蛋白炒飯都令我地念念不忘辣菜好入味，其他款式亦都好有鑊氣每次黎都會食多啲飯，好易送飯！

呢間餐廳係區內都開左幾耐，但係服務態度真係越黎越差，唔知係因為換左經理定點。叫左兩碗糖水，個侍應直接assume左我地係叫起，無問過，到最後食完都無人黎問係咪上甜品，最後埋單嗰陣要扣翻筆錢，仲比個收銀串：「咁你地無叫起啊嘛！」咁其實叫起呢件事我地無提到咁都自認理虧，但係後黎我地又加左碗白飯，到最後埋單先發現個白飯無比到我地，白飯仲要叫起咩？自己都係餐廳做過，基本對客人既禮儀同落單呢啲公司都有訓練過，但係呢間餐廳由開業到依家感覺到係越做越差，有幾位做得耐既姐姐都係咁好態度，新人就真係要多提點下。至於食物，不過不失，但係叫獅子頭上到黎係散既，希望可以改善翻。

睇清楚佢地所謂55折優惠因為佢中午都有午時套餐 55折優惠反正計一計仲貴過我直接單點午時套餐的菜一模一樣喔， 兩個送先120但套餐158（ 我假日黎會多十蚊）即係豆漿加白飯要$38⋯⋯埋單佢唔會話俾你知有其他選擇架只係自己唔夠睇得仔細 唔怪得人 所以呢度提提大家睇清楚價錢 唔好比佢陰到

瞓醒第一餐梗係揀自己鍾意食嘅菜式啦，之前食過佢嘅晚市，見到午市咁抵食就入嚟食啦😀干鍋爆大腸🌶🌶🌶（$54）有個正方形嘅鍋，熱住啲食物🥰辣味好香，雖然好多辣椒但係都唔太辣😃大腸都好大件，但係新鮮程度就爭少少😔炒鱔糊🐟🐟（$58）味道鮮甜，醬汁同個芽菜好夾但係鱔糊就少咗啲😅但係佢係好食嘅👍🏻鴨腳扎🦆🦆（$24.8）味道就一般般，醃製得唔夠耐，食到有雪藏味😐下次未必會再嗌😕雞絲粉皮（午套餐加$26) 🐓麻醬好香，雞絲都有好多，食落好開胃😜酸辣湯（午市套餐加$10）🍲感覺好似食緊辣嘅碗仔翅…🥲🥲冇咗酸辣湯嗰種味道呢間餐廳都食第二次，水準上面都keep得唔錯但係今次乾淨程度比較參差，啲匙羹洗唔乾淨，仲要有跡添⋯⋯🤦🏻‍♀️🤦🏻‍♀️🤦🏻‍♀️唯有靠自己洗乾淨啦😂😂

同男朋友放假行過，俾佢嘅招牌片皮鴨吸引見佢坐出邊環境都唔錯，就直接Walk in因為得兩個人食，一入座嘅時候問佢有冇片皮鴨佢話有，即刻同我哋落，因為燒要時間驚要等，我問佢哋有冇得半隻買佢哋話冇，唔緊要我預咗食唔晒，反正可以打包返屋企一隻$288 都算係咁啦⋯⋯佢哋話加$60可以兩食，我就冇要到先叫咗個瑤柱蛋白炒飯，因為我唔識沖嘅關係千叮萬囑要全部野都走青落單嘅哥哥都係單嗰度寫咗…..誰不知個飯來到….就係全部都係青😥唯有就叫佢哋換過片皮鴨燒好未切嘅時候，有全隻拎出嚟俾我哋睇，開頭都幾滿意好大隻切出嚟有好多塊，不過太油膩，食幾舊其實都已經好飽…但係問題來了…包片皮鴨嗰塊皮…..我唔知道佢哋係蒸太耐定點，長期黏住啲紙..完全係冇辦法撕到塊完整嘅皮出嚟包片皮鴨…叫咗佢哋換，情況都係冇變..完全係食到冇心機不過，換咗走青嘅瑤柱蛋白炒飯，就值得一讚返吵到粒粒分明，瑤柱嘅鮮味加埋嗰啲蛋白好滑，味道恰到好處，呢個係OK ！絕對值$85仲叫咗一個松鼠桂花魚魚肉好滑..so far so good, $238來講貴左小小個汁都OK，酸酸甜甜幾開胃整體來說只係個炒飯最滿意…

除了酒樓，人多好去處湘川滬，確實中菜多變化，酸辣湯辣度適中👍，白白炒飯大大碟，3歲小朋友搶住食，就知有幾好味🤣，砂鍋雲吞雞（半隻），雞肉好鮮嫩，雲吞有肉汁好大隻，連埋雞湯一齊食超正👍👍！上海小籠包（4隻）必須趁熱食😋，筷子由頂夾起唔會穿底是常識吧！紅油抄手是必叫的食物，醬汁唔太辣啱我口味😁，最後是鍋貼（四隻），最後先上枱，大家其實已經食到差不多，師傅包得非常有份量，隻隻脹卜卜，最喜歡它的脆，又係肉汁多，唔點豉汁要吃的原味！確實超多人幫襯，外賣打包一大堆。建議人多一齊吃，可以叫多幾樣餸，佢嘅酸菜魚都好出色👍

原先睇到平時咁多人排，諗住幾好食。質素麻麻，無想像中咁好。小籠包ok 但其實菜式都好普通 不外如是 希望可以改善一下食物既質素。片皮鴨質素都不錯 可推介 有啲食菜式好油膩

首先侍應態度好差，感覺有少少冇禮貌。只係問片皮鴨可以點樣倆食已經感覺到佢唔耐煩，但係又係佢話可以倆食，都係唔識問下姐😅，想落單我等咗成15分鐘，最重要係訂咗位話無訂，然後再打過去又話有😂不過都好小事所以無理照食。分別叫左三度餸，北京片皮鴨，回鍋肉，炸鱸魚隻鴨上個陣凍哂成碟都係油，不過凍都好隻鴨係幾香嘅，薄餅濕到溶晒，跟本分開唔到，我叫佢地幫我換真係食唔到又黑面，我重要唔該前唔該後，回鍋肉得個咸字，重要食到有張紙係入面😅，條魚個頭啲肉就幾嫩，但個尾梅晒😅，所以真係唔建議食。重有佢卡位勁污糟，地下同張櫈勁油。利申：我中學個陣成日同屋企人黎食，以前我會比好高評價佢，但而家佢質素真係差咗好多，感覺今餐比錢買難受。

天水圍坐得舒服既中餐館比較少，呢個係環境較好既一間，而且食物價格穩定，大時大節都唔會加價或只係得貴價套餐，所以係屋企人飯堂之一。四川擔擔麵（$52）係必點菜色，大大碗，麵質幼而彈牙，川椒味加上花生及肉碎，非常惹味。辣子雞（$78）雞粒份量多，唔使辣椒中搵雞，炸粉厚度適中，微辣。肉末茄子（$65）汁比較濃稠，茄子冧而入味，撈飯一流，但油份比較多。小籠包（$42）包裡面既湯汁好多，而且夠熱，但底部皮太薄，容易穿。臭豆腐（$68）外脆內軟，熱辣辣，細長條容易入口，加甜醬辣醬食，正過街邊果d。上海粗炒（$78）好大碟，加左好多包菜一齊炒，有鑊氣，3、4個人share來食最啱。

味道之類暫且不提，服務態度真係差到匪夷所思。之前去食完，侍應話可以登記做VIP會員，下次晚市有優惠，咁就諗住今次去登記做會員啦。點知今次去到，門口個條友叫我地等等，可能要半個鐘左右，我就同我班朋友一齊等足佢半個鐘。返到去佢竟然同我講:「啊今日個知客無返啊做唔到」我就話:「咁你又叫我地等半個鐘?」佢就開始唔耐煩。到我等佢行開左，去問其他做緊野既侍應，你地經理或者知客係唔係到?侍應就指頭先門口個個就係知客。？？？？？？？？？？？我諗緊其實係咪真係咁唔休做，登記會員又係你地提我地做既，去到問佢登記會員啦，又可以咁樣對D客人。咁其實登記黎都無用啦，容乜易下次又扮個知客唔係到，唔比優惠都得啦，係咪先?唔明點解做知客可以做到趕客咁款。絕對唔會再考慮去依間野食。

一家三口星期六晚去這家食飯，看了餐牌點了星級二人餐$468，餐內有鮑有翅有花膠，連茶水、前菜，另外加杯酸梅湯及汽水，埋單加一$580。上海醉豬手，很入味有酒香，皮是爽脆的。糖醋魚塊，酸酸甜甜，糖醋汁略為較多，味道正常。紅燒花膠鮑魚，花膠質素比較一般，鮑魚似罐頭鮑魚，但鮑汁很濃，用來伴白飯同吃。原燉山瑞裙魚翅，湯有雞、瘦肉、金華火腿同燉，非常濃厚，翅針也頗粗，水準之作。飯後甜品是綠豆沙，為這餐晚飯畫上完美的句號。

金錢肚茄子年糕片香辣干鍋麻辣土雞半隻，份量多，金錢肚口感爽口，食落好入味，茄子食落好Juicy，年糕片口感軟糯，土雞肉質嫩滑，味道多麻少辣，食落好惹味，內有大量辣椒、芫荽、芝麻、洋蔥、薑片、香蔥、木薯幼粉，食落好香口，木薯幼粉容易掛汁，口感煙韌。重慶酸菜煮肥牛，肥肉肉質肥瘦適中、肉嫩多汁，內有大量酸菜、辣椒、香蔥、蒜片、洋蔥、薑片、萵筍、粉絲，酸菜口感爽脆，味道酸甜，萵筍口感鮮嫩，味道清甜，粉絲口感爽滑，湯底味道正宗、酸辣。灌湯小籠包，皮薄餡多，肉汁飽滿，肉味濃郁。嘉士伯啤酒，飲落好清爽。

咸魚雞粒炒飯 炒飯粒粒分明，偏硬身。咸魚嘅咸香味佈滿炒飯。‼️好食指數7/10‼️推介指數8/10四川擔擔麵🍜濃濃嘅芝麻醬湯，夾雜住花椒嘅香味，一夾起麵全沾滿了醬。少少的麻辣味，加上肉碎同蔥香，擔擔麵好惹味😋‼️好食指數9/10 ‼️推介指數9/10 上海生煎包外層有少少脆，咬落去肉汁勁豐富，要小心流出黎！！！餡料充滿肉香。‼️好食指數8/10 ‼️推介指數8/10炸南瓜餅喜出望外之選！外層炸到十分脆口，而內裡好煙韌，南瓜味好香甜！‼️好食指數9/10 ‼️推介指數9/10

之前去咗天水圍打卡📸影完相都已經好夜🌙就喺附近商場搵嘢食🧐最後都係幾個人去咗湘川滬食😬.四寶海參瑤柱羹(例)🍲湯羹比較稠🥄海參、瑤柱都足料👍🏻入口鮮味滿滿🤤.瑤柱蛋白炒飯🍚飯粒炒到粒粒分明🔥帶瑤柱鮮香，蛋白令整個炒飯更有層次🥚.四川擔擔麵🍜先把醬料拌勻🥢醬汁夾雜住芝麻同花椒嘅味道🌶麵條爽口，索咗啲湯汁後好惹味😋.椰汁燉雪燕(位)🥣一條條晶瑩剔透嘅雪燕幼絲🤍口感細滑帶彈性☺️椰汁有助提升味道.炸南瓜餅(4 件)🎃煙韌外皮包住香甜南瓜蓉😙.椰汁紫米露(位)💜紫米煮至軟腍😉配上椰汁非常好味🥥.小菜🥜普通嘅花生同豆瓣醬

前菜麻辣蓮藕木耳，夠辣又夠麻...蓮藕爽脆..食完胃口十足飽你食更多野..如果有得單點咁就好啦..次次食親都唔夠喉..灌湯小籠包$38（必叫）皮薄餡靚又多湯，次次都要輕手輕咗咁夾..如果唔係就走晒寶啦..小籠包裏面嘅湯夠清甜肉質夠嫩三鮮鍋貼$38外表脹卜卜又脆卜卜，肉餡大大粒鮮甜又多汁🤩糖醋排骨$78聞起身有一陣甜香味..外表棕紅有濃汁色澤均勻..食落酸酸甜甜又開胃肉質外脆里嫩疏爽又滑口菠蘿無錫豬軟骨$90醬汁有啲似豬腳薑既味道..不過可惜煮得唔夠耐軟骨太硬咬唔到..干扁四季豆$60四季豆抄得乾爽唔淋身..食落爽口..內有大量肉粹送飯一流🍚瑤柱蛋白炒飯$78飯粒粒粒分明.. 食落每粒米飯都散發瑤柱鮮香，再加大大粒嘅蛋白一齊食口感十足豆沙鍋餅$38即叫即做熱辣辣，色澤金黃外脆內軟，紅豆口感綿綿甜而不膩🤘🏾